22/07/2026
*बुधवारी २२ जुलै ला वारकरी अभंग भजन स्पर्धेचे आयोजन*
*महाराष्ट्राचे मुख्यमंत्री देवेंद्र फडणवीस यांच्या वाढदिवसानिमित्य मध्य नागपूरात १५६ भजनी मंडळ करणार विठ्ठल भक्तीचा जागर*
—-संकल्पना—-
*श्री प्रवीणजी दटके , आमदार- मध्य नागपूर*
——————————
आमदार सांस्कृतिक महोत्सव समिती मध्य नागपूर द्वारे आमदार प्रवीणजी दटके यांच्या संकल्पनेतून *महाराष्ट्राचे यशस्वी मुख्यमंत्री मा. देवेंद्रजी फडणवीस यांचे वाढदिवसाच्या निमित्ताने आणि आषाढ पर्वनिमित्ताने मध्य नागपूरात १५६ वारकरी भजन मंडळ विठ्ठल भक्तीचा जागर* करणार आहेत. वारकरी अभंग भजन स्पर्धेच्याप्राथमिक फेरीच *आयोजन बुधवार २२ जुलै रोजी शिक्षक सहकारी बँक सभागृह, गांधीसागर महाल येथे तर गुरुवार २३ जुलै रोजी ब्राह्मणी माता मंदिर, नाईक तलाव येथे सकाळी ९ ते ५ वेळेत संपन्न होईल. भजन *स्पर्धेचे उद्घाटन खासदार सांस्कृतिक महोत्सव समितीचे अध्यक्ष व माजी आमदार श्री अनिलजी सोले यांचे हस्ते होणार असून प्रमुख अतिथी म्हणून नागपूरच्या महापौर नीताताई ठाकरे, भाजप शहर अध्यक्ष श्री दयाशंकर तिवारी, मध्य नागपूरचे आमदार प्रवीण दटके, माजी आमदार विकासजी कुंभारे, माजी आमदार नागो गाणार, भाजप महिला आघाडी अध्यक्ष सौ दिव्याताई धुरडे, माजी महापौर सौ अर्चनाताई डेहनकर, महामंत्री श्रीकांत आगलावे , श्री अनिल मानापुरे, श्याम चांदेकर, श्री संजय बालपांडे, मध्य नागपूरचे सर्व नगरसेवक व पदाधिकारी पदाधिकारी* उपस्थित राहतील.
या स्पर्धेत जवळपास मध्य नागपुरातील १५६ भजनी मंडळांनी सहभाग घेतला असून त्यामधील *निवडीत २१ उत्तम विजेत्यां भजनी मंडळांची महाअंतिम फेरी सोमवार दि २७ जुलै रोजी शिक्षक सहकारी बँक सभागृह महाल येथे सकाळी ११ ते ४ पर्यंत आयोजित असून संध्या ४.३० वाजता बक्षीस वितरण सोहळा मान्यवर अतिथींच्या उपस्थितीत संपन्न* होईल. या सामूहिक अभंग गायन स्पर्धेत भजनी मंडळांना तुकाराम महाराजांचा एक अभंग आणि १ विठ्ठलाचे भक्तीगीत, गवळण किवा भारूड अशी २ गीत ८ मिनिटांच्या आत सादर करायची आहेत. या *स्पर्धेची संकल्पना आमदार प्रवीण दटके यांची आहे.* विठ्ठलभक्तांनी आषाढी निमित्त होणाऱ्या विठ्ठल भक्तीच्या जागरात उपस्थित राहून भजनी मंडळांचा उत्साह वाढवावा असे आवाहन आमदार सांस्कृतिक महोत्सव समिती मध्य नागपूर द्वारे करण्यात आले आहे.
🙏🙏विनीत🙏🙏
आमदार सांस्कृतिक महोत्सव समिती- मध्य नागपूर
