05/09/2026
دیالۆگی ژمارە “٢٣١ “ پێشکەش کرا.
ئەمڕۆ شەممە لە درێژەی زنجیرە چالاکیە رۆشنبیریەکانی دیالۆگی رۆشنگەری هاوچەرخ بە هاوبەشی بەشی ڕێکخراوەکانی مەڵبەندی ٢٤ی ڕاپەڕین، دیالۆگی ژمارە “٢٣١” بۆبەڕێز “ هۆزان عەفرینی” نوسەر و رۆژنامەنوس ڕێکخرا.
ناونیشانی دیالۆگ بریتی بوو لە(ئایندەی ڕۆژئاوای کواردستان لە گۆڕانکاریەکانی ڕۆژهەڵاتی ناوەڕاستدا).
لە دەستپێکدا باسیکی دەربارەی ئەو ڕێککەوتنە یەک لەدوای یەکانەی بەدریژایی مێژوو لەسەر دابەشکردنی خاکی کوردستان کراوە لەلایەن وڵاتە زلهیزەکان و گۆرانکاریەکانی ئەم دواییانەی رۆژهەڵاتی ناوەڕاست و رێککەوتنی پاریس و دەرئەنجامەکانی کەبەمەبەستت لێی لەباربردنی دۆخی رۆژئاوای کوردستان بوو کرا، تەوەریکی تر باسکردن بوو لە رۆڵ و پێگەی رەوانشاد (سەرۆک مام جەلال) و لێهاتووی لە بواری دیپلۆماسیەت و سیاسەتداو رۆڵی لە دامەزراندنی یەکەمین پارتی سیاسی لە رۆژئاوای کوردستان بە ناوی( پارتی دیموکراتی کوردستان-سوریا)، وە سودوەرگرتن لە توانا و لێهاتویەکەی دەتوانن داهاتوی کوردان باشتر بکریت.
لە کۆتابەشدا دۆخی رۆژئاوای کوردستان بەوەی زمانی کوردی زمانی فەرمی دەوڵەتبێت، دامەزراندنی ٤لیوای تایبەت بە کوردەکان و گەرانەوەی ئاوارەکان بۆ عەفرین کەپێشتر بەهۆی راگواستن و سیاسەتی رژێمەوە ٪٢٠ کوردەکان لەوێ مابوون لەئیستادا ٪٨٠ دانیشتوانەکەی کە کوردبوون گەڕاونەتەوە،
وەهەروەها پرسی ڕاوێژکاری (جەنەڕاڵ مەزلوم) کەوەک سەرپەرشتیاری دۆزی کورد و گفتوگۆ دەربارەی هەر بابەتیک کە پەیوەست بە کوردبیت بەڕێوە دەبات باسکران.
کۆتایی چالاکیەکە بە پرسیاو تێبینی و گفتوگۆی ئامدەبووان و پێدانی وڵامی پێویست لەلایەن (هۆزان عەفرینی) ەوە هات…
فۆتۆ: محمد عوسمان
