سەرۆکایەتی شارەوانی سەروچاوە

26/08/2026

وێڕای ڕاییكردنی كارو باری هاوڵاتیان ئەمڕۆ چوار شەممە ٢٦/٨
مافناس (تریفە حاجی ڕەسول)سەرۆكی شارەوانی سەروچاوە لە پێشوازی چین و توێژەكانی ناوچەكە كە بە مەبەستی پیرۆزبایی لە بەڕێزیان تەشریفیان هێنابوو

24/08/2026

پیرۆز بێ یادی سەروەرمان(محمد)

24/08/2026

ئەمڕۆ دوو شەممە ڕێكەوتی ٢٤/ ٨
سەردانی كردنی بەرپرسانی حیزبی و حكومی و بە شێك لە چین و توێژەكانی دەڤەرەكەمان بە مەبەستی پیرۆزبایی كردن لە سەرۆكی شارەوانی ماف ناس خاتوو(تریفە حاجی ڕەسوڵ) بە بۆنەی دەست بەكار بوونی بەڕێزیان وەك سەرۆكی شارەوانی سەروچاوە

20/08/2026

ئەمڕۆ پێنج شەممە ڕێکەوتی ٢٠٢٦/٨/٢٠ بەئامادەبوونی بەڕێز بەڕێوەبەری گشتی شارەوانیەکانی ڕاپەڕین و ستافێک لەدیوانی بەڕێوەبەرایەتی و بەرپرسانی ئیداری و حزبی لەسەروچاوە ئاڵوگۆڕی پۆستی سەرۆکی شارەوانی کرا لەنێوان بەڕێز (هونەر خضر برایم) سەرۆکی پێشووی شارەوانی و خاتوو (تریفە حاجی رسوڵ) سەرۆکی نوێی شارەوانی سەروچاوە .
لەڕێوڕەسمەکەدا بەڕێز بەڕێوەبەری گشتی و بەڕێوەبەری ناحیەی بێتواتە سوپاسی سەرۆکی شارەوانی پێشویان کردوو بەڵێنی هاوکاری پاڵپشتیان بۆ سەرۆکی نوێ ی شارەوانی دووپات کردەوە.

14/08/2026

خزمەتکردنی باخچەکان
بەشی باخچەکانی سەرۆکایەتی شارەوانیمان ڕۆژانە و بەبەردەوامی خزمەتی باخچەکانی سنورەکەمان دەکەن لەپێناو زیادکردنی ڕێژەی سەوزایی و هەڵمژینی هەوای پاک و پارێزگاری کردن لە ژینگەی شار.
دەستی یەک بەیەکی باخەوان و ستافی باخچەکان خۆش بێت ،ماندوو نەبن جێگای ڕێزن.

05/08/2026

بۆ جاری دووەم هاوڵاتیان و نوسینگەکانی کڕین و فرۆشتنی زەوی ئاگادار دەکەینەوە خۆتان بەدوور بگرن لەکڕین و فرۆشتن بەموڵک و زەویەکانی شارەوانی ،بەپێچەوانەوە بەڵگەو ڤیدێۆی ڕیکلامی نوسینگەکان لەبەرامبەر یاسادا لەسەرتان دەکەینەوە شاهێدو ڕووبەڕوی یاسا دەکرێنەوە.

ئاگاداری هاوڵاتیانی سنوری شارۆچکەی سەروچاوە دەکەینەو کەخۆتان بپارێزن لەمامەڵە کردن بەو موڵکانەی کەوێنەی تۆماریان بەناوی شارەوانیمانە ،بەپێچەوانەوە هەرمامەڵەیەکی کڕین و فرۆشتن بەزەویەکانمانەوە بکرێت کڕیارو فرۆشیار ڕوبەڕوی یاسا دەکرێنەوە ،دواتر پاساو هێنانەوە بۆ ئەم کارە لەدادگا دەبێت ،نوسینگەکانی کڕین و فرۆشتنی زەوی تکایە ئاگادار بن دواتر خۆتان بەرپرسیار دەبن بەرامبەر یاسا.
وەداوا لەسەرجەم هاوڵاتیان دەکەین هەرکەس زانیاری لایە لەسەر ئەو بابەتە ئاگادارمان بکاتەوە.

27/07/2026

کارکردنی بەردەوامی بەشی باخچەکان
بەشی باخچەکانی سەرۆکایەتی شارەوانیمان لەگەڵ ئەوەی کەمیلاکی باخەوانمان کەمە و بەوئیمکانیەتەی کەلەبەردەستمانە ڕۆژانە بەئەرکی خۆیان هەڵدەستن وهەرکارێک کەپێویست بێت لە ئاودان،بژارکردن،کێڵانەوە،پاککردنەو ئەنجام دەدەن .

25/07/2026

بەنداوی سەروچاوە شوێنێکی گشتیە و مافی هەرهاوڵاتیەکە کەبۆ کات بەسەربردن و خۆ فێنک کردنەوە سەردانی ئەم شوێنە بکات ، وەنابێت هیچ کەسێک ببێتە هۆی بێزار کردنی کەسانی دەوروبەریی بۆیە لەپێناو پاراستنی گیانی خۆتان ئاگاداری هاوڵاتیانی خۆشەویست دەکەینەوە کەبەهەموو شێوەیەک خواردنەوەی ماددەکحولیەکان لەدەوروبەری بەنداوی سەروچاوە قەدەغەیە .
داوالەهاوڵاتیانی خۆشەویست دەکەین هەرکەسێک حاڵەتێکی وای بینی لایەنی ئەمنی لێ ئاگادار بکاتەوە.

21/07/2026

ئەمڕۆ سێ شەممە ڕێکەوتی ٢٠٢٦/٧/٢١
دوای ئەوەی ڕێگای سەربەنداوی سەروچاوە بەهۆی باران و کۆبونەوەی ئاولەسەر شەقامەکە بەشێکی زۆری تێکچوبوو چاڵی زۆر گەورەی تێکەوتبوو ،شارەوانیمان دەرخستەی پێویستی بۆ ئامادەکرد بەسوپاسەوە لەلایەن بەڕێوەبەرایەتی گشتی شارەوانیەکانی ڕاپەڕین بودجەی پێویستی بۆدابین کراو لەلایەن لیژنەی جێبەجێکاری پڕۆژەکە سەرپەرشتی و
جێبەجێکرا.

تێبینی
ڕێگای بەدیل لەتەنیشت ئەوشوێنە کراوەتەوەو هاتوچۆ ئاساییە ،تکایە سەرکۆنکرێتەکە بەکارمەهێنن تاکوو بەتەواوی ڕێگاکە دەیکەینەوە بەڕوی شۆفێراندا.

11/07/2026

ئەمڕۆ شەممە ڕێکەوتی ٢٠٢٦/٧/١١
پاککردنەوەی ڕێڕەوی دەرچوونی ئاوی بەنداوی سەروچاوە لەگژوگیاو قەوزەو ڕاماڵینی خاشاک لەوشوێنە بەئامێری حەفارەی کۆمپانیای بیڤان و شۆفڵی سەرۆکایەتی شارەوانیمان .
لێرەوە داوالەدڵسۆزو خەڵکی خۆشەویستی شارۆچکەی سەروچاوە دەکەین خوای گەورە ئەوسەروەتە جوانەی بەم شوێنە بەخشیوە تکادەکەین ڕێگە مەدەن خەڵکانێکی نەخۆش وێرانی بکەن و بیشێوێنن.
زۆر سوپاس بۆ کۆمپانیای بیڤان کەهەمیشە هاکارمانن بەتایبەت بۆ ئەوکارە کاک عمرو هەردوو شۆفێری حفارەو لۆلۆدەر وەشۆفێری شۆفڵی شارەوانیمان.