21/07/2026
महिलांच्या ३३% आरक्षणासाठी राज्यभर जमसंचे जोरदार आंदोलन
२१ जुलै २०२६ रोजी महाराष्ट्रातील नांदेड, वर्धा आणि मुंबई या सर्व जिल्ह्यांत महिलांना निवडणुकांमध्ये ३३ टक्के आरक्षण त्वरित लागू करण्याच्या मागणीसाठी मोठ्या प्रमाणावर निदर्शने करण्यात आली. या आंदोलनांमध्ये विविध स्तरातील महिला, मोठ्या संख्येने सहभागी झाल्या. सर्व ठिकाणी आंदोलकांनी शांततेने मोर्चे काढले, निदर्शने केली आणि निवडणूक आयोग तसेच केंद्र सरकारला निवेदने देऊन ही मागणी तातडीने मान्य करण्याची विनंती केली.
मुंबई जमसंच्या 50-60 कार्यकर्त्यांनी निदर्शने सुरू केली न केली तोच अक्षरशः 3-4 मिनिटांत पोलिसांनी प्रमुख कार्यकर्त्या सुगंधी फ्रान्सिस, संगीता सोनवणे, रेखा देशपांडे, अंजू दिवे, उषा देसाई, विद्या सुरडकर, कुसूम सुरडकर पूजा यादव, मंदा सुरवाडे, मंगल शिंदे, मुक्ता कांबळे अशा एकूण 12 कार्यकर्त्यांना ताब्यात घेऊन माटुंगा पोलिस ठाण्यात नेऊन दोन तास स्थानबद्ध केले.
