SNDP YOGAM CYBER SENA

SNDP YOGAM CYBER SENA Official page of SNDP Yogam Cybersena—the digital wing of SNDP Yogam.

We protect our legacy, counter misinformation, and propagate the singular Darsanam of Sree Narayana Guru through youth mobilization and tech. 🌐One Caste, One Religion, One God

04/06/2026

കണ്ടുമുട്ടലുകളെ വിവാദമാക്കുന്നവർ കേൾക്കുക... സാമൂഹിക സൗഹാർദ്ദത്തെയും ജനാധിപത്യ മര്യാദകളെയും വളച്ചൊടിക്കുന്ന പ്രചാരണങ്ങൾക്കുള്ള മറുപടി ഇതാ..

എസ്.എൻ.ഡി.പി യോഗം കോട്ടയം യൂണിയൻ കൺവീനർ ശ്രീ.സുരേഷ് പരമേശ്വരൻ പ്രതികരിക്കുന്നു..

📿 #ഗുരുവരുൾ" ഉണർവ്, സ്വപ്നം, ഉറക്കം ഇവയാണ് പ്രപഞ്ചാനുഭവങ്ങൾ. വേദാന്ത ശാസ്ത്രത്തിൽ ഇവ ജാഗ്രത്, സ്വപ്ന, സുഷുപ്തികൾ എന്ന് ...
04/06/2026

📿 #ഗുരുവരുൾ

" ഉണർവ്, സ്വപ്നം, ഉറക്കം ഇവയാണ് പ്രപഞ്ചാനുഭവങ്ങൾ. വേദാന്ത ശാസ്ത്രത്തിൽ ഇവ ജാഗ്രത്, സ്വപ്ന, സുഷുപ്തികൾ എന്ന് അറിയപ്പെടുന്നു. "

— ജഗദ്ഗുരു ശ്രീനാരായണ ഗുരുദേവൻ

#ശ്രീനാരായണഗുരുദേവൻ

📿 #ഗുരുവരുൾ" നാമെന്നല്ല നമ്മാല്‍ കാണപ്പെടുന്നതൊക്കെയും ഇങ്ങനെ നിഴലിക്കുന്നതിന് ദൈവം ഇടം കൊടുത്തിരിക്കുന്നു. ഇതു കൂടാതെ ...
03/06/2026

📿 #ഗുരുവരുൾ

" നാമെന്നല്ല നമ്മാല്‍ കാണപ്പെടുന്നതൊക്കെയും ഇങ്ങനെ നിഴലിക്കുന്നതിന് ദൈവം ഇടം കൊടുത്തിരിക്കുന്നു. ഇതു കൂടാതെ ഇതിനെയൊക്കെയും ദൈവംതന്നെ കാണുകയും ചെയ്യുന്നു. അപ്പോള്‍ ദൈവം ഒരു ദിവ്യമായ കണ്ണാടിയും കണ്ണുമായിരിക്കുന്നു. "

— ജഗദ്ഗുരു ശ്രീനാരായണ ഗുരുദേവൻ

#ശ്രീനാരായണഗുരുദേവൻ

📿 #ഗുരുവരുൾ" ഒടുങ്ങാത്ത ആവശ്യങ്ങൾ മനുഷ്യർക്കല്ലാതെ മറ്റൊരു മൃഗത്തിനുമില്ല. അവൻ ഭൂമുഖത്തെല്ലാം സംഹാരതാണ്ഡവം ചെയ്തു നടക്ക...
02/06/2026

📿 #ഗുരുവരുൾ

" ഒടുങ്ങാത്ത ആവശ്യങ്ങൾ മനുഷ്യർക്കല്ലാതെ മറ്റൊരു മൃഗത്തിനുമില്ല. അവൻ ഭൂമുഖത്തെല്ലാം സംഹാരതാണ്ഡവം ചെയ്തു നടക്കുന്നു. പോകുന്നിടത്തെല്ലാം ശൂന്യതയുടെ കരിനിഴൽ പരത്തുന്നു. മരങ്ങളെല്ലാം വെട്ടി നശിപ്പിക്കുന്നു. പച്ച നിറഞ്ഞ പ്രകൃതിയെ വികൃതമാക്കി ശൂന്യതയിലാഴ്ത്തുന്നു."

— ജഗദ്ഗുരു ശ്രീനാരായണ ഗുരുദേവൻ

#ശ്രീനാരായണഗുരുദേവൻ

📿 #ഗുരുവരുൾ" അന്ധവിശ്വാസങ്ങളേയും പ്രാണിഹിംസ മുതലായ അനാചാരങ്ങളോടുകൂടി അനുഷ്ഠിക്കപ്പെടുന്ന ദുര്‍ദ്ദേവതാരാധനകളേയും നിരാകരി...
01/06/2026

📿 #ഗുരുവരുൾ

" അന്ധവിശ്വാസങ്ങളേയും പ്രാണിഹിംസ മുതലായ അനാചാരങ്ങളോടുകൂടി അനുഷ്ഠിക്കപ്പെടുന്ന ദുര്‍ദ്ദേവതാരാധനകളേയും നിരാകരിക്കുക."

— ജഗദ്ഗുരു ശ്രീനാരായണ ഗുരുദേവൻ

#ശ്രീനാരായണഗുരുദേവൻ

SNDP യോഗം ചേർത്തല മേഖലാ വനിതാ സംഘത്തിൻ്റെ ആഭിമുഖ്യത്തിൽ, വിജ്ഞാൻ - 2026 എന്ന പേരിൽ കരിയർ ഗൈഡൻസ് ക്ലാസ്സ് സംഘടിപ്പിച്ചു. ...
01/06/2026

SNDP യോഗം ചേർത്തല മേഖലാ വനിതാ സംഘത്തിൻ്റെ ആഭിമുഖ്യത്തിൽ, വിജ്ഞാൻ - 2026 എന്ന പേരിൽ കരിയർ ഗൈഡൻസ് ക്ലാസ്സ് സംഘടിപ്പിച്ചു.

SSLC, പ്ലസ് ടു തലങ്ങളിൽ ഉന്നത വിജയം കരസ്ഥമാക്കിയ വിദ്യാർത്ഥികളെ ആദരിച്ചു. പ്രശസ്ത കരിയർ ഗൈഡൻസ് വിദഗ്ധൻ വിമൽ വിജയ് ക്ലാസ്സ് നയിച്ചു.

ചേർത്തല SNDP യൂണിയൻ ഹാളിൽ നടന്ന ചടങ്ങ് ചേർത്തല മേഖലാ ചെയർമാൻ കെ.പി നടരാജൻ ഉത്‌ഘാടനം ചെയ്തു. വനിതാ സംഘം പ്രസിഡൻ്റ് ബിൻസി സനിൽ അദ്ധ്യക്ഷത വഹിച്ചു.

വനിതാ സംഘം സെക്രട്ടറി സുനിതാ സേതുനാഥ് സ്വാഗതവും, വൈസ് പ്രസിഡൻ്റ് ബേബി ഷാജി കൃതജ്ഞതയും ആശംസിച്ചു. കുട്ടികളുടേയും രക്ഷിതാക്കളുടേയും പങ്കാളിത്തം കൊണ്ട് ശ്രദ്ധേയമായ ചടങ്ങിൽ ചേർത്തല മേഖലാ കൺവീനർ P D ഗഗാറിൻ , വൈസ് ചെയർമാൻ P G രവീന്ദ്രൻ , സൈബർ സേന നേതാക്കളായ അജി ഇടപ്പുങ്കൽ , രതീഷ് കോലോത്തു വെളി, അനീഷ്, വനിതാ സംഘം ട്രഷറർ അമ്പിളി അപ്പുജി, കേന്ദ്ര സമിതി അംഗങ്ങളായ ശോഭിനി രവീന്ദ്രൻ, രജനി മുരളീധരൻ , വനിതാ സംഘം മേഖലാ കമ്മറ്റി അംഗങ്ങളായ ഷീനാ ബൈജു, ഉഷാ പ്രസാദ്, ആശ പി . ഡി , മോളി കമലാസനൻ, മിനി മനോഹരൻ എന്നിവർ സന്നിഹിതരായിരുന്നു.

31/05/2026

എസ് എൻ ഡി പി യോഗം വൈസ് പ്രസിഡൻ്റ് ശ്രീ.തുഷാർ വെള്ളാപ്പള്ളി സംസ്ഥാന മുഖ്യമന്ത്രി ശ്രീ.വി.ഡി. സതീശനെ അദ്ദേഹത്തിന്റെ ജന്മദിനത്തിൽ സന്ദർശിച്ച് ആശംസകൾ നേർന്നു.

രാഷ്ട്രീയത്തിനപ്പുറം വ്യക്തിബന്ധങ്ങൾക്കും പരസ്പര ബഹുമാനത്തിനും വലിയ പ്രാധാന്യമുണ്ട് എന്നും ആശയ വ്യത്യാസങ്ങൾ പലതുണ്ടെങ്കിലും മനുഷ്യബന്ധങ്ങളുടെ ഊഷ്മളത എന്നും നിലനിൽക്കട്ടെ എന്ന സന്ദേശം പങ്കുവയ്ക്കുന്ന സ്നേഹസംഗമമായിരുന്നു ഇത്, ആരോഗ്യവും സന്തോഷവും വിജയവും നിറഞ്ഞ ഒരു ജൻമദിനം അദ്ദേഹത്തിന് ആശംസിക്കുന്നു എന്നും സന്ദർശന ശേഷം തുഷാർ മാധ്യമങ്ങളോട് പ്രതികരിച്ചു.

എസ് എൻ ഡി പി യോഗത്തിൻ്റെ വിവിധ യൂണിയൻ ഭാരവാഹികളായ അഡ്വ.സിനിൽ മുണ്ടപ്പള്ളിൽ, ശ്രീ.പച്ചയിൽ സന്ദീപ്, ശ്രീ.നെടുമങ്ങാട് രാജേഷ്, ശ്രീ.ഷൈജു മനക്കപ്പടി എന്നിവർ അദ്ദേഹത്തിനൊപ്പം ഉണ്ടായിരുന്നു.

📿 #ഗുരുവരുൾ" പരദൂഷണം പറഞ്ഞും ഇല്ലാത്തതു കെട്ടിച്ചമച്ച് പുകഴ്‌ത്തിയുമാണ് ആളുകൾ മറ്റുള്ളവരെ സന്തോഷിപ്പിക്കുന്നത്. ഇതുകൊണ...
31/05/2026

📿 #ഗുരുവരുൾ

" പരദൂഷണം പറഞ്ഞും ഇല്ലാത്തതു കെട്ടിച്ചമച്ച് പുകഴ്‌ത്തിയുമാണ് ആളുകൾ മറ്റുള്ളവരെ സന്തോഷിപ്പിക്കുന്നത്. ഇതുകൊണ്ടൊക്കെ ദുഃഖമേയുള്ളൂ. "

— ജഗദ്ഗുരു ശ്രീനാരായണ ഗുരുദേവൻ

#ശ്രീനാരായണഗുരുദേവൻ

ശാരദോത്സവം സ്പീക്കർ തിരുവഞ്ചൂർ രാധാകൃഷ്ണൻ ഉദ്ഘാടനം ചെയ്തു.കോട്ടയം: പുതിയ അധ്യയനവർഷത്തിലേക്ക് പ്രവേശിക്കുന്ന കുട്ടികൾക്കാ...
30/05/2026

ശാരദോത്സവം സ്പീക്കർ തിരുവഞ്ചൂർ രാധാകൃഷ്ണൻ ഉദ്ഘാടനം ചെയ്തു.

കോട്ടയം: പുതിയ അധ്യയനവർഷത്തിലേക്ക് പ്രവേശിക്കുന്ന കുട്ടികൾക്കായി എസ്.എൻ.ഡി.പി യോഗം കോട്ടയം യൂണിയന്റെ നേതൃത്വത്തിൽ 'ശാരദോത്സവം' സംഘടിപ്പിച്ചു.

ശാരദാപൂജ, മാതൃപൂജ, തൂലികാപൂജ എന്നിവ ഉൾക്കൊള്ളിച്ചുകൊണ്ടുള്ള ചടങ്ങുകൾ ഇന്ന് രാവിലെ 9 മണി മുതൽ കോട്ടയം നാഗമ്പടം ശ്രീമഹാദേവക്ഷേത്ര സന്നിധാനത്തിൽ വെച്ച് നടന്നു.

രാവിലെ 10 -ന് നടന്ന ചടങ്ങിൽ ബഹു. കേരള നിയമസഭാ സ്പീക്കർ ശ്രീ. തിരുവഞ്ചൂർ രാധാകൃഷ്ണൻ ഭദ്രദീപപ്രോജ്വലനം നടത്തി പരിപാടി ഉദ്ഘാടനം ചെയ്തു. തുടർന്ന് നടന്ന മഹാഗുരുപൂജ, ശ്രീശാരദാമന്ത്രാർച്ചന, തൂലികാപൂജ എന്നിവയ്ക്ക് ബ്രഹ്മശ്രീ. എം.എൻ. ഗോപാലൻ തന്ത്രികൾ മുഖ്യകാർമ്മികത്വം വഹിച്ചു. ജിതിൻ ഗോപാൽ തന്ത്രികൾ, ക്ഷേത്രം മേൽശാന്തി രജീഷ് ശാന്തികൾ എന്നിവർ സഹകാർമ്മികത്വം വഹിച്ചു.

ഉച്ചയ്ക്ക് 12 മണിക്ക് യൂണിയൻ കൺവീനർ ശ്രീ. സുരേഷ് പരമേശ്വരന്റെ നേതൃത്വത്തിൽ മാതൃപൂജയും പഠനക്ലാസ്സും നടന്നു. തുടർന്ന് പൂജാപ്രസാദ വിതരണവും, ചടങ്ങിൽ പങ്കെടുത്ത എല്ലാ കുട്ടികൾക്കുമായി പൂജിച്ച നോട്ടുബുക്കും പേനയും വിതരണം ചെയ്തു. തുടർന്ന് ഉച്ചഭക്ഷണവും ഉണ്ടായിരിന്നു.
കോട്ടയം ടൗൺ ബി ശാഖാ പ്രസിഡന്റ് എസ്. ദേവരാജൻ പ്രോഗ്രാം കോർഡിനേറ്റർ ആയി പ്രവർത്തിക്കുന്ന ചടങ്ങിന് വനിതാസംഘം, യൂത്ത്മൂവ്മെന്റ്, സൈബർസേന, മേഖല ഭാരവാഹികൾ, എംപ്ലോയിസ് ഫോറം, പെൻഷനേഴ്‌സ് കൗൺസിൽ, ശ്രീനാരായണ ധർമ്മ പഠന കേന്ദ്രം, തുടങ്ങിയ പോഷകസംഘടനകൾ നേതൃത്വം നൽകി.
വിവിധ ശാഖകളിൽ നിന്നും വിദ്യാർത്ഥികളും, രക്ഷിതാക്കളും, ശാഖയുടെയും, പോഷക സംഘടനകളുടെയും ഭാരവാഹികളും പങ്കെടുത്തു.

സ്ത്രീ ശാക്തീകരണം 2026 അരൂരിൽ തുടക്കമായി. എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശന്റെ ആഹ്വാനം അനുസരിച്ച് ഓരോ യ...
30/05/2026

സ്ത്രീ ശാക്തീകരണം 2026 അരൂരിൽ തുടക്കമായി.

എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശന്റെ ആഹ്വാനം അനുസരിച്ച് ഓരോ യൂണിയനിലും വനിത ശക്തികരണ സെൽ രൂപീകരിക്കുകയും അതിലൂടെ പുതിയ സംരംഭങ്ങൾക്ക് തുടക്കം കുറിക്കാനും അരൂർ മേഖലാ കമ്മിറ്റി ആവിഷ്കരിച്ച സ്ത്രീശക്തികരണം 2026 അരൂരിൽ തുടക്കമായി. ഒരു വർഷത്തെ കർമ്മ പദ്ധതികൾക്ക് രൂപം നൽകി. വനിതാ സംഘം മേഖല കമ്മിറ്റിക്ക് ഫണ്ട് സമാഗരിക്കുന്നതിനുവേണ്ടി ഒട്ടനവധി കർമ്മ പദ്ധതികൾക്ക് യോഗം രൂപീകരണം നൽകി. റീ പാക്കിംഗ് യൂണിറ്റുകൾ ഭവന നിർമ്മിത ഉൽപ്പന്നങ്ങളായ അച്ചാർ മുളകുപൊടി അരിപ്പൊടികൾ ഗോതമ്പുപൊടി അതുപോലെതന്നെ നാടൻ പലഹാരങ്ങൾ കാറ്ററിംഗ് സർവീസുകൾ നാടിന് ആവശ്യമുള്ള വിവിധതരം ലേബർ വർക്കുകൾ നോട്ടുബുക്ക് നിർമ്മാണം അങ്ങനെ 50 ലക്ഷം രൂപയുടെ ടേൺ ഓവർ പ്രതീക്ഷിച്ചുകൊണ്ടുള്ള വിവിധ പദ്ധതികളാണ് രൂപീകരിച്ചിട്ടുള്ളത്. തനതായി സംരംഭം ആരംഭിക്കുമ്പോൾ അതിലെ ഉൽപ്പന്നങ്ങൾ വനിത സെല്ലിലൂടെ വിറ്റഴിക്കുവാനും ധാരണയായി. അരൂർ മേഖലയിലെ പന്ത്രണ്ടായിരം വീടുകളിൽ വനിതാ സെല്ലുകൾ ഉത്പാദിപ്പിക്കുന്നതും വിതരണം ചെയ്യുന്നതുമായ ഗുണമേന്മയുള്ള അവശ്യവസ്തുക്കൾ ഉപയോഗിക്കുന്നത് വഴി മായം കലരാത്ത ശുദ്ധമായ അവശ്യവസ്തുക്കൾ മിതമായ നിരക്കിൽ നൽകുവാൻ സാധിക്കും എന്ന യോഗം ഉദ്ഘാടനം ചെയ്തുകൊണ്ട് മേഖലാ കൺവീനർ ടി അനിയപ്പൻ പറഞ്ഞു. മേഖല ചെയർമാൻ വി പി ത്രിദീപ് കുമാർ അധ്യക്ഷത വഹിച്ചു. വ്യവസായം കൊണ്ട് അഭിവൃദ്ധി നേടണം സംഘടന കൊണ്ട് ശക്തരാകണം എന്ന ഗുരു വാക്യങ്ങൾ നാം ഉൾക്കൊള്ളേണ്ട സമയമാണിതെന്ന് അധ്യക്ഷൻ ഓർമിപ്പിച്ചു. വനിതാ സംഘം പ്രസിഡൻറ് ഗംഗാ ഹർഷൻ സ്വാഗതം ആശംസിച്ചു. മേഖല വൈസ് ചെയർമാൻ വിഎ സിദ്ധാർത്ഥൻ ആശംസകൾ നേരുന്നു. മേഖല കമ്മിറ്റി അംഗം ടി സത്യൻ കൃതജ്ഞത പറഞ്ഞു.

Address

SNDP YOGAM CYBERSENA OFFICE
Kollam

Telephone

+917592099000

Website

Alerts

Be the first to know and let us send you an email when SNDP YOGAM CYBER SENA posts news and promotions. Your email address will not be used for any other purpose, and you can unsubscribe at any time.

Shortcuts

Share