09/05/2026
*SDPI എടയപ്പുറം ബ്രാഞ്ചും ആലുവ ബ്ലഡ് ബാങ്കും സംയുക്തമായി രക്തദാന ക്യാമ്പ് സംഘടിപ്പിച്ചു.
കീഴ്മാട് :- നിലവിലെ സാഹചര്യത്തിൽ ആലുവ ബ്ലഡ് ബാങ്കിൽ രക്തത്തിന്റെ ക്ഷാമം രൂക്ഷമായതിനാൽ, രോഗികളും അവരുടെ ബന്ധുക്കളും വലിയ പ്രതിസന്ധി നേരിടുകയാണ്. ഈ അടിയന്തരാവസ്ഥ പരിഗണിച്ചുകൊണ്ട്, കഴിഞ്ഞ 16 വർഷത്തോളമായി നിരന്തരമായി രക്തദാന ക്യാമ്പുകൾ സംഘടിപ്പിച്ചു വരുന്ന SDPI എടയപ്പുറം ബ്രാഞ്ചിന്റെ സഹകരണത്തോടെ ആലുവ ബ്ലഡ് ബാങ്ക് ഈ രക്തദാന ക്യാമ്പ് സംഘടിപ്പിക്കുകയുണ്ടായി.
പരിപാടിയുടെ ഉദ്ഘാടനം MAK ബഷീർ രക്തം ദാനം ചെയ്ത് നിർവഹിച്ചു.
ചുരുങ്ങിയ സമയം കൊണ്ട് ക്രമീകരിച്ച പരിപാടിയായിരുന്നിട്ടും, വലിയ ജനപങ്കാളിത്തം ലഭിക്കുകയും, നിരവധി പേർ രക്തം ദാനം ചെയ്യുകയും ചെയ്തു. പരിപാടിയുടെ വിജയത്തിനായി തങ്ങളുടെ വിലമതിക്കാനാവാത്ത സമയം ചെലവഴിച്ച് സഹകരിച്ച എടയപ്പുറം നിവാസികൾക്കും, സന്നദ്ധപ്രവർത്തകർക്കും, എല്ലാ സഹായികളും SDPI എടയപ്പുറം ബ്രാഞ്ച് ഹൃദയം നിറഞ്ഞ നന്ദി രേഖപ്പെടുത്തുന്നു.
ഇത്തരത്തിലുള്ള മനുഷ്യസ്നേഹ പ്രവർത്തനങ്ങൾ സമൂഹത്തിൽ വലിയ മാറ്റങ്ങൾ സൃഷ്ടിക്കുമെന്ന് ഞങ്ങൾ വിശ്വസിക്കുന്നു. ഭാവിയിലും ഇത്തരം പ്രവർത്തനങ്ങൾ കൂടുതൽ വ്യാപിപ്പിക്കാനുള്ള പ്രതിബദ്ധതയും SDPI എടയപ്പുറം ബ്രാഞ്ച് ഉറപ്പുനൽകുന്നു.
എന്ന്,
പ്രോഗ്രാം കമ്മിറ്റി കൺവീനർ
മുഹമ്മദ് അഷ്കർ
