10/01/2026
“തന്ത്രികൾ തന്ത്രങ്ങൾ മെനയുമ്പോൾ…”
മധുസൂദനൻ നായരുടെ കവിതയിലെ വരികൾ ഏറെക്കുറെ ഇങ്ങനെയാണ്
“അന്നത്തെ അന്നത്തിൻ അന്യന്റെ ഭാണ്ഡങ്ങൾ തന്ത്രത്തിൽ ഒപ്പിച്ചെടുക്കുന്നു.”
“എന്നാൽ ഈ തന്ത്രങ്ങൾ എല്ലാം അന്നത്തിനാണോ…”
ഈ പ്രവർത്തികളെല്ലാം തന്നെ താഴെപ്പറയുന്ന ഒരു ശതമാനത്തിലേക്കും ഒൻപത് ശതമാനത്തിലേക്കും എത്തിച്ചേരാനുള്ള മതിലുകളെ പൊളിക്കലാണ്.
ഈ അടുത്ത് വായിച്ച ഒരു ബുക്കിനകത്ത് പറഞ്ഞിരിക്കുന്ന കാര്യമാണ് ഈ ലോകത്ത് ഒരു ശതമാനം എലൈറ്റ് ഗ്രൂപ്പും , 9% ശതമാനം എലൈറ്റ് ഗ്രൂപ്പ് എന്ന ഉന്നത ആളുകളെ വട്ടമിട്ട് പറന്നു കൊണ്ട് ജീവിക്കുന്ന ഒരു കൂട്ടം ആളുകളും ബാക്കി 90%,
ഈ ഒരു ശതമാനത്തിൽ വരുന്ന ഉന്നതരെയും ഉന്നതരുടെ സഹായികൾക്കും വേണ്ടി പണിയെടുത്ത് കാര്യങ്ങളെ മുന്നോട്ടു നയിക്കാൻ കർമ്മ മേഖലയിൽ പ്രവർത്തിക്കുന്നവരും ആണ്.
ഈ മൂന്ന് ലെവലിലുള്ള ആളുകൾ തമ്മിൽ ശക്തമായ വിടവുകളുണ്ട് മതിലുകൾ ഉണ്ട് അതിനെ മറികടക്കാൻ ആർക്കും സാധ്യമല്ല.
ഇത് ഏറെക്കുറെ സത്യസന്ധമായി തോന്നുന്ന കാര്യവുമാണ് കാരണം രാജ്യത്തിൻറെ 40% സമ്പത്ത് കൈകാര്യം ചെയ്യുന്നത് 1% ആളുകളാണ്.
എന്നാൽ ഈ മൂന്ന് ലെവലുള്ള ആളുകളും ഒരുമിച്ച് വരുന്ന ഒരേയൊരു സ്ഥലം എന്നുള്ളത് ദൈവങ്ങളുടെ സന്നിധിയിലാണ് , ദൈവങ്ങളിലേക്ക് ആണ് അതിന് കാരണമുണ്ട്. നല്ലതിനും ചീത്തയ്ക്കും ആയ പലകാര്യത്തിലുള്ള കാര്യസാധ്യതയ്ക്ക് , പ്രതീക്ഷകൾക്ക് മനുഷ്യനപ്പുറത്തുള്ള എത്തിച്ചേരലിന് അത്താണിയായി എല്ലാവരും ആശ്രയിക്കുന്ന ഒരു സ്ഥലമാണ് ദേവാലയങ്ങൾ.
മലയ്യ സ്വർണം പൊതിയുന്നു, മുകേഷ് അംബാനി ഗുരുവായൂർ ദർശനം നടത്തുന്നു.
പേര് വെളിപ്പെടുത്താൻ ആഗ്രഹിക്കാത്ത ഒരു ഭക്തൻ കിരീടം നൽകുന്നു. ആയിരങ്ങൾ അസുഖം മാറണേ എന്ന് പ്രാർത്ഥിക്കാൻ എത്തുന്നു.
സിനിമ വിജയിക്കണേ എന്ന് പ്രാർത്ഥിക്കുന്നു.
ഞാൻ കേസിൽ ജയിക്കണേ. നല്ലൊരു ജോലി കിട്ടണേ.
ലോകാ സമസ്താ സുഖിനോ ഭവന്തു.,
പ്രാർത്ഥനകൾ ഇങ്ങനെ പലതാണ്.,
എന്നാൽ എല്ലാവരും ആശ്രയിക്കുന്നത് ദേവാലയങ്ങളെയാണ് … ദൈവങ്ങളെയാണ്.
“ഒരു ചന്ദനത്തിരിയുടെ പരസ്യമാണ് ഓർമ്മയിൽ വന്നത് ചന്ദനത്തിരി കത്തിക്കാൻ പല കാരണങ്ങൾ ഉണ്ടാകാം പക്ഷേ കത്തിക്കാനുള്ള ചന്ദനത്തിരി ഒന്നേയുള്ളൂ, —— brand.”
ഇവിടെ ശ്രീനിവാസിന്റെ മരണത്തിനോട് അനുബന്ധിച്ച് അദ്ദേഹം പറഞ്ഞ ഒരു റീല് കാണുകയുണ്ടായി അത് അദ്ദേഹം വായിച്ച ഒരു ബുക്കിൽ നിന്നുള്ള അറിവാണ്.
അത് ഏതാണ്ട് ഇങ്ങനെയാണ്
“ഒരു ഫിലോസഫർ പറയുന്നതാണ് ദൈവം ഉണ്ടോ ഇല്ലയോ എന്ന് എനിക്കറിയില്ല, പക്ഷേ ദൈവം ഉണ്ടാകാതിരിക്കുന്നതാണ് അദ്ദേഹത്തിൻറെ അന്തസ്സിന് നല്ലത്.”
ദൈവത്തിനെ പലരും പല രീതിയിൽ ഉപയോഗിച്ചിരിക്കുകയാണ്. അതിൽ ദൈവത്തിൻറെ പിതാവ് എന്ന് പറയുന്ന തന്ത്രി അടക്കം എന്നറിയുമ്പോൾ ഉള്ള ഒരു പ്രയാസമാണ് , ഓർമ്മപ്പെടുത്തലാണ് ഇവിടെ.
ഓരോ വർഷവും ലക്ഷക്കണക്കിന് ആളുകൾ ത്യാഗവും സമയവും എടുത്ത് ഇത്ര ദൂരം സഞ്ചരിച്ച് ,
തൻറെ കാര്യസാധ്യതയ്ക്ക് അയ്യനെ കാണാൻ എത്തുന്ന ഒരു സ്ഥലമാണ് ശബരിമല.
ഈ വരുന്നവരിൽ ഒരു ശതമാനം, 10 ശതമാനം വേണ്ട 20 ശതമാനം ആളുകൾ
സമൂഹത്തിനെ ചൂഷണം ചെയ്യുന്നതിന് ദൈവത്തിൻറെ സഹായം അഭ്യർത്ഥിച്ചു വരുന്നതായിരിക്കാം,
എന്നാൽ 80 ശതമാനം ആളുകൾ വരുന്നത് അവരുടെ ലൈഫിന്റെ പ്രതീക്ഷയ്ക്ക് വേണ്ടിയിട്ടാണ് , അസുഖങ്ങൾ മാറാൻ , ജോലി കിട്ടാൻ , മുന്നോട്ടു ജീവിതം നയിക്കാൻ,
എല്ലാ പ്രതീക്ഷകളും തകരുമ്പോൾ അവർ ആശ്രയിക്കുന്ന അവസാനത്തെ അത്താണിയാണ് ദേവാലയങ്ങൾ അല്ലെങ്കിൽ ശബരിമല അല്ലെങ്കിൽ ദൈവങ്ങൾ.
ഈ പ്രതീക്ഷ , വിശ്വാസം ലോകത്തിനെ പിടിച്ചുനിർത്താനുള്ള, മുന്നോട്ടുപോകാനുള്ള ഒരു പ്രധാന വസ്തുതയാണ് , തീർച്ചയായിട്ടും ആവശ്യമുള്ളതാണ്. ഇത് ശാസ്ത്രത്തിനെ വച്ചുകൊണ്ട് അളക്കാനോ കമ്മ്യൂണിസം കൊണ്ട് വിലപേശാനോ കഴിയുന്നതല്ല. ഇവിടെ ആണി അടിക്കുന്ന ആദ്യത്തെ സ്റ്റെപ്പ് ആയിരുന്നു സ്ത്രീകളെ ശബരിമല കയറ്റാനുള്ള ഗവൺമെന്റിന്റെ ഒരു വ്യഗ്രത.
ഇന്നിതാ തന്ത്രിയടക്കം കള്ളത്തരത്തിന് കൂട്ടുനിന്നതിന്റെ സംശയ നിഴലിലാണ്. ഇത് സമൂഹത്തിന് നൽകുന്നത് പ്രതീക്ഷകളെ ഇല്ലാതാക്കലാണ്. പ്രതീക്ഷകൾ ഇല്ലാതായാൽ സമൂഹത്തിന് ഭ്രാന്ത് പിടിക്കും, ഭ്രാന്ത് സമൂഹത്തിനെ ഇല്ലാതാക്കും. ആ ഭ്രാന്തിനെ ആർക്കും തടയാൻ കഴിയില്ല ദൈവങ്ങൾക്ക് പോലും !
കാരണം ദൈവങ്ങളിലെ വിശ്വാസം ഇല്ലാതായിട്ട് ഉണ്ടാകും.
അതുകൊണ്ടുതന്നെ ദൈവങ്ങളെ കക്കരുത് കൊല്ലരുത് അത് സമൂഹത്തിൻറെ പ്രതീക്ഷയാണ്!
-JP
