14/10/2023
આજરોજ તા. 12/10/2023 ના રોજ શ્રમ અને રોજગાર વિભાગની સરકારી ઔદ્યોગિક તાલીમ સંસ્થા, કામરેજ ગામ ખાતે "પદવીદાન સમારોહ" નું આયોજન કરવામાં આવેલા હોય જે પ્રસંગે ઔદ્યોગિક તાલીમ સંસ્થા કામરેજ સ્ટાફ દ્વારા મુખ્ય મહેમાન તરીકે JCI સંસ્થાના પ્રેસિડન્ટ એ. રહેમાન સર, દિવ્યેશ ફૂલવાલા, અબ્દુલ ગફૂર મણિયાર, રવિ પટેલ અને ગ્રામ પંચાયતના સરપંચ શ્રી કિંજલબેન શાહ, ઉપસરપંચ શ્રી ઉપેન્દ્રભાઈ ઓઝા, વોર્ડ નં-8 ના સભ્યશ્રી સુમિતભાઈ ચૌધરીને આમંત્રિત કરવામાં આવેલ હતા. આ પ્રસંગે ભૂતપૂર્વ તાલીમાર્થીઓ, હાલમાં તાજેતરમાં પાસ થયેલા તાલીમાર્થીઓ તથા તેમના વાલીઓ મોટી સંખ્યામાં હાજર રહેલ હતા. પરીક્ષામાં પ્રથમ, દ્રિતીય અને તૃતીય ક્રમમાં ઉતીર્ણ થયેલા વિદ્યાર્થીઓને ટ્રોફી તથા પ્રમાણપત્ર એનાયત કરવામાં આવેલ હતું. પાસ થયેલા તમામ તાલીમાર્થીઓને મહેમાનશ્રીઓ, ઇન્સ્ટ્રક્ટરશ્રીઓ તથા વાલીઓએ આગળના ભવિષ્ય માટે શુભકામનાઓ પાઠવી હતી.
