Kudumbashree Kottayam

30/05/2026

🗞 കുടുംബശ്രീ വാർത്താപത്രിക വായിക്കാം...സന്ദർശിക്കൂ..
👇
https://bit.ly/Kshree-NL-22-05-2026
Or
www.kudumbashree.org/publications

#കുടുംബശ്രീ

30/05/2026

23/05/2026

🗞 കുടുംബശ്രീ വാർത്താപത്രിക വായിക്കാം...സന്ദർശിക്കൂ..
👇
https://bit.ly/Kshree-NL-15-05-2026
Or
www.kudumbashree.org/publications

#കുടുംബശ്രീ

23/05/2026

🔆കുടുംബശ്രീ അംഗങ്ങള്‍ക്ക് ഇനി സെന്‍ട്രല്‍ ബാങ്ക് ഓഫ് ഇന്ത്യ വഴിയും വ്യക്തിഗത സംരംഭ വായ്പ✨
കുടുംബശ്രീ അയല്‍ക്കൂട്ടാംഗങ്ങള്‍ക്ക് വ്യക്തിഗത സംരംഭ വായ്പാ സേവനങ്ങള്‍ എത്തിക്കുന്നതിനായി കുടുംബശ്രീയും സെന്‍ട്രല്‍ ബാങ്ക് ഓഫ് ഇന്ത്യയും ധാരണയിലെത്തി. കുടുംബശ്രീ സംസ്ഥാന മിഷന്‍ ഓഫീസില്‍ നടന്ന ചടങ്ങില്‍ കുടുംബശ്രീ എക്‌സിക്യൂട്ടീവ് ഡയറക്ടര്‍ എച്ച്. ദിനേശന്‍ ഐ.എ.എസും സെന്‍ട്രല്‍ ബാങ്ക് ഓഫ് ഇന്ത്യ റീജിയണല്‍ ഓഫീസ് മേധാവി അഭിജീത് കുമാര്‍ ഝായും ധാരണാപത്രത്തില്‍ ഒപ്പിട്ടു.

ഈ ധാരണപ്രകാരം സംരംഭ പ്രവര്‍ത്തനങ്ങളില്‍ ഏര്‍പ്പെട്ടിട്ടുള്ള കുടുംബശ്രീ അയല്‍ക്കൂട്ട അംഗങ്ങള്‍ക്ക് അവരുടെ സംരംഭങ്ങള്‍ വിപുലീകരിക്കാനുള്ള വായ്പകള്‍ 'സെന്റ് നാരീ ശക്തി ' എന്ന പേരിൽ സെന്‍ട്രല്‍ ബാങ്ക് ഓഫ് ഇന്ത്യ മുഖേന ലഭ്യമാക്കും. ചടങ്ങില്‍ കുടുംബശ്രീ പ്രോഗ്രാം ഓഫീസര്‍ നവീന്‍. സി, സെന്‍ട്രല്‍ ബാങ്ക് ഓഫ് ഇന്ത്യ ചെന്നൈ സോണല്‍ ഓഫീസ് മേധാവി കെ. ധാരാസിങ് നായിക്, സെന്‍ട്രല്‍ ബാങ്ക് ഓഫ് ഇന്ത്യ ചീഫ് മാനേജര്‍ എ. ശ്രീക്കുട്ടന്‍ എന്നിവര്‍ പങ്കെടുത്തു.

#കുടുംബശ്രീ

15/05/2026

🍉വേനല്‍ക്കാലത്ത് ഗുണമേന്മയുള്ള തണ്ണിമത്തന്‍ പൊതുജനങ്ങള്‍ക്ക് ലഭ്യമാക്കുന്നതിനായി കുടുംബശ്രീ നടത്തിയ 'വേനല്‍മധുരം' തണ്ണിമത്തന്‍ കൃഷി ക്യാമ്പയിന്‍ സൂപ്പര്‍ ഹിറ്റ്. ഈ വേനല്‍ക്കാലത്ത് ഇതുവരെ 6,78,21,791 രൂപയുടെ വിറ്റുവരവാണ് ഡിസംബറില്‍ ആരംഭിച്ച ഈ ക്യാമ്പയിന്റെ ഭാഗമായി ഉത്പാദിപ്പിച്ച 44.45 ലക്ഷം കിലോഗ്രാം തണ്ണിമത്തനിലൂടെ അയല്‍ക്കൂട്ടാംഗങ്ങള്‍ സ്വന്തമാക്കിയത്. 1471 കൂട്ടുത്തരവാദിത്ത കൃഷി സംഘങ്ങള്‍ അഥവാ ജെ.എല്‍.ജികളില്‍ അംഗമായ 6711 അയല്‍ക്കൂട്ടാംഗങ്ങളാണ് തണ്ണിമത്തന്‍ കൃഷി ചെയ്തത്. കുടുംബശ്രീ വിപണന കേന്ദ്രങ്ങള്‍, മേളകള്‍, ചന്തകള്‍ എന്നിവ വഴിയാണ് തണ്ണിമത്തന്റെ വില്‍പ്പന നടത്തിയത്.

144 ബ്ലോക്കുകളിലെ 603 സി.ഡി.എസുകളിലായി 817.78 ഏക്കറില്‍ വേനല്‍മധുരത്തിന്റെ ഭാഗമായി തണ്ണിമത്തന്‍ കൃഷി ചെയ്തിട്ടുണ്ട്. പ്രാദേശികമായി തണ്ണിമത്തന്‍ കൃഷി പ്രോത്സാഹിപ്പിക്കുക, പൊതുജനങ്ങളിലേക്ക് വിഷരഹിത തണ്ണിമത്തന്‍ എത്തിക്കുകയും അതിലൂടെ ജെ.എല്‍.ജി അംഗങ്ങളായ അയല്‍ക്കൂട്ടാംഗങ്ങളുടെ വരുമാനം വര്‍ദ്ധിപ്പിക്കുക, അയല്‍ക്കൂട്ടാംഗങ്ങളെ കാര്‍ഷിക മേഖലയിലേക്ക് എത്തിക്കുകയും ചെയ്യുക എന്നതാണ് വേനല്‍മധുരം ക്യാമ്പയിന്റെ ലക്ഷ്യം.

കിരണ്‍, മഹാരാജ, അപൂര്‍വ, ഷുഗര്‍ ബേബി, പക്കീസ, ഷുഗര്‍ ക്വീന്‍, ജൂബിലി കിങ്, യെല്ലോ മഞ്ച്, ഓറഞ്ച് ഡിലൈറ്റ് തുടങ്ങിയ ഇനം തണ്ണിമത്തനുകളാണ് കൃഷി ചെയ്തത്. കുറഞ്ഞത് ഒരേക്കറില്‍ കൃഷി ചെയ്യുന്ന കൃഷി സംഘങ്ങള്‍ക്ക് നിലമൊരുക്കുന്നതിനും കൃഷിക്കുമായി 25,000 രൂപ വരെ റിവോള്‍വിങ് ഫണ്ടും സി.ഡി.എസ് മുഖേന ലഭ്യമാക്കിയിരുന്നു.

#കുടുംബശ്രീ

30/04/2026

ബംഗളൂരുവില്‍ കനത്ത മഴയെത്തുടര്‍ന്ന് ആശുപത്രിയുടെ മതില്‍ തകര്‍ന്ന് വീണുണ്ടായ അപകടത്തിൽ കുടുംബശ്രീ അംഗങ്ങളായ എറണാകുളം രാമമംഗലം കിഴുമുറി തെക്കേ ഇറമ്പില്‍ സ്മിത (അക്ഷര അയല്‍ക്കൂട്ടം), ആശുപത്രിപ്പടി മനയ്ക്കുടിയില്‍ ലത (അക്ഷയ അയല്‍ക്കൂട്ടം) എന്നിവർ മരണമടഞ്ഞു. കുടുംബശ്രീ ന്യൂട്രിമിക്സ് സംരംഭകരായ ഇരുവരും എറണാകുളത്ത് നിന്ന് ബംഗളൂരുവിലേക്ക് പഠനസന്ദര്‍ശനത്തിനായി പോയ 56 അംഗ സംഘത്തിലെ അംഗങ്ങളായിരുന്നു. ഇവരുടെ സംഘത്തിലുണ്ടായിരുന്ന മായാ മണികണ്ഠന്‍, പ്രീതി, സിജി എന്നിവര്‍ക്ക് അപകടത്തില്‍ പരിക്കേല്‍ക്കുകയും ചെയ്തു. കുടുംബശ്രീ അമൃതം ന്യൂട്രിമിക്‌സ് യൂണിറ്റ് സംരംഭകര്‍ക്ക് വേണ്ടി ജില്ലാ മിഷന്റെ നേതൃത്വത്തില്‍ സംഘടിപ്പിച്ച പഠനസന്ദര്‍ശനത്തിന്റെ ഭാഗമായി ഇന്നലെയാണ് ഈ സംഘം ബംഗളൂരുവിലേക്ക് വിമാനമാര്‍ഗ്ഗം യാത്ര പോയത്.