منتدى الشعر الشعبي

31/03/2026

لوليلي ولو كبران
لوليلي ييمه شلون ماجان
دمدي ايدج علية وشوفي الصار بية
دللولج ييمه يزيل الاحزان
لوليلي ييمه فدوة لولي
واي كلمة التعجبج يمه كولي
صوتج من اسمعة
عمري الضاع ارجعه
دفيني بحنانج يمه بردان
لوليلي ييمه بصوت مسموع
وبأيدج ييمه نشفي الدموع
هاهية ييمه مامش رجوع
بخلافج ييمه البيت ضلمه
حالم دذبحو كدامه حلمه
ضيفنة الحزن من يوم رحتي
حتة الفرح ماواصل غرفتي
شفت الحزن كله اشكال والوان
لوليلي ييمه ولو كبران

28/01/2024

وصلوله هذا الحجي
الماضي جدا مهم
من يمشي صح القلم..لاينكر المسطرة
ذاك السحك خاطري
وفززني من الوهم..من كلبي اريد اشكره
مستانس ويه الالم
يحييني دوس الجدم ..شايل طبع كنطرة
المحار ابن عائله
عاش على كد حالته..بس خلف الجوهرة
كلمن جرحني ومشه
طيبة هلي تفلشه
وصح مايعثره الحجر..بس حوبتي تعثره م

17/07/2023

17/07/2023

نسيت او ورثت روحي جكارة
المغرب والصور سوولهن جارة
اشكل ذمتك عن هذا دمعي الطاح
ها ها يالخذتها ردلي عمري الراح
ها ها يالخذتها هاي غاليتي
شنهو بيا ذنب تسلبني عافيتي
شنهو بيا ذنب باجر شعذرك
عساها بعرظك ومكطوع بزرك
كون بمرض تتحسر على الموت
وكون اونينك تكضيه بسكوت
يالماخذها وين شلون بية
يخايب شون ترضالي الاذية
ليش تحرم ريتي من الهوى
مو حلفنة انموت لو نبقة سوه
شلون ترضاها حضرتك
كون مو بس بيك بختك
عساها بحضك او بختك
ولك هاي الغرفتي مو غرفتك
بنت كلبي مو بنيتك
نفس ريتي موش ريتك
هذا عرسي موش عرسك
هذني حروفه بزندي
ولك يسوة الكون عندي
يسوة ابوك ويسوة جدي
للنفس مو كمت اجدي
راح اجن واعلن تحدي
وادخل الميدان وحدي
والخلك خل كلها ضدي
لو افوز باحلى موتة
لو يزفونة اخوتة
لو يزفونه ابدمه
والزافوف ابن عمه
وتهوس وراه امه
ربيته وماخاب احساسي
عفية ابني الما دنك راسي
وفالي وماكو ابد مثلة وفالي
حبيبي اني واعرفنة وفالي
قرولي الطالع وبرجي وفالي
طلع حبك سبب هاي المنية

17/07/2023

كلشي بهل وكت ممنوع
بس مسموحلك تملك گلب موجوع
تضحك هذا شي ممنوع
بس مسموحلك تضحك ضحك مصنوع
ياربي ابتلينة بوكت مابي خير
عله النذل فوك الهام وصفة صوت الخرس مسموع
كلشي بهل وكت ممنوع
حتة الفرح بي دمعة حزن واهات
بس احنه فرحنة شفت بيه ادموع
سولف ياوكت بس كلي شنهي تريد
يلسيوفك علية ماتكضها دروع
خذت مني فرحتي وكلنة تتعوض
تهدهن جامحات وكلنة تتروض
تلبسنة سواد نرده لون ابيض
وكت الكيض شجرة وانثر فياي
ومن بردو حطب سووها الفروع
اريد اذبح وريدي وخلة ينزف
وخلي الدمع عالوجنات ينزف
من كلو حبيبك راح ينزف
احس ارض وسمه انطبكن علية

17/05/2023

بعيني دمع يبجي على دمعي الطاح
انه بعمري عمر مو صح
انه براسي عقل منهوب
يتيه ويغفل ويسرح
يتيم وتيه الفرحة
ناي وبس حزن يصدح
وحك سورة الم نشرح
انه بصدري الم يذبح
وحك سورة برا وياسين
انه متيه شلون افرح
انه بعمري ابد ماباقي شي يصلح
عشت وياك اجمع وانته بس تطرح
جسر مدينلك عمري تدوس عليه
منشار اصبحت كل ما تمر تذبح
وكعت بناس ما تنصح
سهر وبظيم يتلقح
صرنة الغلط همة الصح
ذبني بملح ومجرح
انه مبتر يكلي اسبح
ترجية بذانك خلها للتاريخ
بعد عشرتنة دوم وياك ما تصلح
وراح اهدم بعد كل البنيتة وياك
كتاب شما قريتة ادريك ما تنجح

15/04/2022

أعذرك
ما ضگت حزني
وْ لا تدري اش كثر بيَّ بچي مْخمّر

أنَا كاس عْشگت شفّه
بْعقايدها السِكِر ممنوع

أنَا حتى غناي اسمر

قميص الصفنه عبالي عْلى گد الليل
أثاري اكبر

حزن روحي ذنب قِسّيس
تارس صفنة المعبد

وْ عمر ضحكاتي حَسَوْ طْيور
شمس صبحي ضواها اسود

أحن‌لك و ابچي من اضحك
أذکرك و ادفى من ابرد

أعذرك
بس المعاتب نفس، لـ ال خنگ ریته فْراگ

أعذرك و ال يحب يِعذِر
و احبك يا سوادين ال تحلّي سْوالف العشاگ

أرید اشكیلك اللهفه غَنَى مْضيعين
أنَا بْروحي نبي یْغنّي لون اشتاگ!

أنَا گلبي ظِفِر مشلوع
أنَا بيَّ الويع ينضاگ

يا ون
يا نعي
يا آخ
يا عثره
أعذرك
ما جست هدمك
لگيته مْن البچي مْجرجف
مثل خبزه بْطبگ فِقرا

أعذرك
ما نمت تتأمّل البسمه
وْ تفز خانگتك العبره

و لا لیله حضنت الله
وْ بچيت
وْ گتله اخذ روحي
بگايه العمر ما دبره

15/04/2022

• سلمولي عله ذاك الجنت امنيته 💔
• كلوله الهجر ماكل بعافيته 🙇🏻‍♂️🥀

15/04/2022

هــلا ياســالــفه وماضــن نملــها
وعلـــيك الگــاع ماشــالت نملــها
هـــلا ياحــاڪــم ومــذنــب
هـــلا يامـﭼـفي ومچلـــب
هـــلا ياعافــيه وتســـلب
هــلا ياضــاحك مغنـــدب
هــلا يــابـرحي ومــرطــب
هـــلا يــ مـــيه مالــت حــب
هـــلا يلــي مــن اشــوفــنه
الــواهس بــيش اوصفنــه
يـــهودي وطــاب للجــنه
ضــرر ماهيــست مــــنه
اثـــر. ليــل وشبــگ چنـــه
ڪـحايط سيــد وحـــنه
هــلا يحــروفك بــزنــدي
گــذلتـك والخــلگ ضـــدي
غــيرك والهــلا شعـــندي
وغــلاتك عــيني مالافــي نمـــلها
منــهد ذيــچ الهــلا الــمن غــير جـــيه