05/08/2026
ಮೊದಲ ಹಂತದಲ್ಲಿ ಮ್ಯಾಪಿಂಗ್ ಎರಡನೇ ಹಂತದಲ್ಲಿ ಎನ್ಯುಮರೇಷನ್ ಪಾರಂ ಭರ್ತಿ ಮಾಡಿಸಿ upload ಮಾಡಿ ಸುಮ್ಮನಿದ್ದೀರಾ...........
ಹಾಗಿದ್ದರೆ,ನೀವು ಈಗ ತಕ್ಷಣದಲ್ಲಿ ಮಾಡಬೇಕಿರುವದೇನೆಂದರೆ ನಿಮ್ಮ ಸ್ಥಳೀಯ ಬಿಎಲ್ಒಗಳನ್ನು ಸಂಪರ್ಕಿಸಿ ಅವರಲ್ಲಿರುವ ಎಸ್ಐಆರ್ app ಓಪನ್ ಮಾಡಿಸಿಕೊಂಡು ಅದರಲ್ಲಿರುವ ಲಾಜಿಕಲ್ ಡಿಸ್ಕ್ರಿಪೆನ್ಸಿ window ಓಪನ್ ಮಾಡಿಸಿ ಯಾರ ಹೆಸರಲ್ಲಿ ಅನಾಮಲಿ ಬಂದಿದೆಯೋ ಅವರ ಹೆಸರು ಕ್ರಮಸಂಖ್ಯೆ ಮತ್ತು ಡಿಸ್ಕ್ರಿಪೆನ್ಸಿಗೆ (ಅನಾಮಲಿ) ಕಾರಣವೇನೆಂದು ಪಟ್ಟಿ ಮಾಡಿಟ್ಟುಕೊಳ್ಳಿ.
ಡಿಸ್ಕ್ರಿಪೆನ್ಸಿ ಅಥವಾ ಅನಾಮಲಿಯ ಪ್ರಮುಖ ಕಾರಣಗಳು ಈ ರೀತಿ ಇದೆ.
1) ಸೆಲ್ಫ್ ಮ್ಯಾಪಿಂಗ್ ಮಾಡಿಕೊಂಡಿದ್ದರೆ 2002 ಮತ್ತು ಈಗಿನ ಮತದಾರರ ಪಟ್ಟಿಯಲ್ಲಿರುವ ನಿಮ್ಮ ಹೆಸರು ಹೊಂದಾಣಿಕೆಯಾಗದಿರುವುದು.
2) ಪ್ರೊಜೆನಿ ಮ್ಯಾಪಿಂಗ್ ಯಾರ ಹೆಸರಿನಲ್ಲಿ ಮಾಡಿಕೊಂಡಿದ್ದೀರೋ ಅವರ ಹೆಸರು 2002 ಮತ್ತು ಈಗಿನ ಮತದಾರರ ಪಟ್ಟಿಗೆ ಹೊಂದಾಣಿಕೆಯಾಗದಿರುವುದು
3) ಒಂದೇ ವ್ಯಕ್ತಿಗೆ 6 ಕ್ಕಿಂತ ಹೆಚ್ಚು ಮತದಾರರನ್ನು ಮ್ಯಾಪಿಂಗ್ ಮಾಡಿರುವುದು.
4) ಅಪ್ಪ ಅಥವಾ ಅಮ್ಮನೊಂದಿಗೆ ಮ್ಯಾಪಿಂಗ್ ಮಾಡಿಕೊಂಡಿರುವ ಮತದಾರರ ವಯಸ್ಸಿನ ಅಂತರ 50 ವರ್ಷಕ್ಕಿಂತ ಹೆಚ್ಚು ಇರುವುದು.
5) ಅಪ್ಪ ಅಥವಾ ಅಮ್ಮನೊಂದಿಗೆ ಮ್ಯಾಪಿಂಗ್ ಮಾಡಿಕೊಂಡಿರುವ ಮತದಾರರ ವಯಸ್ಸಿನ ಅಂತರ 15 ವರ್ಷಕ್ಕಿಂತ ಕಡಿಮೆ ಇರುವುದು.
6) ಅಜ್ಜ ಅಥವಾ ಅಜ್ಜಿಯೊಂದಿಗೆ ಮ್ಯಾಪಿಂಗ್ ಮಾಡಿಕೊಂಡಿದ್ದರೆ, ಅವರ ಮತ್ತು ಮತದಾರರ ನಡುವಿನ ವಯಸ್ಸಿನ ಅಂತರ 40 ವರ್ಷಕ್ಕಿಂತ ಕಡಿಮೆ ಇರುವುದು.
7) ಸಹೋದರ ಅಥವಾ ಸಹೋದರಿಯರ ಜನ್ಮ ದಿನಾಂಕಗಳ ನಡುವಿನ ಅಂತರ 9 ತಿಂಗಳಿಗಿಂತ ಕಡಿಮೆ ಇರುವುದು.
8) ಮೇಲಿನ ಯಾವುದೇ ಕಾರಣ ಅಲ್ಲದಿದ್ದರೆ ಬಿಎಲ್ಒ ಕಣ್ತಪ್ಪಿನಿಂದ ಅನಗತ್ಯ ಮಾಹಿತಿಯನ್ನು ನಮೂದಿಸಿರುವುದು,ಅಥವಾ ತಂತ್ರಜ್ಞಾನ ದೋಷದಿಂದಲೂ ಅನಾಮಲಿ ಪಟ್ಟಿಯಲ್ಲಿ ಹೆಸರು ಬರುವ ಸಾದ್ಯತೆ ಇರುತ್ತದೆ.
ಪರಿಹಾರ:-
✅ ಮೊದಲ ಮತ್ತು ಎರಡನೇ ಸಮಸ್ಯೆಗೆ 2002 ರ ಮ್ಯಾಪಿಂಗ್ ಹೆಸರನ್ನು ಮತ್ತು ಸಂಖ್ಯೆಗಳನ್ನು (ಸ್ವತಃ,ಅಪ್ಪ, ಅಮ್ಮ,ಅಥವಾ ಎರಡೂ ಕಡೆಯ ಅಜ್ಜ ಅಜ್ಜಿ) ಇವರಲ್ಲಿ ಯಾರಿಗಾದರೂ ಬದಲಾಯಿಸಿಕೊಂಡು ಪುನಃ upload ಮಾಡಿಸಿ.ಮತ್ತು ನಿಮಗೆ ಈಗಾಗಲೇ ನೀಡಿರುವ ಫಾರಂನಲ್ಲೂ ತಿದ್ದುಪಡಿಸಿಟ್ಟುಕೊಳ್ಳಿ.
✅ ಮೂರನೇ ಕ್ರಮಾಂಕದ ಸಮಸ್ಯೆಗೆ ಈಗಾಗಲೇ ಮ್ಯಾಪಿಂಗ್ ಮಾಡಿರುವ ಹೆಸರನ್ನು ಅಪ್ಪ,ಅಮ್ಮ,ಅಥವಾ ಎರಡೂ ಕಡೆಯ ಅಜ್ಜ ಅಜ್ಜಿಯರಿಗೆ ಹಂಚಿಕೆ ಮಾಡಿ ಮ್ಯಾಪಿಂಗ್ ಮಾಡಿಕೊಳ್ಳಿ,ಲಾಜಿಕಲ್ ಡಿಸ್ಕ್ರಿಪೆನ್ಸಿ ಐದಕ್ಕಿಂತ ಕಡಿಮೆ ಇದ್ದರೆ ಯಾವ ಸಮಸ್ಯೆ ಇರುವುದಿಲ್ಲ.
ಉದಾಹರಣೆಗೆ:- ಒಂದು ತಂದೆಯ ಹೆಸರಿನಲ್ಲಿ ಏಳು ಜನ ಮಕ್ಕಳು ಮ್ಯಾಪಿಂಗ್ ಮಾಡಿದ್ದಾರೆಂದರೆ ಆ ಏಳು ಜನ ಮಕ್ಕಳು ಲಾಜಿಕಲ್ ಡಿಸ್ಕ್ರಿಪೆನ್ಸಿಯಲ್ಲಿ ಬಂಧಿತರಾಗುತ್ತಾರೆ,ಅವರಲ್ಲಿ ಇಬ್ಬರು ತಾಯಿಗೆ ಅಥವಾ ಎರಡೂ ಕಡೆಯ ಅಜ್ಜ ಅಜ್ಜಿಯರಿಗೆ ಮ್ಯಾಪಿಂಗ್ ಬದಲಾಯಿಸಿಕೊಂಡರೆ ಉಳಿದ ಐವರು ಲಾಜಿಕಲ್ ಡಿಸ್ಕ್ರಿಪೆನ್ಸಿಯಿಂದ automatic ಆಗಿ ಬಿಡುಗಡೆಯಾಗುತ್ತಾರೆ.
✅ ನಾಲ್ಕು,ಐದು,ಮತ್ತು ಆರನೇ ಕ್ರಮಾಂಕದ ಸಮಸ್ಯೆಗೆ (ಸ್ವತಃ,ಅಪ್ಪ,ಅಮ್ಮ,ಅಥವಾ ಎರಡೂ ಕಡೆಯ ಅಜ್ಜ ಅಜ್ಜಿಯರಿಗೆ ಮ್ಯಾಪಿಂಗ್ ಬದಲಾಯಿಸಿ ಅನಾಮಲಿಯಿಂದ ಬಿಡುಗಡೆಯಾಗಲು ಪ್ರಯತ್ನಿಸಿ,ಆದರೂ ನಿಮ್ಮ ಡಿಸ್ಕ್ರಿಪೆನ್ಸಿ ಅಸಾದ್ಯವಾದರೆ ನೋಟೀಸ್ ಅವಧಿಯಲ್ಲಿ ಸಂಭಂದಿಸಿದ ದಾಖಲೆಯನ್ನು ಪ್ರಸ್ತುತಪಡಿಸಲು ಸಿದ್ದರಾಗಿ.
✅ ಏಳನೇ ಕ್ರಮಾಂಕದ ಸಮಸ್ಯೆಯು ಬಹುತೇಕ ಆಧಾರ್ ಕಾರ್ಡಿನಲ್ಲಿರುವ ಜನ್ಮದಿನಾಂಕದ ತಪ್ಪು ನಮೂದನೆಯಿಂದ ಅನಾಮಲಿ ಆಗಿರುತ್ತದೆ,ಈ ಸಂದರ್ಭದಲ್ಲಿ ಶಾಲಾ ದಾಖಲೆಯಂತೆ enumeration ಫಾರಂನಲ್ಲಿ ಜನ್ಮದಿನಾಂಕ ದಾಖಲಿಸಿ,ಮುಂದಿನ ದಿನಗಳಲ್ಲಿ ಶಾಲಾ ದಾಖಲಾತಿಯಂತೆ ಆಧಾರ್ ಕಾರ್ಡಿನ ಜನ್ಮ ದಿನಾಂಕ ಬದಲಾಯಿಸಿಕೊಳ್ಳಿ.
ಈ ಸಮಸ್ಯೆಗೆ ಇನ್ನೊಂದು ಪ್ರಮುಖ ಕಾರಣವೇನೆಂದರೆ ಅವಳಿ(twins)ಗಳ ಜನ್ಮದಿನಾಂಕ ಒಂದೇ ದಿನ ಅವರ ದಾಖಲೆಯಲ್ಲಿ ನಮೂದಾಗಿರುತ್ತದೆ ಇಂತಹ ಪ್ರಕರಣಗಳ ಮಾಹಿತಿ ನೀಡಿದರೆ ಉಪವಿಭಾಗಾಧಿಕಾರಿಗಳ ಲಾಗಿನ್ನಲ್ಲಿ ವಿಶೇಷ ಪ್ರಕರಣವೆಂದು ಸ್ಕಿಪ್ ಮಾಡಲು ಸಾದ್ಯವಿರುತ್ತದೆ.
✅ಎಂಟನೇ ಕ್ರಮಾಂಕದ ಸಮಸ್ಯೆಯಲ್ಲಿ ಬಿಎಲ್ಒ ಕಣ್ತಪ್ಪಿನಿಂದ ತಪ್ಪು ಮಾಹಿತಿಯನ್ನು ಫೀಡ್ ಮಾಡಿರುವುದು,ಅದನ್ನು ತಿದ್ದುಪಡಿ ಮಾಡಿಕೊಳ್ಳಬಹುದಾಗಿದೆ.
ವಿಶೇಷವೆಂದರೆ 2002 ಮತ್ತು ಈಗಿನ ಪಟ್ಟಿಯಲ್ಲಿರುವ ಹೆಸರುಗಳು ಹೊಂದಾಣಿಕೆಯಾಗಿದ್ದರೂ ಮೊಬೈಲ್ ಆಪ್ನಲ್ಲಿ ಮಾತ್ರ ಅಕ್ಷರ ವ್ಯತ್ಯಾಸ ತೋರಿಸುತ್ತಿರುವ ಕೆಲವು ಪ್ರಕರಣವಿದೆ,ಇದಕ್ಕೆ ಅಧಿಕಾರಿಗಳು ಮಾತ್ರ ಜವಾಬ್ದಾರಿಯಾಗಬೇಕಾಗಿದ್ದು ನೋಟೀಸ್ ಅವಧಿಯಲ್ಲಿ ಉಪವಿಭಾಗಾಧಿಕಾರಿಗಳ ಗಮನಕ್ಕೆ ತಂದು ವಿಶೇಷ ಪ್ರಕರಣವೆಂದು ಸ್ಕಿಪ್ ಮಾಡಲು ಅವಕಾಶವಿರುತ್ತದೆ.
ಸೂಚನೆ:
ಇದು ಎನ್ಯುಮರೇಷನ್ ಫಾರಂ ಅಪ್ಲೋಡ್ ಆದ ನಂತರ ನನ್ನ ಅನುಭವದ ತಿಳುವಳಿಕೆಯಾಗಿರುತ್ತದೆ,ಮತ್ತು ಇದೇ ಪರಿಹಾರದೊಂದಿಗೆ ನಮ್ಮ ಗ್ರಾಮದಲ್ಲಿ ಕಳೆದ ನಾಲ್ಕು ದಿನದಲ್ಲಿ ಶೇಕಡ 85 ರಷ್ಟು ಅನಾಮಲಿ ಸಂಕಷ್ಟದಲ್ಲಿದ್ದ ಮತದಾರರನ್ನು ಹೊರತರಲು ಸಾದ್ಯವಾಗಿದೆ.
ಈ ಮಾಹಿತಿ ಉಪಯುಕ್ತವಾದರೆ ನೀವು ಹಂಚಿಕೊಳ್ಳಿ
✍️ ಸಿದ್ದೀಕ್ ಆನೆಮಹಲ್
ಚುಣಾವಣಾ ಉಪ ಸಮಿತಿ ಸದಸ್ಯರು
ಎಸ್ಡಿಪಿಐ,ಕರ್ನಾಟಕ
