24/11/2024
नांदेड (उत्तर) मतदारसंघातील सर्व मतदार, कार्यकर्ते आणि स्नेहीजन,
मागील अनेक दिवसांपासून आपण माझ्यासारख्या सर्वसामान्य स्त्रीला विधानसभेत पाठवण्यासाठी अहोरात्र मेहनत करत आहात. प्रत्यक्ष लोकांसोबत काम करत असताना आपल्याला विजयाची खात्री होती. परंतु, या विधानसभेतील अनपेक्षित निकालांमुळे मतदारसंघात निराशेची भावना आहे, तसेच सामान्य जनतेचा लोकशाहीवरील विश्वास डळमळीत झाला आहे.
आज, माझ्या मतदारसंघातीलच नव्हे, तर संपूर्ण महाराष्ट्रातील प्रत्येक नागरिक स्वतःला हतबल समजत आहे. अशा परिस्थितीत, मी आपल्याला सांगू इच्छिते की, लोकशाहीचे रक्षण करणे ही आपली सर्वांचीच जबाबदारी आहे आणि आपण ती समर्थपणे पार पाडू शकतो.
माझ्या विजयासाठी मेहनत करणाऱ्या प्रत्येक कार्यकर्त्याचे, मतदाराचे आणि सहकाऱ्यांचे मी सदैव ऋणी राहीन. निकाल काहीही लागला असला तरी, आपण नांदेड (उत्तर) मतदारसंघाच्या प्रगतीसाठी नेहमीच काम करणार आहोत, हा आमचा दृढ संकल्प आहे.
आपण सर्व मतदार, कार्यकर्ते आणि सहकाऱ्यांचा माझ्यावरचा विश्वास आणि स्नेह माझ्यासाठी अत्यंत महत्त्वाचा आहे. आपल्या सहकार्याने आपण एक नवीन सुरुवात करू.
जय महाराष्ट्र! 🙏🏻
