وەزارەتی شارەوانی و گەشتوگوزار ـ وزارة البلديات والسياحة

01/09/2026

بە گوژمەی ( ٤٫٤١٤٫٥٥٠٫٠٠٠) چوار ملیار و چوار سەد و چواردە ملیۆن و پێنج سەد و پەنجا هەزار دینار، لەپێناو ئاوەدانیی زیاتری شاری هەولێر و بۆ ئاسانکاریی هاتوچۆی هاووڵاتییان، پڕۆژەی دروستکردنی شەقامێکی ٢٠ مەتری کە شەقامێکی سەرەکییە و ڕێگای چەند شوێنێکی نیشتەجێبوون بە شەقامێکی ٦٠ مەتریی نێوان ڕێگەی سەرەکی پیرمام بۆ ڕێگەی بەحرکە دەبەستێتەوە، جێبەجێ دەکرێت.

31/08/2026

گەورەترین کارگەی کەرپووچ له‌ هه‌ولێر كه‌وته‌ كار

ساسان عەونی وەزیری شارەوانی و گه‌شتوگوزار و دكتۆر محه‌مه‌د شوکری، سەرۆکی دەستەی وەبەرهێنان و ئومێد خۆشناو، پارێزگاری هەولێر، بە یاوەری سامان عارەب، بەڕێوەبەری گشتیی وەبەرهێنان، بژار مەلا خدر، قائیمقامی قه‌زای قوشتەپە و دێدەوان خەلیل، بەڕێوەبەری ناحیەی بێستانە، ڕۆژی یەکشەممە 30-8-2026، سەردانی کارگەی "ئەکەد بریک"ی سەر بە کۆمپانیای حەقڵ خشتیان کرد و لەلایەن حاجی ئه‌حمه‌د ماجدی، خاوەنی گرووپی کۆمپانیاکانی ماجدی و هیوا هۆڵدینگ و هەورۆ ئەحمەد ماجدی، سەرۆکی کۆمپانیای حەقل خشت پێشوازیان لێکرا.

له‌ میانه‌ی ئه‌و به‌سه‌ركردنه‌وه‌یه‌دا به‌شه‌كانی كارگه‌كه‌یان به‌سه‌ركرده‌وه‌ و هه‌روه‌ها باسیان لە بایەخی دامەزراندن و بەرەوپێشبردنی کۆمپانیای ناوخۆیی لەپێناو دەستەبەرکردن و پشتبەستن بە بەرهەمی ناوخۆیی و ڕه‌خساندنی هه‌لی كار كرد وه‌ك سیاسه‌تی حكوومه‌تی هه‌رێمی كوردستان بۆ پاڵپشتی له‌ كه‌رتی تایبه‌ت و ڕه‌خساندنی هه‌لی كاری ناوخۆیی بۆ هاووڵاتییانی كوردستان.

کارگەكه‌‌ له‌ بواری بەرهەمهێنانی خشت و کەرپووچدا، به‌ توانای بەرهەمهێنانی نزیکەی ١٢٠٠ تۆن لە ڕۆژێکدا كه‌ پێنج جۆری تابوق بەرهەم دەهێنێت هه‌یه‌. هه‌روه‌ها به‌ڕێژه‌ی ٩٩٪ی کارمەندانی کارگەکەش له‌ ده‌ستی كاری ناوخۆیین كه‌‌ نزیکەی ٢٥٠ هەلی کاری ڕاستەوخۆ و نزیکەی ٢٠٠ هەلی کاری ناراستەوخۆش له‌و كارگه‌یه‌ دابین كراوه‌.

27/08/2026

به‌ سه‌رپه‌رشتیی وه‌زیری شاره‌وانی و گه‌شتوگوزار كۆبوونه‌وه‌یه‌ك له‌باره‌ی به‌رهه‌مهێنان و پاكوخاوێنی ئاوی خواردنه‌وه‌ به‌ڕێوه‌چوو

ئه‌مڕۆ پێنجشه‌ممه‌ 27ی ئابی 2026 به‌ سه‌رپه‌رشتیی ساسان عه‌ونی، وه‌زیری شاره‌وانی و گه‌شتوگوزار و به‌ ئاماده‌بوونی بەرێوەبەری گشتیی دیوان، به‌ڕێوه‌به‌ری گشتیی ئاو و ئاوه‌ڕۆ، بەرێوەبەری داهات، كۆبوونه‌وه‌یه‌كی فراوان له‌گه‌ڵ به‌ڕێوه‌به‌رایه‌تیی گشتیی ئاو و ئاوه‌ڕۆ و سه‌رجه‌م به‌ڕێوه‌به‌رانی ئاوی‌ پارێزگه‌ و ئیداره‌ سه‌ربه‌خۆكان به‌ڕێوه‌چوو.

له‌و كۆبوونه‌وه‌یه‌دا ساسان عه‌ونی، وه‌زیری شاره‌وانی و گه‌شتوگوزار له‌ چوارچێوه‌ی بایه‌خدان به‌ سێكته‌ری ئاوی خواردنه‌وه‌، به‌ وردی به‌دواداچوونی بۆ پڕۆژه‌ خزمه‌تگوزارییه‌كان و به‌رهه‌مهێنانی ئاوی خواردنه‌وه‌ و تۆڕه‌كانی دابه‌شكردن و به‌تایبه‌تی پاكوخاوێنی ئاوی به‌رهه‌مهاتوو كرده‌وه‌.

وه‌زیری شاره‌وانی و گه‌شتوگوزار له‌مباره‌یه‌وه‌ جه‌ختی له‌سه‌ر باشتركردنی پرۆسه‌ی به‌رهه‌مهێنان و دابه‌شكردنی ئاو به‌سه‌ر هاووڵاتییاندا كرده‌وه‌ به‌ تایبه‌تی له‌ ڕووی خاوێنییه‌وه‌ ئاماژه‌ی به‌وه‌ كرد ده‌بێت به‌رده‌وام پشكنین بۆ ئاوی به‌رهه‌مهاتوو و تۆڕه‌كانی دابه‌شكردنی ئاو بكرێت و ئاوی خواردنه‌وه‌ به‌پێی ستانداره‌ پێشكه‌وتووه‌كان بۆ هاووڵاتییان دابین بكرێت. هه‌روه‌ها جه‌ختی له‌سه‌ر هه‌ر جۆره‌ هاوكاری و هاوئاهه‌نگییه‌كی نێوان وه‌زاره‌تی شاره‌وانی و گه‌شتوگوزار و دامه‌زراوه‌كانی ئاویش كرده‌وه‌ له‌پێناو باشتركردنی پڕۆسه‌ی به‌رهه‌مهێنان و دابه‌شكردنی ئاوی خواردنه‌وه‌.

27/08/2026

هه‌ولێر.. پێشەنگای نێودەوڵەتیی بیناسازی و ئاوه‌دانكردنه‌وه‌ كرایەوە

ئەمڕۆ پێنجشەممە 27/8/2026، بە ئامادەبوونی ساسان عەونی، وەزیری شارەوانی و گه‌شتوگوزار و سەفین دزەیی، بەپرسی فەرمانگەی پەیوەندییەكانی دەرەوە و ئومێد خۆشناو، پارێزگاری هەولێر، محەمەد شوكری، سەرۆكی دەستەی وەبەرهێنان، ئاراس حەسۆ میرخان، به‌رپرسی بەشی وەبەرهێنان، ئاگرین عەبدوڵڵا، بریكاری وەزارەتی ئاوەدانكردنەوە، سەروەر هاواری، بریكاری وەزارەتی بازرگانی و ژمارەیەكی تر لە خاوه‌نكار و بازرگانان، لە شاری هەولێر شازدەهەمین پێشەنگه‌ی نێودەوڵەتیی بیناسازی و ئاوەدانکردنەوە وەک یەکێک لە گەورەترین کۆبوونەوەکانی کەرتی بیناسازی لە عێراق و ناوچەکەدا لە پێشانگای نێودەوڵەتیی هەولێر كرایەوە.

لە پێشەنگاکەدا جگە لە کۆمپانیا ناوخۆییەکان، کۆمپانیا گەورەکانی وڵاتانی وەک تورکیا، ئێران، وڵاتانی عەرەبی و ئەورووپا بەشدارن و تێیدا نوێترین سیسته‌مەکانی کێبڵ، محاویلە و تەکنەلۆژیای وزەی نوێبووەوە (بەتایبەت وزەی خۆر) و ئامێر و ئۆتۆمبێلی قورسی تایبەت بە ئامێرەکانی هەڵکۆڵین، ڕێگاوبان و کارگەکان و نوێترین دیزاین و کەرەستە بۆ پڕۆژە خزمەتگوزارییەکان و تەکنیکە مۆدێرنەکانی بونیادنانی باڵەخانەکان نیشان دراون، ئامانج لێی ڕاکێشانی وەبەرهێنانی زیاترە بۆ کەرتی نیشتەجێبوون و پیشەسازی لە هەرێمی کوردستان.

27/08/2026

وه‌زاره‌تی شاره‌وانی و گه‌شتوگوزار به‌ڕێوه‌به‌رایه‌تییه‌كی تایبه‌ت به‌ پشتێنه‌ی سه‌وزایی هه‌ولێر داده‌مه‌زرێنێت

به‌ مه‌به‌ستی بره‌ودان و خێراكردنی جێبه‌جێكردنی كاره‌كانی پڕۆژه‌ی پشتێنه‌ی سه‌وزایی هه‌ولێر كه‌ (ڕێزدار مه‌سرور بارزانی، سه‌رۆكی حكوومه‌تی هه‌رێمی كوردستان له‌ ڕۆژی 30ی تشرینی یه‌كه‌می 2025، به‌ردی بناغه‌ی پڕۆژه‌ی پشتێنه‌ی سه‌وزایی هه‌ولێری دانا و ده‌ست به‌ جێبه‌جێكردنی كرا)، ئه‌مڕۆ پێنجشه‌ممه‌ ٢٧ی ئابی ٢٠٢٦ ساسان عه‌ونی، وه‌زیری شاره‌وانی و گه‌شتوگوزار له‌ دیوانی وه‌زاره‌ت، یه‌كه‌مین كۆبوونه‌وه‌ی له‌گه‌ڵ به‌ڕێوه‌به‌رایه‌تیی پشتێنه‌ی سه‌وزایی هه‌ولێر كرد.

ئه‌م به‌ڕێوه‌به‌رایه‌تییه‌ تازه‌ له‌لایه‌ن وه‌زاره‌تی شاره‌وانی و گه‌شتوگوزاره‌وه بۆ باشتر به‌ڕێوه‌چوونی ئیشوكاره‌كان‌‌ دامه‌زراوه‌ و كار له‌سه‌ر جێبه‌جێكردنی ئه‌و ماسته‌رپلانه ده‌كات كه‌ بۆ پشتێنه‌ی سه‌وزایی هه‌ولێر دانراوه.
‌
پڕۆژه‌ی پشتێنه‌ی سه‌وزایی هه‌ولێر یه‌كێكه‌ له‌ پڕۆژه‌ گه‌وره‌ و ستراتیژییه‌كانی حكوومه‌تی هه‌رێمی كوردستان به‌ مه‌به‌ستی زیادكردنی ڕێژه‌ی سه‌وزایی و جوانتركردنی شاری هه‌ولێر كه‌ ئه‌م پشتێنە سەوزاییه‌ وەكوو بازنەیه‌ك بە دەوری شاری هەولێردا دەسووڕێتەوە و كاریگەرییەكی زۆری لەسەر كەشوهەوای سنووره‌كه‌ دەبێت.

27/08/2026

وه‌زاره‌تی شاره‌وانی و گه‌شتوگوزار له‌ چه‌ند فه‌رمانێكی وه‌زاریدا و له‌پێناو په‌ره‌پێدانی زیاتری پڕۆژه‌كان و خزمه‌تكردنی هاووڵاتییان له‌ سنووری شار و شارۆچه‌كان، ڕه‌زامه‌ندی نیشاندا به‌ خه‌رجكردنی گوژمه‌ی پێویست له‌سه‌ر داهاتی شاره‌وانی و ئاو له‌ سنووری به‌ڕێوه‌به‌رایه‌تییه‌كانی ئاوی گه‌رمیان و ئاوی كه‌لار و سه‌رۆكایه‌تییه‌كانی شاره‌وانیی چه‌مچه‌ماڵ و شاره‌وانیی كفری.

پڕۆژه‌كان:

- پڕۆژه‌ی دووسایدی لای مزگه‌وتی ئاشتی له‌ شاری كفری.
- پڕۆژه‌ی دووسایدی گه‌ڕه‌كی شه‌هیدان له‌ شاری كفری.
- پڕۆژه‌ی دووسایدی ئه‌نفاله‌كان له‌ شاری كفری.
- دروستكردنی ئاوه‌ڕۆی لووله‌یی بۆ به‌شێكی گه‌ڕه‌كی خان و دابینكردنی ئاو بۆ باخچه‌كان له‌ چه‌مچه‌ماڵ.
- پرۆژه‌ی دابینكردنی سۆفت ستارته‌ر و VFD بۆ گه‌نجینه‌ی به‌ڕێوه‌به‌رایه‌تیی ئاوی گه‌رمیان.
- چاكسازی له‌ په‌مپ و ماتۆڕه‌كانی یه‌كه‌ی وه‌رگری پڕۆژه‌ی ئاوی كه‌لار یه‌ك.

27/08/2026

وه‌زاره‌تی شاره‌وانی و گه‌شتوگوزار له‌ چه‌ند فه‌رمانێكی وه‌زاریدا و له‌پێناو په‌ره‌پێدانی زیاتری پڕۆژه‌كان و خزمه‌تكردنی هاووڵاتییان له‌ سنووری شاری هه‌ولێر و شارۆچكه‌كانی ده‌وروبه‌ری، ڕه‌زامه‌ندی نیشاندا به‌ خه‌رجكردنی گوژمه‌ی پێویست له‌سه‌ر داهاتی شاره‌وانی و ئاو به‌ مه‌به‌ستی جێبه‌جێكردنی چه‌ند پڕۆژه‌یه‌كی خزمه‌تگوزاری له‌ سنووری سه‌رۆكایه‌تیی شاره‌وانیی هه‌ولێر و شارچكه‌كانی سه‌ر به‌ به‌ڕێوه‌به‌رایه‌تیی گشتیی شاره‌وانییه‌كانی هه‌ولێر.

پڕۆژه‌كان:

-پڕۆژه‌ی درێژكردنه‌وه‌ی تۆڕی ئاو له‌ كۆڵانه‌ لاوه‌كییه‌كانی گه‌ڕه‌كی هه‌شتی حه‌سارۆك.

-خه‌رجكردنی گوژمه‌یه‌ك بۆ جێبه‌جێكردنی پڕۆژه‌ی گه‌یاندنی خزمه‌تگوزاری بۆ گه‌ڕه‌كی مه‌ریوان له‌ كه‌رتی هه‌شتی حه‌سارۆك.

- دانانی سیسته‌می فێنككه‌ره‌وه‌ له‌ ڕێگه‌ی به‌كارهێنانی پانكه‌ی كاره‌بایی و نۆزڵی ئاو بۆ ناو بازاڕی قه‌یسه‌ریی هه‌ولێر.

- گۆڕینی تۆڕی ئاو له‌ گه‌ڕه‌كی به‌هاری نوێ.

- گۆڕینی تۆڕی ئاو له‌ گه‌ڕه‌كی ئازادی.

-نۆژه‌نكردنه‌وه‌ی شه‌قامی بنه‌سڵاوه‌-كه‌سنه‌زان كه‌ به‌ شه‌قامی هه‌ززه‌ ناسراوه‌.

- خه‌رجكردنی گوژمه‌یه‌كی تر بۆ جێبه‌جێكردنی پلانی ماسته‌رپلان له‌ سنووری به‌ڕێوه‌به‌رایه‌تییه‌كانی شاره‌وانی له‌ هه‌ولێر.

-كۆنكرێتكردنی چه‌ند شه‌قامێكی ناوخۆیی له‌ سنووری سه‌رۆكایه‌تیی شاره‌وانیی به‌حركه‌.

-پڕۆژه‌ی نۆژه‌نكردنه‌وه‌ی شه‌قامی دووساید و هه‌روه‌ها‌ ناوخۆییه‌كانی سنووری سه‌رۆكایه‌تیی شاره‌وانیی كه‌سنه‌زان.

- كۆنكرێتكردنی كۆڵان له‌ نزیك پردی ته‌قته‌ق و له‌ گه‌ڕه‌كی ڕزگاری.

20/08/2026

لیستی ناوی ئەو 13 هەزار فەرمانبەرەی ئەمڕۆ لە قۆناغی هەشتەمدا لە سنووری سەرۆکایەتیی شارەوانیی هەولێر زەویان بۆ دەرچوو..

https://drive.google.com/file/d/1hMdEOnFtZOV3RGviZmTtJv-s7kBMJVXr/view?fbclid=IwdGRzaATz1v1jbGNrBPPW83Bkb2YFZXh0bgNhZW0DMTAwAHNydGMGYXBwX2lkDDM1MDY4NTUzMTcyOAABHo9fEDqhZKaBCQ3G01C358Rs_dwbK4WTD-f8mXhy5dTs4tb4vaQnm40ZT7ev_aem_eoDDE0IRXv7A4DPTUtZGYA

20/08/2026