فريق من بسماية نبدأ التطوعي

فريق من بسماية نبدأ التطوعي من بسماية نبدأ هو فريق تطوعي المساهم في بناء مجتمع متماسك متعاون قائم على التكافل الاجتماعي وحب الوطن

04/09/2026

🎒 بصمة مجهولة | 01

هناك من يفعل الخير… ولا يريد أن يعرفه أحد.

اليوم بدأت أولى خطوات «بصمة مجهولة» في بسماية، بعد أن بادر أحد أهلنا بالتبرع بتوفير حقائب مدرسية لأطفال من العوائل المحتاجة.

طلب واحد فقط:
أن يبقى اسمه مجهولًا.

لا صورة له…
لا اسم يُذكر…
لا شكر أمام الناس.

فقط يريد أن يرى طفلًا يحمل حقيبته، ويذهب إلى مدرسته بفرحة. ❤️

ومن هنا نريد أن نبدأ فكرة مختلفة:

نساعد بصمت… نحفظ كرامة المحتاج… ونترك الخير يتكلم عن نفسه.

🎒 بصمة مجهولة
لأن بعض الناس لا يبحثون عن الشهرة…
يكفيهم أن يروا الخير يصل لمن يحتاجه.

واليوم كانت البداية بحقيبة…
فمن يدري ماذا ستكون البصمة القادمة؟

03/09/2026

⸻

🚨 اليوم بغداد كلها مزدحمة لو شنو السالفة؟

اليوم طلعنا من بسماية باتجاه حي المعلمين – بغداد الجديدة الساعة 4 العصر، والطريق كان زخم بشكل غير طبيعي، والرجعة تقريباً 7:30 مساءً نفس الحالة.

والأغرب؟
حتى من سألنا الحرس الموجودين بالطريق عن سبب الزخم، كانت الإجابة:
“ما نعرف شنو السبب.”

ورجعنا عن طريق الزعفرانية، وحتى هناك الزخم موجود! 😳

وبحسب ما نسمع ونشوف، الزحام مو مقتصر على هالطرق، وإنما موجود بمناطق مختلفة من بغداد.

🔴 هنا نريد نعرف منكم:

أهل بغداد، شنو وضع الطرق اليوم؟ وين وصلتوا؟ وأي مناطق شفتوها مزدحمة؟

📍 اكتب منطقتك + الطريق اللي مريت بيه + إذا تعرف سبب الزخم.

خلونا نسوي تحديث مروري من أهل بغداد نفسهم ونشوف:
هل فعلاً بغداد اليوم كلها مختنقة؟ لو أكو سبب محدد وراء هالزخم؟

👇 شاركونا بالمعلومات حتى الكل يستفاد.


#بسماية
#بغداد

01/09/2026

أهلنا في بسماية… اريد احجي بصراحة لأن الموضوع يخص أطفالنا.

طفل عمره سنوات يطلع للشارع حتى يلعب ويرجع للبيت يردد كلمات بذيئة… وهو أصلاً ما يعرف شنو معناها.

هنا لازم نسأل نفسنا كأهالي:
وين مسؤوليتنا؟ وهل يكفي نلوم الطفل إذا هو سمعها من غيره؟

إحنا ما نكدر نغلق الشارع ولا نكدر نمنع أطفالنا من سماع كل شيء…
لكن نكدر نراقبهم نعرف منو يصاحبون نعرف شنو يسمعون ونعلّمهم الصح من الغلط.

والأهم… الأب والأم لازم يكونون قدوة.
لأن الطفل ما يتعلم من كلامنا فقط… يتعلم من كلامنا، ومن تصرفاتنا ومن الأشخاص اللي نسمح لهم يكونون قريبين منه.

لا تنتظر ابنك يكبر حتى تنتبه لكلامه. التربية تبدأ من أول كلمة يرددها.

وبكل صراحة… نعتذر لأطفالنا عن بعض ما يسمعونه في شوارعنا.
بس الاعتذار وحده ما يكفي.

خلّينا كأهالي بسماية نتعاون حتى نخلي الشارع مكان يليق بأطفالنا، مو مكان يتعلمون بيه كلام نخجل من سماعه على لسانهم.

أطفالنا أمانة… وإذا إحنا ما حمينا طفولتهم، منو راح يحميها؟

#بسماية



31/08/2026

📢 بسماية مو خبر سلبي حتى نصعّد بيه حساباتنا!

أهلنا وأصحاب البيجات في بسماية ❤️
من حق الناس تعرف المشاكل، ومن حقنا نسلّط الضوء على أي تقصير أو خلل… لكن مو كل موقف يصير داخل العمارات يحتاج يتحول إلى قضية عامة.

أحيانًا ننشر حادثة بسيطة، أو مشكلة فردية، أو موقف داخل عمارة، ونضخّمها حتى نحصل تفاعل ومشاهدات أكثر.

وبعدها شنو يصير؟

👀 شخص من خارج بسماية يدخل ويشوف المنشورات السلبية المتتالية ويكول:
“شبيكم أهل بسماية؟ شنو صاير عدكم؟”

وهنا المشكلة مو بالخبر وحده…
المشكلة بالصورة اللي نرسمها عن مدينة كاملة وسكانها.

🔹 انشر المشكلة إذا كانت تستحق.
🔹 انتقد إذا كان النقد يفيد.
🔹 طالب بالحقوق إذا أكو تقصير.
🔹 لكن لا تحوّل كل تفصيل سلبي إلى محتوى من أجل المشاهدات.

أصحاب البيجات مسؤوليتكم أكبر من مجرد زيادة المتابعين.
أنتم جزء من صناعة صورة بسماية أمام أهلها وخارجها.

وسكان بسماية أيضًا مسؤوليتنا مشتركة…
مو كل منشور يحتاج مشاركة، ومو كل مشكلة تحتاج تضخيم.

خلونا نكون صوتًا للمشكلة عندما تستحق،
وصوتًا للحل عندما نستطيع،
وصوتًا للإنجاز عندما يحصل.

❤️ بسماية بيها مشاكل… بس بيها أيضًا ناس طيبة، مبادرات، إنجازات، وحياة جميلة.

لا نخلي السلبيات تختصر مدينة كاملة.

ً_واعياً

نبارك لكم وللمراجع العظام، ولصاحب العصر والزمان الإمام المهدي عجل الله تعالى فرجه الشريف، ذكرى ولادة الرسول الأكرم، سيد ...
30/08/2026

نبارك لكم وللمراجع العظام، ولصاحب العصر والزمان الإمام المهدي عجل الله تعالى فرجه الشريف، ذكرى ولادة الرسول الأكرم، سيد الخلق وخاتم الأنبياء والمرسلين، محمد المصطفى صلى الله عليه وآله وسلم، في السابع عشر من ربيع الأول.

نسأل الله تعالى أن يجعل هذه الذكرى المباركة نورًا ورحمةً في قلوبنا، وأن يرزقنا وإياكم حسن الاقتداء بسيرة نبيه الكريم، والتمسك بأخلاقه ونهجه، وأن يعيد هذه المناسبة علينا وعليكم بالخير واليُمن والبركات

28/07/2026

ما معنى قول النبي ﷺ: “أنا ابنُ الذبيحين”؟
جزءٌ من المجلس، والحلقة الكاملة متوفرة على قناتنا في يوتيوب

24/07/2026

في مدرسة الحسين (عليه السلام) لا تكون الخدمة موسماً… بل عهدًا.

منذ أن أطلَّت أيام عاشوراء، بدأنا بنشر الوعي، ثم اجتمعنا على إحياء مجلس سيد الشهداء (عليه السلام)، واليوم نسير مع الزائرين في حملة الزيارة المجانية، والقادم بإذن الله خدمةٌ على طريق النجف – كربلاء، حيث تتجسد معاني العطاء والإيثار في خدمة زوار أبي عبد الله (عليه السلام).

ما نقدمه هو أقل القليل في حق من علّم الإنسانية معنى التضحية والكرامة، ولكنها خطوات نرجو أن يكتبها الله في ميزان القبول.

نسأل الله أن يرزقنا شرف الاستمرار في خدمة الإمام الحسين (عليه السلام) وزواره، وأن يجعل هذا العمل خالصًا لوجهه الكريم، وأن لا يحرمنا من نداء: «لبيك يا حسين».

خدمة الحسين… شرفٌ لا يوازيه شرف.

24/07/2026

بسم الله الرحمن الرحيم

﴿وَفَدَيْنَاهُ بِذِبْحٍ عَظِيمٍ﴾

في هذا المقطع، يبيّن الدكتور حازم دوس قصة الذبح العظيم وما تحمله من معانٍ ودلالات.

الحلقة كاملة متوفرة على قناتنا في اليوتيوب.

22/07/2026

هذا المقطع مجرد جزء بسيط…

أما الحلقة الكاملة وباقي حلقات المجلس الحسيني، فهي متوفرة على قناتنا في اليوتيوب.

لا تحرم غيرك من الأجر، اشترك في القناة، فعّل زر الجرس، وشارك الحلقات مع أهلك وأصدقائك، فربما تكون سببًا في هداية أو موعظة ينتفع بها غيرك.

رابط القناة في أول تعليق.

زيارة مجانية إلى كربلاء المقدسةيسرّنا دعوتكم للمشاركة في الزيارة المجانية إلى كربلاء المقدسة يوم الجمعة الساعة 4 مساءً 📍...
21/07/2026

زيارة مجانية إلى كربلاء المقدسة

يسرّنا دعوتكم للمشاركة في الزيارة المجانية إلى كربلاء المقدسة يوم الجمعة الساعة 4 مساءً

📍 مكان التجمع: مجمع A – قرب اعدادية سما بسماية مقابل بريد بسماية.
🕘 الالتزام بموعد التجمع لضمان انطلاق الرحلة في الوقت المحدد.

لضمان حجز مقعدكم، يرجى مراسلتنا عبر الرسائل الخاصة.
الأولوية لكبار السن والحالات الإنسانية، بحسب المقاعد المتوفرة.

نسأل الله أن يرزقنا وإياكم زيارة الإمام الحسين (عليه السلام) وقضاء الحوائج ان شاء الله .

Address

Baghdad
10001

Website

,

Alerts

Be the first to know and let us send you an email when فريق من بسماية نبدأ التطوعي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category