23/02/2014
कार अपघातात पिंपरी-
चिंचवडच्या माजी उपमहापौरांच्या मुलासह तिघांचा मृत्यू
नाईट क्रिकेट स्पर्धेत सहभागी होण्यासाठी जात
असताना पुलाच्या कठड्याला धडकून 'व्हॅगन आर' मोटार
नाल्याच्या पात्रात कोसळून झालेल्या भीषण अपघातात
पिंपरी-चिंचवडच्या मोशी गावातील तीन तरुण जागीच
ठार झाले तर दोन जण गंभीर जखमी झाले. पिंपरी-
चिंचवडचे माजी उपमहापौर शरद बो-हाडे
यांच्या मुलगा प्रीतम याचाही मृतांमध्ये समावेश आहे.
पुणे-नाशिक महामार्गावर चाकणजवळ वाकी येथे
शुक्रवारी रात्री अकराच्या सुमारास हा अपघात झाला.
प्रीतम शरद बो-हाडे (24), सागर सामचंद परदेशी (26)
आणि बापू ऊर्फ प्रतीक विवेक साताडकर (23)
अशी अपघातातील मृत तरुणांची नावे आहेत. हे सर्व जण
मोशी येथे राहणारे होते. या अपघातात सोमनाथ विठ्ठल
बो-हाडे (33) व स्वप्नील सुभाष बोरोटे (21) हे दोनजण
गंभीर जखमी झाले असून त्यांच्यावर खासगी रुग्णालयात
उपचार सुरू आहेत. तीन तरुणांचा एकाच अपघातात मृत्यू
झाल्याने मोशी गावावर शोककळा पसरली आहे.
चाकण-राजगुरुनगर भागात नाईट क्रिकेट सामन्यांचे खूप
वेड आहे. राजगुरुनगर येथे अशाच नाईट क्रिकेट
सामन्यासाठी मोशीतील हे तरुण चालले होते.
वाकी गावाजवळ एका ओढ्याच्या पुलाला धडकून
त्यांची मोटार नाल्याच्या 20 फूट खोल खड्ड्यात
पडली आणि मोटारीचा अक्षरशः चेंदामेंदा झाला. त्यात
तिघांचा जागीच मृत्यू झाला. दोघांना तातडीने
रुग्णालयात उपचारासाठी दाखल करण्यात आले.
