08/08/2026
কলিয়াবৰৰ চামগুৰি ৰাজহ চক্ৰৰ অন্তৰ্গত কুহুমতলি গাওঁ পঞ্চায়তৰ গটঙা, চকীটুপ, খলিহামাৰী আদি বহু অঞ্চল বৰ্তমান দিজু আৰু কলং নদীৰ বাঢ়নী পানীয়ে প্লাৱিত কৰিছে। আজি পুৱাই এই বানপ্লাৱিত অঞ্চলসমূহত উপস্থিত হৈ বানদুৰ্গত ৰাইজৰ খবৰ লওঁ। বানত ক্ষতিগ্ৰস্ত লোকসকলৰ সমস্যাসমূহ ওচৰৰ পৰা প্ৰত্যক্ষ কৰিছো আৰু ইতিমধ্যে প্ৰশাসনৰ তৰফৰ পৰা এই অঞ্চলসমূহত জৰুৰী সাহায্য সামগ্ৰী প্ৰদান কৰাৰ ব্যৱস্থা কৰিছোঁ। ইয়াৰ উপৰি, বানৰ কবলত পৰা পশুধনৰ সুৰক্ষাৰ বাবে আজিৰ পৰাই পশুখাদ্য যোগান ধৰাৰো ব্যৱস্থা কৰা হৈছে।
এই সময়ছোৱাত চামগুৰি ৰাজহ চক্ৰ বিষয়া শ্ৰী ৰাজেশ সিং,শ্ৰী ৰাণাদ্বীপ চুতীয়া(সংলগ্ন) আৰু কলিয়াবৰ ৰাজহ চক্ৰ বিষয়া মনীষ ভৰালী উপস্থিত থাকে।
