Adv. S Suresh fans

17/08/2026

പ്രിയപ്പെട്ടവരെ.....
; ദേവനെന്നല്ല ആര് സ്ഥലം വിട്ടാലും ഈ പ്രസ്ഥാനം ഇതേ പോലെ നിങ്ങളുടെ മുന്നിൽ ഇവിടെ തല ഉയർത്തി പിടിച്ച് നിലനിൽക്കും..
കാരണം
ഇത് ഏതെങ്കിലും അധികാരസ്ഥാനങ്ങൾ കണ്ട് കൊതിച്ച് എത്തിയവരെ കണ്ടല്ല പകരം ഏറെ മഹത്തായ ഒരു ആശയം നെഞ്ചേറ്റിയവർ ചേർന്ന് പടുത്തുയർത്തിയ പ്രസ്ഥാനമാണ്......ഭാരതീയ ജനതാ പാർട്ടി.🔥

ജനാതിപത്യത്തിൻ്റെ നാലാം തൂണുകളായി രാഷ്ട്രീയാതീത നിക്പക്ഷരായി നിൽക്കേണ്ട മാധ്യമങ്ങളായ ഉൾപ്പെടെ
ഈ സമൂഹത്തിൽ അന്നും ഇന്നും BJPക്കെതിരെ രാഷ്ട്രീയ തൊട്ടു കൂടായ്മ പ്രചരിപ്പിച്ച് കേരളത്തിൻ്റെ രാഷ്ട്രീയ സാംസ്കാരിക വേദികളിൽ ഭ്രഷ്‌ട് കൽപ്പിച്ച് അകറ്റി നിർത്തിയ ഒരു കൂട്ടം സാധാരണക്കാർ തളരാതെ പോരാടി നേടിയതൊക്കെയേ ഈ പാർട്ടിക്ക് സ്വന്തമായി ഉള്ളൂ....

സ്വന്തം വീട്ടിലെ പട്ടിണിയും ദാരിദ്രത്തിനും പുറമെ രാഷ്ട്രീയ പരിഹാസവും വർഗീയവാദി വിളികളും പരസ്യ അപമാനവും കൂകി വിളികളും സഹിച്ച് പ്രവർത്തിച്ച സാധാരണ പ്രവർത്തകർ വിയർപ്പ് തുന്നി ഉണ്ടാക്കിയ അടിത്തറയാണ് BJP യുടെ അടിയുറപ്പ്...

രാത്രികൾ പകലാക്കി ബക്കറ്റിൽ മൈദ കലക്കി പോസ്റ്റർ ഒട്ടിച്ചവനും ഒറ്റക്ക് കൊടിപിടിച്ചവനും മൂന്നും നാലും പേരുമായി പ്രകടനം നടത്തുമ്പോഴും ലക്ഷം ലക്ഷം പിന്നാലെ എന്ന സ്വപ്നം ഒരു നാൾ തങ്ങളെയും അംഗീകരിക്കപ്പെടും എന്ന് ആത്മവിശ്വാസം കൈമുതലാക്കി കാഴ്ചക്കാരുടെ പരിഹാസ നോട്ടങ്ങളെ ഭേദിച്ച് ഉച്ചത്തിൽ വിളിക്കുന്നവനും
( സോഷ്യൽ മീഡിയയിലൂടെ പ്രവർത്തിക്കുന്നവരുടെ കാര്യമല്ല...)

ഇടതൻ്റെയും വലതൻ്റെയും രാഷ്ട്രീയഗുണ്ടകൾക്ക് പുറമെ ഭരണകൂടത്തിൻ്റെ ആജ്ഞാനുവർത്തികളായ പോലീസും എല്ലാം കിട്ടുന്ന അവസരങ്ങളിലൊക്കെ വളഞ്ഞിട്ട് അടിക്കുമ്പോൾ നിസഹായരായി ഒറ്റക്ക് പൊരുതിയവനും

ശരീരം നിറയെ തല്ലു കൊണ്ടവനും ജയിലറകളിൽ രാത്രികൾ പകലാക്കിയവരും കോടതിയിൽ ജീവിതാവസാനം വരെ വ്യവഹാരം നടത്തിയവരും ജീവൻ ബലിയർപ്പിച്ചവരും സ്വന്തം ജീവിതം ഹോമിച്ചവരും ഒക്കെ ചേർന്ന ഈ പ്രസ്ഥാനത്തിന് ഒരൊറ്റ ഊർജ്ജമേ ഉള്ളൂ...
അത് ഈ രാജ്യത്തോടുള്ള കൂറും സ്‌നേഹവും നിറഞ്ഞ ഈ മഹത്തായ ആശയത്തിന് വേണ്ടി ജീവൻ നഷ്ടപ്പെട്ട ബലിദാനികളോടുള്ള കടപ്പാട്..!
അത് മാത്രം...🔥

BJP എന്ന പ്രസ്ഥാനത്തിൻ്റെ ആശയവും ആദർശ്ശവും ഉൾക്കൊണ്ട സാധാരണ ജനത എത്ര വലിയ സ്ഥാനമാനങ്ങൾ വച്ച് നീട്ടിയാലും ഈ പ്രസ്ഥാനം വിട്ട് പോവില്ല..

അതാണ് BJP യുടെ കാതലും RSS എന്ന വൃക്ഷത്തിൻ്റെ ഫലത്തിൽ നിന്ന് മുളച്ച ഗുണമുള്ള തൈകളും....

അതുകൊണ്ട് മാപ്രകൾ ദേവനെ ചാരി വച്ച ആ വെള്ളം വാങ്ങി വച്ചേക്കൂ എന്ന് വ്യക്തമായി പറയുകയാണ്.

വ്യാമോഹങ്ങളുമായി വഴിതെറ്റി വന്നവരെ ഉപേക്ഷിക്കാതെ കൂടാരം നൽകിയിട്ടുണ്ടാവും പക്ഷേ.. ആ കൂടാരം വിട്ട് മോഹഭംഗവും ആയി ആര് പോയാലും ഈ പ്രസ്ഥാനം അതേപോലെ RSS എന്ന മഹാ വൃക്ഷത്തിൻ്റെ തണലിൽ കേരളത്തിലും ദേശീയതയുടെ അലയൊലികളുമായി നിലകൊള്ളുക തന്നെ ചെയ്യും...

ഇത് രാഷ്ട്രീയമാണ്
BJP രാഷ്ട്രീയ പാർട്ടിയുമാണ്..🔥

അതുകൊണ്ട് തന്നെ പ്രതിസന്ധികളെ തരണം ചെയ്ത് കാലാനുസൃത രാഷ്ട്രീയ വളർച്ചയുടെ പാതയിൽ പല പ്രമുഖരും സിനിമാതാരങ്ങളും , റിയാലിറ്റി ഷോ താരങ്ങളും സെലിബ്രിറ്റികളും ഒക്കെ കടന്നുവരും.,.വിജയ സാധ്യത മുൻനിർത്തി മത്സര രംഗത്ത് ഉണ്ടായി എന്നും വരും എന്ന് വച്ച് അവർ നാളെകളിൽ ഇവിടം വിട്ട് പോയാൽ പ്രസ്ഥാനം തകർന്നു എന്ന് ചിന്തിക്കുന്നവർക്ക്
ഈ പ്രസ്ഥാനത്തെ പറ്റി ഒരു ചുക്കും അറിഞ്ഞൂട അത്ര തന്നെ..

പ്രശസ്തി, പദവി, പണം, തുടങ്ങിയ ലക്ഷ്യങ്ങളുമായി കടന്നുവരുന്നവർ തീർച്ചയായും മോഹഭംഗവും പേറി തിരിച്ച് പോകും....
എത്രപേർ കടന്നുപോയിരിക്കുന്നു..

മായാ വിശ്വനാഥ്
വിനു മോഹൻ
അലി അക്ബർ
ഭീമൻ രഘു
രാജസേനൻ
കൊല്ലം തുളസി
അഖിൽ മാരാർ

ഒടുവിൽ ഇപ്പോ ദേവനും

അതേ സമയം BJP മുന്നോട്ട് വക്കുന്ന മഹത്തായ ആശയം ഉൾക്കൊണ്ട് കടന്ന് വന്ന് സജീവമായി തന്നെ പ്രസ്ഥാനത്തോടൊപ്പം
നിരവധി പേർ ഇപ്പോഴും മുൻനിരയിൽ തന്നെ ഉണ്ട് താനും.....

അവർ പബ്ലിക് ആയിട്ട് തന്നെ കേരളത്തിൽ രാഷ്ട്രീയ രംഗത്ത് BJP യുടെ ആശയത്തിൽ അടി ഉറച്ച് നിൽക്കുന്നുണ്....... നിരവധിപ്പേർ BJP യുടെ രാഷ്ട്രീയ ആശയത്തോട് ഹൃദയം കൊണ്ടു് അനുഭാവ പൂർവ്വം നിലകൊള്ളുന്നു...

ഇവരും ഇവർക്കപ്പുറം മറ്റു പലരും BJPയിലേക്ക് വരുംകാല ഇടവേളകളിൽ വന്നു ചേരുന്നവരാണ്
ചിലപ്പോ BJP പാനലിൽ ഇവരിൽ പലർക്കും തെരഞ്ഞെടുപ്പിൽ മത്സരിക്കാനും അവസരം കിട്ടും...

വന്നുചേരുന്നവരിൽ ചിലരുടെ എങ്കിലും ഉള്ളിൻ്റെ ഉള്ള്ളിൽ ആ കാലയളവിൽ ദേശീയതയുടെ മഹത്തായ ആദർശ്ശവും ആശയവും വേരുന്നി വളരും
അത്തരക്കാർക്ക് അങ്ങനെ വിട്ടു പോവാൻ പറ്റാതെ ഇഴ ചേർന്ന് നിലനിൽക്കും

അവരെ ഈ പ്രസ്ഥാനം എക്കാലവും ചേർത്ത് പിടിക്കും...

അപ്പോ പറഞ്ഞു വന്നത് ഇതാണ്

ദേശീയതയിൽ ഊന്നിയ ആദർശത്തിന്റെ രാഷ്ട്രീയം ആണ് ഉള്ളിലെങ്കിൽ അവിടെ സ്ഥാനമാനങ്ങൾക്ക് പ്രസക്തിയില്ല..

അടിതട്ട് മുതൽ പണിയെടുക്കുന്ന ദേശീയത നെഞ്ചേറ്റിയ BJPയുടെ സാധാരണ പ്രവർത്തകർക്ക് വെള്ളിത്തിരയിലെ താരങ്ങളുടെ പകിട്ടൊന്നും കാണില്ല പക്ഷെ ഉള്ളിൽ അടി ഉറച്ച ആത്മാർത്ഥ കാണും ആരൊക്കെ തള്ളി പറഞ്ഞാലും, എത്ര പ്രശ്നങ്ങൾ ഉണ്ടായാലും അവർ ഇവിടെ തന്നെ നിൽക്കും
പ്രസ്ഥാനത്തെ തള്ളി പറയാനോ മറ്റൊരു കൊടി പിടിക്കാനോ മറ്റൊരു മുദ്രാവാക്യം വിളിക്കേനോ അവർക്ക് സാധിക്കില്ല
കൈ വിറക്കും തൊണ്ട ഇടറും
കാരണം
ഈ പ്രസ്ഥാനം തന്നെയാണ് അവരുടെ ജീവിതവും ജീവനും തുടിപ്പും...

അവർ വിയർപ്പൊഴുക്കി ഉണ്ടാക്കിയത് മാത്രമാണ് ഈ പ്രസ്ഥാനത്തിൻ്റെ അടിത്തറ...

പ്രസ്ഥാനത്തിന് വേണ്ടി രാപകൽ കഷ്ടപ്പെടുന്നവർ അർഹിക്കുന്ന പരിഗണന കിട്ടിയില്ല എന്ന് പരിതപിക്കുന്നവർ സ്വയം ചിന്തിക്കുക.... നമ്മൾ എന്തുവന്നാലും പാർട്ടിക്കുവേണ്ടി സമയം കളയും കാര്യങ്ങൾ ചെയ്യും... ചുമതലകൾ ഏറ്റെടുക്കാൻ പറയുമ്പോൾ മാത്രം പിന്നോട്ട് പോകും... പറയാൻ കാരണങ്ങൾ ഒരുപാടുണ്ടാകും..
മത്സരിച്ച് ഓടിവരുന്നവന് മാത്രമേ ജയം ഉണ്ടാകൂ എന്നുള്ള കാര്യം മറക്കരുത്.... നമ്മൾ ഓരോ പ്രവർത്തകനും നമ്മളെ മാറ്റി നിർത്താൻ പറ്റാത്ത രീതിയിൽ സമൂഹത്തിൽ വളരുവാനും അതിനോടൊപ്പം പ്രസ്ഥാനത്തെ വളർത്തുവാനും ശ്രമിച്ചാൽ.....
നമ്മൾ ഉണ്ടെങ്കിലും ഇല്ലെങ്കിലും പ്രസ്ഥാനം മുന്നോട്ടു തന്നെ പോകും എന്ന് അടിയുറച്ച് നിൽക്കുന്ന ഓരോ പ്രവർത്തകനും വിശ്വാസമുണ്ട്... ഇത് സത്യമുള്ള പ്രസ്ഥാനമാണ് ഇതിൽ സത്യം മാത്രമേ നിലനിൽക്കുകയുള്ളൂ.

വന്ദേ . മാതരം
ജയ്ഹിന്ദ്

16/08/2026

🔴🟥🛑
ബിജെപി സംസ്ഥാന ജനറൽ സെക്രട്ടറി അഡ്വക്കേറ്റ് സുരേഷ്‌ഏട്ടനെതിരെ ഇന്ന് ഒരു ചാനൽ വീണ്ടും പുതിയൊരു ആരോപണവുമായി വന്നിരിക്കുകയാണ്. മരംമുറി കേസിൽ അകപ്പെട്ട ആ ചാനലിന്റെ ആൾക്കാർക്കെതിരെ ഇ.ഡി അന്വേഷണം ഉൾപ്പെടെയുള്ള കാര്യങ്ങൾ വരണമെന്ന് കഴിഞ്ഞദിവസത്തെ പത്രസമ്മേളനത്തിൽ അദ്ദേഹം ആവശ്യപ്പെട്ടിരുന്നു. അതിനുള്ള പ്രതികരണമായിട്ടാണ് ഇപ്പോൾ അദ്ദേഹം നേരിടുന്ന ഈ വാർത്ത വന്നിരിക്കുന്നത് എന്ന് മനസ്സിലാക്കാൻ വലിയ പ്രയാസമൊന്നുമില്ല. ( എങ്ങനെയാണ് ഭരണകക്ഷികളെ പോലും ഇവർ ഭയപ്പെടുത്തി നിർത്തുന്നത് എന്ന് ഇതൊരു ഉദാഹരണം മാത്രം) ഇതിനുമുമ്പ് മറ്റ് രണ്ട് ചാനലുകളായിരുന്നു ഇങ്ങനെ നട്ടാൽകുരുക്കാത്ത വാർത്തകൾ കൊടുത്തുകൊണ്ടിരുന്നത്, . എന്നാൽ അവർക്ക് കൃത്യമായ വിശ്വാസ്യതയില്ലെന്ന് കണ്ട്..... പട്ടികൾ കുരക്കട്ടെ എന്ന് രീതിയിലെടുത്തപ്പോൾ....
ഇപ്പോൾ പുതിയൊരു channal പുതിയ ആരോപണവുമായി വന്നിരിക്കുന്നത്- ഇത് എന്തുകൊണ്ടാണെന്ന് കുറച്ചു ആലോചിക്കുന്നവർക്ക് വ്യക്തമാണ്......
❗. ഈ ചാനൽ പറയുന്നതുപോലെ രണ്ട് കമ്പനികൾ തന്ന ട്രിപ്പ് ഷീറ്റിൽ - ഒരേ ജിഎസ്ടി നമ്പർ ആണെങ്കിൽ അതിലൂടെ പണം തട്ടിയെടുത്തു എന്ന ആരോപണം ഇവർ ഉന്നയിക്കുന്നത് വ്യക്തമായ അറിവില്ലായ്മ കൊണ്ടല്ല.... രണ്ട് കമ്പനികളാണ് അതിൽ ജിഎസ്ടി നമ്പർ ഒരു നമ്പർ ആക്കി കാണിച്ചതെങ്കിൽ നിയമപരമായി ആ കമ്പനിക്കാരാണ് കുറ്റം ചെയ്തത്; അല്ലാതെ ഇതിൽ യാതൊരു പങ്കുമില്ലാത്ത ബിജെപിയുടെ സംസ്ഥാന ജനറൽ സെക്രട്ടറിയോ കൂടെയുള്ള വ്യക്തിയോ അല്ല അത്തരം കാര്യങ്ങൾ ചെയ്യുന്നത്..... ആണോ..??
ഇത് സാധാരണ ചിന്തിച്ചാൽ ആർക്കും മനസ്സിലാക്കാവുന്ന കാര്യമാണ്. എന്നിട്ടും ഇത് അവരുടെ തലയിൽ കൊണ്ടുവയ്ക്കുന്നത് തികച്ചും വ്യക്തിപരമായ വ്യക്തിഹത്യ നടത്തുന്നതിനും, ഇതുവരെ ഉന്നയിച്ച ആരോപണങ്ങളൊന്നും തെളിയിക്കാൻ സാധിക്കാത്തതുകൊണ്ട് പുതിയ രീതിയിൽ കഥകൾ മെനഞ്ഞു കൊണ്ടുവരുന്നതിനും വേണ്ടിയാണ്.
‼️ ഇലക്ഷൻ സമയത്തെ പാർട്ടി പ്രവർത്തനങ്ങളുടെ യാഥാർത്ഥ്യം പരിശോധിച്ചാൽ ഈ ആരോപണങ്ങൾ എത്രത്തോളം അടിസ്ഥാനരഹിതമാണെന്ന് കൂടുതൽ വ്യക്തമാകും. ഈ ഇലക്ഷൻ സമയത്ത് ഏകദേശം 35 ഓളം വിവിധ വിഭാഗങ്ങളിലായി 35 ഓളം ടീമുകൾ സജീവമായി പ്രവർത്തിച്ചിരുന്നു. അതിൽ വണ്ടികളുടെ കാര്യങ്ങൾ മാത്രം കൈകാര്യം ചെയ്യുന്നതിനായി പ്രത്യേകമായി ഒരു വിഭാഗം തന്നെയുണ്ടായിരുന്നു. ഏത് വണ്ടി ഏത് സ്ഥലത്തേക്ക് പോയി,..? ആരാണ് അത് കൊണ്ടുപോയത്..?തുടങ്ങിയ എല്ലാ കാര്യങ്ങളും കൃത്യമായി അറിയാൻ പറ്റുന്നത് ആ വണ്ടിയുടെ ചുമതലയുള്ള ടീമിന് മാത്രമാണ്. അങ്ങനെയുള്ളപ്പോൾ ആ വണ്ടി വിഭാഗത്തിൽ പ്രവർത്തിച്ച ആരുടെയും പേര് ഒരിടത്തും വരാതെ, എങ്ങനെയാണ് നേരിട്ട് സംസ്ഥാന നേതാക്കന്മാരുടെ പേര് ഇതിലേക്ക് വരുന്നത്...?

🟥 ഈ നേതാക്കന്മാരായിരിക്കുമോ വണ്ടികൾ അങ്ങോട്ടും ഇങ്ങോട്ടും വിടാൻ വേണ്ടി അവിടെ നിൽക്കുന്നത്.....? എന്നുള്ളത് ചിന്തിക്കേണ്ട ഒന്നാമത്തെ കാര്യമാണ്. രണ്ടാമത്തെ വലിയ വിഷയം, ഈ പറയുന്നതുപോലെ ജിഎസ്ടി ബില്ല് ഉൾപ്പെടെ കൃത്യമായി തയ്യാറാക്കിയിട്ടാണ് ഈ ബില്ലുകൾ ബിജെപിയുടെ സ്റ്റേറ്റ് ഓഫീസിൽ നൽകുന്നത്. പാർട്ടി ഓഫീസിൽ നിന്ന് ആർക്കും കയ്യിൽ നിന്നല്ലല്ലോ ക്യാഷ് കൊടുക്കുന്നത്. ബാങ്ക് അക്കൗണ്ട് വഴി (Account through) മാത്രമാണ് ഇതിന്റെയെല്ലാം പണമിടപാടുകൾ നടക്കുന്നത്. ( അതിന് വേണ്ടി അല്ലെ GST നമ്പർ വരെ വാങ്ങിയിരിക്കുന്നത് ) അങ്ങനെ കൃത്യമായി അക്കൗണ്ട് വഴി പണം കൈമാറുമ്പോൾ, ഇതിനിടയിൽ ബില്ലിന്റെ കാര്യം പറഞ്ഞ് ആരോപണം ഉന്നയിക്കുന്ന ഈ നേതാക്കന്മാർക്ക് എങ്ങനെയാണ് ഇതിൽ പങ്കുവരിക? ഇതും സാധാരണ യുക്തിക്ക് നിരക്കാത്തതാണ്.ഇത്തരം മാധ്യമങ്ങൾ ഈ വ്യക്തിഹത്യ നടത്തുന്നത് പ്രധാനമായും രണ്ട് ലക്ഷ്യങ്ങൾ വെച്ചുകൊണ്ടാണ്. ഒന്ന്, ബിജെപി എന്ന പ്രസ്ഥാനത്തെയും രാജീവ് ചന്ദ്രശേഖർ എന്ന വ്യക്തിയെയും ഇതുവരെ പാർട്ടി ഉയർത്തിക്കൊണ്ടുവന്ന നേട്ടങ്ങളെയും തകർക്കുക എന്നതാണ്. രണ്ടാമതായി, ഈ ചാനലുകൾ നടത്തിക്കൊണ്ടിരിക്കുന്ന കുറ്റങ്ങളും അവർക്കെതിരെയുള്ള കുറ്റാരോപണങ്ങളും കൃത്യമായ അന്വേഷണങ്ങളിലേക്ക് നീങ്ങുന്നുണ്ടെന്ന ബോധ്യം ഇതിന് പിന്നിലുള്ളവർക്കുണ്ട്; എന്നാൽ സാധാരണ പ്രവർത്തകർക്ക് ഇത് പൂർണ്ണമായി അറിയില്ല. അതുകൊണ്ട് പാർട്ടി പ്രവർത്തകരെ ഈ leaders-ന് എതിരെ തിരിച്ചുവിട്ടാൽ, ഇവരെ അഴിമതിക്കാരായി സൃഷ്ടിച്ചുകഴിഞ്ഞാൽ .. ഇവർ എന്തെങ്കിലും പറയുമ്പോൾ തന്നെ അതിൽ കുറേ പേർ വന്ന് മോശം പറയുകയും പറയുന്ന കാര്യത്തിന് വിലകൽപ്പിക്കാതെ വെറും രാഷ്ട്രീയ ആരോപണങ്ങളായി മാറ്റുവാനും, കുറെ അധികം പേർ വന്ന് മോശം പറയുകയും ചെയ്യുമ്പോൾ ആ പറയുന്നതിന്റെ പ്രശസ്തി നഷ്ടപ്പെടും എന്ന തിരിച്ചറിവാണ്..അതിലൂടെ തങ്ങൾക്കെതിരെ നടക്കുന്ന കേസുകളും മറ്റ് നടപടികളും ഒത്തുതീർപ്പാക്കാൻ സാധിക്കുമെന്നും ഈ ചാനലുകാർ കൃത്യമായി മനസ്സിലാക്കുന്നുണ്ട് എന്നതാണ് യാഥാർത്ഥ്യം.
അതിനോടൊപ്പം തന്നെ, ഈ ട്രിപ്പ് ഷീറ്റും ബില്ലും ബിജെപിക്കാർ തന്നെയാണ് നൽകിയതെന്നും തങ്ങൾക്കെതിരെ നിൽക്കുന്നവരാണ് ആരോപണം ഉന്നയിക്കുന്നതെന്നും മാധ്യമങ്ങൾ പറയുന്നുണ്ട്. ( സാധാരണ പ്രവർത്തകരായ ഓരോരുത്തർക്കും അറിയാം ഷീറ്റ് ആരാണ് എഴുതുന്നത്.......??)
🟪 എന്നാൽ ഈ ആരോപണങ്ങളിൽ സത്യസന്ധതയുണ്ടെങ്കിൽ ഇത് എവിടെ നിന്ന് കിട്ടി എന്ന് അവർ വ്യക്തമാക്കേണ്ടതുണ്ട്. ബാക്കിയുള്ളവരുടെ അഭിമുഖം എടുത്ത് കാണിക്കുന്നതുപോലെ, ഇന്ന വ്യക്തിയാണ് ഈ രേഖകൾ തന്നതെന്നും അവരാണ് ഇത് ആരോപിക്കുന്നതെന്നും പറയുന്ന വ്യക്തികളുടെ മുഖം കൂടി പൊതുസമൂഹത്തിന് മുന്നിൽ കാണിച്ചല്ലേ ഇവർ ഈ വാർത്തകൾ നൽകേണ്ടത്. അത് ചെയ്യാത്തതുതന്നെ ഇതിന്റെ പിന്നിലെ ഗൂഢാലോചന വ്യക്തമാക്കുന്നു...

11/08/2026

ബിജെപി സംസ്ഥാന കോർ കമ്മിറ്റിയെക്കുറിച്ച് മാധ്യമങ്ങളിൽ പ്രചരിക്കുന്നത് അടിസ്ഥാനരഹിതമായ വാർത്തകളാണെന്നും പാർട്ടിയെ തകർക്കാൻ ബോധപൂർവ്വം നടത്തുന്ന ഗൂഢാലോചനയാണ്.

സംസ്ഥാന ജനറൽ സെക്രട്ടറി അഡ്വ എസ് സുരേഷിനുമേൽ പാർട്ടി നേതൃത്വത്തിന് പൂർണ്ണ വിശ്വാസമുണ്ട്. കോർ കമ്മിറ്റിയിൽ അദ്ദേഹത്തിനെതിരെ വിമർശനം ഉയർന്നുവെന്ന വാർത്തകൾ വെറും സങ്കൽപ്പിക കഥകൾ മാത്രമാണ്, നിയമസഭാ തിരഞ്ഞെടുപ്പുമായി ബന്ധപ്പെട്ട് യാതൊരുവിധ ക്രമക്കേടുകളും നടന്നിട്ടില്ല.

പാർട്ടിയെ അപമാനിക്കാനുള്ള ഇത്തരം ശ്രമങ്ങളെ പൊതുസമൂഹവും പ്രവർത്തകരും ശക്തമായി തള്ളിക്കളയും.

വസ്തുതകൾ പരിശോധിക്കാതെ വ്യാജവാർത്തകൾ നൽകുന്നത് ജനാധിപത്യത്തിന് ഗുണകരമല്ല, രാഷ്ട്രീയ താൽപ്പര്യങ്ങൾക്ക് മുകളിൽ മാധ്യമധർമ്മം ഉയർത്തിപ്പിടിക്കാൻ മാധ്യമങ്ങൾ ബാധ്യസ്ഥരാണ്.

രാജ്യവിരുദ്ധ ശക്തികൾക്കെതിരെയും ഭരണകൂടത്തിന്റെ വീഴ്ചകൾക്കെതിരെയും പ്രതികരിക്കാൻ മടിക്കുന്നവർ ബിജെപിയുടെ ആഭ്യന്തര കാര്യങ്ങളിൽ അനാവശ്യ താൽപ്പര്യം കാണിക്കുന്നത് ദുരൂഹമാണ്.

വസ്തുതകൾ കൃത്യമായി അന്വേഷിച്ച ശേഷം മാത്രം വാർത്തകൾ പ്രസിദ്ധീകരിക്കാൻ മാധ്യമങ്ങൾ തയ്യാറാകണം. മാധ്യമങ്ങളുടെ വിശ്വാസ്യത നിലനിൽക്കുന്നത് അവയുടെ സത്യസന്ധതയിലാണെന്ന് ബന്ധപ്പെട്ടവർ ഇനിയെങ്കിലും തിരിച്ചറിയണം.

ശ്രീ രാജീവ് ചന്ദ്രശേഖർ MLA
ബിജെപി സംസ്ഥാന അധ്യക്ഷൻ

11/08/2026

പ്രിയപ്പെട്ട പാർട്ടി പ്രവർത്തകരെ സംഘ ബന്ധുക്കളെ.
📌 അഴിമതിയും ആരോപണ വിധേയനാണ് എന്ന പേരിൽ ചില മാധ്യമങ്ങളും, ചില സോഷ്യൽ മീഡിയ പ്ലാറ്റ്ഫോമിലൂടെയും വാർത്തകൾ പ്രചരിക്കുമ്പോൾ _ പാർട്ടി പ്രവർത്തകരോ അനുഭാവികളും ഒന്ന് തിരിച്ചറിയുക.

🔹ബിജെപിയുടെ ഒഫീഷ്യൽ പ്ലാറ്റ്ഫോമിലൂടെ സംസ്ഥാന അധ്യക്ഷൻ രാജി ചന്ദ്രശേഖർ ജി യും, മുതിർന്ന നേതാവും എംഎൽഎയും ആയ മുരളി ചേട്ടനും - ഇങ്ങനെ ഒരു സംഭവം ഇല്ല അദ്ദേഹത്തിന്റെ പേര് വലിച്ചിഴയ്ക്കരുത് എന്ന് പറയുമ്പോൾ പോലും. _-. അത് വിശ്വാസത്തിൽ എടുക്കാതെ കണ്ട മാധ്യമങ്ങളിൽ വരുന്ന വാർത്തയെ മാത്രം വിശ്വസിച്ച് ഓരോരോ കള്ളക്കഥകൾ ഉണ്ടാക്കുകയും അപവാദങ്ങൾ പറഞ്ഞ് പരത്തുന്നവരുടെയും ഗൂഢലക്ഷ്യങ്ങൾ എന്താണെന്ന് സ്വയം ആലോചിച്ച് തിരിച്ചറിയുക
നമ്മുടെ സംഘടനയിൽ തെറ്റു ചെയ്യുന്നവരെ പിന്നീട് നിർത്തുന്ന സ്വഭാവം ഇല്ല എന്ന ബോധ്യം ഓരോരുത്തർക്കും ഉണ്ടല്ലോ. അല്ലെ??
ഒരു ചുമതലയിൽ ഒരാൾ ഉണ്ടായിരുന്നാൽ വരുന്ന പാപഭാരം മൊത്തം ആ ആളിന്റെ തലയിൽ വയ്ക്കുന്നത് എന്തുകൊണ്ടായിരിക്കും എന്ന് സ്വയം ചിന്തിക്കൂ....?? എന്തുകൊണ്ടായിരിക്കും ഇപ്പോൾ ഇദ്ദേഹത്തെ ഇങ്ങനെ ടാർജറ്റ് ചെയ്യുന്നത് എന്ന് ആലോചിച്ചിട്ടുണ്ടോ......?? പലപ്പോഴും ഇദ്ദേഹത്തിന്റെ നേതൃത്വത്തിൽ പാർട്ടി യുടെ യും പ്രവർത്തകരുടെയും കഴിവു തെളിയിക്കുമ്പോൾ.... പാർട്ടിക്കും മേൽക്കോയ്മ ഉണ്ടാക്കുന്നത് വേണ്ടി ശ്രമിക്കുന്ന വ്യക്തികളെ മാനസികമായി തളർത്തിയാൽ അവർക്ക് നേരെ ആരോപണം ഉന്നയിക്കുമ്പോൾ... ഉറപ്പായും അത് പാർട്ടിയെ ബാധിക്കും എന്നുള്ള കാര്യം ചിന്തിക്കാൻ കഴിയാത്ത ആൾക്കാരൊന്നും അല്ലല്ലോ........
📌 ആരോപണമുന്നയിക്കുമ്പോൾ അതിന് തെളിവ് വല്ലതും കാണിക്കണം അത് ഉണ്ടാവത്തില്ല...... അങ്ങനെയല്ല കാര്യങ്ങൾ എന്ന് പറഞ്ഞാൽ കിടന്നും ഒഴുകുന്നു എന്ന് പറഞ്ഞ് കുറച്ചുപേർ.... അതിന്റെ ബാക്കിലൂടെ വരും...
📌 കാശിന്റെ കാര്യം രാജിവ് ചന്ദ്രശേഖരന്റെ തലയിൽ വച്ചാൽ അത് വിജയിക്കില്ല എന്ന് കണ്ടതുകൊണ്ട് കൂടെയുള്ള ആൾക്കാരുടെ തലയിൽ വച്ച് കെട്ടാനുള്ള ശ്രമം നടക്കുന്നു.
📌 വ്യാജ വാർത്തകളാണ് വരുന്നത് എന്ന് പറഞ്ഞാൽ..... ആദ്യം താൻ പോയി ഏഷ്യാനെറ്റിനെ ശരിയാക്കിയിട്ട് വാ എന്നിട്ട് മതി പാർട്ടിയെ നന്നാക്കുന്നത് എന്ന രീതിയിൽ...... ആക്ഷേപഹാസ്യവുമായി വരും...
📌 അതുപോലെ മറ്റൊരു കാര്യം മാധ്യമങ്ങൾ വാർത്ത സൃഷ്ടിക്കുന്നു എന്ന് പറഞ്ഞാൽ അവർക്കെതിരെ എന്തുകൊണ്ട് കേസ് കൊടുത്തില്ല എന്നതാണ് അടുത്ത് അന്വേഷണം.....??. മാധ്യമങ്ങൾക്കെതിരെ കേസ് ഒക്കെ കൊടുത്തിട്ടുണ്ടായിരുന്നു പക്ഷേ ആ കേസ് എങ്ങനെ അന്വേഷിക്കണം എന്നുള്ളത് ഇവിടത്തെ ആഭ്യന്തരവകുപ്പ് അല്ലേ തീരുമാനിക്കേണ്ടത് അല്ലാതെ ബിജെപി അല്ലല്ലോ.. അതുപോലെ മാധ്യമത്തിനെതിരെ കേസ് കൊടുത്തു എന്ന വാർത്ത ഏതെങ്കിലും ഒരു മാധ്യമം പ്രസിദ്ധീകരിക്കുമോ.....?? ( ഇത് മനസ്സിലാക്കാൻ കഴിയാത്തവർ അല്ല ഓരോ പാർട്ടി പ്രവർത്തകനും എന്നുള്ളതും സത്യമായിരിക്കെ ആണ് ഇങ്ങനത്തെ ചോദ്യം)

🛑 ഒരു ഷെയർ എടുക്കുവാൻ ആർക്കും എവിടെയും കഴിയുമെന്നുള്ള കാലം ആയിരിക്കെ അതിനു നിയന്ത്രിക്കുവാൻ ആ ഷെയർ ചെയ്യില്ല എന്ന് സാമാന്യബുദ്ധി ഇവർക്ക് അറിയാഞ്ഞിട്ടല്ല.....
📌 ബിജെപി എന്ന പ്രസ്ഥാനം കേരളത്തിൽ ഇത്രയും കാലം എങ്ങനെയാണോ പടപൊരുതിയത് എങ്ങനെയാണോ വേരുറച്ചത് അത് ഈ കള്ള മാധ്യമങ്ങളുടെ ലാളന ഏറ്റിട്ടല്ല എന്നുള്ളത് ഓരോ പ്രവർത്തകനും ഓർക്കുക.
📌 കപട പാർട്ടി സ്നേഹം കാണിച്ചു വരുന്ന വ്യക്തികൾ / അവിടെ ഇത്ര പോയി മറ്റൊരാൾ അത് എടുത്തു കൊണ്ടു പോയി എനിക്ക് കിട്ടിയില്ല ഞാൻ അറിഞ്ഞില്ല എന്ന് പറയുന്നവരുടെ പിന്നാമ്പുറം തിരക്കി പോയാൽ അതേ അവരെ ഇതിലൊന്നിലും അടുപ്പിക്കാത്തത് കൊണ്ടാണ് എന്നുള്ള സത്യമാണ് ആദ്യം മനസ്സിലാക്കുവാൻ കഴിയുന്നത്.
📌 വ്യക്തിവിരോധവും / കാലങ്ങളായി പലതും ചെയ്തിട്ട് ഒന്നും ആകാത്തതിന്റെ ഫ്രസ്റ്റ്ഷനും പാർട്ടിയെ മുന്നോട്ടു നയിക്കുന്നവരുടെ മേൽ കുതിര കയറുന്നത് കൊണ്ട് നമ്മൾ ഒന്നായി തീരില്ല എന്നുള്ളതും അത് പാർട്ടിയെയാണ് ബാധിക്കുന്നത് എന്നും പാർട്ടിയെ സ്നേഹിക്കുന്നവരെ എങ്കിലും മനസ്സിലാക്കുക..


📌 🚩 സംഘ ബന്ധുക്കൾക്കും പാർട്ടിക്കാർക്കും, കൃത്യമായി അറിയാവുന്ന മറ്റൊരു കാര്യം കൂടെ ചേർക്കട്ടെ.. /??സംഘടനാതലത്തിലുള്ള തീരുമാനം എന്താണോ എടുക്കുന്നത് അത് ശിരസാവഹിച്ച് മുന്നോട്ടു കൊണ്ടുപോകുന്നതിനു മാത്രമേ ഓരോ ചുമതലക്കാരനും സാധിക്കത്തുള്ളൂ എന്നിരിക്കെ വ്യക്തിഹത്യയിലൂടെ നമ്മൾ അപമാനിക്കുന്നത് നമ്മൾ സ്നേഹിച്ച വളർത്തുന്ന സംഘടനയെ തന്നെയല്ലേ..??

🔥 വ്യക്തികൾ മാറിമാറി വരും സംഘടനാ ആരെയാണോ ഒരു കാലയളവിൽ സംഘടന പ്രവർത്തനത്തിന് ഏല്പിക്കുന്നവർ അവരുടെ കാലയളവിൽ അവർ സംഘടനയെ മുന്നോട്ട് നയിക്കുന്നുണ്ടോ എന്ന് അല്ലെ നോക്കേണ്ടത്.?അതിൽ സംഘടന വളർച്ച ഉണ്ടോ..എങ്കിൽ അതിന്റെ നല്ല വശങ്ങൾ നമ്മൾ അംഗീകരിച്ച്. / അല്ലാത്ത പക്ഷം എവിടെയാണോ നമ്മുടെ പരാതികൾ കൃത്യമായി പറയേണ്ടത് അത് അവിടെ അറിയിച്ച് അതിന്റെ പരിഹാരം കാണുന്നതല്ലേ യഥാർത്ഥ സംഘടന സ്നേഹമുള്ള വ്യക്തികൾ ചെയ്യേണ്ടത്..?
അതോ പൊതു പ്ലാറ്റ്ഫോമിൽ എത്തി നിരൂപണം ചെയ്യുന്ന ചില കൃമികീടങ്ങക്ക് സ്വന്തം ബൂത്തിൽ പോലും പ്രവർത്തിച്ച് പരിചയമില്ല എന്നുള്ളതല്ലേ മനസ്സിലാക്കേണ്ടത്..??
📌 രാജീവ് ചന്ദ്രശേഖരന്റെ വ്യക്തിപരമായി വ്യക്തിഹത്യ ചെയ്യുകയും, ചാനലുകൾ ബിജെപിക്കെതിരെ പറയുന്നു എന്നുള്ളതോ ആണോ ഓരോ ബിജെപി കാരന്റെയും വിഷമം..??
🔥 കൃത്യമായി ഓരോ പ്രവർത്തകനും മനസ്സിലാക്കുക ഇത് ..... കരുതിക്കൂട്ടിയുള്ള ആക്രമണമാണ് ഇതിൽ നമ്മുടെ ആൾക്കാരും വീഴുന്നുണ്ട് ശ്രദ്ധിക്കുക..... 🔷 ശ്രദ്ധിക്കാൻ വേണ്ടി മാത്രമാണ് ഇത്രയും എഴുതേണ്ടി വന്നത്. 💪💪
🛑 സത്യസന്ധമായ പ്രവർത്തകർ കൂടെയുണ്ടെങ്കിൽ ഈ അപവാദങ്ങളും നമ്മൾ മറികടന്നിരിക്കും.. 👍

11/08/2026

പ്രിയ സുഹൃത്തുക്കളെ, നമസ്കാരം.

നമ്മുടെയെല്ലാം ആദരണീയനായ ശ്രീ. ടി. ജി. മോഹൻദാസ് സാറിന് കഴിഞ്ഞദിവസം വൈകുന്നേരം 4 മണിയോടെ ജാമ്യം ലഭിച്ചിരിക്കുകയാണ്. അദ്ദേഹത്തിനുവേണ്ടി ശ്രീ. ശാസ്തമംഗലം അജിത്ത് സാർ വീഡിയോ കോൺഫറൻസിലൂടെ കോടതിയിൽ ഹാജരായി.

ജാമ്യവ്യവസ്ഥകളുടെ ഭാഗമായി അടുത്ത മൂന്ന്–നാല് ദിവസങ്ങൾ തിരുവനന്തപുരം ജില്ലയിൽ തന്നെ തുടരണമെന്നും, അന്വേഷണ ഉദ്യോഗസ്ഥന് മുമ്പാകെ ഹാജരാകണമെന്നും ബഹുമാനപ്പെട്ട കോടതി നിർദ്ദേശിച്ചിട്ടുണ്ട്. ഈ വ്യവസ്ഥകൾ അംഗീകരിച്ചുകൊണ്ടാണ് അദ്ദേഹത്തിന് ജാമ്യം ലഭിച്ചത്.

എന്നാൽ, ജാമ്യം ലഭിച്ച വിവരം അറിയിക്കുന്നതിനേക്കാൾ പ്രധാനപ്പെട്ട ഒരു കാര്യം നമ്മുടെ സഹപ്രവർത്തകരുമായി പങ്കുവെക്കാനാണ് ഈ കുറിപ്പ്.

സംഘടനയോ പരിവാർ സ്ഥാപനങ്ങളിലെ കാര്യകർത്താക്കളോ അദ്ദേഹത്തെ സഹായിക്കാൻ മുന്നോട്ടുവന്നില്ല എന്ന തരത്തിലുള്ള ഒരു തെറ്റിദ്ധാരണ ചിലർക്കിടയിൽ ഉണ്ടായതായി ശ്രദ്ധയിൽപ്പെട്ടിട്ടുണ്ട്. അത് വസ്തുതാപരമല്ല.

അദ്ദേഹത്തെ അറസ്റ്റ് ചെയ്ത സമയം മുതൽ തന്നെ സംഘടനയിലെ പ്രമുഖ കാര്യകർത്താക്കളും വിവിധ പരിവാർ പ്രസ്ഥാനങ്ങളിലെ ഉത്തരവാദപ്പെട്ടവരും അദ്ദേഹവുമായി നിരന്തരം ബന്ധപ്പെടുകയും, അദ്ദേഹത്തെ പോയി കാണുകയും ആവശ്യമായ കാര്യങ്ങൾ ഏകോപിപ്പിക്കുകയും ചെയ്തിരുന്നു.

അദ്ദേഹത്തിന്റെ കേസുമായി ബന്ധപ്പെട്ട നിയമനടപടികൾ ഏകോപിപ്പിക്കുന്നതിനായി സംഘടന പ്രത്യേകമായി ഒരാളെ ചുമതലപ്പെടുത്തുകയും, ശ്രീ. ശാസ്തമംഗലം അജിത്ത് സാറിന്റെ നിർദ്ദേശാനുസരണം ആവശ്യമായ കാര്യങ്ങൾ മുന്നോട്ടുകൊണ്ടുപോകുകയും ചെയ്തു.

ഇന്ന് അദ്ദേഹത്തിന്റെ ജാമ്യവുമായി ബന്ധപ്പെട്ട് കോടതിയിൽ ഹാജരായപ്പോഴും സംസ്ഥാനതലത്തിലും മേഖലാതലത്തിലും ചുമതലയുള്ള നിരവധി കാര്യകർത്താക്കളും നമ്മുടെ ഫുൾടൈമർമാരും അവിടെ സന്നിഹിതരായിരുന്നു. അതോടൊപ്പം, പരിവാറിലെ പ്രമുഖരായ നിരവധി പ്രവർത്തകരും അദ്ദേഹത്തിന് ആവശ്യമായ പിന്തുണ നൽകിക്കൊണ്ട് നിരന്തരം കൂടെയുണ്ടായിരുന്നു.

അതുകൊണ്ട്, ഫേസ്ബുക്ക് പോസ്റ്റുകളുടെയോ സോഷ്യൽ മീഡിയയിലെ പ്രതികരണങ്ങളുടെയോ അടിസ്ഥാനത്തിൽ മാത്രം ഒരു സംഘടനയുടെ പ്രവർത്തനത്തെ വിലയിരുത്തുന്നത് ശരിയായ രീതിയല്ല.

സംഘടന ഒരു കുടുംബമാണ്.

ആ കുടുംബത്തിൽ ടി. ജി. മോഹൻദാസ് സാറിനെ പോലെയുള്ളവർ കാരണവർ സ്ഥാനത്തുള്ളവരാണ്. അവരെ ആദരിക്കുകയും, അവരുടെ പ്രയാസഘട്ടങ്ങളിൽ അവരോടൊപ്പം നിൽക്കുകയും, അവരെ ചേർത്തുപിടിക്കുകയും ചെയ്യുക എന്നത് സംഘടനയുടെ ഉത്തരവാദിത്തമാണ്.

ആ ഉത്തരവാദിത്തം സംഘടന കൃത്യമായി നിർവഹിച്ചിട്ടുണ്ടെന്ന് ഞാൻ ഉറച്ചുവിശ്വസിക്കുന്നു.

നമ്മുടെ പ്രവർത്തനങ്ങളെ സോഷ്യൽ മീഡിയയിൽ കാണുന്ന കാര്യങ്ങൾ മാത്രം അടിസ്ഥാനമാക്കി വിലയിരുത്താതെ, സംഘടനയുടെ പ്രവർത്തനരീതിയും അതിന് പിന്നിലെ ആത്മാർത്ഥമായ ഇടപെടലുകളും മനസ്സിലാക്കണമെന്ന് എല്ലാവരോടും അഭ്യർത്ഥിക്കുന്നു.

നമ്മൾ ഒന്നാണ്. സംഘടന ഒരു കുടുംബമാണ്.
പ്രതിസന്ധി ഘട്ടങ്ങളിൽ പരസ്പരം ചേർത്തുനിർത്തുക എന്നതാണ് നമ്മുടെ ശക്തി.

06/08/2026

കേരളത്തിലെ PSC വെറും വെള്ളാന മാത്രം...

01/08/2026

31/07/2026

നിങ്ങൾ വിതയ്ക്കുന്ന നന്മയുടെ വിത്തുകൾ നാളെ വലിയ തണൽമരങ്ങളായി മാറും..... അന്ന് ഇതേ ആളുകൾ ആ തണലിൽ വന്ന് വിശ്രമിക്കും......""മനസ്സ് മടുക്കരുത്, വഴിവിളക്കുകൾക്ക് ചുറ്റും എപ്പോഴും ഈയാംപാറ്റകൾ ഉണ്ടാകും...... വെളിച്ചം പകരുക എന്ന നിങ്ങളുടെ ദൗത്യം തുടരുക."

നിശബ്ദതയുടെ ആഴങ്ങളിൽ ഞങ്ങൾ തീ കോരിയിടുകയാണ്.........; ആരും കാണാതെ, അറിയാതെ........! വാക്കുകളുടെ അട്ടഹാസമല്ല, കർമ്മത്തിന്റെ കനലുകളാണ് ഓരോ സ്വയംസേവകന്റെയും നെഞ്ചിൽ എരിയുന്നത്. പരസ്പരം കോർത്ത കൈകളിലെ ചൂടല്ല..., ആത്മാവുകൾ തമ്മിലുള്ള അദൃശ്യമായ ആത്മബന്ധമാണ് ഞങ്ങളുടെ കരുത്ത്. കളി കണ്ട് ഗ്യാലറിയിലിരിക്കുന്നവർക്ക് ഞങ്ങളുടെ ചുവടുകളുടെ ആഴം മനസ്സിലായെന്ന് വരില്ല... പക്ഷേ, ഒന്നുറപ്പാണ്... കൊടുങ്കാറ്റ് വീശിയടിച്ച ശേഷം ശാന്തമാകുന്ന അന്തരീക്ഷം പോലെ, ഞങ്ങളുടെ കർമ്മം പൂർത്തിയാകുമ്പോൾ മാത്രമായിരിക്കും വരാനിരുന്ന മാറ്റത്തിന്റെ തീവ്രത ഈ ലോകം തിരിച്ചറിയുക. കനലുകൾ എരിഞ്ഞു തീരുകയല്ല, ജ്വാലയാവാൻ കാത്തിരിക്കുകയാണ്!"......

18/07/2026

*ഒരു സാധാ പ്രവർത്തകൻ എന്ന രീതിയിൽ.....BJP യിലെ ഇപ്പോഴുള്ള കുറ്റാരോപണത്തിന്റെ നിഴലിൽ കുറച്ചു സംശയങ്ങൾ......*

ആരോപണം :...
*1. *കോടികൾ അടിച്ചുമാറ്റി* ...... ആരാണെന്ന് പേര് പറയില്ല ( തെളിവില്ല... കേസ് വന്നാലോ... പിന്നെ ആരോപണം ജീവിതകാലം മുഴുവൻ നിലനിൽക്കും )
2. *കഴിവില്ലാത്ത ആൾക്കാരെ ചുമതലയിൽ ഇരുത്തി* .( വനിത ആയതാണോ പ്രശ്നം... ജില്ലയിൽ ഒരുപാട് പേര്, മണ്ഡലം,/ ജില്ല / കോർപ്പറേഷൻ ചുമതലയിൽ ഉണ്ട്.... ഒരു പ്രശ്നം വരുമ്പോൾ അപവാദം ആകാം അല്ലെ )

3. *ചില വ്യക്തികൾ ഒറ്റയ്ക്ക് കാര്യങ്ങൾ തീരുമാനിക്കുന്നു (ചർച്ച ചെയ്യാതെ / ഒരു വാർഡിലെ സ്ഥാനാർധിയെ പോലും അങ്ങനെ തീരുമാനിക്കാൻ സാധിക്കുമോ......?)*

*ചില സംശയങ്ങൾ* ..🟥..

1. പാർട്ടിയോട് കൂർ / മിനിമം അറിവ് ഉള്ള ആരെങ്കിലും പരസ്യമായി പാർട്ടിയെ അവഹേളിക്കുമോ....? അതോ സ്വന്തം വീട്ടിലെ കാര്യം ആയാലും റോഡിൽ ഇറങ്ങി പരസ്യമായി പറയുമോ...??? ചിന്തിച്ചു നോക്ക്...

2. പരാതി കൊടുത്തു അന്വേഷണം നടക്കുന്നു എന്നറിഞ്ഞിട്ട് എന്തിനാണ് പത്രമാധ്യമങ്ങൾ വഴി ദിവസവും ചെളിവാരി എറിയുന്നത്. ( ആർക്കുവേണ്ടിയിട്ടാണ് ഇത്......?എന്താണ് ലക്ഷ്യം...?)

3. എങ്ങനെയാണ് പാർട്ടി ഓഫീസിൽ കൊടുത്തു എന്ന് പറയുന്ന ബില്‍ സോഷ്യൽ മീഡിയ വഴി പ്രചരിക്കുന്നത്.....??( അങ്ങനെ വന്ന ബില്ല് / amound സത്യം ആണോ...??

4. ക്യാഷ് അടിച്ചുമാറ്റി എന്നതാണ് പ്രശ്നമെങ്കിൽ അത് പറയുന്നവരെ പേരിനോടൊപ്പം ചുമതലയിലിരിക്കുന്ന സംഘടന സെക്രട്ടറി /ജനറൽ സെക്രട്ടറിയായ സുരേഷ് ജി യുടെ പേര് ചേർത്ത് എന്തിനു പറയണം.....?? (📌പറയുന്നവരുടെ ലക്ഷ്യം ചെറുതല്ല എന്ന് ഓർമ്മിക്കുക.....)

5. പാർട്ടിക്ക് ഇലക്ഷൻ ഭണ്ട് കേന്ദ്രത്തിൽ നിന്ന് CASH കിട്ടി എന്ന് പറയുന്നത് നിങ്ങൾ തന്നെ അല്ലെ......? , നമ്മൾ ആലോചിക്കേണ്ടത് :- ക്യാഷും സാധനങ്ങളും ഒരുമിച്ച് അവിടെനിന്ന് ഫ്രീയായി കൊടുക്കുമോ......??🟪( അല്ലെങ്കിൽ തന്നെ free ആയി ആരാണോ കൊടുക്കുന്നത്... അവർക്ക് തന്നെ ആ സാധനം വാങ്ങി എന്നും പറഞ്ഞു ബില്ല് കൊടുക്കുമോ...??

6. മുൻപ് സംഘടനാ സെക്രട്ടറിമാർ ഉള്ളപ്പോഴും ആരോപണങ്ങൾ വന്നു കുറ്റപ്പെടുത്തലുകൾ എല്ലാം വന്നു അപ്പോൾ സംഘടന സെക്രട്ടറിമാരെയും കുറ്റം പറഞ്ഞവരാണ്........ ഇപ്പോൾ ആർഎസ്എസിന്റെ ചുമതലക്കാർ ആരുമില്ല അതുകൊണ്ടാ ഇങ്ങനെ പറയുന്നത്....??

7. സോഷ്യൽ മീഡിയ വഴി പ്രചരിക്കുന്ന പുറത്താക്കൽ രേഖ സംസ്ഥാന പ്രസിഡന്റ് തന്നെ നിഷേധിച്ച സാഹചര്യത്തിൽ ഇവർക്ക് എങ്ങനെയാണ് ഇത് കിട്ടിയത്.....???

8. ഡൽഹിയിൽ നിന്ന് വന്ന കൊടികൾ സ്റ്റേറ്റ് ഓഫീസിൽ ഇരിക്കുന്നു എന്ന് പറഞ്ഞ് ചാനലുകൾ കാണിക്കുന്നുണ്ട്... ഇത് ഡൽഹിയിൽ നിന്ന് വന്നതാണോ വാങ്ങിയിട്ട് ഇലക്ഷന്റെ ബാക്കിയാണോ എന്ന് ഉറപ്പിച്ചിട്ടാണോ ഇത് പ്രചരിപ്പിക്കുന്നത്.....??

9. മുൻപ് കുറ്റാരോപിതരായി പറഞ്ഞ ആൾക്കാർ ഇപ്പോൾ നല്ലതാണ് എന്ന് പറഞ്ഞ് പ്രചരിപ്പിക്കുന്നുണ്ട് എന്നാൽ അന്ന് പാർട്ടിക്കും വ്യക്തികൾക്കും ഉണ്ടായ നഷ്ടം ഇവർ നികത്തുമോ.....??/ ഇപ്പോൾ അപവാദം പറയുന്നവരുടെയും ഉദ്ദേശം ഇതുതന്നെയാണ്..
ലക്ഷ്യം ഒന്നേയുള്ളൂ ഇതൊരിക്കലും രക്ഷപ്പെടില്ല എന്ന് പ്രവർത്തകരെ തോന്നിപ്പിക്കുക....

10. NDA പോലൊരു സഖ്യം ഉണ്ടാക്കിയിട്ട് ചില വ്യക്തികളുടെ സ്വാർത്ഥ താല്പര്യത്തിലാണോ ഇലക്ഷനും ഇലക്ഷൻ സ്ഥാനാർത്ഥികളെയും നിശ്ചയിച്ചത് അങ്ങനെ സാധിക്കുമോ......??

11. എന്തുകൊണ്ടാണ് ഓരോ ഇലക്ഷൻ കഴിയുമ്പോഴും ബിജെപിയെ ടാർജറ്റ് ചെയ്ത് ഇങ്ങനെയുള്ള വിവാദങ്ങൾ ഇവർ ഉണ്ടാക്കുന്നത്.....???

12. ഈ പറയുന്ന വ്യക്തികൾ ബിജെപിയുടെ കൊള്ളരുതായ്മയും വ്യക്തിഹത്യയും ചെയ്യുമ്പോൾ സിപിഐഎം /കോൺഗ്രസ് എന്നിവിടങ്ങളിൽ നടക്കുന്ന വൃത്തികേടുകൾ ഇവർ ചർച്ച ചെയ്യാത്തതെന്താ....??
13. പാർട്ടിയെ സ്നേഹിക്കുന്നു എന്നു പറഞ്ഞവർ പാർട്ടിയിലെ മറ്റുചില പേരുകൾ വന്നപ്പോൾ ക്ഷുഭിതരാവുകയും പേരുകൾ പബ്ലിസിറ്റി ചെയ്തു അവർക്ക് വേണ്ടി പോസ്റ്റുകൾ തയ്യാറാക്കുകയും കേസ് കൊടുക്കും എന്ന് പറഞ്ഞ് സത്യങ്ങൾ എഴുതിയ ചില മാധ്യമങ്ങളെ വിരട്ടി അത് പിൻവലിപ്പിച്ചതും എന്തിനാണ്......???
14. ബാങ്ക് ഡീറ്റെയിൽസുകൾ ഉൾപ്പെടെ തെളിവുകളുണ്ട് എന്ന് പറയുന്നവർക്ക് എങ്ങനെയാണ് ഈ തെളിവുകൾ കിട്ടിയത് അങ്ങനെയാണെങ്കിൽ ആ ബാങ്കുകൾക്ക് എന്ത് ക്രെഡിബിലിറ്റി ആണ് ഉള്ളത്......??
15. പാർട്ടിയോടും പാർട്ടിയുടെ ബലിദാനികളുടെയും പേര് പറഞ്ഞ് . ഉണ്ടാക്കിയെടുക്കുന്ന വിവാദങ്ങളിൽ ഇവർക്ക് ഏങ്ങനെ ആണ് സുരേഷ് ജി യെ ഉൾപ്പെടുത്തി കഥകൾ നെയ്തതുകൊണ്ട് ഉദ്ദേശം എന്താണ്...??

🟥🔴 ലക്ഷ്യം ഒന്ന് മാത്രം.......