دەزگای چاودێری دارایی - ی.ن.ك

02/09/2026

٢ / ٩ / ٢٠٢٦ سلێمانی
بەشداری هەڤاڵ (عەبدولڕەحمان ساڵح ڕەشید) بە نوێنەرایەتی بەڕێز لێپرسراوی دەزگای چاودێریی دارایی، لە بەڕێوەچوونی پرۆسەی تاقیکردنەوەی وەرگرتن لە لقی سلێمانی پەیمانگای وردبینانی ناوخۆیی دانپێدانراو لە عێراق (معهد المدققين الداخليين المعتمد في العراق).
ئەم هەنگاوە زانستییە کە بۆ یەکەمجار لەسەر ئاستی هەرێمی کوردستان بەڕێوەدەچێت، دەرفەت دەدات بە بەشداربووان دوای دوو ساڵ لە خوێندن، بڕوانامەی ماستەری پیشەیی لە بواری وردبینیدا بەدەستبهێنن.

دەزگای چاودێریی دارایی (ی. ن. ک) هەمیشە پاڵپشت و پشتیوانی تەواوی ئەم جۆرە پڕۆژە زانستی و پیشەییانەیە بە مەبەستی بەهێزکردنی بنەماکانی شەفافییەت و پاراستنی سامانی گشتی.

19/08/2026

پــرســه نــامــه

بەداخ و پەژارەیەكی زۆرەوە هەواڵی كۆچی دوایی بەڕێز ( عبدالرحمن رؤوف صراف ) برای هەڤاڵ ( حمە صالح رؤوف )مان پێگەیشت ، بەم بۆنە خەمناکەوە بەناوی بەڕێز لێپرسراو و ئەندامان و هەڤاڵانەوە پرسەو ماتەمینی خۆمان ڕادەگەیەنین.
لە یەزدانی مەزن داواكارین رۆحی کۆچکردوو شادبێت و ئارامی و سەبوری بە هەموو لایەك ببەخشێت.

انا للە وانا الیە راجعون

دەزگای چاودێری دارایی ( ی. ن. ک )

19/08/2026

پــرســه نــامــه

بەداخ و پەژارەیەكی زۆرەوە هەواڵی كۆچی دوایی بەڕێز ( عبدالله ساڵح قادر ) باپیری ( وەفا جەزا ) کارمەندی دەزگامان پێگەیشت ، بەم بۆنە خەمناکەوە بەناوی بەڕێز لێپرسراو و ئەندامان و هەڤاڵانەوە پرسەو ماتەمینی خۆمان ڕادەگەیەنین.
لە یەزدانی مەزن داواكارین رۆحی کۆچکردوو شادبێت و ئارامی و سەبوری بە هەموو لایەك ببەخشێت.

انا للە وانا الیە راجعون

دەزگای چاودێری دارایی ( ی. ن. ک )

20/06/2026

بە مەبەستی ڕێزلێنان لە مێژووی پڕ لە دڵسۆزی و پاکی، هەڤاڵانی دەزگای چاودێری دارایی (ی.ن.ک) ئامادەی مەراسیمی ناساندن و بەخشینی کتێبی (خەرمانی خزمەت) بوون، کە تایبەت بوو بە بیرەوەری و دیدارەکانی تێکۆشەر و دامەزرێنەری دەزگای چاودێری دارایی ی. ن. ک ، کۆچکردوو (شێخ بایز تاڵەبانی).

خوالێخۆشبوو کاک بایز، نموونەی کادری دەستپاک و خەمخۆر ،دڵسۆزی کارەکەی بوو، هەمیشە وەک سیمبولی پاکی و ڕاستگۆیی لە یادی هاوڕێ و هەڤاڵانی دەمێنێتەوە.
مەڕاسیمەکە لەلایەن بۆردی هۆشیاری
مەکتەبی ڕاگەیاندن و هۆشیاری ڕێکخرابوو .

02/06/2026

ئەمڕۆ ٢٠٢٦/٦/٢ هەڤاڵ ( فەوزیە نظيف )
لێپرسراوی دەزگای چاودێریی دارایی بەئامادەبونی ئەندامانی دەزگا، پێشوازیان لە بەڕێز شێخ جەعفەر شێخ مستەفا، لێپرسراوی ئەنجومەنی پاراستنی بەرژەوەندییە باڵاکانی (ی.ن.ک)، و هەڤاڵان مامۆستا جەلال شێخ کەریم، و بڵێسە جەبار فەرمان، ئەندامانی سەرکردایەتی ی.ن.ک و وەفدی یاوەریان کرد .

لە دیدارێکدا، گفتوگۆ لەسەر ڕۆڵی گرنگی دەزگاکە لە ڕێکخستنەوەی کاروباری دارایی کرا ، هاوکات بەڕێز لێپرسراوی ئەنجومەنی پاراستنی بەرژەوەندییەکان، پاڵپشتیی بۆ سەرخستنی ئەرک و ڕاسپاردەکانی دەزگای چاودێری دارایی دووپاتکردەوە، لەپێناو خزمەتکردنی زیاتری کاروباری ڕێکخراوەیی و دارایی.

02/06/2026

1 / 6 ئامادەبوونی سەرۆک بافڵ جەلال تاڵەبانی لە دیداری 51 هەمین ساڵیادی دامەزراندنی یەکێتیی نیشتمانیی کوردستاندا کە لەبارەگای مەکتەبی سیاسی لە سلێمانی بەڕێوەچوو

01/06/2026

یەکێتیی هێز و بڕیاردەری هەموو سەردەمەکانە .

لەرۆژی ١/٦ بەبۆنەی یادی ٥١ ساڵەی دامەزراندنی یەکێتیی نیشتمانیی کوردستان، وەک وەفادارییەک بۆ ڕێبازی پیرۆزی سەرۆک مام جەلال، هەڤاڵ ( فوزیە نظيف ) لێپرسراوی دەزگای چاودێری دارایی ئەندامان و کادر و کارمەندان ، سەردانی مەزاری ڕابەری گەورەی گەلەکەمان سەرۆک مام جەلالیان کرد لە دەباشان و تاجە گوڵینەی ڕێز و ئەمەگناسیان لەسەر مەزارە پیرۆزەکەی دانا.
دواتر و لە درێژەی چالاکییەکاندا، لە بارەگای دەزگامان ئەم یادە مێژوویی و پڕ لە شانازییە بەرز ڕاگیرا و پیرۆزبایی لە سەرجەم هەڤاڵان و کادران کرا.

درود و سڵاو بۆ ئەوانەی کەم ژیان و کەڵ ژیان
بەردەوام دەبین لەسەر ڕێبازی چەپکە گوڵەکەی مام بە سەرۆکایەتی سەرۆک بافڵ بۆ خزمەتی زیاتری کۆمەڵانی خەڵکی کوردستان .

31/05/2026

26/05/2026

بەبۆنەی تێپەڕبوونی ٢٧ ساڵ بەسەر دامەزراندنی ڕێکخراوی ئازادی لاوانی کوردستاندا، پیرۆزباییەکی گەرم ئاراستەی بەڕێزان سکرتێر و سەرجەم کادر و ئەندامانی ڕێکخراوەکەتان دەکەین .

لاوان هەمیشە داینەمۆ و هێزی سەرەکیی گۆڕانکاری، گەشەپێدان و بونیادنانی داهاتوویەکی گەشترن بۆ کۆمەڵگەکەمان .
لە ماوەی کاروانە درێژەکەیدا ڕێکخراوی ئازادی لاوان سەکۆیەکی گرنگ بووە بۆ کۆکردنەوەی وزەی گەنجان و ئاڕاستەکردنیان بەرەو خزمەتکردنی نیشتمان و چەسپاندنی بەها مرۆیی و دیموکراسییەکان.
لەم یادەدا، هیوای بەردەوامی و سەرکەوتنی زیاترتان بۆ دەخوازین لە کار و چالاکییەکانتاندا، بەو ئومێدەی هەمیشە پێشەنگ بن لە پشتیوانیکردنی تواناکانی لاوان و بەدیهێنانی خواستە ڕەواکانیان.
هەر شەکاوە و سەرکەوتوو بن.

فەوزیە نظيف صابر
ئەندامی سەرکردایەتی و لێپرسراوی دەزگای چاودێری دارایی