05/08/2026
সামাজিক মাধ্যমৰ জৰিয়তে পোৱা মাজুলীৰ সচেতন জনমহলৰ এটা অভিযোগৰ ওপৰত ভিত্তি কৰি কালি ফুলনি আৰক্ষীয়ে অভিযুক্ত বাইক আৰোহীজনক তেওঁৰ অভিভাৱকৰ সৈতে থানালৈ মতাই আনে। যান- বাহন আইন উলংঘা কৰি নিৰ্ধাৰিত বয়সত উপনীত নোহোৱাকৈ ড্ৰাইভিং লাইচেঞ্চ অবিহনে ৰাস্তাত বিপদজনকভাৱে বাইক চলোৱাৰ অভিযোগত তেওঁৰ ওপৰত যাৱতীয় ব্যৱস্থা লোৱাৰ উপৰিও সংশ্লিষ্ট অভিভাৱকৰ লগতে যুৱকজনৰপৰা ভৱিষ্যতে এই ধৰণৰ কাৰ্যত লিপ্ত নোহোৱাৰ লিখিত প্ৰতিশ্ৰুতি লোৱা হয়।
জনপথ কেৱল বাইক চালকৰ বাবেই নহয়, ই পথচাৰীৰ বাবেও। যান - বাহন আইন উলংঘা কৰি তীব্ৰবেগেৰে আনৰ জীৱনলৈ ভাবুকি আনিব পৰাকৈ বিপদজনকভাৱে বাইক অথবা গাড়ী চলোৱাটো আইনমতে দণ্ডনীয়। এইক্ষেত্ৰত মাজুলী আৰক্ষীয়ে জনসাধাৰণৰ সুৰক্ষাৰ বাবে কঠোৰ পদক্ষেপ গ্ৰহণ কৰি যাব।
জনহিত - জনসেৱাৰ্থে।
CMO Assam
Assam Police
DGPAssamPolice
