بەڕێوەبەرایەتی گشتی شارەوانییەکانی هەڵەبجە

  • Home
  • Iraq
  • Halabja
  • بەڕێوەبەرایەتی گشتی شارەوانییەکانی هەڵەبجە

بەڕێوەبەرایەتی گشتی شارەوانییەکانی هەڵەبجە Contact information, map and directions, contact form, opening hours, services, ratings, photos, videos and announcements from بەڕێوەبەرایەتی گشتی شارەوانییەکانی هەڵەبجە, Government Organization, Halabja.

ئامادەکارییەکان بۆ دروستکردنی باخچەی «سێبەر» لە سیروان دەستیپێکرد. ئەمڕۆ چوارشەممە (٢ی ئەیلولی ٢٠٢٦)، لەسەر ڕاسپاردەی بە...
02/09/2026

ئامادەکارییەکان بۆ دروستکردنی باخچەی «سێبەر» لە سیروان دەستیپێکرد.

ئەمڕۆ چوارشەممە (٢ی ئەیلولی ٢٠٢٦)، لەسەر ڕاسپاردەی بەڕێز ئەندازیار (خێڵان عبدالرحمن میرزا حسن)بەڕێوەبەری گشتی شارەوانییەکانی هەڵەبجە، کارەکانی ئامادەکاری بۆ جێبەجێکردنی پڕۆژەی باخچەی «سێبەر» لەبەردەم نەمامگەی سیروان دەستیپێکرد.
پڕۆژەکە لەلایەن سەرۆکایەتی شارەوانی سیروان و بە سەرپەرشتی بەڕێوەبەرایەتی گشتی شارەوانییەکانی هەڵەبجە بەڕێوەدەچێت.
لە بەسەرکردنەوەی مەیدانی و دەستپێکی ئامادەکارییەکاندا، هەریەک لە بەڕێزان ( ئاوات فتاح) سەرۆکی شارەوانی سیروان، تیمی هونەری لە سەرۆکایەتی شارەوانی سیروان ئامادەبوون.

ئەم هەنگاوە لە پێناو فراوانکردنی ڕووبەری سەوزایی لە ناحیەی سیروان و جوانکردنی سیمای شارەکەدا جێبەجێ دەکرێت.

🔴ڕاگەیاندنی بەڕێوەبەرایەتی گشتی شارەوانییەکانی هەڵەبجە.

بەڕێوەبەری گشتی پڕۆژەی نۆژەنکردنەوەی نافورەی ناوبازاڕی بیارەی بەسەرکردەوە. ئەمڕۆ دوو شەممە( ٣١ / ٨ / ٢٠٢٦ ) بەڕێز ئەنداز...
31/08/2026

بەڕێوەبەری گشتی پڕۆژەی نۆژەنکردنەوەی نافورەی ناوبازاڕی بیارەی بەسەرکردەوە.

ئەمڕۆ دوو شەممە( ٣١ / ٨ / ٢٠٢٦ ) بەڕێز ئەندازیار ( خێڵان عبدالرحمن میرزا حسن) بەڕێوەبەری گشتی شارەوانییەکانی هەڵەبجە، بەیاوەری هەریەک لە بەڕێزان ( زانا حمە شریف ) سەرۆکی شارەوانی بیارە و ئەندازیار ( محسومە ئیقباڵ) لێپرسراوی بەشی پلاندانانی بەڕێوەبەرایەتی گشتیمان و تیمی ئەندازیاری لە سەرۆکایەتی شارەوانی بیارە، پڕۆژەی نۆژەنکردنەوەی نافورەی ناوبازاڕی بیارەی بەسەرکردەوە.

مەبەستی سەردانەکەی بەڕێوەبەری گشتیمان بریتی بوو لە ؛
📌 بەسەرکردنەوەی پڕۆژەی سەرگرتنی چەمی بیارە بەمەبەستی ئاسانکاری و فراوانکردنی ڕێگای گەشتیاران لە ناو بازاڕی بیارەدا.
📌 بەسەرکردنەوەی پڕۆژەی نۆژەنکردنەوەی نافورەی ناوبازاڕی بیارە.
📌 ئاگاداربوون لە شێوازی بەڕێوەبردنی ناوبازاڕی بیارە لەلایەن لیژنەکانی سەرۆکایەتی شارەوانی بیارە و دانانی پلانێک بۆ ڕێکخستنی ناوبازاڕ.
📌 لەسەر ڕاسپاردەی بەڕێوەبەری گشتیمان سەرۆکایەتی شارەوانی بیارەی ڕاسپار بە ئامادەکردنی دەرخستەیەک بۆ دروستکردنی پارکینگ لەدەرەوەی بیارە لە پێناو کەمکردنەوەی لۆد و جەنجاڵی ناوبازاڕی بیارە.

بەشێکیتر لە سەردانەکەی بەڕێوەبەری گشتیمان گفتوگۆ بوو لەگەڵ کاسبکاران و هاوڵاتیانی ناحیەی بیارە و لە نزیکەوە ئاگاداربوون، لە گرفتەکانی ناوبازاڕی بیارە و دانانی پلانێک بۆ چارەسەرکردنیان لە ڕێگەی بەڕێوەبەرایەتی گشتیمان و ئیدارەی ناحیەی بیارە.

🔴ڕاگەیاندنی بەڕێوەبەرایەتی گشتی شارەوانییەکانی هەڵەبجە.

30/08/2026

خەڵاتی ڕێز و وەفا بەخشرایە ژمارەیەک فەرمانبەری خانەنشینبووی سنوری بەڕێوەبەرایەتی گشتییمان.

ئەمڕۆ یەک شەممە، ( ٣٠ی ئابی٢٠٢٦ )بەسەرپەرشتی بەڕێز ئەندازیار ( خێڵان عبدالرحمن میرزا حسن) بەڕێوەبەری گشتی شارەوانییەکانی هەڵەبجە و بە ئامادەبوونی هەریەک لە بەڕێزان ( ئاوات فتاح) سەرۆکی شارەوانی سیروان، ( جلال محمد) سەرۆکی شارەوانی خورماڵ، ( کریم علی ) سەرۆکی شارەوانی بەمۆ، لە مەڕاسیمێکی شکۆداردا، خەڵاتی ڕێز و وەفا بەخشرایە ژمارەیەک خانەنشینبووی شارەوانییەکانی سنوری بەڕێوەبەرایەتی گشتیمان.

لە مەڕاسیمەکەدا، بەڕێوەبەری گشتیمان، بەناوی دیوانی بەڕێوەبەرایەتی گشتیمان و هەریەک لە شارەوانییەکانی ( خورماڵ، سیروان، بیارە، بەمۆ ) سوپاس و پێزانینی پێشکەشی فەرمانبەرانی خانەنشینبووی ئامادەبوو کرد، لەپای بەخشینی تەمانییان بەکار و پیشەکانیان و خەمخۆری و ماندووبون و دڵسۆزی لە کارەکانیان لە ماوەی ڕابردوودا، هیوای خواست هەمیشە سەربەرزبن و ڕێگای داهاتوویان ڕوناک بێت.

لەلایەن بەڕێوەبەری گشتیمان و هەریەک لە بەڕێزان سەرۆک شارەوانییەکانی( خورماڵ، سیروان، بەمۆ ) خەڵاتی ڕێز و وەفایان پێشکەشی ( ١٢ ) فەرمانبەر کرد، بەبۆنەی تەواوبونی تەمەنی یاساییان لە سنوری کارکردن لە بەڕێوەبەرایەتی گشتی شارەوانییەکانی هەڵەبجە.

لەکۆتایی مەڕاسیمەکەشدا، بەڕێز و شکۆوە ماڵئاوی لە فەرمانبەرانی خانەنشینبوو کرا.

🔴ڕاگەیاندنی بەڕێوەبەرایەتی گشتی شارەوانییەکانی هەڵەبجە

هەڵمەتی کۆکردنەوەی خۆڵ و خاشاک و شۆردنەوەی ناوبازاڕ و ئاودانی درەختەکان، بەڕێوەچوو. ئەمڕۆ هەینی ( ٢٨ی ئابی ٢٠٢٦ )، لەژێ...
28/08/2026

هەڵمەتی کۆکردنەوەی خۆڵ و خاشاک و شۆردنەوەی ناوبازاڕ و ئاودانی درەختەکان، بەڕێوەچوو.

ئەمڕۆ هەینی ( ٢٨ی ئابی ٢٠٢٦ )، لەژێر چاودێری بەشی ژینگەو خزموتگوزارییەکانی بەڕێوەبەرایەتی گشتی شارەوانییەکانی هەڵەبجە و لیژنەی سەرپەرشتیاری کۆکردنەوەی خۆڵ و خاشاک لە شارەوانیەکانی ( خورماڵ، سیروان، بیارە، تەوێڵە، بەمۆ ) بەهاوکاری کۆمپانیای « بیڤان »بۆ پاکەوانی,

لە پێنا و پاراستنی ژینگەیەکی پاک و جوانی سروشتی سنورەکەمان هەڵمەتی پاککردنەوەی خۆڵ و خاشاک و ئاودانی درەختەکان و شۆردنی ناوبازاڕ و حاوییەی شوێنە گشتیی و گەشتیارەکان، لە سنوری شارەوانییەکانی (سیروان،خورماڵ، تەوێڵە و بیارە)، بەڕێوەچوو.



🔴ڕاگەیاندنی بەڕێوەبەرایەتی گشتی شارەوانییەکانی هەڵەبجە

ژمارەیەک لە زیندانیانی سیاسی و کەسوکاری شەهیدان لە پارێزگای هەڵەبجە سودمەند دەبن لە پێدانی زەوی. ئەمڕۆ چوار شەممە ( ٢٦ی ...
26/08/2026

ژمارەیەک لە زیندانیانی سیاسی و کەسوکاری شەهیدان لە پارێزگای هەڵەبجە سودمەند دەبن لە پێدانی زەوی.

ئەمڕۆ چوار شەممە ( ٢٦ی ئابی ٢٠٢٦ )، لەلایەن بەڕێز ئەندازیار ( خێڵان عبدالرحمن میرزا حسن )بەڕێوەبەری گشتی شارەوانییەکانی هەڵەبجە، پێشوازیکرد لە هەردوو نوێنەری وەزارەتی شەهیدان و ئەنفالکراوان و وەزارەتی شارەوانی و گەشت و گوزار، بەمەبەستی پێدانی پارچە زەوی بەسەر ژمارەیەک لە کەسوکاری سەربەرزی شەهیدان و زیندانیانی سیاسی لە سنوری پارێزگای هەڵەبجە.

دوابەدوای داواکاری زیندانیانی سیاسی و کەسوکاری سەربەزی شەهیدان، بەبڕیاری ئەنجومەنی وەزیران ئەمڕۆ لە ڕێگەی نوینەریان لە وەزارەتەکانی شارەوانی و شەهیدان، لیستی ناوی سودمەندبوان و فەرمانی پێدانی پارچە زەوی بە سەر زیندانیانی سیاسیی و کەسوکاری شەهیدان گەڕاندەوە بەڕێوەبەرایەتی گشتیمان بەمەبەستی سوندمەندبوون لە وەرگرتنی پارچە زەوی لە سەرجەم شارەوانییەکانی سەربە بەڕێوەبەرایەتی گشتیمان لە سنوری پارێزگای هەڵەبجە.

🔴ڕاگەیاندنی بەڕێوەبەرایەتی گشتی شارەوانییەکانی هەڵەبجە.

پەیامی بەڕێوەبەری گشتیمان بەبۆنەی یادی لەدایکبونی پێشەوای مرۆڤایەتی حەزرەتی محمد (د.خ)( وَمَا أَرْسَلْنَاكَ إِلَّا رَحْم...
25/08/2026

پەیامی بەڕێوەبەری گشتیمان بەبۆنەی یادی لەدایکبونی پێشەوای مرۆڤایەتی حەزرەتی محمد (د.خ)

( وَمَا أَرْسَلْنَاكَ إِلَّا رَحْمَةً لِّلْعَالَمِينَ )
بەبۆنەی یادی لەدایکبونی سەروەری مرۆڤایەتی حەزرەتی محمد (د.خ)، بەناوی خۆمان و سەرجەم فەرمانبەرانی دیوانی بەڕێوەبەرایەتی گشتیمان و ژینگە پارێزان و سەرجەم شارەوانییەکانی ( خورماڵ، سیروان، بیارە، تەوێڵە، بەمۆ )ی سنوری بەڕێوەبەرایەتی گشتییمان، پیرۆزبایی لە موسڵمانانی جیهان و کوردستان و پارێزگای هەڵەبجە دەکەین.

لە خودای گەورە دەپاڕێینەوە ئەم بۆنە پیرۆزە ببێتە مایەی، ئاشتی و ئارامی، یەکڕیزی و بەهێزبوونی پەیوەندییە کۆمەڵایەتییەکان، هەموومان لە ڕێبازی ڕاست و پەیامی ڕەحمەت و مرۆڤایەتیی پێغەمبەری خۆشەویستمان (د.خ) نزیکتر بکاتەوە.

پێویستە پەیامی مرۆڤدۆستانە و ئاشتیخوازانەی پێغەمبەرمان (د.خ) بكەینە بنەمای كاركردن و هەوڵەكانمان لەخزمەت چاكەی گشتی و بەتایبەت خەڵكە خۆشەویستەكەمان لە سنوری پارێزگای هەڵەبجە.

بەرز و پیرۆز بێت (١٢ی ربیع الاول) یادی لە دایکبوونی پێشەوای مرۆڤایەتی، پێغەمبەری ئیسلام محمد (د.خ).

📨 خێڵان عبدالرحمن میرزا حسن
بەڕێوەبەری گشتی شارەوانییەکانی هەڵەبجە

بەڕێوەبەری گشتیمان قۆناغی کۆتایی دروسکردنی کارگەی شیرەمەنی « نەوە »ی بەسەرکردەوە. ئەمڕۆ دوو شەممە ( ٢٤ی ئابی ٢٠٢٦ ) بەڕێ...
24/08/2026

بەڕێوەبەری گشتیمان قۆناغی کۆتایی دروسکردنی کارگەی شیرەمەنی « نەوە »ی بەسەرکردەوە.

ئەمڕۆ دوو شەممە ( ٢٤ی ئابی ٢٠٢٦ ) بەڕێز ئەندازیار ( خێڵان عبدالرحمن میرزا حسن )بەڕێوەبەری گشتی شارەوانییەکانی هەڵەبجە، بە یاوەری هەریەک لە بەڕێزان، ( ئاوات فتاح )سەرۆکی شارەوانی سیروان، ( عطا حسین )لێپرسراوی بەشی هونەری و ئەندازیار( ئومێد نوری ) ئەندازیاری پێگە( ئاوارە یوسف )لە بەڕێوەبەریوەبەرایەتی گشتیمان بەشێوەیەکی مەیدانی سەردانی کارگەی دروستکردنی شیرەمەنی ( نەوە )یان لە سیروان کرد.

ئامانجی سەردانەکە لە نزیکەوە ئاگاربوون بوو لە چۆنیەتی تەواوکاری قۆناغی کۆتایی کارگەکە، کە لەلایەن بەڕێوەبەرایەتی گشتیمان و سەرۆکایەتی شارەوانی سیروانەوە زەوی بۆ تەرخان کراوە لە پێناو خزمەت گەیاندن بە سنوری پارێزگای هەڵەبجە و دابینکردنی هەلی کار بۆ گەنجان و سود وەرگرتن لە بەهەمی خاوەن مەڕو ماڵاتەکان.

کارگەی شیرەمەنی نەوە، زیاتر لە ( ٣٠ ) هەلیکار بۆ ناو کارگە و چەندین هەلیکار بۆ دەرەوەی کارگە دەڕەخسێنێت بۆ گەنجانی سنورەکە و بەهەمەکانی خۆی دەبینێتەوە لە دروسکردنی ( ماست و دۆ ) و لە قۆناغی دواتردا ( پەنیر و بەستەنی ) بەشێوەیەکی فرێش و خۆماڵی، بەسود وەرگرتن لە بەرهەمی ئاژەڵدارانی سنوری پارێزگای هەڵەبجە، لە ئێستادا کارکردن لە پڕۆژەکە لە قۆناغی کۆتایدایە.

لە کۆتایدا بەڕێوەبەری گشتیمان وێڕای سپاس و پێزانین بۆ بەڕێوەبەر و ستافی کارگە، پاڵپشتی خۆی دەربڕی لە سەرخستنی پڕۆژەکە، کە دەبێتە هۆی ڕەخساندنی هەلیکار و برەودان بە بەرهەمی شیرەمەنی خۆماڵی لە سنوری پارێزگای هەڵەبجە.

🔴ڕاگەیاندنی بەڕێوەبەرایەتی گشتی شارەوانییەکانی هەڵەبجە.

کتێبی ( کڵپەی ژێر خۆڵەمێش) بەخشرایە دیوانی بەڕێوەبەرایەتی گشتیمان. ئەمڕۆ یەک شەممە ( ٢٣ی ئابی ٢٠٢٦ ) لێپرسراو ڕێکخراوی ک...
23/08/2026

کتێبی ( کڵپەی ژێر خۆڵەمێش) بەخشرایە دیوانی بەڕێوەبەرایەتی گشتیمان.

ئەمڕۆ یەک شەممە ( ٢٣ی ئابی ٢٠٢٦ ) لێپرسراو ڕێکخراوی کلتوری ( یانە و سیاچەمانەی ) لە هەڵەبجە، سەردانی دیوانی بەڕێوەبەرایەتی گشتی شارەوانییەکانی هەڵەبجەی کرد، لەلایەن بەڕێز ئەندازیار ( خێڵان عبدالرحمن میرزا حسن ) بەڕێوەبەری گشتیمان، پێشوازی لێکرا، لەلایەن بەڕێز ( سبحان فیرۆز) لێپرسراوی ڕێکخراوی کلتوری ( یانە و سیاچەمانەی ) کتێبی ( کڵپەی ژێر خۆڵەمێش ) بیرەوەری شیکاری نوسەری کتێبی بەڕێز ( شێخ جەعفەر شێخ مستەفا ) بەخشرایە دیوانی بەڕێوەبەرایەتی گشتیمان.

🔴ڕاگەیاندنی بەڕێوەبەرایەتی گشتی شارەوانییەکانی هەڵەبجە.

لەبارەی هەماهەنگی پڕۆژەکانی وەبەرهێنان لە سنوری پارێزگای هەڵەبجە کۆبونەوەیەک ئەنجامدرا. ئەمڕۆ چوار شەممە ١٩ / ٨ / ٢٠٢٦، ...
19/08/2026

لەبارەی هەماهەنگی پڕۆژەکانی وەبەرهێنان لە سنوری پارێزگای هەڵەبجە کۆبونەوەیەک ئەنجامدرا.

ئەمڕۆ چوار شەممە ١٩ / ٨ / ٢٠٢٦، لەسەر راسپاردەی بەڕێز ( قوباد تاڵەبانی ) جێگری سەرۆک وەزیرانی حکومەتی هەرێمی کوردستان، بە ئامادەبونی هەریەک لە بەڕێزان ئەندازیار ( خێڵان عبدالرحمن میرزا حسن ) بەڕێوەبەری گشتی شارەوانییەکانی هەڵەبجە و ئەندازیار ( سلام بلال )سەرۆکی شارەوانی هەڵەبجە، ( تاریق مولود ) بەڕێوەبەری نەخشەدانانی ئاوەدانی هەڵەبجە و ئەندازیار ( زانیار حمەنوری ) بەڕێوەبەری گشتی وەبەرهێنانی هەڵەبجە، کۆبونەوەیەک ئەنجامدرا سەبارەت بە کەمکردنەوەی ڕۆتینات و هەماهەنگی تایبەت بەپرۆژە وەبەرهێنەکانی سنوری پارێزگای هەڵەبجە.

لە کۆبونەوەکەدا جەخت لە سەر خێراکردنی پرۆسەکانی پەسەندکردن و کەمکردنەوەی ڕۆتینات و ئاسانکاری بۆ وەبەرهێنەران و هەماهەنگی پێکەوە کارکردنی دامەزراوەکان کرایەوە لە پێناو خزمەتی زیاتر بە هاوڵاتیانی سنوری پارێزگای هەڵەبجە لە بواری پڕۆژەکانی وەبەرهێنان و پڕۆژە خزمەتگوزاریەکان.

🔴ڕاگەیاندنی بەڕێوەبەرایەتی گشتی شارەوانییەکانی هەڵەبجە.

وەزارەتی ئاوەدانکردنەوە وۆرکشۆپی ماستەرپلانی رێگاوبانە گشتییەکانی هەرێمی کوردستان (٢٠٢٦-٢٠٣٦) سازدەکاتئەمڕۆ سێشەممە ٢٠٢٦...
18/08/2026

وەزارەتی ئاوەدانکردنەوە وۆرکشۆپی ماستەرپلانی رێگاوبانە گشتییەکانی هەرێمی کوردستان (٢٠٢٦-٢٠٣٦) سازدەکات

ئەمڕۆ سێشەممە ٢٠٢٦/٨/١٨، بە سەرپەرشتی بەڕێز ( دانا عەبدولکەریم )وەزیری ئاوەدانکردنەوەو نیشتەجێکردن و بە ئامادەبونی بەڕێز ئەندازیار ( خێڵان عبدالرحمن میرزا حسن ) بەڕێوەبەری گشتی شارەوانییەکانی هەڵەبجە، ژمارەیەک لە بەرپرسانی حکومی و بریکاری وەزارەتەکان و راوێژکاران و بەڕێوەبەرە گشتییەکان و ئەندازیاران و شارەزایان و نوێنەرانی لایەنە پەیوەندیدارەکان ئامادەی بون، وێڕای خستنەڕوی کارو چالاکییەکانی وەزارەت، پوختەی ماستەرپلانی رێگاوبانە گشتییەکان بۆ ماوەی دە ساڵ (٢٠٢٦-٢٠٣٦) خرایەڕوو.

ئامانجی سەرەکی وۆرکشۆپەکە بۆ بنیاتنانی تۆڕێکی هاوچەرخ و سەلامەتی رێگاوبان و دەستنیشانکردنی پێداویستییە ستراتیژییەکانی پڕۆژەکانی رێگاوبان و پردەکان بوو، چونکە یەکێک لە ژێرخانە سەرەکییەکانی پێشکەوتنی هەر وڵاتێک دروستکردنی رێگاوبان و گواستنەوەی گشتییە.

لەکۆتایی وۆرکشۆپەکەدا تیشک خرایە سەر وردەکارییەکانی ماستەرپلانەکە، گفتوگۆ و پێشنیاری پێویست و گونجاو خرایەڕوو.

🔴ڕاگەیاندنی بەڕێوەبەرایەتی گشتی شارەوانییەکانی هەڵەبجە.

Address

Halabja

Website

Alerts

Be the first to know and let us send you an email when بەڕێوەبەرایەتی گشتی شارەوانییەکانی هەڵەبجە posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to بەڕێوەبەرایەتی گشتی شارەوانییەکانی هەڵەبجە:

Shortcuts

Share

Category