24/01/2019
ట్రైనీ జర్నలిస్టులు, ట్రైనీ ఫోటోగ్రాఫర్లు కావాలి
ట్రైనీ జర్నలిస్టుల అర్హతలు:
ఇంగ్లీషు భాషలో వ్యవహార జ్ఞానం, తెలుగులోకి అనువాదం చేయగలిగిన నైపుణ్యం
వర్తమాన వ్యవహారాలపై అవగాహన, విశ్లేషణాసామర్ధ్యం
సరళమైన తెలుగులో రాయగలగడం, చక్కటి భావ వ్యక్తీకరణ
డిగ్రీ ఉత్తీర్ణత, 35 సంవత్సరాలకు మించని వయసు
శిక్షణ:
ఎంపిక చేసిన అభ్యర్థులకు ఆంధ్రజ్యోతి జర్నలిజం కళాశాలలో 6 నెలల శిక్షణ ఉంటుంది. భాష, భావవ్యక్తీకరణ, వర్తమాన వ్యవహారాలపై అవగాహణ, అనువాదం, రిపోర్టింగ్, ఎడిటింగ్లలో శిక్షణ ఉంటుంది. శిక్షణ విజయవంతంగా ముగించుకున్నాక ట్రైనీ ఉద్యోగులుగా అవకాశం లభిస్తుంది. వీరు ఆంధ్రజ్యోతి యూనిట్లలో ఎక్కడైనా పనిచేయడానికి సిద్ధంగా ఉండాలి.
శిక్షణానంతరం ముఖ్య విభాగాల్లో పని చేయగల నైపుణ్యం సాధించలేని వారిని కొంత తక్కువ వేతనంతో ఇతర విభాగాలలోకి తీసుకునే అవకాశం ఉంటుంది.
వేతనం:
శిక్షణ కాలంలో నెలకు రూ.11,000
శిక్షణానంతరం రూ.16,000
ట్రైనీ ఫొటోగ్రాఫర్ల అర్హతలు:
డిగ్రీ లేదా ఇంటర్మీడియట్ ఉత్తీర్ణత
ఫొటోగ్రఫీతో పరిచయం
తెలుగులో రాయగలగడం
ఇంగ్లీషు అర్థం చేసుకోగలగడం
వర్తమాన వ్యవహారాలపై అవగాహన
35 ఏళ్లలోపు వయసు
ఎంపిక చేసిన అభ్యర్థులకు 3 నెలలు శిక్షణ ఉంటుంది.
వేతనం:
శిక్షణ కాలంలో నెలకు రూ.10,000
శిక్షణానంతరం రూ.14,000
రెండు ఉద్యోగాలకు దరఖాస్తు చేసుకునే విధానం:
మీలో అర్హతలన్నీ ఉంటే పూర్తి వివరాలతో దరఖాస్తు చేయాలి. www.andhrajyothy.com నుంచి డౌన్లోడ్ చేసుకున్న దరఖాస్తు ఫారాన్ని మాత్రమే పూర్తిగా నింపి పంపాలి.
దరఖాస్తుకు సర్టిఫికెట్ ప్రతులు, ఇటీవల తీసుకున్న రెండు ఫోటోలు జతపరచాలి.
దరఖాస్తులోనూ, కవర్పైన మీ పూర్తి చిరునామా, మొబైల్ నెంబరు, ఈ-మెయిల్, పరీక్ష రాయదలుచుకున్న కేంద్రం స్పష్టంగా రాయాలి.
రాత పరీక్ష, ఇంటర్వ్యూ వివరాలు ఫోన్ ద్వారా మాత్రమే తెలియపరుస్తాం. అందువల్ల మీరు ఎప్పుడూ అందుబాటులో ఉండే మొబైల్ నెంబరునే దరఖాస్తులో ఇవ్వాలి.
దరఖాస్తుతో పాటు రూ.200 పరీక్ష ఫీజును ‘‘Aamoda Publications Pvt Ltd’’ పేరిట హైదరాబాద్లో చెల్లింపు జరిగే విధంగా తీసుకున్న డ్రాఫ్టు ద్వారా చెల్లించాలి. ఢ్రాఫ్ట్ వివరాలు దరఖాస్తులో తెలియజేయాలి.
ఏ ఉద్యోగానికి దరఖాస్తు చేస్తున్నారో కవర్పై స్పష్టంగా రాయాలి.
ఎంపిక:
అభ్యర్థుల ఎంపిక రాత పరీక్ష, ఇంటర్వ్యూ ద్వారా జరుగుతుంది.
ట్రైనీ జర్నలిస్టులకు వర్తమాన వ్యవహారాలు, తెలుగు భాష, సాహిత్యం, అనువాద సామర్ధ్యంపై ప్రశ్నలుంటాయి.
ట్రైనీ ఫొటోగ్రాఫర్లకు వర్తమాన వ్యవహారాలు, తెలుగు, ఇంగ్లీషు పరిజ్ఞానంపై ప్రశ్నలుంటాయి.
అభ్యర్థుల ఎంపికలో ఆంధ్రజ్యోతి యాజమాన్యానిదే తుది నిర్ణయం. శిక్షణకు ఎంపికైన అభ్యర్థులు కనీసం 3 సంవత్సరాలు పని చేస్తామని హామీపత్రం ఇవ్వాలి.
పరీక్ష కేంద్రాలు:
హైదరాబాద్
వరంగల్
విజయవాడ
విశాఖపట్నం
తిరుపతి
దరఖాస్తు చేరాల్సిన ఆఖరు తేది: 2019 ఫిబ్రవరి 6
అభ్యర్థులు పంపవలసిన చిరునామా: ప్రిన్సిపల్, ఆంధ్రజ్యోతి జర్నలిజం కళాశాల, ఆంధ్రజ్యోతి బిల్డింగ్స్, ఫ్లాట్ నెం.76, జూబ్లీహిల్స్ రోడ్ నెం.70, హైదరాబాద్ 500110
Andhrajyothi brings the latest telugu news along with ABN Live.
