24/12/2025
ਮੁੱਖ ਮੰਤਰੀ ਵੱਲੋਂ 20 ਦਸੰਬਰ 2025 ਨੂੰ ਪਟਿਆਲਾ ਵਿਖੇ Punjab Aircraft Maintenance Engineering College ਤੇ Aviation club ਦਾ ਦੌਰਾ ਕਰਕੇ ਟ੍ਰੇਨੀ ਪਾਇਲਟਾਂ ਅਤੇ AME ਇੰਜੀਨੀਅਰਾਂ ਨਾਲ ਗੱਲਬਾਤ ਕੀਤੀ। ਸਭ ਨੇ ਆਪੋ-ਆਪਣੇ ਤਜ਼ਰਬੇ ਸਾਂਝੇ ਕੀਤੇ। ਨਾਲ ਹੀ dca.punjab.gov.in ਵੈੱਬਸਾਈਟ ਦੀ ਵੀ ਸ਼ੁਰੂਆਤ ਕੀਤੀ।
ਸਰਕਾਰੀ Aviation club 'ਚ ਪ੍ਰਾਈਵੇਟ ਕਾਲਜਾਂ ਨਾਲੋਂ ਫ਼ੀਸ ਘੱਟ ਹੋਣ ਕਰਕੇ ਆਮ ਘਰਾਂ ਦੇ ਧੀਆਂ-ਪੁੱਤ ਅੰਬਰਾਂ 'ਚ ਉਡਾਰੀ ਮਾਰਨ ਦੇ ਸੁਪਨੇ ਪੂਰੇ ਕਰ ਸਕਣਗੇ। ਆਉਣ ਵਾਲੇ ਦਿਨਾਂ 'ਚ 7 ਕਰੋੜ ਦੀ ਲਾਗਤ ਨਾਲ ਇੱਥੇ ਮਿਊਜ਼ਿਅਮ ਤਿਆਰ ਕੀਤਾ ਜਾਵੇਗਾ। ਜਿਸ ਵਿੱਚ ਮਿਗ, ਸੈਕਿੰਡ ਜੈਨਰੇਸ਼ਨ ਦੇ ਹੈਲੀਕਾਪਟਰ, ਸਿਮੂਲੇਟਰਸ ਅਤੇ ਪੁਰਾਣੇ ਜਹਾਜ਼ ਬੱਚਿਆਂ ਦੇ ਤਜ਼ਰਬਿਆਂ ਦਾ ਹਿੱਸਾ ਬਣਨਗੇ। ਬੱਚਿਆਂ ਦੇ ਸੁਪਨਿਆਂ ਨੂੰ ਉਡਾਣ ਦੇਣ ਲਈ ਸਾਡੀ ਸਰਕਾਰ ਵੱਲੋਂ ਹਰ ਸੰਭਵ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਉਹਨਾਂ ਨੂੰ ਵਧੀਆ ਮਾਹੌਲ ਅਤੇ ਉੱਚ ਸਿੱਖਿਆ ਦੇਣ ਲਈ ਅਸੀਂ ਵਚਨਬੱਧ ਹਾਂ।
