03/09/2026
SRPF जवानांच्या जिल्हा बदलीचा कोटा 20% करण्याची मागणी.....
पहिले खाकी, मग बाकी…!
SRPF जवानांच्या जिल्हा बदलीचा कोटा २० टक्के करण्याची मागणी; तसेच २०२५/२०२६ DG Loan प्रकरणेही तातडीने निकाली काढण्याची मागणी.
SRPF जवानांच्या जिल्हा बदलीचा सध्याचा १० टक्के कोटा वाढवून किमान २० टक्के करावा, तसेच महाराष्ट्र पोलिसांच्या सन २०२५-२६ मधील प्रलंबित DG Loan प्रकरणे तातडीने निकाली काढावीत, अशी मागणी धडाकेबाज युवा प्रतिष्ठानच्या वतीने करण्यात आली आहे.
SRPF जवानांना दंगल, निवडणूक, नैसर्गिक आपत्ती तसेच नक्षलग्रस्त भागात दिवस-रात्र कर्तव्य बजावताना अनेकदा वर्षानुवर्षे कुटुंबापासून दूर राहावे लागते. या दीर्घकाळाच्या कौटुंबिक दुराव्यामुळे निर्माण होणारा मानसिक ताण, कौटुंबिक अडचणी आणि काही जवानांकडून घडणाऱ्या आत्महत्यांच्या घटनांकडे शासनाने गांभीर्याने पाहण्याची गरज असल्याचे प्रतिष्ठानने म्हटले आहे.
यासाठी जिल्हा बदलीचा कोटा २० टक्के करून जवानांना कुटुंबाजवळ राहण्याची संधी वाढवावी, तसेच जवानांसाठी समुपदेशन व मानसिक आधाराची प्रभावी व्यवस्था करावी, अशी मागणी करण्यात आली आहे.
या संदर्भात मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री सुनेत्राताई अजित पवार, माजी मंत्री सुधीरभाऊ मुनगंटीवार तसेच गृह राज्यमंत्री योगेश कदम यांना निवेदन देण्यात आले. सुधीरभाऊ मुनगंटीवार यांनी तात्काळ दखल घेत पोलीस महासंचालक सदानंद दाते यांच्याशी दूरध्वनीवरून चर्चा करून कार्यवाहीच्या सूचना दिल्या, तर गृहराज्यमंत्री योगेश कदम यांनीही सकारात्मक भूमिका घेतली.
“जवानाने राज्याच्या सुरक्षेसाठी आपल्या कुटुंबापासून दूर राहून कर्तव्य बजावले; आता शासनानेही जवानांच्या कुटुंबासाठी एक पाऊल पुढे यावे,” अशी भूमिका धडाकेबाज युवा प्रतिष्ठानचे संस्थापक अध्यक्ष अमोल धनराज केंद्रे यांनी व्यक्त केली.
लवकरच सुधीर भाऊ मुनगंटीवार साहेबांची महाराष्ट्र पोलिस महासंचालक सदानंद दाते साहेबांच्या सोबत बैठक होणार असून मागण्या बाबत सकारात्मात चर्चा होईल अशी आशा आहे.
जो पर्यंत न्याय मिळत नाही तो पर्यंत धडाकेबाज युवा प्रतिष्ठान आणि सुधीर भाऊ मुनगंटीवार पोलिस परिवार प्रतिष्ठान माध्यमातून अमोल धनराज केंद्रे आणि मनोज बोढरे आणि टीम लढा सुरूच ठेवणार आहेत.
— धडाकेबाज युवा प्रतिष्ठान, महाराष्ट्र राज्य
संस्थापक अध्यक्ष : अमोल धनराज केंद्रे
मो नंबर 8652155328
