SFI Pune Official

17/10/2026

श्री शिव छत्रपती महाविद्यालय जुन्नर येथे आज विद्यार्थ्यांसाठी पिण्याचे पाणी मिळावे म्हणून एसएफआय जुन्नर तालुका समितीच्या वतीने महाविद्यालयाचे मा. प्राचार्य यांना निवेदन देण्यात आले. यावेळी एसएफआय जुन्नर तालुका सहसचिव विनायक इरणक, आर्यन लांडे, तुषार गोंदके, केशव गवारी, ओंकार शिंगाडे आदी उपस्थित होते.

#पुणे

17/10/2026

SIR विरोधात आंदोलन _पुणे

17/10/2026

प्रलंबित वसतिगृह प्रवेश आणि स्वयम योजना प्रवेश तात्काळ देण्यात यावे एसएफआय ची मागणी; प्रकल्प अधिकारी यांना दिले निवेदन

घोडेगाव : एकात्मिक आदिवासी विकास प्रकल्प कार्यालयाच्या कारभाराविरोधात स्टुडंट्स फेडरेशन ऑफ इंडिया (एसएफआय) आक्रमक झाली असून, विद्यार्थ्यांच्या मागण्यांकडे दुर्लक्ष केल्यास तीव्र आंदोलनाचा इशारा देण्यात आला आहे. यासंदर्भात एसएफआयच्या वतीने प्रकल्प अधिकाऱ्यांना सविस्तर निवेदन देत प्रलंबित वसतिगृह प्रवेश आणि 'स्वयम' योजनेची अंमलबजावणी तात्काळ करण्याची मागणी करण्यात आली आहे.

यापूर्वी एसएफआयच्या नेतृत्वाखाली घोडेगाव येथील एकात्मिक आदिवासी विकास प्रकल्प कार्यालयासमोर २४ ऑगस्ट ते २९ ऑगस्ट दरम्यान बेमुदत धरणे आंदोलन करण्यात आले होते. या आंदोलनादरम्यान विद्यार्थ्यांनी अनेक महत्त्वाचे प्रश्न उपस्थित केले होते. त्यावेळी कार्यालयाने संघटनेस ११ सप्टेंबर २०२६ रोजी लेखी आश्वासन दिले होते. मात्र, अनेक दिवस लोटूनही या लेखी आश्वासनांची पूर्तता प्रशासनाकडून करण्यात आलेली नाही, असा आरोप संघटनेने केला आहे.

एसएफआयच्या प्रमुख मागण्या _
१. अर्ज केलेल्या सर्व आदिवासी विद्यार्थ्यांना तातडीने वसतिगृहात प्रवेश देण्यात यावा.
२. स्वयम योजनेत प्रवेश मिळालेल्या विद्यार्थ्यांना अद्याप कार्यालय आणि शैक्षणिक संस्थांच्या स्तरावर अप्रोवल (मान्यता) मिळालेले नाही. तसेच वयाची अट व इतर कारणे सांगून अनेक विद्यार्थ्यांचे अर्ज रद्द केले जात आहेत. हे सर्व अर्ज कोणत्याही अटी-शर्तींशिवाय मंजूर करावेत.
३. ११ सप्टेंबरच्या लेखी आश्वासनांच्या पूर्ततेसाठी प्रकल्प अधिकाऱ्यांच्या अध्यक्षतेखाली एसएफआयचे प्रतिनिधी, विद्यार्थी प्रतिनिधी, गृहपाल आणि मुख्याध्यापकांची एकत्रित आढावा बैठक तातडीने आयोजित करावी.

विद्यार्थ्यांच्या भविष्याशी खेळणाऱ्या या धोरणाचा निषेध करत, प्रशासनाने या मागण्यांचा गांभीर्याने विचार करून तातडीने विद्यार्थीहिताचा निर्णय घ्यावा, अशी मागणी निवेदनाद्वारे करण्यात आली आहे. जर लवकरात लवकर मागण्यांची पूर्तता झाली नाही, तर तीव्र स्वरूपाचे आंदोलन उभारण्यात येईल, असा इशारा एसएफआयच्या वतीने देण्यात आला आहे.

यावेळी एसएफआयच्या पुणे जिल्हा अध्यक्ष संस्कृती गोडे, सचिव अक्षय घोडे, सहसचिव समीर गारे, गणेश जानकर उपाध्यक्ष रोहिदास फलके आदी विद्यार्थी उपस्थित होते.

Somnath Nirmal@followers

17/10/2026

06/10/2026

06/10/2026

पुणे विद्यापीठाच्या भोजनगृहातील खालावलेल्या गुणवत्तेबाबत एसएफआय चा आक्रमक पवित्रा; तातडीने बैठक घेण्याची प्रशासनाकडे मागणी

पुणे _ सावित्रीबाई फुले पुणे विद्यापीठातील भोजनगृहांचे प्रश्न पुन्हा एकदा ऐरणीवर आले आहेत. विद्यापीठ प्रशासनाने काही दिवसांपूर्वी केलेली १० रुपयांची दरवाढ विद्यार्थ्यांच्या संघटित तीव्र आंदोलनामुळे मागे घेतली असली, तरी भोजनगृहातील अन्नाची गुणवत्ता अद्यापही चिंताजनक असल्याचे समोर आले आहे. जेवणात किडे, खडे आणि इतर अस्वच्छ पदार्थ आढळण्याच्या तक्रारी सातत्याने येत असून विद्यार्थ्यांच्या आरोग्याशी खेळ होत असल्याचा आरोप स्टुडंट्स फेडरेशन ऑफ इंडियाच्या (एसएफआय) पुणे विद्यापीठ युनिटने केला आहे.

या पार्श्वभूमीवर एसएफआय च्या वतीने विद्यापीठाच्या प्र-कुलगुरू व फूड कमिटीला अधिकृत पत्र देण्यात आले असून, अन्नाची गुणवत्ता, स्वच्छता आणि अन्न तपासणीच्या मुद्द्यावर तातडीने ठोस कारवाई करण्याची मागणी करण्यात आली आहे. तसेच कुलगुरू, फूड कमिटी आणि विद्यार्थी प्रतिनिधींची संयुक्त बैठक लवकर आयोजित न झाल्यास विद्यार्थ्यांच्या वतीने तीव्र स्वरूपाचे आंदोलन करण्याचा इशारा युनिटच्या पदाधिकाऱ्यांनी दिला आहे.

या संदर्भात पुढील मागण्या करण्यात आलेल्या आहेत,
* कुलगुरू, फूड कमिटी आणि एसएफआय चे विद्यार्थी प्रतिनिधींची तातडीने संयुक्त बैठक आयोजित करण्यात यावी.
* भोजनगृहामधील अन्नाच्या गुणवत्तेबाबत विद्यार्थ्यांकडून प्राप्त झालेल्या तक्रारींची तातडीने चौकशी करण्यात यावी.
* भोजनाची गुणवत्ता, स्वच्छता व सुरक्षितता तपासण्यासाठी नियमित व प्रभावी तपासणी व्यवस्था सुनिश्चित करण्यात यावी.
* विद्यार्थ्यांच्या तक्रारी नोंदवण्यासाठी अधिकृत, पारदर्शक आणि सुलभ तक्रार निवारण प्रक्रिया उपलब्ध करून देण्यात यावी.
* विद्यार्थ्यांच्या प्रतिनिधींना भोजनगृहांच्या गुणवत्ता तपासणी व संबंधित चर्चेमध्ये सहभागी करून घेण्यात यावे.

यावेळी एसएफआय चे पुणे जिल्हा अध्यक्ष संस्कृती गोडे, सदस्य मयूर हिले, विद्यापीठ युनिट सचिव निकिता मेचकर, कोषाध्यक्ष पवन जाधव, तनिष्का भंडारी आदी विद्यार्थी उपस्थित होते.

वार _ सोमवार | दि.०५ ऑक्टोबर २०२६

#मेस

04/10/2026

एका ऐतिहासिक लढ्याचा आणि विजयाचा सन्मान आणि गौरव!

आज दिनांक ०४ ऑक्टोबर २०२६ रोजी, शैक्षणिक व सामाजिक क्षेत्रात उल्लेखनीय कामगिरी करणाऱ्या एसएफआय च्या लढाऊ कार्यकर्त्या निकिता मेचकर आणि निशा साबळे आदी विद्यार्थी कार्यकर्त्यांचा नायफड गावकऱ्यांच्या वतीने विशेष सत्कार करण्यात आला.

शासकीय वसतिगृहांच्या मागण्यांसाठी आणि विद्यार्थ्यांच्या हक्कांसाठी तब्बल १७ दिवस आमरण उपोषण करणाऱ्या या जिद्दी आणि प्रेरणादायी योद्धांचा नायफड येथे आयोजित 'आदिवासी विद्यार्थी संघर्ष योद्ध्यांचा जाहीर सन्मान' सोहळ्यात सत्कार करण्यात आला, ही आपल्या सर्वांसाठी अभिमानास्पद बाब आहे.

दोन्ही युवा कार्यकर्त्यांचे मनःपूर्वक अभिनंदन आणि उज्ज्वल भविष्यासाठी हार्दिक शुभेच्छा!