06/06/2025
माझा राजा "छत्रपती" झाला!
शिवराज्याभिषेक दिनानिमित्त ३५१ कुटुंबाना देणार वृक्ष भेट!
श्रीमंतयोगी, बहुजनप्रतिपालक, छत्रपती शिवाजी महाराज यांचा शिवराज्याभिषेक सोहळा कान्हेगाव येथे वृक्ष लागवड करून साजरा केला. गावातील दत्तराव कोरडे यांच्या हस्ते महाराजांच्या पुतळ्याला पुष्पहार घालून अभिवादन केले. यावेळी मुबलक प्राणवायू देणाऱ्या "कदंब" या वृक्षाची लागवड केली. या सोहळ्याला गावातील सर्व समाजातील शिवप्रेमींची उपस्थितीही लक्षणीय होती.
छत्रपती शिवाजी महाराजांनी अठरापगड जातींतील मावळ्यांना सोबत घेऊन स्वराज्याचा कारभार हाकला. महाराजांनी रयत सुखी राहावी, यासाठी जल, जमीन, जंगले जपली. वृक्षसंवर्धन करत ती वाढवली. मात्र, आता प्रचंड प्रमाणात वृक्षतोड होत आहे. त्यामुळे प्रदूषणही वाढत आहे. या वाढत्या प्रदूषणावर मात करायची असेल तर हिरवाई वाढून जास्तीत जास्त प्राणवायू निर्माण करणे हे गरजेचे बनले आहे. पर्यावरण हितासाठी रावसाहेब मोकाशे मित्र मंडळाच्या वतीने 'वृक्षदान' चळवळीला सुरुवात केली. याला गावातील तरुणाई आणि जेष्ठांचीही चांगली साथ मिळत आहे.
या वृक्षदान चळवळीत गावातील ३५१ कुटुंबांना "एक फळझाड व दोन सावलीची झाडे" भेट देणार आहोत. उपक्रमाची सुरुवात शुक्रवारपासून वृक्षलागवड करून प्राथमिक स्वरूपात करण्यात आली. यावेळी श्री. हेमंतराव मोकाशे, विविध कार्यकारी सोसायटीचे माजी अध्यक्ष (चेअरमन) श्री. लक्ष्मणराव कोरडे, श्री. रामचंद्र (काका) मोकाशे, श्री. तातेराव मोकाशे, शौकत सैलानी, मोईन निसार सर, श्री. बालासाहेब भंडारे, श्री. मेघराज मोकाशे, श्री. नरहरी दुगाने, संदीप सातपुते, संतोष भंडारे, परमेश्वर दुगाणे, राजू राठोड, विशाल मोकाशे, ऋषी देशमुख, रामदास खरात, बबलू साळवे, चक्रधर घनघाव उपस्थित होते.
--
आपलाच,
रावसाहेब मोकाशे,
ग्रामपंचायत सदस्य तथा अध्यक्ष, रावसाहेब मोकाशे मित्र मंडळ
#छत्रपतीशिवराय
#शिवराज्याभिषेक #वृक्षारोपण #शिवराय #६जून #वृक्षदान
