وەزارەتی شارەوانی و گەشتوگوزار ـ وزارة البلديات والسياحة

  • Home
  • Iraq
  • ERBIL
  • وەزارەتی شارەوانی و گەشتوگوزار ـ وزارة البلديات والسياحة

وەزارەتی شارەوانی و گەشتوگوزار ـ وزارة البلديات والسياحة وەزارەتی شارەوانی و گەشتوگوزاری حکومەتی هەرێمی کوردستان
وزارة البلديات والسياحة لحكومة إقليم كوردستان

وەزارەتی شارەوانی و گەشتوگوزار، کار دەکات بۆ پێشخستنی شار، شارۆچکە و گوندەکان لە بوارەکانی ڕێگەوبان، ئاو و ئاوەڕۆ، خاوێنکردنەوە، گەشتوگوزار و شوێنەوارەکان. Ministry of Municipalities and Tourism, The Ministry of Municipalities and Tourism is responsible for road, water and sewage infrastructure in cities, districts, suburbs and villages, as well as for supporting and enabling the development of tourism and archaeology.

هه‌ولێر.. به‌رده‌وامی و به‌ره‌وپێشچوونی كاره‌كانی پڕۆژه‌ی ڕێڕه‌وی ژیان له‌ سنووری سه‌رۆكایه‌تیی شاره‌وانیی هه‌ولێر..
03/08/2026

هه‌ولێر.. به‌رده‌وامی و به‌ره‌وپێشچوونی كاره‌كانی پڕۆژه‌ی ڕێڕه‌وی ژیان له‌ سنووری سه‌رۆكایه‌تیی شاره‌وانیی هه‌ولێر..

هه‌ولێر.. بەگوژمەی 609 ملیۆن دینار پڕۆژەی قیرتاوكردنی شه‌قامێكی 30مه‌تری و 10 شه‌قامی ناوخۆیی‌ له‌ گەڕەکی فەرمانبەران جێ...
01/08/2026

هه‌ولێر.. بەگوژمەی 609 ملیۆن دینار پڕۆژەی قیرتاوكردنی شه‌قامێكی 30مه‌تری و 10 شه‌قامی ناوخۆیی‌ له‌ گەڕەکی فەرمانبەران جێبه‌جێ كرا

لە چوارچێوەی پەرەپێدانی پڕۆژە خزمەتگوزارییەکان و گرنگیدان بە ژێرخانی شه‌قام و ڕێگه‌وبانی شاری هەولێر، قۆناغی سێیەمی پڕۆژەی قیڕتاوکردن و دروستکردنی شەقامێکی سەرەکی 30مەتری و 10 شەقامی تری ناوخۆیی لە کەرتی 8 هەزاری گەڕەکی فەرمانبەرانی سنووری سه‌رۆكایه‌تیی شاره‌وانیی هه‌ولێر جێبه‌جێ كرا.

گوژمەی ئه‌و پڕۆژه‌یه‌ 609 ملیۆن دیناره‌ و لەسەر ڕێژه‌ی 15%ی داهاتی سەرۆکایەتیی شارەوانیی هه‌ولێر دابین كراوه‌ كه‌ پڕۆژه‌كه‌ به‌ ئامانجی کەمکردنەوەی قەرەباڵغی هاتوچۆ و ئاسانکاری بۆ هاووڵاتییان و بەرزکردنەوەی ئاستی خزمەتگوزارییەکانی ئەو گەڕەکە جێبه‌جێ كرا.

ئه‌و پڕۆژەیە پێکهاتووە لە دروستكردنی شەقامێکی سەرەکی 30مەتری له‌گه‌ڵ 10 شەقامی ناوخۆیی دیكه‌ش‌ كه‌ دروستکردنی شەقامەکان بە درێژایی 2,200 مەتره‌ له‌گه‌ڵ کردنەوەی شەقامەکان و فەرشکردنی تێکەڵە بە ڕووبەری 24,000 مەتر دووجا و بڕی قیڕتاوکردنی شەقامەکان بە ڕووبەری 19,000 مەتر دووجا.

فێستیڤاڵی هاوینەی سەرۆکایەتیی شارەوانیی هەولێر له‌ پاركی سامی عه‌بدولڕه‌حمان كرایه‌وه‌-فێستیڤاڵه‌كه‌ بۆ ڕەخساندنی هەلی ک...
23/07/2026

فێستیڤاڵی هاوینەی سەرۆکایەتیی شارەوانیی هەولێر له‌ پاركی سامی عه‌بدولڕه‌حمان كرایه‌وه
‌-فێستیڤاڵه‌كه‌ بۆ ڕەخساندنی هەلی کار بۆ گه‌نجان و ئافره‌تان ڕێكخراوه و ئافره‌تان به‌شێوه‌یه‌كی كارا به‌شدارن

ئێواره‌ی ئه‌مڕۆ پێنجشه‌ممه‌ 23ی ته‌مموزی 2026، به‌ ئاماده‌بوونی ساسان عه‌ونی، وه‌زیری شاره‌وانی و گه‌شتوگوزار و ئومێد خۆشناو، پارێزگاری هه‌ولێر و كارزان عه‌بدولهادی، سه‌رۆكی شاره‌وانیی هه‌ولێر و ژماره‌یه‌كی دیكه‌ له‌ به‌ڕێوه‌به‌ران، فێستیڤاڵی هاوینه‌ی سه‌رۆكایه‌تیی شاره‌وانیی هه‌ولیر له‌ پاركی سامی عه‌بدولڕه‌حمان كرایه‌وه كه‌ ئافره‌تان به‌شدارییه‌كی كارایان له‌ فێستیڤاڵه‌كه‌دا هه‌یه‌.
ئه‌و فێستیڤاڵه بە مەبەستی ڕەخساندنی هەلی کار بۆ گەنجان و ئافره‌تان به‌تایبه‌تی له‌لایه‌ن‌ سەرۆکایەتیی شارەوانیی هەلێر بێ بەرانبەر ڕێكخراوه‌ و ماوه‌ی چه‌ند ڕۆژێك به‌رده‌وام ده‌بێت كه‌ زیاتر لە ٢٠٠شوین بۆ چەندین پیشەی جۆراوجۆر لە پارکی سامی عه‌بدولڕه‌حمان ئاماده‌كراون و تێیدا خاوه‌ن پیشه‌ جۆراوجۆره‌كان، به‌رهه‌مه‌كانی خۆیان نمایش ده‌كه‌ن و سه‌رنجی گه‌شتیارانی ناوخۆ و ده‌ره‌وه‌ ڕاده‌كێشن.
وه‌زیری شاره‌وانی و گه‌شتوگوزار و پارێزگاری هه‌ولێر سه‌رجه‌م به‌ش و ستانده‌كانی فێستیڤاڵه‌كه‌یان به‌سه‌ركرده‌وه‌ و پاڵپشتیی خۆیان دووپات كرده‌وه‌ بۆ هه‌ر جۆره‌ هاوكار و ئاسانكارییه‌ك بۆ به‌رده‌وامی ئه‌و فیستیڤاڵه‌ و فێستیڤاڵی دیكه‌ی هاوشێوه‌. جێگه‌ی باسه‌ ژماره‌یه‌كی زۆر له‌ ئافره‌تان به‌شدارن و به‌شێوه‌یه‌كی كارا به‌رهه‌م و كاری ده‌ستی و براند و جۆره‌ها شمه‌ك و كاڵاكانیان نمایش كردووه‌.

وەزیری شارەوانی و گەشتوگوزار پێشوازی لە كونسوڵی گشتیی فەرەنسا له‌ هه‌ولێر دەكاتئەمڕۆ پێنجشه‌ممه‌ 23ی ته‌مموزی 2026 ساسان...
23/07/2026

وەزیری شارەوانی و گەشتوگوزار پێشوازی لە كونسوڵی گشتیی فەرەنسا له‌ هه‌ولێر دەكات

ئەمڕۆ پێنجشه‌ممه‌ 23ی ته‌مموزی 2026 ساسان عەونی، وەزیری شارەوانی و گەشتوگوزار به‌ بۆنه‌ی كۆتاییهاتنی ئه‌ركه‌كه‌یه‌وه‌، له‌ دیوانی وه‌زاره‌ت پێشوازی لە یان برێم، كونسوڵی گشتیی فەرەنسا لە هەولێر كرد.
لە دیداره‌كه‌دا كونسوڵی فه‌ره‌نسا خۆشحاڵی خۆی به‌ كاركردنی له‌و ماوه‌یه‌ی كه‌ وه‌ك كونسوڵی وڵاته‌كه‌ی له‌ هه‌رێمی كوردستان كاری كردووه‌ ده‌ربڕی و جه‌ختی له‌سه‌ر به‌رده‌وامیی هاوكاری و په‌یوه‌ندییه‌كان كرده‌وه‌.

له‌ به‌رانبه‌ردا ساسان عه‌ونی، وه‌زیری شاره‌وانی و گه‌شتوگوزار سوپاس و پێزانينی خۆی و وه‌زاره‌تی شاره‌وانی و گه‌شتوگوزاری به‌ كونسوڵی فه‌ره‌نسا له‌ هه‌ولێر گه‌یاند بۆ هاوكاری و ڕۆڵیان له‌ پته‌وكردنی هاوئاهه‌نگی و په‌یوه‌ندییه‌كانی نێوان هه‌ردوولا، هاوكات هیوای سەرکەوتنی لە ئەرک و به‌رپرسیارێتی داهاتووی بۆ خواست.

به‌ گوژمه‌ی 4 ملیار و 772 ملیۆن دینار به‌ردی بناغه‌ی پڕۆژه‌ی شه‌قامێكی 20مه‌تری و ئاوه‌ڕۆیه‌ك له‌ هه‌ولێر دانرائه‌مڕۆ پێ...
23/07/2026

به‌ گوژمه‌ی 4 ملیار و 772 ملیۆن دینار به‌ردی بناغه‌ی پڕۆژه‌ی شه‌قامێكی 20مه‌تری و ئاوه‌ڕۆیه‌ك له‌ هه‌ولێر دانرا

ئه‌مڕۆ پێنجشه‌ممه‌ 23ی ته‌مموزی 2026، له‌ژێر چاودێری ساسان عه‌ونی، وه‌زیری شاره‌وانی و گه‌شتوگوزار و به‌ ئاماده‌بوونی ئومێد خۆشناو، پارێزگاری هه‌ولێر و ئه‌ندازیار كارزان عه‌بدولهادی، سه‌رۆكی شاره‌وانیی هه‌ولێر و هه‌روه‌ها به‌ڕێوه‌به‌ری ئاوه‌ڕۆی هه‌ولێر و فه‌رمانگه‌ په‌یوه‌نداره‌كان، به‌ردی بناغه‌ی پڕۆژه‌ی دروستكردنی شه‌قامێكی 20مه‌تری و ئاوه‌ڕۆیه‌كی سندووقی له‌ شاری هه‌ولێر له‌ نزیك شه‌قامی 150 مه‌تریی هه‌ولیر دانرا.
گوژمه‌ی پڕۆژه‌كه ‌(‌٤،٧٧٢،٩٩٥،٠٠٠) چوار ملیار و حه‌وت سه‌د و حه‌فتا و دوو ملیۆن و نۆسه‌د و نه‌وه‌د و پێنج هه‌زار دیناره‌ و پێكهاته‌ی پڕۆژه‌كه‌ بریتییه‌ له‌ دروستكردنی شه‌قامێكی 20مه‌تری به‌ درێژیی870 مه‌تر له‌ نزیك شه‌قامی 150مه‌تری له‌ سنووری به‌حركه‌، له‌گه‌ڵ دروستكردنی ئاوه‌ڕۆیه‌كی سندووقی كۆنكرێتی به‌ درێژیی 1580مه‌تر كه‌ چه‌ندین بڕگه‌ی جۆراوجۆری خۆڵكاری و پڕكردنه‌وه‌ و بڕین و تێكه‌ڵه‌ و ڕاخستنی به‌ردی شكا و كیربستون و قیرتاوكردن و دروستكردنی شۆسته‌ به‌ درێژیی 7200م2 و چه‌ندین جۆری دیكه‌ی كاركردن له‌خۆ ده‌گرێت.
ئه‌و پڕۆژه‌یه‌ له‌ چوارچێوه‌ی پلانی بایه‌خدانی زیاتره‌ به‌ مه‌به‌ستی باشتركردن و به‌رزكردنه‌وه‌ی ئاستی شه‌قامسازی و ڕێگه‌وبان و ئاوه‌ڕۆ‌ له‌ شوێنه‌ جیاوازه‌كانی شاری هه‌ولێر كه‌ كاریگه‌رییه‌كی زۆری له‌سه‌ر كه‌مكردنه‌وه‌ی گرفتی ئاوه‌ڕۆ و ئاسانكاریی هاتوچۆی شۆفێران و هاووڵاتییانی شاری هه‌ولێر و سنووره‌كه به‌تایبه‌تی‌ ده‌بێت. ئه‌مه‌‌ش له‌كاتێكدایه‌ ئێستا له‌ سنووری سه‌رۆكایه‌تیی شاره‌وانیی هه‌ولێر، چه‌ندین پڕۆژه‌ی دیكه‌ی خزمه‌تگوزاریی جۆراوجۆ له‌ قۆناغی جێبه‌جێكردندان.

ئه‌مڕۆ دووشەممە ۲۰ی تەمموزی ۲۰۲٦ به‌ ئاماده‌بوونی ساسان عه‌ونی، وه‌زیری شاره‌وانی و گه‌شتوگوزار و بریكار و ژماره‌یه‌ك له...
20/07/2026

ئه‌مڕۆ دووشەممە ۲۰ی تەمموزی ۲۰۲٦ به‌ ئاماده‌بوونی ساسان عه‌ونی، وه‌زیری شاره‌وانی و گه‌شتوگوزار و بریكار و ژماره‌یه‌ك له‌ ڕاوێژكار و به‌ڕێوه‌به‌رانی گشتی و سه‌رۆك شاره‌وانی و به‌ڕێوه‌به‌رانی داموده‌زگه‌كانی سه‌ر به‌ وه‌زاره‌تی شاره‌وانی و گه‌شتوگوزار، ڕێوڕه‌سمێكی تایبه‌ت به‌ خانه‌نشینبوونی کەیفی مستەفا، بەڕێوەبەری گشتیی شوێنەوار و کەلەپوور و دەستبەکاربوونی ئاوارە کوێخا عەلی، وەک بەڕێوەبەری گشتیی شوێنەوار و کەلەپوور بە وەکالەت به‌ڕێوه‌چوو.

له‌ ڕێوڕه‌سمه‌كه‌دا وه‌زیری شاره‌وانی و گه‌شتوگوزار ڕێز و سوپاسی پێشكه‌ش به‌ کەیفی مستەفا كرد له‌ به‌رانبه‌ر ئه‌و خزمه‌ته‌ی له‌ ماوه‌ی ساڵانی كاركردنیدا له‌ بەڕێوەبەرایەتیی گشتیی شوێنەوار و کەلەپووردا پێشكه‌شی كردووه‌. هاوکات پیرۆزبایی لە ئاوارە کوێخا عەلی کرد و هەموو جۆرە پاڵپشتی و هاوکارییەکی وەزارەتی شارەوانی و گەشتوگوزاری بۆ ناوبراو دووپات کردەوە.

ساسان عه‌ونی، وه‌زیری شاره‌وانی و گه‌شتوگوزار: - پڕۆژه‌ی ئاوی 53 گوندی بارزان 5 كۆگای گه‌وره‌ و 54 كۆگای بچووكی هه‌یه‌ -...
19/07/2026

ساسان عه‌ونی، وه‌زیری شاره‌وانی و گه‌شتوگوزار:
- پڕۆژه‌ی ئاوی 53 گوندی بارزان 5 كۆگای گه‌وره‌ و 54 كۆگای بچووكی هه‌یه‌

- هێڵی گواستنه‌وه‌ی ئاو به‌ نزیكه‌ی 198 كیلۆمه‌تر و بڕگه‌ی تۆڕی ئاوی گونده‌كان به‌ درێژایی 540 كیلۆمه‌تره‌

ئه‌مڕۆ یه‌كشه‌ممه‌ 19ی ته‌مموزی 2026، ڕێزدار مه‌سرور بارزانی، سه‌رۆكی حكوومه‌تی هه‌رێمی كوردستان "پڕۆژه‌ی ئاوی 53 گوندی له‌ ده‌ڤه‌ری بارزان كرده‌وه.

له‌ ڕێوڕه‌سمی كردنه‌وه‌ی پڕۆژه‌كه‌دا، ساسان عه‌ونی، وه‌زیری شاره‌وانی و گه‌شتوگوزار وتارێكی پێشكه‌ش كرد و سه‌ره‌تا خۆشحاڵی خۆی ده‌ربڕی به‌ كردنه‌وه‌ی پڕۆژه‌كه‌ له‌لایه‌ن ڕێزدار مه‌سرور بارزانی، سه‌رۆكی حكوومه‌تی هه‌رێمی كوردستانه‌وه‌. ساسان عه‌ونی گوتیشی: خۆشحاڵین‌ له‌ ده‌ڤه‌ری سه‌ربه‌رزیی بارزان، له‌ لانگه‌ی شۆڕش و مقاوه‌مه‌ت و شه‌هیدان، به‌یه‌كه‌وه‌ ئاماده‌ین له‌ ڕێوڕه‌سمی ته‌واوبوون و ده‌ستبه‌كاربوونی پڕۆژه‌ی ئاوی 53 گوند له‌ ده‌ڤه‌ری بارزان.

ساسان عه‌ونی، وه‌زیری شاره‌وانی و گه‌شتوگوزار سوپاسی ڕێزدار مه‌سرور بارزانی، سه‌رۆكی حكوومه‌تی هه‌رێمی كوردستانی كرد و گوتی: جه‌نابی سه‌رۆكی حكوومه‌تی هه‌رێمی كوردستان وه‌ك گه‌وره‌ترین پاڵپشتیكاری پڕۆژه‌ گه‌وره‌كان له‌ سه‌رجه‌م بوار و سێكته‌ره‌كاندا، به‌تایبه‌تی له‌ سێكته‌ری ئاودا سه‌ره‌ڕای هه‌موو به‌ربه‌ست و ئاسته‌نگه‌كان و قه‌یرانی دارایی، به‌ڵام به‌ ئیراده‌یه‌كی به‌هێزه‌وه‌ سه‌ركردایه‌تیی حكوومه‌تی هه‌رێمی كوردستان ده‌كات و ئه‌مڕۆ ده‌ستكه‌وتێكی تر بۆ خه‌ڵكی كوردستان له‌ سێكته‌ری ئاو و ئاوه‌دانیدا پێشكه‌ش ده‌كات.

ساسان عه‌ونی، وه‌زیری شاره‌وانی و گه‌شتوگوزار گوتیشی: به‌رنامه‌ی حكوومه‌تی هه‌رێمی كوردستان و دیدگای جه‌نابی سه‌رۆكی حكوومه‌تی هه‌رێمی كوردستان ڕێزدار مه‌سرور بارزانی، دیدگایه‌كی ڕوون و ڕاسته‌قینه‌ و پڕكرداره‌ بۆ سوودوه‌رگرتن له‌ ئاوی سه‌رزه‌وی و په‌ره‌پێدان و دروستكردنی ژێرخانی گه‌وره‌ی ئاو و دابینكردنی ئاوی خواردنه‌وه‌ به‌ یه‌كسانی بۆ هه‌موو هاووڵاتییان له‌ سه‌رجه‌م ناوچه‌كانی هه‌رێمی كوردستان.

ساسان عه‌ونی، وه‌زیری شاره‌وانی و گه‌شتوگوزار ڕاشیگه‌یاند: پڕۆژه‌ی ئاوی 53 گوند له‌ ده‌ڤه‌ری بارزان، یه‌كێكه‌ له‌ پڕۆژه‌ گه‌وره‌كانی حكوومه‌تی هه‌رێمی كوردستان كه‌ له‌ ڕووباری شین، ئاو بۆ ئه‌و گوندانه‌ی ده‌ڤه‌ری بارزان به‌رهه‌م ده‌هێنێت و ده‌گوازێته‌وه‌، ئه‌و پڕۆژه‌یه‌ هاوشێوه‌ی پڕۆژه‌ گه‌وره‌كانی تری حكوومه‌تی هه‌رێمی كوردستانه‌ وه‌ك پڕۆژه‌ی فریاگوزاریی خێرای گه‌یاندنی ئاو بۆ شاری هه‌ولێر و پڕۆژه‌ی ئاوی دووكان-سلێمانی3 و پڕۆژه‌ی ئاوی قوشته‌په‌ و گونده‌كانی ده‌وروبه‌ری، گۆپته‌په‌-چه‌مچه‌ماڵ، پرۆژه‌ی ئاوی ده‌ربه‌ندیخان، پڕۆژه‌ی ئاوی ئاكرێ و چه‌ند پڕۆژه‌یه‌كی دیكه‌ش له‌ به‌رده‌ڕه‌ش و كه‌لار و سۆران و خه‌بات، هه‌روه‌ها‌ هه‌موو پڕۆژه‌كانی ئیداره‌ی سه‌ربه‌خۆی سۆران كه‌ له‌ ماوه‌یه‌كی كه‌می داهاتوودا ته‌واو ده‌بن و به‌شێكیشیان له‌ ماوه‌كی تردا ده‌ستبه‌كار ده‌بن كه‌ ئه‌م پڕۆژانه‌ كاریگه‌رییه‌كی باشیان هه‌یه‌ له‌سه‌ر كه‌مكردنه‌وه‌ی گرفتی كه‌مئاوی له‌ سه‌رتاسه‌ری هه‌رێمی كوردستان.

ساسان عه‌ونی، سه‌باره‌ت به‌ پڕۆژه‌ی ئاوی 53 گوندی بارزان گوتیشی: ئه‌م پرۆژه‌یه‌ به‌پێی گرێبه‌ست ده‌بوو پێش 11 ساڵ پێش ئێستا ته‌واو ببووایه‌، به‌ڵام به‌داخه‌وه‌ ساڵانێك به‌ هۆكاری جیاواز و قه‌یرانی داراییه‌وه‌ كاركردن تێیدا وه‌ستا، له‌ چوارچێوه‌ی پلانی كابینه‌ی نۆیه‌می حكوومه‌تی هه‌رێمی كوردستان بۆ چاره‌سه‌ركردنی ڕیشه‌ییانه‌ی گرفتی كه‌مئاوی و باشتركردنی پرۆسه‌ی به‌رهه‌مێنانی ئاو بۆ هاووڵاتییان گرێبه‌ستی ته‌واوكردنی ئه‌م پڕۆژه‌یه‌ له‌گه‌ڵ كۆمپانیاكانی جێبه‌جێكار كرا و له‌ ماوه‌ی ساڵێك و دوو مانگدا سه‌رجه‌م بڕگه‌كانی ئه‌و كارانه‌ی كه‌ مابوون، ته‌واو كرا. ساسان عه‌ونی گوتیشی: ئه‌م خۆشبه‌ختانه‌ له‌ سایه‌ی ئه‌و ئیراده‌ به‌هێزه‌ی حكوومه‌تی هه‌رێمی كوردستان و جه‌نابی سه‌رۆكی حكوومه‌ت له‌پێناو خزمه‌تكردنی هاووڵاتییان كاره‌كانی ئه‌و پڕۆژه‌یه‌ ته‌واو بووه‌ و ده‌ڤه‌رێكی تری كوردستان پڕۆژه‌ی ئاوی پێده‌گات.
سه‌باره‌ت به‌ دیزاین و ناوه‌ڕۆكی پڕۆژه‌ی ئاوی 53 گوندی ده‌ڤه‌ری بارزان، ساسان عه‌ونی گوتی: ئه‌م پڕۆژه‌یه‌ به‌ دیزاین و تایبه‌تمه‌ندیی نوێی ئه‌ندازیاری دروستكراوه‌ و له‌ چه‌ندین به‌ش پێكدێت، وه‌كوو به‌شی وه‌رگری ئاو، وێستگه‌ی پاڵاوتن، پاڵنه‌ری ئاو، گواستنه‌وه‌ی ئاوی خاوێن بۆ عه‌مباری سه‌ره‌كی، پێنج كۆگای گه‌وره‌ و 54 كۆگای بچووك و هێڵی گواستنه‌وه‌ی ئاو به‌ نزیكه‌ی 198 كیلۆمه‌تر و بڕگه‌ی تۆڕی ئاو بۆ گونده‌كان به‌ درێژایی 540 كیلۆمه‌تر له‌خۆده‌گرێت.
ساسان عه‌ونی، وه‌زیری شاره‌وانی و گه‌شتوگوزار گوتیشی: لێره‌دا جارێكی تر به‌پێویستی ده‌زانم سوپاسی جه‌نابی سه‌رۆكی حكوومه‌تی هه‌رێمی كوردستان ڕێزدار مه‌سرور بارزانی بۆ بڕیار و به‌دواداچوونی كاره‌كانی ئه‌م پڕۆژه‌یه‌، هه‌روه‌ها سوپاسی جه‌نابی مه‌لا مسته‌فا بارزانی ده‌كه‌م كه‌ به‌رده‌وام داواكاری هاووڵاتییانی سنووره‌كه‌ی ده‌گه‌یاند و به‌دواداچوونی بۆ دوایین به‌ره‌وپێشچوونه‌كانی ئه‌و پڕۆژه‌یه‌ ده‌كرد تاوه‌كوو ئه‌مڕۆ كه‌ به‌كارخراوه‌. سوپاسی تیمه‌كانی به‌ڕێوه‌به‌رایه‌تیی گشتیی ئاو و ئاوه‌ڕۆ و ستافی سه‌رپه‌رشتیاری پڕۆژه‌كه‌ و كۆمپانیاكانی جێبه‌جێكار و سه‌رجه‌م ئه‌ندازیار و كارمه‌ندانی پڕۆژه‌كه‌ ده‌كه‌م كه‌ له‌و ماوه‌یه‌دا ماندوونه‌ناسانه‌ كاریان له‌م پڕۆژه‌یه‌دا كرد و له‌ كۆتایشدا پیرۆزبایی له‌ دانیشتووانی "ده‌ڤه‌ری بارزان"ی سه‌ركه‌ش ده‌كه‌ین كه‌ له‌م پڕۆژه‌یه‌ سوودمه‌ند ده‌بن، هه‌روه‌ها لێره‌شه‌وه‌ جه‌خت له‌سه‌ر به‌رده‌وامی پڕۆژه‌كانی حكوومه‌تی هه‌رێمی كوردستان به‌ سه‌رۆكایه‌تیی ڕێزدار مه‌سرور بارزانی سه‌رۆكی حكوومه‌تی هه‌رێمی كوردستان له‌ هه‌موو بواره‌كان و له‌ سه‌رجه‌م ناوچه‌كانی كوردستان به‌رده‌وام ده‌بێت.

19/07/2026

وتاری ساسان عه‌ونی، وه‌زیری شاره‌وانی و گه‌شتوگوزار له‌ ڕێوڕه‌سمی كردنه‌وه‌ی پڕۆژه‌ی ئاوی 53 گوند له‌ ده‌ڤه‌ری بارزانی كه‌ ئه‌مڕۆ یه‌كشه‌ممه‌ 19ی ته‌مموزی 2026 پڕۆژه‌كه‌ له‌لایه‌ن جه‌نابی سه‌رۆكی حكوومه‌تی هه‌رێمی كوردستان ڕێزدار مه‌سرور بارزانی كرایه‌وه‌..

19/07/2026

ڕێزدار مه‌سرور بارزانی، سه‌رۆكی حكوومه‌تی هه‌رێمی كوردستان، ئه‌مرۆ یه‌كشه‌ممه‌ 19ی ته‌مموزی 2026 "پڕۆژه‌ی ئاوی 53 گوندی ده‌ڤه‌ری بارزان"ی كرده‌وه‌.

Address

Erbil
Erbil

Opening Hours

Monday 08:00 - 15:00
Tuesday 08:00 - 15:00
Wednesday 08:00 - 15:00
Thursday 08:00 - 14:30
Sunday 09:00 - 17:00

Telephone

+9647502635858

Website

Alerts

Be the first to know and let us send you an email when وەزارەتی شارەوانی و گەشتوگوزار ـ وزارة البلديات والسياحة posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to وەزارەتی شارەوانی و گەشتوگوزار ـ وزارة البلديات والسياحة:

Shortcuts

Share

Category