بەڕێوەبەرایەتی کار:هەولێر

25/06/2026

کەمترین مووچەى کرێکارى خانەنشینکراو زیاد کرا

لەسەر پێشنیارى بەڕێوەبەرایەتیی گشتیمان و ئەنجومەنى کارگێڕیی خەزنەى خانەنشین و دەستەبەرى کۆمەڵایەتى بۆ کرێکاران، لە کۆبوونەوەى ئەمڕۆى ئەنجومەنى وەزیران بڕیار درا کەمترین مووچەى خانەنشینیی کرێکاران بۆ (٥٠٠,٠٠٠) پێنجسەد هەزار دینار زیاد بکرێت.

چوارشەممە ٢٤ى ٦ى ٢٠٢٦، بە سەرپەرشتیی مەسروور بارزانى سەرۆکى حکومەتى هەرێمى کوردستان، لە کۆبوونەوەى ئەنجومەنى وەزیران دواى خستنەڕووى ڕاپۆرتى تایبەت بە پێشنیارى زیادکردنى کەمترین مووچەى خانەنشینیی کرێکاران لەلایەن کوێستان محەمەد وەزیرى کار و کاروبارى کۆمەڵایەتى؛ بڕیار درا کەمترین مووچەى خانەنشینیی کرێکاران زیاد بکرێت بۆ بڕى (٥٠٠,٠٠٠) پێنجسەد هەزار دینار.

ئەمەش دواى ئەوەى کە پێشتر ئەنجومەنى کارگێڕیی خەزنەى خانەنشین و دەستەبەرى کۆمەڵایەتى بۆ کرێکاران لە کۆبوونەوەى ژمارەى (١٧٩)ی خۆیدا پاڵپشت بە یاسای ژمارە (٤ی ساڵی ٢٠١٢)ی هەموارى یاسای پیادەکردنى یاسای خانەنشین و دەستەبەرى کۆمەڵایەتى بۆ کرێکاران ژمارە (٣٩ی ساڵی ١٩٧١)، رادەى هەرە کەمى مووچەى خانەنشینى کرێکارانی دیار کرد کە بەپێی یاسای خانەنشینیی یەکگرتوو ژمارە (٩ی ساڵی ٢٠١٤)ی عێراقی بریتییە لە (٥٠٠,٠٠٠) پێنج سەد هەزار دینار.

لە هەرێمى کوردستان زیاتر لە (١٠٠٠) هەزار کرێکارى خانەنشینکراو هەیە، کە مووچەى مانگانەیان لەلایەن خەزنەى خانەنشین و دەستەبەرى کۆمەڵایەتى دابین دەکرێت، ئەو کرێکارانەى بڕی مووچەکەیان لە (٥٠٠,٠٠٠) هەزار دینار کەمتر بووە مووچەکانیان زیاد دەکرێت.

شایانى باسە، خانەنشینکردنى کرێکاران بۆ ئەو کرێکارانەیە کە دەستەبەر کراون و بە هۆکارى هەڵکشانى تەمەن، گیان لەدەست دان یان پێکانى کار خانەنشین دەکرێن.

31/05/2026

ڕاگەیەندراوێکی گرنگ بۆ سەرجەم خاوەنکاران و کرێکاران
وەرگرتنی "کۆمپیالە" یان "کەفالەى دارایی" لە کرێکاران بە هەموو شێوەیەک قەدەغەیە

پاڵپشت بە یاسای کار ژمارە (٧١)ی ساڵی ١٩٨٧ و نووسراوە فەرمییەکانی بەڕێوەبەرایەتیی گشتیمان و وەزارەتی دادی حکومەتی هەرێمی کوردستان، ئاگاداری سەرجەم خاوەنکاران دەکەینەوە:
وەرگرتنی کۆمپیالە، کەفالەی دارایی، یان ناچارکردنی کرێکار بە "خۆقەرزارکردن" وەک مەرجێک بۆ دامەزراندن یان بەردەوامبوون لە کاردا، پێچەوانەی یاسایە و بە هەموو شێوەیەک قەدەغەیە.
هەروەها سەرجەم ئەو خاوەنکارانەی پێشتر ئەم کارە نایاساییەیان ئەنجام داوە، پێویستە بە زووترین کات هەموو ئەو پابەندییە داراییانە لەسەر کرێکاران هەڵبوەشێننەوە. بەپێچەوانەوە، ڕووبەڕووی سزای توندی یاسایی دەبنەوە، چونکە ئەم کارە دەبێتە ئامرازێک بۆ فشاری نایاسایی لە دەرەوەی بەندەکانی گرێبەستی کار.
داوا لە سەرجەم کرێکارانیش دەکەین ڕێگە نەدەن ئەم پێشێلکارییەیان بەرامبەر بکرێت، لە کاتی هەر ناچارکردن یان بەدیکردنی ئەم سەرپێچیانەدا، دەتوانن بە شێوەیەکی نهێنی و پارێزراو بەم ڕێگایانەى خوارەوە ئاگادارمان بکەنەوە:
هێڵی گەرمی هۆشیاریی کرێکاران ژمارە (5500)
دەتوانیت لە ڕێگەى پەیوەندی تەلەفۆنى یان لە ڕێگەى (واتسەپ، ڤایبەر) نامە بنێرى بۆ ژمارە (07511225500) یان (07721225500) چ بە شێوەى نووسین یان پەیامى دەنگى.
دەتوانیت لە ڕێگەى سیستمى سکاڵاى ئەلیکترۆنى لە ڕێگەى ئەم بەستەرەى خوارەوە سکاڵا تۆمار بکەیت و ئاگادارمان بکەیتەوە:
https://skala.gkrd.krd/ComplianceProcess
بۆ بینینى بەڵگە فەرمییەکان سەردانى پۆرتاڵی کار بکە:
https://kar.molsa.gov.krd/News/f8357ddf-32ca-4016-81bd-2ea05f22ccb0

پاڵپشت بە یاسای کار ژمارە (٧١)ی ساڵی ١٩٨٧ و نووسراوە فەرمییەکانی بەڕێوەبەرایەتیی گشتیمان و وەزارەتی دادی حکومەتی هەرێمی کوردستان، ئاگاداری سەرجەم خاوەنکاران دەکەی...

03/05/2026

27/04/2026

ڕێكەوتى (٢٣/٤/٢٠٢٦) بەڕێوەبەرى گشتى كارودەستەبەرى كۆمەڵايەتى بەرێز ( مريوان بەگۆك عزيز ) بەياوەرى بەرپرسى بەشى ياسايی بەرێز (رێدار عزيز ) سەردانى بەڕێوەبەرايەتيەكەمانيان كرد مەبەستى سەردانەكە بريتى بوو بۆ
لە نزيكەوە ئاگاداربوون لە چۆنیەتی پەیرەوکردنی پرۆسەی سیستەم و شێوازی رایی کردنی کاروباری کۆمپانیاکان و هاولاتیان ، شایەنی باسە پرۆسەی بەسیستەم کردنی بەرێوەبەرایەتیەکان لە لایەن بەرێوەبەرایەتی گشتی کارودەستەبەری کۆمەلایەتی جێگای دەست خۆشی وهەنگاوێکی گرنگە بۆ کارکردن بەشێوازێکی مۆدێرن و دوورکەوتنەوە لە رۆتین و درەنگ کەوتنی مامەلەی هاولاتیان .

10/02/2026

پرسەنامە:
بەناوی بەڕێوەبەر و سەرجەم فەرمانبەرانی بەڕێوەبەرایەتیمان پرسە و سەرەخۆشی خۆمان ئاراستەی هاوکارمان (طارق حازم فتاح) دەکەین بەهۆکاری کۆچی دوایی (حسن بکر خۆشناو) خەزوری بەڕێزیان لە خوای گەورە دەپاڕێینەوە سەبوری کەس و کاری بدات و دوا ناخۆشیان بێت.
اناللـــەواناالیەراجعون

15/01/2026

یەکەمین پێشانگای نێودەوڵەتی لۆجستیک لە هەرێمی کوردستان و عێراق

ئەمڕۆ پێنجشەممە تا ڕۆژی یەکشەممە تیمی بەڕێوەبەرایەتی گشتی کار و دەستەبەری کۆمەڵایەتی بەشدارە لە پێشانگای لۆجستیک چاوەڕوانتانین.

تیمەکانمان ئامادەن بۆ پێشکەشکردنی ڕوونکردنەوەو و زانیاری سەبارەت بە :

• چۆنیەتی خۆتۆمارکردن لە پۆرتاڵی هەلى کار، بۆ دۆزینەوە و خستنەڕووی هەلی کار.
• ئاشنابوون بە هێڵی هۆشیاریی کرێکاران، بۆ تۆمارکردنى سکاڵا و وەرگرتنى زانیارى.
• زانینی مافەکانی دەستەبەری کۆمەڵایەتی بۆ کرێکاران.
• وەرگرتنی زانیاریی تەواو سەبارەت بە سوودەکانی دەستەبەری کۆمەڵایەتی بۆ کرێکاران.

کات:
پێنجشەممە: ١١:٠٠ی بەیانی بۆ ٦:٠٠ی ئێوارە
یەکەمین پێشانگای لۆجستیک بەردەوام دەبێت تاکو ١٨ی کانوونی دووەم لە .. :١١ی بەیانی تاکو .. :٦ ی ئێوارە.
شوێن: پێشانگای نێودەوڵەتیی هەولێر، پارکی سامی عەبدولڕەحمان.

ڕاگەیاندنی بەڕێوەبەرایەتی گشتی کار و دەستەبەری .کۆمەڵایەتی