छावा वाहन चालक मालक कामगार संघ

12/09/2026

🌹🎂 दिलखुलास व्यक्तिमत्त्वाला वाढदिवसाच्या मनःपूर्वक शुभेच्छा! 🎂🌹

छावा वाहन चालक मालक कामगार संघाचे संस्थापक सदस्य व महाराष्ट्र प्रदेश सह - खजिनदार श्री. अजय भाऊ साळवे यांना वाढदिवसाच्या हार्दिक शुभेच्छा! 💐

अजय भाऊ… नावापेक्षा नातं मोठं आहे!
माझ्यासाठी तुम्ही केवळ संघटनेतील सहकारी नाही, तर एका लहान भावासारखे आहात.

संकट कितीही मोठं असो, अडचण कितीही कठीण असो… विश्वासाने आपल्या माणसाच्या पाठीशी खंबीरपणे उभं राहणारा माणूस म्हणजे अजय भाऊ.

स्वच्छ मन, सुंदर विचार, प्रामाणिक कष्ट आणि माणुसकीची जाण ही तुमची खरी ओळख आहे. आपल्या कष्टांवर विश्वास ठेवत, रिक्षाचालकांच्या प्रश्नांसाठी प्रामाणिकपणे झगडण्याची तुमची भूमिका नेहमीच प्रेरणादायी आहे.

नातं रक्ताचं नसतं, तर विश्वासाचं असतं…
आणि तुमच्यासारखा विश्वासू लहान भाऊ मिळणं ही माझ्यासाठी अभिमानाची गोष्ट आहे. ❤️

ईश्वर तुम्हाला उत्तम आरोग्य, सुख-समृद्धी, यश आणि दीर्घायुष्य देवो. तुमच्या हातून कष्टकरी आणि रिक्षाचालक बांधवांची अशीच प्रामाणिक सेवा घडत राहो.

🎉💐 अजय भाऊ, वाढदिवसाच्या मनःपूर्वक हार्दिक हार्दिक शुभेच्छा! 💐🎉

आपला,
श्री. बाळासाहेब ढवळे
संस्थापक अध्यक्ष
छावा वाहन चालक मालक कामगार संघ

24/08/2026

14/08/2026

आज आपण आपल्या पवित्र मातृभूमीच्या स्वातंत्र्याची ७९ वर्षे पूर्ण करून ८० व्या वर्षात अभिमानाने पदार्पण करत आहोत! 🇮🇳✨
हा केवळ एक उत्सव नाही, तर आपल्या धमन्यांमध्ये देशभक्तीचे रक्त स्फुरवणारा आणि त्या कोट्यवधी ज्ञात-अज्ञात स्वातंत्र्यवीरांच्या, क्रांतिकारकांच्या बलिदानाला वंदन करण्याचा सुवर्णक्षण आहे.
महात्मा गांधी, डॉ. बाबासाहेब आंबेडकर, सुभाषचंद्र बोस, चंद्रशेखर आझाद, शहीद भगतसिंग यांसारख्या महापुरुषांसोबतच, देशाच्या कानाकोपऱ्यातून ज्या अगणित वीरांनी हसत हसत प्राणांची आहुती दिली, त्यांच्या अखंड त्यागामुळेच आज आपण ८० व्या वर्षाच्या पदार्पणात आपण स्वतंत्र आणि समृद्ध भारताचा मोकळा श्वास घेत आहोत. त्यांच्या बलिदानाचे हे ऋण आपल्यावर सदैव राहील!
✊ 'छावा' संघटन:
स्वातंत्र्याची ८० पदार्पण वर्षे साजरी करत असताना आपल्याला हे विसरून चालणार नाही की, स्वातंत्र्य म्हणजे केवळ हक्क नव्हे, तर जबाबदारी आहे!
आज छावा वाहन चालक मालक कामगार संघाच्या प्रत्येक सभासद आणि पदाधिकाऱ्याचे हेच मुख्य ध्येय असले पाहिजे की, हे मिळालेले स्वातंत्र्य आणि लोकशाही टिकवण्यासाठी आपल्या सहकार्यांमध्ये समता, बंधुता आणि स्वातंत्र्य ही मूल्ये तळागाळापर्यंत रुजवणे.
आपली संकल्पपूर्ती आणि ध्येय:
👥 जातीजातीत विसंवाद नाही: एकमेकांमध्ये तेढ निर्माण करण्यापेक्षा, सर्व भारतीयांनी एकत्र येऊन देश आणि समाज घडवण्यावर भर देणे.
🇮🇳 'आम्ही भारताचे लोक': डॉ. बाबासाहेब आंबेडकरांनी भारतीय राज्यघटनेच्या सरनाम्यात दिलेल्या 'आम्ही भारताचे लोक' या मूलमंत्राला अभिप्रेत असणारे आचरण करणे.
🚀 सक्षम तरुण पिढी: देशाच्या प्रगतीसाठी, स्वाभिमानासाठी आणि समृद्धीसाठी सुशिक्षित, संवेदनशील आणि जबाबदार तरुण पिढी घडवणे.चला,

या ८० व्या वर्षातील पदार्पणाच्या ऐतिहासिक क्षणी शपथ घेऊया—संघटित राहूया, कामगार ऐक्याचा आणि बंधुत्वाचा तिरंगा सदैव उंच ठेवूया आणि देशाच्या प्रगतीत आपले योगदान देऊया! 🇮🇳

13/08/2026

**चाळीस हजार वेतनाची नोकरी द्या;

नाहीतर बेरोजगार तरुणांना दहा हजार रुपये अनुदान द्या!**

— प्राध्यापक नामदेवराव जाधव

तरुणांनो, हा प्रश्न फक्त नोकरीचा नाही… हा आपल्या भविष्याचा प्रश्न आहे!

शिक्षण घेऊनही रोजगाराच्या प्रतीक्षेत असलेल्या तरुणांच्या प्रश्नाला आता केवळ आश्वासनांमध्ये न ठेवता, तो ठोसपणे शासन आणि समाजासमोर मांडण्याची गरज आहे.

चाळीस हजार रुपये मासिक उत्पन्नाची रोजगाराची संधी उपलब्ध करून द्या; अथवा रोजगार मिळेपर्यंत बेरोजगार तरुणांना दहा हजार रुपये मासिक अनुदान द्या, ही भूमिका घेऊन प्राध्यापक नामदेवराव जाधव साहेब यांच्या नेतृत्वाखाली मार्गदर्शन, प्रबोधन आणि आंदोलन आयोजित करण्यात आले आहे.

या आंदोलनाचा उद्देश केवळ घोषणा देणे नाही; तर तरुणांना रोजगाराच्या उपलब्ध संधी, आवश्यक कौशल्ये, रोजगार मिळवण्यासाठीची तयारी, स्वयंरोजगाराच्या शक्यता आणि शासनाच्या योजनांचा लाभ घेण्याचे मार्ग याबाबत मार्गदर्शन मिळवून देणे हा आहे.

तरुणांनो, फक्त नोकरीची वाट पाहू नका… आपल्या हक्कासाठी आवाज उठा!

आपल्या शिक्षणाचा, कौशल्याचा आणि कष्टाचा योग्य मोबदला मिळणे हा तरुणांचा न्याय्य प्रश्न आहे. त्यामुळे प्रत्येक बेरोजगार तरुणाने या आंदोलनात सहभागी होऊन आपला प्रश्न मांडला पाहिजे.

छावा वाहन चालक मालक कामगार संघ या आंदोलनात सक्रिय सहभाग घेत असून, बेरोजगार तरुणांच्या रोजगाराच्या प्रश्नाला संघटनेचा जाहीर पाठिंबा आहे.

संघटनेचे अध्यक्ष बाळासाहेब ढवळे, उपाध्यक्ष श्री लक्ष्मण भाऊ शेलार, प्रदेशाध्यक्ष श्री सोमनाथ भाऊ कलाटे, शहर अध्यक्ष श्री हिरामन गवारे, उपाध्यक्ष श्री संजय दौंडकर, सचिव स्वप्निल भालेकर, , अजय साळवे , विनायक ढोबळे , रुपेश घोटकुले , अविनाश जोगदंड, रवींद्र लंके , दिलीप लोंढे , चेतन राऊत, समीर इनामदार, इरफान सय्यद, सोमनाथ आवारे , निखिल येवले…मारुती बोराटे .., निखिल मुळुक, संदीप बोरगे .. दिपक कुसाळकर..तसेच सर्व पदाधिकारी, कार्यकर्ते आणि सहकाऱ्यांनी पिंपरी-चिंचवड व परिसरातील सर्व बेरोजगार, शिक्षित आणि रोजगाराच्या शोधात असलेल्या तरुणांनी मोठ्या संख्येने उपस्थित राहावे, असे आवाहन केले आहे.

📅 १५ ऑगस्ट २०२६
⏰ सकाळी ११.०० वा.
📍 विश्वरत्न भारतरत्न डॉ. बाबासाहेब आंबेडकर स्मारक, पिंपरी

06/08/2026

!! छावा वाहन चालक मालक कामगार संघ !!

🎉 वाढदिवस विशेष 🎉

छावा वाहन चालक मालक कामगार संघाचे संस्थापक सदस्य व खजिनदार, आमचे जिवलग मित्र, सन्माननीय श्री. विनायक ढोबळे पाटील यांना वाढदिवसानिमित्त मनःपूर्वक हार्दिक शुभेच्छा!

शिवनेरीच्या पवित्र पायथ्याशी जन्मलेल्या विनायक ढोबळे पाटील यांनी लहानपणापासूनच छत्रपती शिवाजी महाराजांच्या विचारांचे संस्कार आत्मसात केले. शिवभक्ती, समाजसेवा आणि जनहिताची तळमळ ही त्यांच्या व्यक्तिमत्त्वाची खरी ओळख आहे.

समाजहितासाठी सातत्याने कार्यरत राहून ते दरवर्षी शिवजयंती निमित्त मॅरेथॉन, मोफत आरोग्य तपासणी शिबिरे, नेत्रतपासणी शिबिरे, रक्तदान शिबिरे, अन्नदान तसेच विविध सामाजिक उपक्रमांचे यशस्वी आयोजन करत असतात. त्यांच्या कार्यातून समाजाप्रती असलेली बांधिलकी सातत्याने दिसून येते.

यासोबतच छावा वाहन चालक मालक कामगार संघाच्या माध्यमातून रिक्षा चालकांच्या विविध समस्या सोडविण्यासाठी ते नेहमीच अग्रस्थानी राहिले आहेत. संघटनेच्या प्रत्येक आंदोलनात, प्रत्येक सामाजिक उपक्रमात आणि प्रत्येक विधायक कार्यात ते खांद्याला खांदा लावून कार्यरत असतात. त्यांचा मनमिळाऊ स्वभाव, सेवाभावी वृत्ती आणि कार्यनिष्ठा यामुळे ते सर्व सहकाऱ्यांचे विश्वासू मित्र बनले आहेत.

ईश्वरचरणी हीच प्रार्थना की, त्यांना उत्तम आरोग्य, दीर्घायुष्य, सुख-समृद्धी, आर्थिक भरभराट आणि सामाजिक कार्यासाठी अखंड ऊर्जा लाभो. त्यांच्या आयुष्यात यश, कीर्ती आणि समाधानाची भरभराट होत राहो.

💐 श्री. विनायक ढोबळे पाटील यांना वाढदिवसानिमित्त कोटी कोटी हार्दिक शुभेच्छा! 💐

शुभेच्छुक :

बाळासाहेब ढवळे
संस्थापक अध्यक्ष
छावा वाहन चालक मालक कामगार संघ

06/08/2026

छावा वाहन चालक मालक कामगार संघाचा पुढील टप्पा सुरू…

मीटर दर निश्चितीनंतर आता स्थानिक रिक्षा चालकांचे प्रश्न प्राधान्याने सोडविणार

छावा वाहन चालक मालक कामगार संघाने रिक्षा मीटर दर निश्चितीसाठी केलेल्या सातत्यपूर्ण संघर्षानंतर आता संघटनेने आपले लक्ष स्थानिक रिक्षा चालकांच्या दैनंदिन प्रश्नांकडे केंद्रित करण्याचा निर्णय घेतला आहे.

याच पार्श्वभूमीवर संघटनेचे संस्थापक उपाध्यक्ष मा. श्री. लक्ष्मणभाऊ शेलार यांनी वाकड परिसरातील संघटनेचे पदाधिकारी श्री. इरफानभाई सय्यद व श्री. अमोल सूर्यवंशी यांच्यासोबत सविस्तर चर्चा करून येत्या काळातील कामकाजाचा आराखडा निश्चित केला.

या बैठकीत स्पष्ट करण्यात आले की, प्रदेशाध्यक्ष मा. श्री. सोमनाथभाऊ कलाटे यांच्या नेतृत्वाखाली वाकड परिसरातील प्रत्येक रिक्षा चालकाच्या न्याय्य प्रश्नांसाठी संघटना सातत्याने पाठपुरावा करणार असून, श्री. इरफानभाई सय्यद व श्री. अमोल सूर्यवंशी यांच्या माध्यमातून स्थानिक स्तरावरील कामे अधिक वेगाने पूर्ण करण्यात येतील.

बैठकीत रिक्षा चालकांसमोरील अनेक महत्त्वाच्या विषयांवर सखोल चर्चा झाली. त्यामध्ये—

* रिक्षा स्टँडचे प्रश्न व नवीन स्टँडची आवश्यकता.
* पोलिस, आरटीओ व स्थानिक प्रशासनाशी समन्वय.
* बेकायदेशीर रिक्षा व अनधिकृत वाहतुकीवर नियंत्रण.
* रिक्षा चालकांवरील अन्याय, खोट्या तक्रारी व कायदेशीर मदत.
* वाहतूक कोंडीमुळे होणाऱ्या अडचणी.
* चालकांच्या सुरक्षिततेचे प्रश्न.
* शासनाच्या विविध योजना, विमा, कल्याणकारी सुविधा व अनुदान चालकांपर्यंत पोहोचविणे.
* धर्मवीर आनंद दिघे साहेब रिक्षा-टॅक्सी कल्याणकारी महामंडळाच्या योजनांचा जास्तीत जास्त लाभ मिळवून देण्यासाठी विशेष पाठपुरावा.
* स्थानिक पातळीवरील प्रत्येक अडचणीसाठी तत्काळ संघटनात्मक मदत उपलब्ध करून देणे.

यावेळी मा. श्री. लक्ष्मणभाऊ शेलार यांनी सांगितले की, “मीटर दरवाढ हा संघर्षाचा शेवट नसून, तो पुढील मोठ्या लढ्याची सुरुवात आहे. संघटना केवळ आंदोलन करणारी नाही, तर रिक्षा चालकांच्या प्रत्येक अडचणीत खंबीरपणे उभी राहणारी संघटना आहे. स्थानिक प्रश्न सोडविण्यासाठी प्रत्येक पदाधिकाऱ्याने जबाबदारीने काम करावे आणि चालकांचा विश्वास जपावा.”

बैठकीस प्रदेशाध्यक्ष मा. श्री. सोमनाथभाऊ कलाटे, शहराचे नेते मा. श्री. अमोल सूर्यवंशी, उपाध्यक्ष मा. श्री. इरफानभाई सय्यद तसेच संस्थापक उपाध्यक्ष मा. श्री. लक्ष्मणभाऊ शेलार उपस्थित होते.

04/08/2026

🚖 रिक्षा चालकांच्या न्याय्य हक्कासाठीच्या संघर्षाला यश! 🚖

छावा वाहन चालक मालक कामगार संघ तर्फे रिक्षा मीटर दरवाढीसाठी केलेल्या सातत्यपूर्ण, प्रामाणिक आणि अभ्यासपूर्ण पाठपुराव्याला अखेर यश मिळाले आहे. १ सप्टेंबरपासून नवीन मीटर दर लागू होणार असल्याने वाढत्या महागाईच्या काळात रिक्षा चालकांना मोठा दिलासा मिळणार आहे.

इंधनाचे वाढते दर, स्पेअर पार्ट्स, टायर, इंजिन ऑइल, विमा, देखभाल खर्च आणि कुटुंबाचा वाढता आर्थिक भार यामुळे रिक्षा चालकांचे जीवन अत्यंत कठीण झाले होते. अशा परिस्थितीत संघटनेच्या पदाधिकाऱ्यांनी कोणताही गाजावाजा न करता सातत्याने शासन, प्रशासन आणि संबंधित विभागांकडे पाठपुरावा करून रिक्षा चालकांची बाजू प्रभावीपणे मांडली. त्या प्रयत्नांना आज यश मिळाले आहे.

या यशासाठी संघटनेचे संस्थापक उपाध्यक्ष श्री लक्ष्मण भाऊ शेलार, सचिव श्री स्वप्निल भालेकर, प्रदेश अध्यक्ष श्री सोमनाथ भाऊ कलाटे, शहर अध्यक्ष श्री हिरामन शेठ गवारे, उपाध्यक्ष श्री संजय दौंडकर,सहसचिव श्री रवींद्र लंके, प्रवक्ते श्री अविनाश जोगदंड, सहखजिनदार श्री अजय साळवे , चेतन राऊत आणि सर्व पदाधिकारी, कार्यकर्ते आणि प्रत्येक रिक्षा चालक यांचे मनःपूर्वक अभिनंदन!

परंतु आमचा संघर्ष इथेच थांबणार नाही…

आता छावा वाहन चालक मालक कामगार संघाची पुढील लढाई ही धर्मवीर आनंद दिघे साहेब रिक्षा टॅक्सी कल्याणकारी महामंडळ मार्फत राज्यातील रिक्षा चालकांना दरमहा ₹१०,०००/- आर्थिक अनुदान मिळवून देण्यासाठी असेल.

महागाई कमी होत नाही, तोपर्यंत रिक्षा चालकांच्या कुटुंबाचा उदरनिर्वाह सन्मानाने व्हावा, त्यांना आर्थिक आधार मिळावा आणि हा व्यवसाय टिकून राहावा, यासाठी हे अनुदान अत्यावश्यक आहे.

✊ आमचा निर्धार स्पष्ट आहे…

मीटर दरवाढ हा पहिला टप्पा…
आता पुढचा टप्पा – प्रत्येक रिक्षा चालकाला दरमहा ₹१०,०००/- अनुदान!

छावा वाहन चालक मालक कामगार संघ
“संघर्ष आमचा… विजय रिक्षा चालकांचा!”
!! जय भीम जय शिवराय !!
आपला
बाळासाहेब ढवळे
संस्थापक अध्यक्ष
छावा वाहन चालक मालक कामगार संघ

31/07/2026

प्रेस प्रसिद्धीपत्रक

रिक्षा चालकांच्या न्याय्य मागण्यांची उप प्रादेशिक परिवहन कार्यालय, पिंपरी-चिंचवड यांनी घेतली गंभीर दखल

सीएनजीच्या दरात सातत्याने होत असलेली वाढ, रिक्षांच्या सुट्या भागांच्या किमती, दुरुस्ती, विमा, फिटनेस, परवाने व देखभाल खर्चामध्ये झालेली भरमसाठ वाढ यामुळे रिक्षा चालकांचे आर्थिक गणित पूर्णपणे विस्कळीत झाले आहे. या गंभीर परिस्थितीची दखल घेत छावा वाहन चालक मालक कामगार संघ गेल्या एक महिन्यापासून सातत्याने विविध शासकीय स्तरावर पाठपुरावा करत आहे.

या संदर्भात संघटनेच्या शिष्टमंडळाने उप प्रादेशिक परिवहन कार्यालय, पिंपरी-चिंचवड, जिल्हाधिकारी कार्यालय, मा. मुख्यमंत्री कार्यालय ,मा. परिवहन मंत्री तसेच धर्मवीर आनंद दिघे साहेब रिक्षा टॅक्सी कल्याणकारी महामंडळ यांच्याकडे लेखी निवेदने सादर करून रिक्षा चालकांच्या प्रश्नांवर तातडीने निर्णय घेण्याची मागणी केली आहे.

संघटनेच्या प्रमुख मागण्या

१) रिक्षा मीटर दरात तात्काळ वाढ करण्यात यावी.

२) महागाई व सीएनजी इंधन दरवाढ नियंत्रणात येईपर्यंत धर्मवीर आनंद दिघे साहेब रिक्षा टॅक्सी कल्याणकारी महामंडळाच्या माध्यमातून पात्र रिक्षा चालकांना महागाई भत्ता म्हणून ₹१०,००० चे अनुदान देण्यात यावे.

या मागण्यांची उप प्रादेशिक परिवहन कार्यालय, पिंपरी-चिंचवड यांनी गांभीर्याने दखल घेतली असून त्याबाबत संघटनेला अधिकृत लेखी पत्र दिले आहे.

सदर पत्रामध्ये रिक्षा मीटर दरवाढीबाबतचा प्रस्ताव मा. प्रादेशिक परिवहन प्राधिकरण, पुणे यांच्या आगामी संयुक्त बैठकीसमोर सादर करण्यात येणार असल्याचे नमूद करण्यात आले आहे.

तसेच धर्मवीर आनंद दिघे साहेब रिक्षा टॅक्सी कल्याणकारी महामंडळाच्या माध्यमातून रिक्षा चालकांना ₹१०,००० महागाई भत्ता देण्याबाबतचे निवेदन संबंधित मुख्य कार्यकारी अधिकाऱ्यांकडे पुढील कार्यवाहीसाठी पाठविण्यात आले असल्याचे पत्रात स्पष्ट करण्यात आले आहे.

महत्त्वाची बाब म्हणजे, या दोन्ही मागण्यांची उप प्रादेशिक परिवहन कार्यालय, पिंपरी-चिंचवड यांनी सकारात्मक दखल घेत शासन व संबंधित प्रशासनाकडे आवश्यक पाठपुरावा सुरू केला असून, लवकरात लवकर संबंधित बैठकीमध्ये या दोन्ही विषयांवर चर्चा करून मार्ग काढण्याचे आश्वासन संघटनेच्या शिष्टमंडळाला दिले आहे.

छावा वाहन चालक मालक कामगार संघाचा विश्वास आहे की, रिक्षा चालकांच्या न्याय्य प्रश्नांवर प्रशासन सकारात्मक निर्णय घेईल. मात्र अंतिम निर्णय होईपर्यंत संघटनेचा पाठपुरावा अधिक तीव्रतेने सुरू राहणार असून रिक्षा चालकांना न्याय मिळवून देण्यासाठी संघटना कटिबद्ध आहे.

शिष्टमंडळामध्ये उपस्थित पदाधिकारी

* संस्थापक उपाध्यक्ष श्री लक्ष्मणभाऊ शेलार (शिष्टमंडळ प्रमुख)
* प्रदेशाध्यक्ष श्री सोमनाथभाऊ कलाटे
* शहराध्यक्ष श्री हिरामण गवारे
* सहसचिव श्री रवींद्र लंके
* सहखजिनदार श्री अजय साळवे
* प्रवक्ते श्री अविनाश जोगदंड
* तसेच रिक्षा पंचायत, पिंपरी-चिंचवडचे शहराध्यक्ष श्री अशोक मिरगे (मामा) व इतर सहकारी उपस्थित होते.

– प्रसिद्धी विभाग
छावा वाहन चालक मालक कामगार संघ

20/07/2026

🚖 रिक्षा चालकांच्या प्रश्नांवर डीसीपी वाहतूक शाखेसोबत संयुक्त बैठक; सकारात्मक चर्चा

पिंपरी-चिंचवड | प्रतिनिधी

छावा वाहन चालक मालक कामगार संघ आणि रिक्षा पंचायत यांच्या संयुक्त शिष्टमंडळाने आज पिंपरी-चिंचवड वाहतूक विभागाचे उपायुक्त (डीसीपी) श्री विक्रांत देशमुख साहेब यांची भेट घेऊन शहरातील रिक्षा चालकांच्या विविध प्रश्नांवर सविस्तर चर्चा केली.

या बैठकीत प्रामाणिक रिक्षा चालकांना भेडसावणाऱ्या अडचणी, त्यांच्या समस्या सोडविण्यासाठी आवश्यक उपाययोजना, तसेच काही स्वार्थी व बोगस व्यक्तींमार्फत रिक्षा चालकांविरुद्ध करण्यात येणाऱ्या खोट्या तक्रारींचा मुद्दा ठामपणे मांडण्यात आला. अशा खोट्या तक्रारींमुळे प्रामाणिक रिक्षा चालकांवर विनाकारण कारवाई होत असून त्यांच्यावर अन्याय होत असल्याचे शिष्टमंडळाने डीसीपी यांच्या निदर्शनास आणून दिले.

यावेळी डीसीपी श्री विक्रांत देशमुख साहेब यांनी स्पष्ट आश्वासन दिले की, “केवळ कुणाच्या सांगण्यावरून कोणत्याही रिक्षा चालकावर कारवाई केली जाणार नाही. प्रत्येक प्रकरणाची वस्तुनिष्ठ पडताळणी करूनच योग्य निर्णय घेतला जाईल.”

यावेळी त्यांनी रिक्षा चालकांचे कौतुक करताना सांगितले की, “रिक्षा चालक हा शहराचा जागरूक नागरिक असून पोलीस प्रशासनाचा तिसरा डोळा आहे. अनेक वेळा सतर्क रिक्षा चालकांमुळे गुन्हेगारीवर नियंत्रण ठेवण्यास मदत होते. तसेच वाहतूक कोंडी सोडविण्यासाठीही अनेक रिक्षा चालक स्वयंस्फूर्तीने रस्त्यावर उतरून प्रशासनाला सहकार्य करतात.”

तसेच त्यांनी रिक्षा चालकां
व्यवसाय करताना स्वतःची, कुटुंबाची आणि प्रवाशांच्या सुरक्षिततेची जबाबदारी लक्षात ठेवून नियमांचे पालन करण्याचे आवाहन केले. रिक्षा चालकाची ओळख त्याचा शिस्तबद्ध पोशाख, सभ्य वर्तन आणि प्रामाणिक सेवा आहे, असेही त्यांनी नमूद केले. रिक्षा चालकांच्या रास्त प्रश्नांबाबत डीसीपी कार्यालयामार्फत सकारात्मक कार्यवाही करून ते सोडविण्यासाठी आपण स्वतः लक्ष देऊ, असे आश्वासनही त्यांनी दिले.

बैठकीनंतर छावा वाहन चालक मालक कामगार संघ आणि रिक्षा पंचायत यांच्या वतीने डीसीपी श्री विक्रांत देशमुख साहेब यांचा पुष्पगुच्छ देऊन सत्कार करण्यात आला.

या प्रसंगी छावा वाहन चालक मालक कामगार संघाचे संस्थापक उपाध्यक्ष श्री लक्ष्मणभाऊ शेलार, प्रदेशाध्यक्ष श्री सोमनाथभाऊ कलाटे, रिक्षा पंचायत पिंपरी-चिंचवड शहराध्यक्ष श्री अशोक (मामा) मिरगे, छावा वाहन चालक मालक कामगार संघ सहसचिव श्री रवींद्र लंके आदी पदाधिकारी उपस्थित होते.

🚖 “रिक्षा चालकांचा सन्मान, सुरक्षित व्यवसाय आणि न्याय्य हक्कांसाठी आमचा लढा कायम सुरू राहील.”

— छावा वाहन चालक मालक कामगार संघ
:::