بەڕێوەبەرایەتی گشتی ئاسایش - سلێمانی

بەڕێوەبەرایەتی گشتی ئاسایش - سلێمانی بەڕێوەبەرایەتی گشتی ئاسایش - سلێمانی

30/08/2026

دەزگای ئاسایشی هەرێم، دەستگیرکردنی باندێکی ساختەکردنی شوێنەوار ڕادەگەیەنێت.

بەرێوەبەرایەتی لێکۆڵینەوە دەزگای ئاسایشی هەرێم بەهەماهەنگی بەڕێوەبەرایەتی گشتی ئاسایشی پارێزگای سلێمانی لەڕۆژی٢٠٢٦/٨/٣ لەسنووری پارێزگای سلێمانی توانیان باندێکی( ٥ )کەسی ساختەکردنی سکەی مێژوویی و شوێنەوار دەستگیربکەن.

دوای بەدواداچوون و کۆکردنەوەی زانیاری، دەرکەوت ئەم باندە سەرقاڵی دروستکردنی سکەی مێژوویی و کەلوپەلی شوێنەواربوون، ئامانجیان ساختەکردن و ساغکردنەوەی بووە لەناو هەرێمی کوردستان و دەرەوەی وڵات.

لەئێستادا تۆمەتباران بەماددەی( ٢٤ )لەیاسای شوێنەوار ڕاگیراون و لێکۆڵینەوە لەدۆسیەکانیان بەردەوامە.

بەڕێوەبەرایەتی گشتی ئاسایش - سلێمانی

پارێزگای سلێمانی - محافظة السليمانية
#شوێنەوار

27/08/2026

دەزگای ئاسایشی هەرێم، دەستگیرکردنی سێ بازرگانی ماددەی هۆشبەر ڕادەگەیەنێت.

بەڕێوەبەرایەتی گشتی ئاسایشی پارێزگای سلێمانی، لەدوای بەدواداچوون و کۆکردنەوەی زانیاری لەڕۆژی ٢٠٢٦/٨/١٩ توانیان (٣)بازرگانی ماددەی هۆشبەر لەسنووری پارێزگای سلێمانی دەستگیربکەن و دەستگیرا بەسەر بڕێکی زۆر ماددەی هۆشبەر لەجۆری ماریوانا بەشێوەی شل کەکرابووە ناو ئامێری (ڤایپ)بەمەبەستی بەکارهێنانی، ماددەکان لە دەرەوەی وڵات هێندرابوونە هەرێمی کوردستان.

لەئێستادا تۆمەتباران بەماددەی ٢٥ لەیاسای ماددە هۆشبەرەکان و کارتێکارە ئەقڵییەکان ڕاگیراون و لێکۆڵینەوە لەدۆسییەکانیان بەردەوامە.

بەڕێوەبەرایەتی گشتی ئاسایش - سلێمانی

پارێزگای سلێمانی - محافظة السليمانية

دەزگای ئاسایشی هەرێم، دەستگیرکردنی حەوت تیرۆریستی داعش ڕادەگەیەنێت.بەڕێوەبەرایەتی گشتی ئۆپراسیۆنەکانی ئاسایش، لەسەر بنەم...
18/08/2026

دەزگای ئاسایشی هەرێم، دەستگیرکردنی حەوت تیرۆریستی داعش ڕادەگەیەنێت.

بەڕێوەبەرایەتی گشتی ئۆپراسیۆنەکانی ئاسایش، لەسەر بنەمای زانیاری هەواڵگری توانیان حەوت تیرۆریستی داعشی داواکراوی دادگاکانی عیراق بەماددەی(٤)ی تیرۆر کە لەشاری سلێمانی و دەورووبەری خۆیان حەشاردابوو دەستگیربکەن و داواکراوان لە ڕابردوودا چەکداری گرووپی تیرۆریستی داعش بوون.

لەڕۆژی ٢٠٢٦/٨/١٨ تیرۆریستان ڕادەستی لایەنە پەیوەندیدارەکانی حکومەتی فیدراڵ کران، بەپێی تایبەتمەندی شوێنی تاوان بۆ تەواوکردنی ڕێکارەکانی لێکۆڵینەوە.

بەڕێوەبەرایەتی گشتی ئاسایش - سلێمانی
پارێزگای سلێمانی - محافظة السليمانية

کچانی ئاسایش بوونە پاڵەوانی یاری کەبادی عیراقدوای پێشکەشکردنی ئاستێکی بەرز، کچانی یانەی وەرزشی ئاسایش توانیان نازناوی پا...
10/08/2026

کچانی ئاسایش بوونە پاڵەوانی یاری کەبادی عیراق

دوای پێشکەشکردنی ئاستێکی بەرز، کچانی یانەی وەرزشی ئاسایش توانیان نازناوی پاڵەوانێتی یانەکانی عێراق بۆ یاری کەبادی بەدەستبهێنن.

پاڵەوانێتییەکە لەشاری کەرکوک و بە هەماهەنگی نێوان یەکێتی کەبادی عێراق و یانەی وەرزشی ئاسایش ڕێکخرابوو، یانەکانی (ئاسایش، مصافی جنوب، فتوی موصڵ، غازی باکوور، شەباب دبس، واحد حوزیران)بەشداربوون، کچانەی یانەی وەرزشی ئاسایش توانیان پلەی یەکەم بەدەستبهێنن.

بەڕێوەبەرایەتی گشتی ئاسایش - سلێمانی

نادي اسايش الرياضي

دەزگای ئاسایشی هەرێم، دەستگیرکردنی چوار بازرگانی ماددەی هۆشبەر ڕادەگەیەنێت.بەڕێوەبەرایەتی ئاسایشی گشتی سلێمانی لەدوو چال...
20/07/2026

دەزگای ئاسایشی هەرێم، دەستگیرکردنی چوار بازرگانی ماددەی هۆشبەر ڕادەگەیەنێت.

بەڕێوەبەرایەتی ئاسایشی گشتی سلێمانی لەدوو چالاکییدا، توانیان دەستبەسەربڕی (٢٥) بیست و پێنج هەزار دەنک حەبی هۆشبەر و (٢١) کیلۆگرام ماددەی هۆشبەر لەجۆری ئەمفیتامین(کریستاڵ) لەسنووری شاری سلێمانی بگرن.

_ چالاکی یەکەم: لەڕۆژی ٢٠٢٦/٧/١٨ دوای بەدواداچوون و ئەنجامدانی لێکۆڵینەوەی ورد، دوو بازرگانی ماددەی هۆشبەر لەشاری سلێمانی دەستگیرکران و دەستبەسەر بڕی(٢٥) بیست و پێنج هەزار دەنک حەبی هۆشبەر گیرا کە بەشێوەی قاچاغ بەمەبەستی ساغ کردنەوەی هێنرابووە شاری سلێمانی.

_ چالاکی دووەم: لە ڕۆژی ٢٠٢٦/٧/١٩ بەڕێوەبەرایەتی ئاسایشی گشتی سلێمانی بەهەماهەنگی بەڕێوەبەرایەتی ئاسایشی ڕۆژئاوای سلێمانی لەدوای بەدواداچوون و ئەنجامدانی لێکۆڵینەوەی ورد توانیان دوو بازرگانی ماددەی هۆشبەر دەستگیربکەن و دەستبەسەربڕی (٢١) کیلۆگرام ماددەی هۆشبەر لەجۆری ئەمفیتامین (کریستاڵ)ی ووشک
و شل بگرن.

لەئێستادا تۆمەتباران بەماددەی ٢٥ لەیاسای ماددەهۆشبەرەکان و کارتێکارە ئەقڵییەکان ڕاگیراون و لێکۆڵینەوە لەدۆسییەکانیان بەردەوامە.

20/07/2026

دەزگای ئاسایشی هەرێم، دەستگیرکردنی دوو چەکداری تیرۆریستی داعش ڕادەگەیەنێت.

بەڕێوەبەرایەتی گشتی ئۆپراسیۆنەکانی ئاسایش، بەهەماهەنگی دەزگای دژەتیرۆری عێراق لەسنووری سلێمانی و ئیدارەی ڕاپەڕین توانیان دووچەکداری تیرۆریستی داعش دەستگیربکەن.

ڕۆژی ٢٠٢٦/٦/١٤ لەدوو چالاکی جیاوازدا، لەدوای بەدواداچوون و ئەنجامدانی لێکۆڵینەوەی ورد، توانرا هەردوو تیرۆریستی داواکراو لەسنووری سلێمانی و ئیدارەی ڕاپەڕین دەستگیربکرێن و لەدوای ئەنجامدانی چالاکییەکان ژن و منداڵی یەکێک لەتیرۆریستەکان ڕزگارکران کە ئێزیدی بوون، لەڕابردوودا لەلایەن ئەو چەکدارە تیرۆریستەوە دەستبەسەرکرابوون.

لەئێستادا تیرۆریستان بە ماددەی ٢ لەیاسای تیرۆر دەستگیرکراون و لێکۆڵینەوە لەدۆسییەکانیان بەردەوامە.



جهاز مكافحة الإرهاب العراقي Icts

دەزگای ئاسایشی هەرێم، دەستگیرکردنی باندێکی ساغکردنەوەی دراوی ساختە ڕادەگەیەنێت.بەڕێوەبەرایەتی ئاسایشی ڕۆژهەڵاتی هەولێر د...
11/07/2026

دەزگای ئاسایشی هەرێم، دەستگیرکردنی باندێکی ساغکردنەوەی دراوی ساختە ڕادەگەیەنێت.

بەڕێوەبەرایەتی ئاسایشی ڕۆژهەڵاتی هەولێر دوای کۆکردنەوەی زانیاری لەسەر باندێکی ( سێ )کەسی ساغکردنەوەی دراوی ساختە، بەدواداچوون و چاودێری وردیان ئەنجامدا، شەوی هەینی ٢٠٢٦/٧/١٠ کاتژمێر ٢٠:٥٥ خولەکی شەو لەنزیک ناحیەی ئاشتی، لەکاتی دەستگیرکردنیان بەچەک ڕووبەڕوی هێزەکانی ئاسایش بوونەوە،
( ٣ ) کارمەندی ئاسایش برینداربوون.

تۆمەتباران لەڕێگەی سۆشیال میدیا ( تیکتۆک و سناپ چات ) بانگەشەیان بۆ فرۆشتنی دراوی ساختە کردووە، لەکاتی مامەڵەکردن کەسەکانیان فریوداوە و بەزەبری چەک و هەڕەشکردن پارەیان لێسەندوون.

لەئێستادا تۆمەتباران بە ماددەکانی ( ٤٠٦ ) و ( ٥٦ ) لە یاسای سزادان ڕاگیراون و لێکۆڵینەوە لە دۆسییەکانیان بەردەوامە.


بەڕێوەبەرایەتی گشتی ئاسایش - سلێمانی

دەزگای ئاسایش هەرێم، دەستگیرکردنی ( سێ )تیرۆریستی داعش ڕادەگەیەنێت.بەڕێوەبەرایەتی گشتی ئۆپراسیۆنەکانی ئاسایش دوای بەدواد...
07/07/2026

دەزگای ئاسایش هەرێم، دەستگیرکردنی ( سێ )تیرۆریستی داعش ڕادەگەیەنێت.

بەڕێوەبەرایەتی گشتی ئۆپراسیۆنەکانی ئاسایش دوای بەدواداچوون و لەسەر بنەمای ئاڵوگۆڕی زانیاری و هەواڵگری، لەمانگەکانی ٤ و ٦ی ٢٠٢٦دا لەسنووری پارێزگاکانی سلێمانی و کەرکوک( سێ )تیرۆریستی داعشیان دەستگیرکرد.

تیرۆریستان بەناوەکانی ( چ.ئـ ، ت.ب.ر ، پ.ف.س )دوای ئەوەی هەوڵی کۆچکردنیان داوە بەڵام لەبەر باری ئاسایشی و داخستی هەموو ڕێگاکان لەلایەن هێزەئەمنیەکانەوە بۆیان نەکراوە و لەپێشووتردا بڕیاری ئەوەیان داوە بانگەواز بکەن و کاریان بڵاوکردنەوەی ڤیدیۆ و نووسین و وێنەکانی داعش و بیری توندڕەوی بووە لە(١٠)پەیج و ئەکاونتی تۆڕەکۆمەڵایەتییەکانی (فەیسبووک، تیکتۆک، ئینستاگرام، تیلیگرام ، یوتوب)کردووە، لەدوای وەرگرتنی بڕیاری دادوەر داواکراوان دەستگیرکران.

لە درێژەی لێکۆڵینەوەکاندا تیرۆریستان دانیان بەوەداناوە لەتۆڕەکۆمەڵایەتیەکانەوە بانگەوازیان کردووە و هانی گەنجان و هەرزەکارانیان داوە بۆ وەرگرتنی بیری توندڕەوی و چوونە ناو رێکخستنەکانی داعش و کۆچیان کردووە بۆ ناو ڕیزەکانی داعش.

لەئێستادا تۆمەتباران بەماددەی(٢) لەیاسای تیرۆر ڕاگیراون و لێکۆڵینەوە لەدۆسییەکانیان بەردەوامە.



پارێزگای سلێمانی - محافظة السليمانية

دەزگای ئاسایشی هەرێم دەستگیرکردنی بکوژێک ڕادەگەیەنێت.دوای ئەوەی شەوی ٢٠٢٦/٦/٨ لەسنووری قەزای چەمچەماڵ (بانی مەقان)بەهۆی ...
09/06/2026

دەزگای ئاسایشی هەرێم دەستگیرکردنی بکوژێک ڕادەگەیەنێت.

دوای ئەوەی شەوی ٢٠٢٦/٦/٨ لەسنووری قەزای چەمچەماڵ
(بانی مەقان)بەهۆی کێشەی کۆمەڵایەتییەوە، ئاڵۆزی و شەڕ لەنێوان دوو گەنج دروست دەبێت و بەچەقۆ گەنجێک دەکوژرێت، لەسەر ئەم ڕووداوە بەڕێوەبەرایەتی ئاسایشی ڕۆژئاوای سلێمانی بەدواداچوون ئەنجام دەدات و تۆمەتباری ڕووداوەکە دەستگیردەکات.

لەئێستادا تۆمەتبار بەماددەی ( ٤٠٥ ) لەیاسایی سزادانی عێراقی ڕاگیراوە و لێکۆڵینەوە لەدۆسیەکە بەردەوامە.

دەزگای ئاسایشی هەرێم، دەستگیرکردنی دوو بازرگانی ماددەی هۆشبەر ڕادەگەیەنێت و دەستبەسەر بڕی ٣٥،٣٨کیلۆگرام ماددەی هۆشبەر لە...
31/05/2026

دەزگای ئاسایشی هەرێم، دەستگیرکردنی دوو بازرگانی ماددەی هۆشبەر ڕادەگەیەنێت و دەستبەسەر بڕی ٣٥،٣٨کیلۆگرام ماددەی هۆشبەر لەجۆری کریستاڵدا دەگرێت.

لەڕۆژی ٢٠٢٦/٥/٢٥ بەڕێوەبەرایەتی ئاسایشی گشتی سلێمانی /بەڕێوەبەرایەتی نەهێشتنی ماددەهۆشبەرەکان، لەدوای بەدواداچوون و ئەنجامدانی لێکۆڵینەوەی ورد لەچالاکیەدا، توانیان دەستبەسەر بڕی (٣٥،٣٨) سی وپێنج کیلۆ و سی و هەشت گرام ماددەی هۆشبەر لەجۆری (کریستاڵی شل) بگرن و ( ٢ )بازرگانی ماددەی هۆشبەر کە خاوەن ڕەگەزنامەی بیانین لەسنووری سلێمانی دەستگیربکەن.

لەئێستادا تۆمەتباران بەماددەی ٢٥ لەیاسای ماددە هۆشبەرەکان و کارتێکارە ئەقڵییەکان ڕاگیراون و لێکۆڵینەوە لەدۆسییەکەیان بەردەوامە.

بەڕێوەبەرایەتی گشتی ئاسایش - سلێمانی

پارێزگای سلێمانی - محافظة السليمانية

Address

As Sulaymaniyah

Website

Alerts

Be the first to know and let us send you an email when بەڕێوەبەرایەتی گشتی ئاسایش - سلێمانی posts news and promotions. Your email address will not be used for any other purpose, and you can unsubscribe at any time.

Shortcuts

Share

Category