BJP Bhosari

BJP Bhosari Official Page of BJP Bhosari (PCMC)
भारतीय जनता पार्टी, भोसरी अधिकृत फेसबुक पेज

01/08/2026

राष्ट्रहित, राष्ट्रीय सुरक्षा आणि देशाच्या सामरिक क्षमतेला बळकटी देण्यासाठी केलेल्या उल्लेखनीय व दीर्घकालीन योगदानाचा गौरव म्हणून लोकमान्य टिळक स्मारक ट्रस्टच्या वतीने प्रदान करण्यात येणारा यंदाचा प्रतिष्ठेचा 'लोकमान्य टिळक राष्ट्रीय पुरस्कार' भारताचे राष्ट्रीय सुरक्षा सल्लागार श्री. अजित डोवाल यांना केंद्रीय गृहमंत्री श्री. अमित शहा यांच्या हस्ते प्रदान करण्यात आला.

देशाच्या सुरक्षेसाठी अत्यंत संवेदनशील आणि जबाबदारीच्या भूमिकेत राहून श्री. अजित डोवाल यांनी दिलेले नेतृत्व, त्यांची दूरदृष्टी, धैर्य आणि राष्ट्रनिष्ठ सेवा प्रत्येक भारतीयासाठी प्रेरणादायी आहे. त्यांच्या कार्याचा सन्मान म्हणजे देशाच्या सुरक्षा व्यवस्थेप्रती असलेल्या समर्पणाचा गौरव होय.

या गौरवपूर्ण सोहळ्याला महाराष्ट्राचे मुख्यमंत्री श्री. देवेंद्र फडणवीस, उपमुख्यमंत्री श्री. एकनाथ शिंदे, उपमुख्यमंत्री श्रीमती सुनेत्रा पवार तसेच उच्च व तंत्र शिक्षण मंत्री श्री. चंद्रकांत पाटील यांची प्रमुख उपस्थिती लाभली. राष्ट्रीय सुरक्षेसाठी अहोरात्र कार्य करणाऱ्या प्रत्येक सुरक्षा दलातील अधिकारी, जवान आणि राष्ट्रसेवकांना हा सन्मान प्रेरणा देणारा आहे.

प्रतिष्ठेच्या 'लोकमान्य टिळक राष्ट्रीय पुरस्कार'ाबद्दल श्री. अजित डोवाल यांचे मनःपूर्वक अभिनंदन! त्यांच्या पुढील कार्यासाठी हार्दिक शुभेच्छा!



27/07/2026

देशातील परीक्षा प्रणाली अधिक पारदर्शक, विश्वासार्ह आणि भविष्याभिमुख करण्याच्या दिशेने एक महत्त्वपूर्ण पाऊल!

पंतप्रधान मा. श्री. नरेंद्रजी मोदी यांच्या नेतृत्वाखाली केंद्र सरकारने परीक्षा प्रणालीत सुधारणा करण्यासाठी श्री. नंदन निलेकणी यांच्या अध्यक्षतेखाली High-Powered Task Force on Examination Reforms ची स्थापना केली आहे.

इन्फोसिसचे सह-संस्थापक राहिलेले नंदन निलेकणी यांनी यापूर्वी अनेक प्रभावी प्रशासकीय सुधारणा आणि तंत्रज्ञानाधारित यंत्रणांच्या उभारणीत महत्त्वपूर्ण योगदान दिले आहे. भारताच्या डिजिटल परिवर्तनाला जागतिक स्तरावर नवी ओळख मिळवून देण्यात त्यांची भूमिका महत्त्वाची राहिली आहे. Aadhaar, India Stack, UPI ecosystem, Direct Benefit Transfer आणि ONDC यांसारख्या महत्त्वपूर्ण डिजिटल उपक्रमांच्या जडणघडणीत त्यांनी मोलाचे योगदान दिले आहे.

यासंदर्भात मा. पंतप्रधानांनी सोशल मीडियाच्या माध्यमातून देशवासीयांना संबोधित करताना परीक्षा व्यवस्थेत तंत्रज्ञानाचा प्रभावी वापर, पारदर्शकता आणि विद्यार्थीहिताला सर्वोच्च प्राधान्य देण्याचा निर्धार व्यक्त केला आहे.

हा पुढाकार देशातील लाखो विद्यार्थ्यांसाठी अधिक सक्षम, सुरक्षित, पारदर्शक आणि विश्वासार्ह परीक्षा व्यवस्था उभारण्याच्या दिशेने एक महत्त्वाचा टप्पा ठरेल.



26/07/2026

⭕Live | मन की बात | पंतप्रधान मा. श्री. नरेंद्रजी मोदी | 📍सेवातीर्थ, नवी दिल्ली.
Narendra ModiiBharatiya Janata Party (BJP))

महाराष्ट्र राज्याचे मुख्यमंत्री मा. श्री. देवेंद्रजी फडणवीस यांच्या अध्यक्षतेखाली महाराष्ट्र राज्याच्या प्रगतीच्या हेतून...
21/07/2026

महाराष्ट्र राज्याचे मुख्यमंत्री मा. श्री. देवेंद्रजी फडणवीस यांच्या अध्यक्षतेखाली महाराष्ट्र राज्याच्या प्रगतीच्या हेतूने नियोजनात्मक विकासाचे महत्त्वाचे निर्णय आजच्या मंत्रिमंडळ बैठकीत घेण्यात आले.
भाजपा महायुती सरकारच्या माध्यमातून महाराष्ट्र प्रगती करत आहे. महाराष्ट्राची घोडदौड आता थांबणार नाही याची खात्री आहे.

🔰 मंत्रिमंडळ निर्णय(संक्षिप्त) 🔰

✅ (कृषी विभाग)
नागपूर जिल्ह्यातील काटोल येथे होणार शासकीय उद्यानविद्या महाविद्यालय. महाविद्यालयात दरवर्षी १२० जागांवर होतील प्रवेश. डॉ. पंजाबराव देशमुख कृषि विद्यापीठ, अकोला संलग्न या महाविद्यालयामुळे विदर्भातील ११ जिल्ह्यांना होणार लाभ. फळे, भाजीपाला, फुले तसेच प्रक्रीया व मुल्यवर्धनासाठी अभ्यास, संशोधनास चालना. महाविद्यालयासाठी ५१ नियमित पदांनाही मान्यता..

✅ (महसूल, नोंदणी व मुद्रांक शुल्क विभाग)
राष्ट्रीय आपत्ती प्रतिसाद दल- एनडीआरएफला पुणे जिल्ह्यातील मौजे सदुंबरे ( ता. मावळ) तीन हेक्टर जमीन देण्यास मान्यता. याठिकाणी एनडीआरएफचा कायमस्वरूपी तळ उभा राहणार. प्रशिक्षणासह, राज्यातील आपत्ती व्यवस्थापनासाठी प्रभावी उपाययोजना करता येणार.

✅ (महसूल, नोंदणी व मुद्रांक शुल्क विभाग)
मोझरी येथील अखिल भारतीय श्रीगुरूदेव सेवामंडळ यांच्या नागपूर मधील सुभाष रोड जागेच्या भाडेपट्ट्याच्या नुतनीकरणावरील मुद्रांक शुल्क माफ.

✅ (नियोजन विभाग)
राज्यातील १७७ आकांक्षित तालुक्यांमध्ये प्रायोगिक तत्वावर सन २०२६-२७ साठी आकांक्षित तालुका कार्यक्रम राबविण्यात येणार. प्रत्येक तालुक्याला मिळणार ५ कोटींचा निधी. सन २०२७-२८ मध्ये मुल्यांकन होणार, उत्कृष्ट काम करणाऱ्या तालुक्यांना मिळणार पुरस्कार.

✅ (सामान्य प्रशासन विभाग)
लोक आयुक्त कार्यालयातील १४३ पदांच्या सुधारित आकृतीबंधास मान्यता. महाराष्ट्र लोक आयुक्त अधिनियम २०२३ च्या अंमलबजावणीमुळे लोक आयुक्तांच्या अधिकार क्षेत्रात वाढ झाल्याने मनुष्यबळामध्ये वाढ

Devendra Fadnavis Ravindra Chavan CMOMaharashtra BJP Maharashtra

#मंत्रिमंडळनिर्णय

रक्तदान हेच श्रेष्ठदान... चला, जीवनदानाच्या या महायज्ञात सहभागी होऊया!राज्याचे लोकप्रिय मुख्यमंत्री मा. ना. देवेंद्रजी फ...
20/07/2026

रक्तदान हेच श्रेष्ठदान... चला, जीवनदानाच्या या महायज्ञात सहभागी होऊया!

राज्याचे लोकप्रिय मुख्यमंत्री मा. ना. देवेंद्रजी फडणवीस यांच्या वाढदिवसानिमित्त भव्य महारक्तदान शिबिरांचे भोसरी विधानसभा मतदारसंघातील सर्व मंडलांमध्ये आयोजन करण्यात आले आहे.

रक्ताचा एक थेंब एखाद्याच्या आयुष्यात आशेचा किरण ठरू शकतो. अपघातग्रस्त, गंभीर आजारी रुग्ण, शस्त्रक्रिया, थॅलेसेमिया आणि इतर अनेक रुग्णांना वेळेवर रक्त मिळणे म्हणजे त्यांना नवजीवन देण्यासारखे आहे. आपल्या काही मिनिटांच्या रक्तदानातून एखाद्या कुटुंबाच्या चेहऱ्यावर पुन्हा आनंद फुलू शकतो.

म्हणूनच आम्ही सर्व नागरिकांना मनःपूर्वक आवाहन करतो की बुधवार, २२ जुलै २०२६ रोजी सकाळी १०.०० ते सायंकाळी ४.०० वाजेपर्यंत भोसरी विधानसभा मतदारसंघातील विविध ठिकाणी आयोजित करण्यात आलेल्या रक्तदान शिबिरात मोठ्या संख्येने उपस्थित राहून रक्तदान करावे आणि या सामाजिक उपक्रमाला यशस्वी बनवावे ही नम्र विनंती..!

🎁 प्रत्येक रक्तदात्यास आकर्षक भेटवस्तू देण्यात येणार आहे.

चला... आपल्या लाडक्या देवाभाऊंना वाढदिवसाची शुभेच्छा अनोख्या पद्धतीने देऊया. रक्तदान करून समाजाप्रती आपले कर्तव्य पार पाडूया.

Devendra Fadnavis BJP Maharashtra

#रक्तदान_हेच_श्रेष्ठदान #महारक्तदान_शिबिर

संघटन ही शक्ती हैं..! पिंपरी-चिंचवड येथे आयोजित भारतीय जनता पार्टीच्या महत्त्वपूर्ण जिल्हा बैठकीत सहभागी होण्याची संधी ल...
19/07/2026

संघटन ही शक्ती हैं..!

पिंपरी-चिंचवड येथे आयोजित भारतीय जनता पार्टीच्या महत्त्वपूर्ण जिल्हा बैठकीत सहभागी होण्याची संधी लाभली.

यावेळी भाजपा महाराष्ट्र प्रदेशाध्यक्ष आ. रवींद्रजी चव्हाण यांनी संघटन अधिक सक्षम करण्यासाठी प्रभावी मार्गदर्शन केले. बूथ सक्षमीकरण, मतदार नोंदणी, जनसंपर्क अभियान आणि तळागाळातील संघटन अधिक बळकट करण्यावर विशेष भर देण्यात आला.

बैठकीस भाजपा महाराष्ट्र प्रदेशचे सरचिटणीस श्री राजेशजी पांडे, श्री. निरंजन डावखरे, पश्चिम महाराष्ट्र संयोजक श्री. विक्रमजी पावसकर, पिंपरी-चिंचवड जिल्ह्याचे प्रभारी श्री. भरत नाना पाटील, तसेच भाजपा पिंपरी-चिंचवड शहर जिल्हाध्यक्ष श्री. शत्रुघ्न (बापू) काटे यांची प्रमुख उपस्थित होते.

तसेच कोअर समितीचे सदस्य, आजी-माजी खासदार व आमदार, राज्य परिषदेचे सदस्य, जिल्हा पदाधिकारी, नगरसेवक, मनपा उमेदवार, मंडल अध्यक्ष, विविध मोर्चे, आघाडी, प्रकोष्ठ व सेलचे पदाधिकारी, विधानसभा BLA-1 आणि पदवीधर-शिक्षक नोंदणी प्रमुख बैठकीत सहभागी झाले.

भारतीय जनता पक्षाचा प्रत्येक कार्यकर्ता हा संघटनेचा कणा आहे. जनतेचा विश्वास, कार्यकर्त्यांची निष्ठा आणि विकासाचे राजकारण या त्रिसूत्रीच्या बळावर पिंपरी-चिंचवडमध्ये विकासाची वाटचाल अधिक वेगाने सुरू ठेवण्याचा निर्धार या बैठकीत करण्यात आला.

"मजबूत संघटन, समर्पित कार्यकर्ता आणि जनतेचा विश्वास... हाच भारतीय जनता पक्षाच्या यशाचा पाया आहे!"

Devendra Fadnavis Ravindra Chavan Niranjan Davkhare Shatrughna Kate BJP Maharashtra

#जनसेवा #विकास

महाराष्ट्र राज्याचे मुख्यमंत्री मा. श्री. देवेंद्रजी फडणवीस यांच्या अध्यक्षतेखाली महाराष्ट्र राज्याच्या प्रगतीच्या हेतून...
15/07/2026

महाराष्ट्र राज्याचे मुख्यमंत्री मा. श्री. देवेंद्रजी फडणवीस यांच्या अध्यक्षतेखाली महाराष्ट्र राज्याच्या प्रगतीच्या हेतूने नियोजनात्मक विकासाचे महत्त्वाचे निर्णय आजच्या मंत्रिमंडळ बैठकीत घेण्यात आले.
भाजपा महायुती सरकारच्या माध्यमातून महाराष्ट्र प्रगती करत आहे. महाराष्ट्राची घोडदौड आता थांबणार नाही याची खात्री आहे.

🔰 मंत्रिमंडळ निर्णय(संक्षिप्त) 🔰

✅ (क्रीडा विभाग)
बीड जिल्हा क्रीडा संकुलाच्या २४ कोटी ९५ लाख रुपयांच्या कामांना मंजुरी. क्रीडा संकुलात सिंथेटीक ॲथलेटिक ट्रॅक, फुटबॉल, हॉकी मैदान, व्हॉलीबॉल, कब्बडी, खोखो मैदान, इनडोअर हॉल इमारत अद्ययावतीकरण, वसतिगृहाच्या तिसऱ्या मजल्याचे बांधकाम, रेनवॉटर हार्वेस्टींग करणे, विविध खेळाची मैदानांचा समावेश.

✅ (सहकार व पणन विभाग)
दापचरी येथे उभारणार आंतरराष्ट्रीय दर्जाचा कृषी बाजार. दुग्ध प्रकल्पाची ५५८.४३ हेक्टर जमीन देण्याचा निर्णय. पालघर जिल्ह्यातील मौजे दापचरी ( ता.डहाणू) येथील दुग्ध प्रकल्पाची जमीन महाराष्ट्र राज्य कृषि पणन महामंडळास देण्यास मंजुरी. याठिकाणी आंतराष्ट्रीय दर्जाच्या कृषि बाजार उभारणीसह पणन विषयक सुविधा निर्माण करण्यात येणार. पालघर, ठाणेसह परिसरातील शेतकऱ्यांना सुविधेचा मोठा लाभ होणार.

✅ (सहकार व पणन विभाग)
शेतकऱ्यांना पीक कर्जासाठी मोठा दिलासा. पुण्यश्लोक अहिल्यादेवी होळकर शेतकरी कर्जमुक्ती योजना- २०२६च्या निकषात सुधारणा. २०१९ च्या कर्जमाफी योजनेतील सुमारे १३ लाख शेतकऱ्यांसाठीची पन्नास हजार रुपयांपर्यंतची मर्यादा रद्द करून, नियमित कर्जमाफी. सन २०२६-२७ मधील नियमित परतफेडीची अट रद्द केल्याने २३ लाख शेतकऱ्यांनाही मिळणार प्रोत्साहनपर लाभ.

✅ (नगर विकास विभाग)
राज्यातील नागरी स्थानिक स्वराज्य संस्थांच्या मालमत्तांसाठी मुद्रीकरण धोरण मंजुर. यामुळे मालमत्तांच्या वापरातून पारदर्शक आणि आणखी चांगले उत्पन्नाचे स्त्रोत निर्माण करता येणार. अल्पकालीन व दीर्घकालीन अशा नियोजनातून महापालिका, नगरपालिका, नगरपररिषदा, नगरपंचायतींना मिळकतीचे उपाय शोधता येणार.

✅ (नगर विकास विभाग)
राज्यात केंद्र शासन पुरस्कृत अर्बन चॅलेंज फंड अभियान राबविण्यात येणार. शहरांना दर्जेदार पायाभूत सुविधांच्या उभारणीसाठी बाजाराधारित वित्तपुरवठा मिळविता येणार.

✅ (महिला व बाल विकास)
अपराधी परिविक्षा अधिनियम, १९५८ अंतर्गत मुक्तबंदी व परिविक्षाधीन बंदी यांना देण्यात येणाऱ्या सहायक अनुदान योजनेच्या रक्कमेत दुप्पटीने वाढ. निर्दोष सुटलेल्या बंद्यांचा योजनेत समावेश करुन योजनेअंतर्गत सहायक अनुदान आता पंचवीस वरून पन्नास हजार रुपये इतकी वाढ.

✅ (गृह – परिवहन विभाग)
महाराष्ट्र राज्य परिवहन महामंडळाच्या – एसटीच्या राज्यभरातील अतिरिक्त जागांचा विकास होणार. पीपीपी तत्वावर जिल्हा, तालुका व ग्रामीण भागातील बसस्थानक व महामंडळाच्या जागांचा विकास करण्यास मान्यता

✅ (महसूल व वन विभाग)
महाराष्ट्र गौण खनिज उत्खनन (विकास व विनियमन) नियम, २०१३ मध्ये सुधारणा करण्यास मंजुरी.

Devendra Fadnavis Ravindra Chavan CMOMaharashtra BJP Maharashtra

#मंत्रिमंडळनिर्णय

10/07/2026

⭕ Live | महाराष्ट्र विधानसभा पावसाळी अधिवेशन २०२६

पूरग्रस्त श्रीक्षेत्र आळंदीच्या पुनर्बांधणीसाठी भाजपा महायुतीच्या राज्य सरकारने तातडीने १० कोटींचा विशेष निधी मंजूर करून...
08/07/2026

पूरग्रस्त श्रीक्षेत्र आळंदीच्या पुनर्बांधणीसाठी भाजपा महायुतीच्या राज्य सरकारने तातडीने १० कोटींचा विशेष निधी मंजूर करून संवेदनशीलता आणि तत्परतेचे दर्शन घडवले आहे. मा. मुख्यमंत्री श्री. देवेंद्रजी फडणवीस यांनी परिस्थितीवर सातत्याने लक्ष ठेवून भाविक व स्थानिक नागरिकांची गैरसोय दूर करण्यासाठी दिलेल्या मार्गदर्शनाबद्दल मनःपूर्वक आभार व्यक्त करीत आहोत. या निधीतून रस्ते, पूल, पाणीपुरवठा व्यवस्था, पथदिवे तसेच वारकऱ्यांसाठी आवश्यक स्वच्छता सुविधांची कामे युद्धपातळीवर पूर्ण होतील, असा विश्वास आहे. श्रीक्षेत्र आळंदी लवकरात लवकर पूर्ववत व्हावे आणि आषाढी वारी सुरळीत पार पडावी, हीच प्रार्थना आहे.

धन्यवाद देवाभाऊ..!

Devendra Fadnavis BJP Maharashtra

#देवेंद्रफडणवीस #आळंदी #आषाढीवारी #वारकरी #विठ्ठल #महाराष्ट्र #पूरग्रस्त #पुनर्बांधणी #जनसेवा #विकसितमहाराष्ट्र

Address

Pune

Telephone

+919379909090

Website

Alerts

Be the first to know and let us send you an email when BJP Bhosari posts news and promotions. Your email address will not be used for any other purpose, and you can unsubscribe at any time.

Shortcuts

Share

Category