يوميات الموظف الضريبي

04/09/2026

السلام عليكم
اللجنة التنسيقية اشلونكم ان شاءالله بخير
طبعا انتم ينطبق عليكم المثل (لطم شمهودة) تلطم وية الكبار وتاكل وية الزغار

رحتو وية حجي ستوري للوزارة وجابلكم وعود جذابة على اساس ورة الزيارة ينحل موضوع الحوافز والمخصصات وتاليها ستوري الفاسد بالسجن وانتم واحد صافن بوجه الثاني ما تدرون شتسوون
نزلتو منشورين واحد يكول (الاسبوع القادم اسبوع الاعتقالات واهم شي السبحة راح نفرها عليكم) وما صار شي لا اعتقلن فاسد جديد ولا شفنة السبحة مالتكم ماعرف الخلل بالسبحة لو بالمصلاية الله اعلم
المنشور الثاني يكول (قادمون إليكم غداؤكم الله التوفيق قد وصلت للعظم بقيت فقط حلول السماء) وانتظرناكم تنورون بغداد والهيئة وفعلا شرفتونا هلا بيكم
بس شنو صار وهالمرة ويامن اتفقتو وبرد الموضوع ستوري بالسجن وحيدر نايم مطفي ومانعرف شنو سويتو ياريت واحد منكم يوضحلنة خارطة الطريق الجديدة
بالمناسبة اني مو صديقكم مجرد معرفة بس احبكم واحترمكم لان احس بيكم غيرة تحتاجون ترتيبا أوراقكم وتنظيم عملكم وتبتعدون عن مجاملة الفاسدين والابتعاد عنهم وان شاءالله تحصلون كل حقوقنا الضايعة

03/09/2026

03/09/2026

السلام عليكم
المثل يكول (الماكلة العنز يطلعة الدباغ)

صار فترة وقضية شركة الواحة برزت للساحة من جديد ويومية تجر كم موظف من الضريبة للنزاهة وخاصة الي اشتغلو بقسم كبار المكلفين
الي ما يعرف منو شركة الواحة هي شركة صينية كبيرة مختصة بالأنشطة النفطية وعدها مشاريع وعقود ضخمة بالعراق
وكالعادة تعاملو مع بعض النفوس الضعيفة لغرض التلاعب بالحسابات والمبالغ الضريبية المستحقة
وسبق ان قدمت الشركة هدايا على شكل إيفادات وهمية إلى الصين ودول اخرى وسافر بهذي الإيفادات ادارات عليا وإدارات أقسام محاسبية ورقابية
وهالايام بدى سحل الموظفين للنزاهة وعلى رأسهم عرابة الفساد نغم عباس مديرة القسم وعرابها الأصلي المتقاعد قصي جدعان وعصام الكبيسي وغيرهم من الموظفين الذين لهم علاقة بصفقات التحاسب المشبوهة لهذه الشركة

02/09/2026

02/09/2026

السلام عليكم
هذه الرسالة كما وردت من المتابعين
وبدون اي تعليق اضافي

01/09/2026

السلام عليكم
الكل يتذكر زيارة رئيس الوزراء السابق السيد محمد السوداني الى الهيئة العامة للضرائب وشنو صار بالزيارة من وعود واحلام وردية
بس اكو موضوع انطرح وهو السوداني سال السيد حيدر المعاون وهو:
انت تكدر تدير هذي الدائرة لو لا (انت كدهة) ؟؟؟
وجواب حيدر جان اي نعم اكدر انطيني فرصة وشوف!!!!
المهم الزيارة صارلها بحدود سنة لو اكثر وحيدر من يومها لهذا اليوم نفس النومة
شخصية ضعيفة
فااسدة اداريا وماليا
بيع المناصب مستمر
قبل جانت اكو مناصب تباع بالقسط هسة لا صارت نقد ومقدمة لان ما يعرف نفسة شوكت يطير من المنصب
الفروع والأقسام تسرح وتمرح بكيفها
ضعف جميع الإدارات وأغلبها فاسدة وحضرتة يتفرج ومستفاد من الموضوع
الأهم من كل هذا هو ضياع حقوقنا من حوافز ومخصصات وبنى تحتية وكهرباء وخدمات اخرى
كل شي بالضريبة رجع قرن من الزمن بينا
نعتب على السوداني الي صفط حجي ودار وجهة وراح لو نعتب على الزيدي الي اجة على خزينة مفلسة ومطلوبة لو نعتب على حظنة الي جابنة بهيج دائرة تعبانة

31/08/2026

السلام عليكم
ما نعلق وندوخكم بس سؤال شنو علاقة الباجات التعريفية للموظفين بتدني الايراد ونسبة الهيئة؟؟؟؟
تريد تزيد الايراد ؟؟؟
بطل فساد ومساومات بطل بيع مناصب
اختار إدارات جيدة ونزيهة
ادعم الموظفين وطالب بحقوقهم مو بس تحرك بيهم بالوزارة
لاتنام اصحى من النوم لشوكت تبقى مطفي ونايم
من الاخير قدم إعفاء وانهزم لأن شغلتك تعبانة وما مطولة مع الاسف على هيج ظروف خلت واحد مثلك يستلم كرسي المرحوم الدكتور عبدالله محمود امين
بس شنسوي حكمة الله شنو بيدنا

30/08/2026

السلام عليكم
رسالة إلى أصحاب القرار

إن موظفي الهيئة العامة للضرائب لا يطالبون بالحوافز لمجرد الحصول على منفعة مالية، وإنما يطالبون بنظام عادل يعترف بحجم المسؤولية الملقاة على عاتقهم، ويكافئ الموظف الذي يحقق نتائج ملموسة في زيادة الإيرادات وحماية المال العام.

إن دعم موظف الهيئة العامة للضرائب يعني دعم الإيرادات العامة، وتحفيزه يعني تحفيز التحصيل، وتطوير بيئة عمله يعني تطوير أحد أهم مصادر تمويل الدولة.

ومن هنا، فإن إعادة تفعيل أو تنظيم نظام حوافز عادل ومستدام لموظفي الهيئة العامة للضرائب يجب أن تكون من أولويات الإصلاح المالي والإداري، على أن يرتبط الحافز بمؤشرات أداء واضحة، وأن يخضع للرقابة والتدقيق، وأن يضمن العدالة بين موظفي المركز والفروع والأقسام المختلفة.

إن زيادة الإيرادات الضريبية لا تتحقق بالقوانين وحدها، وإنما تحتاج إلى جهاز ضريبي كفوء، وموظف يمتلك الخبرة والدافع والمسؤولية. ولذلك فإن الحافز العادل للموظف الضريبي ليس امتيازاً، بل أداة من أدوات زيادة إيرادات الدولة وبناء إدارة ضريبية أكثر كفاءة.

28/08/2026

السلام عليكم
الحوافز ليست تكلفة… بل استثمار

إن النظرة التقليدية للحوافز باعتبارها نفقات إضافية تحتاج إلى مراجعة، خصوصاً في المؤسسات التي ترتبط أعمالها بصورة مباشرة بتحصيل الإيرادات.

فإذا أدى نظام الحوافز إلى زيادة الإيرادات الضريبية بمبالغ تفوق قيمة الحوافز المدفوعة، فإن الدولة تكون قد حققت منفعة مالية صافية، فضلاً عن تحسين أداء الجهاز الضريبي ورفع مستوى الخدمة المقدمة للمكلفين.

كما أن قانون رواتب موظفي الدولة والقطاع العام رقم (22) لسنة 2008 يمثل الإطار العام لرواتب موظفي الدولة، وتعرض وزارة المالية القانون ضمن تشريعاتها الرسمية. ولذلك ينبغي أن يتم تنظيم أي حوافز إضافية وفق سند قانوني وتعليمات واضحة تضمن العدالة والشفافية.

27/08/2026

السلام عليكم
وردتنا الرسالة أدناه من مجموعة من المحاميات والمحامين وكلاء الشركات بخصوص فساد الموظف علي شامل وكيل مدير قسم الشركات بالتعاون مع المخمن رقم ٤ وحسب طلبهم بدون ذكر الاسماء