Arogyakeralam Palakkad

17/03/2023

കായകൽപ്പ് പുരസ്കാര നിറവിൽ പാലക്കാട് ജില്ലയിലെ ആരോഗ്യ സ്ഥാപനങ്ങൾ

സര്‍ക്കാര്‍ ആരോഗ്യ സ്ഥാപനങ്ങളിലെ ശുചിത്വം പരിപാലനം, അണുബാധ നിയന്ത്രണം എന്നിവ വിലയിരുത്തി പ്രോത്സാഹിപ്പിക്കുന്നതിനുവേണ്ടി സര്‍ക്കാര്‍ ആവിഷ്‌കരിച്ച അവാര്‍ഡാണ് കായകല്‍പ്പ്. കേരളത്തിലെ ജില്ലാ ആശുപത്രികള്‍, താലൂക്ക് ആശുപത്രികള്‍, സാമൂഹികാരോഗ്യ കേന്ദ്രങ്ങള്‍ (സി.എച്ച്.സി), പ്രാഥമികാരോഗ്യ കേന്ദ്രങ്ങള്‍ (പി.എച്ച്.സി.), നഗര പ്രാഥമികാരോഗ്യ കേന്ദ്രങ്ങള്‍ (യു.പി.എച്ച്.എസി) എന്നിവയില്‍ നിന്ന് തെരഞ്ഞെടുക്കുന്ന മികച്ച ആശുപത്രികള്‍ക്കാണ് കായകല്‍പ്പ് അവാര്‍ഡ് നല്‍കുന്നത്. ആശുപത്രികളില്‍ ജില്ലാതല പരിശോധനയും പിന്നീട് സംസ്ഥാനതല പരിശോധനയും നടത്തി അവാര്‍ഡ് നിര്‍ണ്ണയ കമ്മറ്റിയിലൂടെയാണ് ഏറ്റവും മികച്ച ആശുപത്രികളെ തെരഞ്ഞെടുത്തിരിക്കുന്നത്.

15/03/2023

തുടർച്ചയായി വെയിലേൽക്കുന്നത് ഒഴിവാക്കാം.. കഠിനമായ ചൂടിനെ കരുതലോടെ നേരിടാം..

14/03/2023

ചൂട് കൂടുതലാണ്, ശ്രദ്ധ വേണം ..

10/03/2023

09/03/2023

അന്തർദേശീയ വനിതാദിനത്തോടനുബന്ധിച്ചും വിളർച്ചക്കെതിരായ പ്രചരണത്തിനും 'HEALTHY WOMEN HEALTHY INDIA'എന്ന സന്ദേശത്തോടെ കോട്ടമൈതാനത്തു നിന്ന് ആരംഭിച്ച സൈക്കിൾ റാലി

08/03/2023

വിളർച്ചയിൽ നിന്ന് വളർച്ചയിലേക്ക് എന്ന മുദ്രാവാക്യവുമായി ആരോഗ്യവകുപ്പ് നടപ്പാക്കുന്ന വിവ കേരളം ക്യാമ്പയിന്റെ ഭാഗമായി അന്തർദേശീയ വനിതാ ദിനത്തോടനുബന്ധിച്ച് സിവിൽ സ്റ്റേഷനിലെ വനിതാ ജീവനക്കാരുടെ ഹീമോഗ്ലോബിൻ പരിശോധന നടത്തി. ജില്ലാ കളക്ടർ ഡോ .എസ് . ചിത്ര ഐ എ എസ് അനീമിയ ടെസ്റ്റിൽ പങ്കുചേർന്ന് പരിപാടിയുടെ ഉദ്‌ഘാടനം നിർവഹിച്ചു. 15 മുതൽ 59 വയസ്സ് വരെയുള്ള പെൺകുട്ടികളിലും സ്ത്രീകളിലും അനീമിയ നിർണയവും ആവശ്യമായവർക്ക് ചികിത്സയും ഉറപ്പാക്കുന്ന സമ്പൂർണ്ണ അനീമിയ നിർണയ, നിയന്ത്രണ ക്യാമ്പയിൻ ആണ് വിവ കേരളം. വിളർച്ച ഇല്ലാതാക്കുന്നതിന് ഭക്ഷണശീലങ്ങളിലും ജീവിതശൈലിയിലും വരുത്തേണ്ട മാറ്റങ്ങളെ കുറിച്ച് ബോധവൽക്കരണവും ആരോഗ്യ വിദ്യാഭ്യാസവും നൽകാനാണ് ഇതിലൂടെ ലക്ഷ്യമിടുന്നത്. ഹീമോഗ്ലോബിൻ നിർണയ ക്യാമ്പിൽ 533 ജീവനക്കാരുടെ പരിശോധന നടത്തി.

07/03/2023

അന്തർദേശീയ വനിതാദിനത്തോടനുബന്ധിച്ച് വിവ കേരളം ബോധവൽക്കരണ ക്യാമ്പയിൻ ..
വിളർച്ചക്കെതിരെ അണി ചേരാം ..

04/03/2023

03/03/2023

ദേശീയ ബധിരത നിയന്ത്രണ പരിപാടിയുടെയും ജില്ലാ ആശുപത്രി ഇഎൻടി വിഭാഗത്തിന്റെയും ജില്ലാ പ്രാരംഭ ഇടപെടൽ കേന്ദ്രത്തിന്റെയും സംയുക്താഭിമുഖ്യത്തിൽ ലോക കേൾവി ദിനം ആചരിച്ചു. ജില്ലാ ആശുപത്രിയിൽ നടന്ന പരിപാടി ജില്ലാ മെഡിക്കൽ ഓഫീസർ ഇൻ ചാർജ് ഡോക്ടർ ശെൽവരാജ് കെ ആർ ഉദ്ഘാടനം ചെയ്തു. കേൾവി ദിനത്തോടനുബന്ധിച്ച് നിർമിച്ച ബോധവൽക്കരണ വീഡിയോയുടെ പ്രദർശന ഉദ്ഘാടനം എൻ എച്ച് എം ജില്ലാ പ്രോഗ്രാം മാനേജർ ഡോ. ടി വി റോഷ് നിർവഹിച്ചു. ജില്ലാ ആശുപത്രി ജീവനക്കാർക്കുള്ള എൻ 95 മാസ്ക് വിതരണം ജില്ലാ ആശുപത്രി ഡെപ്യൂട്ടി സൂപ്രണ്ട് ഡോ. നാസർ നിർവഹിച്ചു. ആർ എം ഒ ഡോ. ഷൈജ, മെഡിക്കൽ കോളേജിലെ ഇ എൻ ടി വിഭാഗം അസിസ്റ്റന്റ് പ്രൊഫസർ ഡോ. അലി, ചീഫ് നഴ്സിംഗ് ഓഫീസർ രാധാമണി എന്നിവർ ആശംസകൾ അറിയിച്ചു. തുടർന്ന് സ്പീച് തെറാപ്പി നൽകിവരുന്ന കുട്ടികളുടെ കലാപരിപാടികൾ നടന്നു.

03/03/2023

കാത് കാക്കാം കരുതലോടെ.. മാർച്ച്‌ 3- ലോക കേൾവി ദിനം

01/03/2023

ഗർഭകാലത്ത് വിളർച്ച ഇല്ലെന്ന് ഉറപ്പിക്കാം..കുഞ്ഞിന് ഇരുമ്പിന്റെ കരുത്തേകാം..

ഗർഭിണികളിലെ വിളർച്ച പല സങ്കീർണ്ണതകളിലേക്കും നയിച്ചേക്കാം..

23/02/2023

വിവ കേരളം ക്യാമ്പയിൻ

ചാന്ദ്നി ഷാജു
അഭിനേത്രി

23/02/2023

കുട്ടികളിലെ ന്യൂമോണിയ ശ്രദ്ധിക്കേണ്ട കാര്യങ്ങൾ

ഡോ.ആനന്ദ് ശിശുരോഗ വിദഗ്ധൻ CHC വടക്കഞ്ചേരി

22/02/2023

കുട്ടികളിലെ ന്യൂമോണിയ, അറിയേണ്ടതെല്ലാം.. നാളെ ഉച്ചയ്ക്ക് രണ്ടുമണിക്ക് ആരോഗ്യ കേരളം പേജിൽ തത്സമയം...

22/02/2023

ലക്ഷണങ്ങൾ ശ്രദ്ധിക്കൂ .. വിളർച്ചയാവാം ..
വിവ കേരളം - വിളർച്ച മുക്ത കേരളത്തിനായുള്ള ബഹുജന ക്യാമ്പയിൻ

21/02/2023

വിളർച്ച ലക്ഷണങ്ങൾ തിരിച്ചറിഞ്ഞു പ്രതിരോധിക്കാം.. വിവ കേരളം - വിളർച്ച മുക്ത കേരളത്തിനായുള്ള ബഹുജന ക്യാമ്പയിനിൽ പങ്കുചേരാം..

ഡോ. കെ. പി റീത്ത
ജില്ലാ മെഡിക്കൽ ഓഫീസർ(H)

18/02/2023

വിളര്‍ച്ചയില്‍ നിന്നും വളര്‍ച്ചയിലേക്ക് 'വിവ കേരളം'
വിളര്‍ച്ചമുക്ത കേരളത്തിനായി നമുക്ക് ഒരുമിക്കാം.

18/02/2023

15 മുതൽ 59 വയസ്സ് വരെയുള്ള പെൺകുട്ടികളിലെയും സ്ത്രീകളിലെയും വിളർച്ച കണ്ടെത്താം.. പരിഹാരം തേടാം.. വിവ കേരളം ക്യാമ്പയിനുമായി സഹകരിക്കാം..

17/02/2023

വിളർച്ചയുണ്ടാക്കുന്ന ആരോഗ്യ പ്രശ്നങ്ങളെ തിരിച്ചറിഞ്ഞ് പ്രതിരോധിക്കാം..

വിവ കേരളം - വിളർച്ച കേരളത്തിനായുള്ള സംസ്ഥാന ആരോഗ്യവകുപ്പിന്റെ ക്യാമ്പയിനിൽ അണി ചേരാം..

16/02/2023

വിവ കേരള ക്യാമ്പയിൻ - വിളർച്ചയിൽ നിന്ന് വളർച്ചയിലേക്ക്..

വിളർച്ച മുക്ത കേരളത്തിനായി നമുക്കോരോരുത്തർക്കും അണി ചേരാം..

15/02/2023

വിളർച്ച മുക്ത കേരളത്തിനായി ആരോഗ്യവകുപ്പിന്റെ ക്യാoപയ്ൻ- വിവ കേരളം (വിളർച്ചയിൽ നിന്ന് വളർച്ചയിലേക്ക്)

അനീമിയയുടെ കാരണം പലത്
കൗമാരക്കാരായ പെണ്‍കുട്ടികളിലും സ്ത്രീകളിലും സാധാരണയായി കാണുന്ന ആരോഗ്യ പ്രശ്‌നമാണ് അനീമിയ അഥവാ വിളര്‍ച്ച. ആര്‍ത്തവം, ആര്‍ത്തവ സമയത്തെ അമിത രക്തസ്രാവം, പ്രസവ സമയത്തെ രക്തനഷ്ടം, ഇരുമ്പ്, ഫോളിക് ആസിഡ് അടങ്ങിയ ഭക്ഷണം കഴിക്കാതിരിക്കുക, വിരബാധ, രക്തസ്രാവമുണ്ടാക്കുന്ന വ്രണങ്ങള്‍, ദീര്‍ഘകാല രോഗങ്ങള്‍, അര്‍ശസ്, കാന്‍സര്‍ എന്നീ കാരണങ്ങള്‍ കൊണ്ട് അനീമിയ ഉണ്ടാകാം.
അനീമിയ എങ്ങനെ കണ്ടെത്താം
രക്തപരിശോധനയിലൂടെ അനീമിയ തിരിച്ചറിയാന്‍ സാധിക്കും. രക്തത്തിലെ ഹീമോഗ്ലോബിന്റെ അളവാണ് പരിശോധിക്കുന്നത്. സാധാരണയായി 12 മുതല്‍ 15 ഗ്രാം വരെ ഹീമോഗ്ലോബിനാണ് സ്ത്രീകളുടെ രക്തത്തില്‍ കാണുക. പുരുഷന്മാരില്‍ ഇത് 13 മുതല്‍ 17 വരെയും കുട്ടികളില്‍ 11 മുതല്‍ 16 ഗ്രാം വരെയുമാണ്. ഗര്‍ഭിണികളില്‍ കുറഞ്ഞത് 11 ഗ്രാം വരെയെങ്കിലും ഹീമോഗ്ലോബിന്‍ ഉണ്ടായിരിക്കണം. ഈ അളവുകളില്‍ കുറവാണ് ഹീമോഗ്ലോബിനെങ്കില്‍ അനീമിയ ആയി കണക്കാക്കാം.
അനീമിയ എങ്ങനെ തടയാം
· ഗര്‍ഭകാലത്ത് അയണ്‍ ഫോളിക് ആസിഡ് ഗുളിക കഴിക്കുക
· കൗമാരപ്രായക്കാര്‍ അയണ്‍ ഫോളിക് ആസിഡ് ഗുളിക ആഴ്ചയില്‍ ഒന്ന് എന്ന കണക്കില്‍ ഭക്ഷണത്തിന് ശേഷം കഴിക്കുക
· 6 മാസത്തിലൊരിക്കല്‍ വിരശല്യത്തിനെതിരെയുള്ള ഗുളിക കഴിക്കുക
· ഇരുമ്പ് സത്തും വിറ്റമിനുകളും അടങ്ങിയ ഭക്ഷണം ദിവസവും കഴിക്കുക.
· ആഹാര സാധനങ്ങളോടൊപ്പം ചായ, കാപ്പി തുടങ്ങിയവ കുടിക്കരുത്.
· വീടിന് പുറത്തിറങ്ങുമ്പോള്‍ പാദരക്ഷ ഉപയോഗിക്കുക
· മലമൂത്രവിസര്‍ജ്ജനം കക്കൂസില്‍ മാത്രം നടത്തുക
· ടോയ്‌ലറ്റില്‍ പോയതിന് ശേഷം കൈകള്‍ സോപ്പുപയോഗിച്ച് കഴുകുക
ഇരുമ്പ് സത്തും വിറ്റാമിനുകളും കൂടുതല്‍ അടങ്ങിയവ
മുരിങ്ങയില, ചീര, പയര്‍ ഇല, അഗത്തിച്ചീര, ചേമ്പില, കാബേജ്, തുടങ്ങിയ പച്ചക്കറികള്‍, തവിടോട് കൂടിയ ധാന്യങ്ങള്‍, മുളപ്പിച്ച കടലകള്‍, പയറുവര്‍ഗങ്ങള്‍, ശര്‍ക്കര, മാംസം, മത്സ്യം, കോഴി, ആട്, മാട് എന്നിവയുടെ കരള്‍ തുടങ്ങിയവയില്‍ ഇരുമ്പ് സത്തും വിറ്റാമിനുകളും കൂടുതല്‍ അടങ്ങിയിട്ടുണ്ട്.
അനീമിയ തടയാന്‍ ശ്രദ്ധിക്കേണ്ട കാര്യങ്ങള്‍
ഭക്ഷണത്തിന് ശേഷം ഒരു മണിക്കൂറിനുള്ളില്‍ ചായയും കാപ്പിയും കുടിക്കുന്നത് ഒഴിവാക്കുക. വൈറ്റമിന്‍ സി അടങ്ങിയ ഭക്ഷണപദാര്‍ത്ഥങ്ങള്‍ എല്ലാ ദിവസവും ഭക്ഷണത്തില്‍ ഉള്‍പ്പെടുത്തുക.

12/02/2023

ന്യൂമോണിയയിൽ നിന്നും കുഞ്ഞുങ്ങളെ സംരക്ഷിക്കാം....

07/02/2023

ന്യൂമോണിയയിൽ നിന്നും നമ്മുടെ കുഞ്ഞുങ്ങളെ സംരക്ഷിക്കാം.. ലക്ഷണങ്ങൾ തിരിച്ചറിഞ്ഞ് അടുത്തുള്ള ആരോഗ്യ കേന്ദ്രത്തിലെത്തി ശരിയായ ചികിത്സ നൽകാം..

06/02/2023

ജില്ലയിലെ ആശ പ്രവർത്തകരുടെ സൃഷ്ടികളും അനുഭവക്കുറിപ്പുകളും സമാഹരിച്ച മാഗസിൻ 'പ്രത്യാശ' യുടെ കവർ പേജ് പ്രകാശനം ബഹു. വി.കെ ശ്രീകണ്ഠൻ എം.പി നിർവഹിച്ചു.

05/02/2023

ആശ ഫെസ്റ്റ് - ആശാ പ്രവർത്തകരുടെ കലാമേളയിൽ നടന്ന മികവുറ്റ മത്സരത്തിൽ നാടൻ പാട്ടിൽ ചാലിശ്ശേരി, അലനല്ലൂർ കുഴൽമന്നം ടീമുകൾ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി. സംഘനൃത്തത്തിൽ പറളിക്ക് ഒന്നാം സ്ഥാനവും ചളവറയ്ക്കും കോങ്ങാടിനും രണ്ടാം സ്ഥാനവും ചാലിശ്ശേരിക്ക് മൂന്നാം സ്ഥാനവും ലഭിച്ചപ്പോൾ മൂകാഭിനയത്തിൽ പറളി, പഴമ്പാലക്കോട്, കൊപ്പം ടീമുകൾ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി.

05/02/2023

ആശ ഫെസ്റ്റ് 2023 ന്റെ ഭാഗമായി നാടൻ പാട്ട്, സംഘനൃത്തം, മൂകാഭിനയം എന്നീ ഇനങ്ങളിലായി വിസ്മയിപ്പിക്കുന്ന കലാപ്രകടനങ്ങളാണ് പാലക്കാട് ജില്ലയിലെ ആശാപ്രവർത്തകർ കാഴ്ചവെച്ചത്.

05/02/2023

ആശ ഫെസ്റ്റ് 2023

ആരോഗ്യമേഖലയിലെ സന്നദ്ധ പ്രവർത്തകരായ ആശാ പ്രവർത്തകരുടെ കലാ മികവ് മാറ്റുരയ്ക്കുന്നതിനുള്ള വേദി ബഹു. വൈദ്യുതി വകുപ്പ് മന്ത്രി ശ്രീ കെ. കൃഷ്ണൻകുട്ടി ഉദ്ഘാടനം ചെയ്തു. പാലക്കാട് എംപി ശ്രീ വി. കെ ശ്രീകണ്ഠൻ, എം എൽ എ ശ്രീ ഷാഫി പറമ്പിൽ, ജില്ലാ പഞ്ചായത്ത് പ്രസിഡണ്ട് ശ്രീമതി കെ ബിനു മോൾ, നഗരസഭ ചെയർപേഴ്സൺ ശ്രീമതി പ്രിയ അജയൻ, ജില്ലാ കളക്ടർ ഡോ. എസ്. ചിത്ര ഐഎഎസ്, ഡിഎംഓ ഡോ. കെ. പി റീത്ത, പ്രശസ്ത നടൻ ശ്രീ.ഷാജു ശ്രീധർ, നാടൻ പാട്ടു കലാകാരൻ ശ്രീ പ്രണവം ശശി തുടങ്ങിയവർ പങ്കെടുത്തു

03/02/2023

ആരോഗ്യരംഗത്തെ സന്നദ്ധ പ്രവർത്തകരായ ആശമാർക്ക് തങ്ങളുടെ കലാപരമായ മികവ് പ്രകടിപ്പിക്കാൻ ഒരു വേദി ഒരുക്കുകയാണ് ആശ ഫെസ്റ്റ് 2023 . ദേശീയ ആരോഗ്യ ദൗത്യത്തിന് കീഴിലെ സോഷ്യൽ ഡെവലപ്മെന്റ് വിഭാഗത്തിന്റെ നേതൃത്വത്തിൽ സംസ്ഥാനത്ത് ആദ്യമായാണ് ഇത്തരത്തിൽ ഒരു പരിപാടി ആസൂത്രണം ചെയ്യുന്നത്. പ്രസ്തുത പരിപാടിയിൽ നാടൻ പാട്ട്, സംഘനൃത്തം, മൈം എന്നീ ഇനങ്ങളിലായാണ് മത്സരങ്ങൾ സംഘടിപ്പിക്കുന്നത്. ആശ ഫെസ്റ്റിന്റെ ഔപചാരിക ഉദ്‌ഘാടനം ഫെബ്രുവരി 4 ശനിയാഴ്ച മേഴ്‌സി കോളേജ് ഓഡിറ്റോറിയത്തിൽ വെച്ച് പാലക്കാട് എം എൽ എ ശ്രീ. ഷാഫി പറമ്പിൽ ന്റെ അധ്യക്ഷതയിൽ ബഹു. വൈധ്യുതി വകുപ്പ് മന്ത്രി ശ്രീ. കെ.കൃഷ്‌ണകുട്ടി നിർവഹിക്കും. എം.പി ശ്രീ. വി.കെ ശ്രീകണ്ഠൻ, ജില്ലാ പഞ്ചായത്ത് പ്രസിഡന്റ് കെ. ബിനുമോൾ എന്നിവർ മുഖ്യാതിഥികളാവും.

16/01/2023

കുഷ്ഠരോഗം:അറിയാം,ചികിത്സിക്കാം

ഏത് സാമൂഹിക, സാമ്പത്തിക സാഹചര്യങ്ങളിൽ ഉള്ളവർക്കും കുഷ്ഠരോഗം വന്നേക്കാം.. ലക്ഷണങ്ങൾ കണ്ടാൽ ഉടൻ അടുത്തുള്ള ആരോഗ്യ കേന്ദ്രത്തിലെത്തി കുഷ്ഠരോഗം അല്ലെന്ന് ഉറപ്പുവരുത്തുക.

15/01/2023

Half page special supplement in Mathrubhumi in connection with Kerala Palliative Day

15/01/2023

ജനുവരി 15
കേരള സാന്ത്വനപരിചരണദിനം

" പാലിയേറ്റീവ് പരിചരണം -എന്റെ നാളേക്ക്..എന്റെ പരിചരണത്തിന് "

14/01/2023

"അശ്വമേധം" - മറഞ്ഞിരിക്കുന്ന കുഷ്ഠരോഗം കണ്ടെത്തുന്നതിനായി ആരോഗ്യ വകുപ്പ് നടത്തുന്ന " അശ്വമേധം" ക്യാമ്പയിനുമായി സഹകരിക്കാം..

14/01/2023

വിര ഗുളിക കഴിക്കാം, വിര വിമുക്തി നേടാം

കുട്ടികളുടെ പഠന ശേഷിയെയും മാനസിക വികാസത്തെയും ദോഷകരമായി ബാധിക്കുന്ന വില്ലനാണ് വിരകൾ

13/01/2023

വിരബാധയില്ലാത്ത കുട്ടികൾ, ആരോഗ്യമുള്ള കുട്ടികൾ
ദേശീയ വിരവിമുക്ത ദിനം 2023 ജനുവരി 17 ന്

12/01/2023

97 ശതമാനം സ്‌കോറോടെ ദേശീയ ഗുണനിലവാര അംഗീകാരം നേടിയ കുടുംബാരോഗ്യകേന്ദ്രം ഒഴലപ്പതിക്ക്‌ ജില്ലാ ആരോഗ്യവകുപ്പിന്റെയും എൻ.എച്ച്.എം ന്റെയും ആദരം

23/11/2022

ആന്റി മൈക്രോബിയൽ റെസിസ്റ്റൻസ് - അറിഞ്ഞിരിക്കാം.. ജാഗ്രത പാലിക്കാം..

22/11/2022

സംസ്ഥാന സർക്കാരിൻ്റെ 'ലഹരിക്കെതിരെ 2 കോടി ഗോൾ' ക്യാമ്പയിൻ

16/11/2022

നവംബർ 16 ലോക സി. ഒ. പി. ഡി ദിനം

ശ്വാസകോശത്തെ ബാധിക്കുന്ന ഒരു രോഗമാണ് സി.ഒ.പി.ഡി. അഥവാ ക്രോണിക് ഒബ്‌സ്ട്രക്ടീവ് പള്‍മണറി ഡിസീസ്. വിട്ടുമാറാത്തതും കാലക്രമേണ വര്‍ധിക്കുന്നതുമായ ശ്വാസംമുട്ടല്‍, കഫകെട്ട്, ചുമ എന്നിവയാണ് ഈ രോഗത്തിന്റെ പ്രധാന ലക്ഷണങ്ങള്‍.

16/11/2022

ഡെങ്കിപ്പനിക്കെതിരെ ജാഗ്രത പാലിക്കാം..

14/11/2022

നവംബർ 14 ലോക പ്രമേഹ ദിനം. 'പ്രമേഹം: ആരോഗ്യ വിദ്യാഭ്യാസം നാളെയുടെ രക്ഷയ്ക്കായി' എന്നതാണ് ഈ വര്‍ഷത്തെ പ്രമേഹദിന സന്ദേശം. ചിട്ടയായ വ്യായമത്തിലൂടെയും ആഹാര നിയന്ത്രണത്തിലൂടെയും പ്രമേഹത്തെ ഒരു പരിധിവരെ പ്രതിരോധിക്കാന്‍ സാധിക്കും. പ്രമേഹ രോഗ ലക്ഷണങ്ങള്‍ തിരിച്ചറിഞ്ഞ് കൃത്യമായ ചികിത്സ തുടങ്ങിയില്ലെങ്കിൽ രോഗം അപകടകാരിയാകാം. രോഗനിര്‍ണയത്തിലെ കാലതാമസമാണ് പ്രമേഹത്തെ സങ്കീര്‍ണമാക്കുന്നത്. അതിനാല്‍ ശ്രദ്ധവേണം.