https://www.facebook.com/1565080927052054/

پەیجی فەرمی شەهید دەشتی, Dashti Balak Razhukari, Razhikariyan (2026)

29/07/2026

بەناوی خودای بەخشندە

دوای سوپاس و ستایش و ڕازیبوون بە قەدەری خودای گەورە، ئەمڕۆ خاتوونی گەورەمان(حەلیمە عەبدوڵا ماوانیی) خێزانی(کاک فەیصەڵ)کۆچی دواییکرد، خودای گەورە لە کۆچکردووی حازریی ئێمە و هەموولایەک خۆشبێت، لێرە بە پێویستمانزانی جگە لە سوپاس و ستایش بۆ بەشداربوونی خەڵک وەستانیان لەپاڵ خەم و پەژارەی بەسوێمان، وەک بنەماڵەی کۆچکردوو ڕایدەگەیەنین: سبەی یەکەم ڕۆژی پرسەی کۆچکردوومان دەبێت، بۆ کارئاسانیی موسڵمانان و کەمکردنەوەی ئەرک و ماندووبوون، بڕیارماندا پرسەکە لە کاتژمێر (١)یەکی دوای نیوەڕۆ دەستپێبکات بۆ کاتژمێر (٦)ی ئێوارە.خودای گەورە لە مردووی ئێمە و هەموو لایەک خۆشبێت. اناللە و انا الیە الراجعون.

پرسەی پیاوان و ژنان هەر لە گوندی ڕەژوکەریان بەڕێوەدەچێت.

لەگەڵ پێزانینی زۆرمان، بنەماڵەی کۆچکردوو. ٢٩ی ٧ی ٢٠٢٦

25/06/2026

ئەمشەو:

پور(هەمین حاجی خدر)ڕەژوکەریی، دایکی (وەستا زوبێر، کاک جەعفەر، کاک ڕێباز) و خوشکی (مام مستەفا و کاک خالد کەشخە) کۆچی دواییکرد، لە خودای گەورە داواکارین بەهەشت دوا مەنزڵیی بێت و تەمەنی درێژیی بۆ ئازایزانی جێهێشتبێت و سەبووری هەموو لایەکمان بدات. اناللە و انا الیە الراجعون.

ئەمشەو بەخاک دەسپێررێت، سبەی یەکەم ڕۆژی پرسەکەی دەبێت.

29/03/2026

پرسە:

ئەمڕۆ، پورە (بەهیەی مامە شێخە)ی ئامۆزامان، کە دەکاتە خێزانی (مام حاجی دەروێش)ی ڕەحمەتیی و دایکی کاک (مەهدی و محەمەد و جهانگیر و کەیوان و سەفین و کارۆخ)، ژیانئاوتیی لێکردین.

پورە "بەهیە" یەکێک لە دوا یادگارییەکانی مامە شێخە و یەکێک بوو لەو ژنانەی کە لەکوردەواریی خۆماندا پێیاندەڵێن: (شێرە ژن)، نان و خوان و سفرە و دەست و دڵکراوە، مەجلیس خۆش، خزمدۆست و ئاشناویست.

خودای گەروە لێی ڕازیی بووە ئینشائەڵا، دوا مەنزڵیی بەهەشتبێت و سەبووری هەموولایەکمان بدات.

ئەمشەو، لە گۆڕستانی ڕەژوکەریان بەخاک دەسپێردرێت، هەروەها سبەی ٣٠ی ئاداری ٢٠٢٦ یەکەم ڕۆژی پرسەی دەبێت، هەر لەڕەژوکەریان.

13/02/2026

بەناوی خودای گەورە

بابەت: بەیانی ئاشتەوایی.

دوابەدوای کارەساتە پڕسوێ و نەخوازراوەکەی١١ی ١ی ٢٠٢٠٦ لە گوندی خزمانی سەرنەوس، کە بووە هۆی گیانلەدەستدانی دوو پەپولەی (کاک زریان) هاوکات نەوەکانی (مام عەبدولرەحمان سەرنوسی)، ئەمڕۆ ڕێککەوتی ١٣ی شوباتی ٢٠٢٦، لەژێر ئایەتی قورئانی پیرۆز «إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ»، بەبەشداریی دەیان ڕیشسپیی و مامۆستا و مەلای ئایینیی و کەسایەتیی حکومیی و حزبیی لە دۆڵی خانەقا وەرتێ و باڵەکایەتیی و ئیدارەی سۆران و خزمانی سەرنەوس و ڕەژوکەریان، بۆ ئەو پرسە مێوانیی (مام عەبدولرحمان) و خزمانی (گوندی سەرنەوس) بووین.

وێڕای گەیاندن و دووپاتکردنەوەی هاوسۆزیی و هاوخەمیی قوڵمان بۆ ئەو برینە، وەک لە یەکەم ڕۆژەوە تا ئێستا و لەداهاتوشدا خۆمان بە قەرزداربار و منەتباریی ئەم بنەماڵەیە و خزمانی سەرنەوس زانیوە و دەزانین، کە لە یەکەم ڕۆژی کارەساتەکە تا ئەمڕۆ هەڵوێستەکانیان تژیی بوون لە لێبوردەیی و شوکرانەبژێریی، ئەمڕۆش وەک چاوەڕێبووین، بە هەڵوێستێکی جوامێرانە و لەژێر ئایەتی: «فَمَنْ عَفَا وَأَصْلَحَ فَأَجْرُهُ عَلَى اللَّهِ» گەورەییان نواند و بە پەیامێکی دراوسێیانە و موسڵمانە و خزمانە لێبوردەییان نواند و بڕیاریاندا چاوپۆشیی لەم ڕوداوە نەخوازراوە بکەن، بێگومان لێبوردن پیاوی بەجەسارەت و شان و شکۆ و ئافرەتی ژیر و مەند و بۆ خودا سوڵحاو و ئیمانداریی دەوێ، ئەوەش کراسێکە پڕ بەبەری (کاک زریان و خێزانەکەی وەک دایک و باوک) و (مام عەبدولرەمان) و بنەماڵەکایان درواوە.

جارێکیتر، بەناوی بنەماڵەکەمان و تەواوی خزمانی گوندی ڕەژوکەریان، سەری ڕێز و خزمایەتیی بۆ بنەماڵەی ناوبراو، تەواوی ئامادەبووان لە خزمانی باڵەکایەتیی و دۆڵی خانەقا وەرتێ و خزمانی سەرنەوس و هەموو ئەوانە دادەنوێنین، کە بەشداربوون لە یەکەم چرکەساتی ڕوداوەکە و ڕۆژانی پرسە تاکو ئەمڕۆ لەگەڵمان وەستان، پەیامیان نارد، تەلەفۆنیانکرد، هەموو ئەوانەی لە مێدیاکان بەرپرسانە مامەڵەیانکرد و بەشداربوون لە خەمی گەورەی هەردوو لامان.

خودای گەورە چاکە و خێریی هەموو لایەک بداتەوە، سەبر و ئارامیی زیادترمان بەسەردا ببارێنێ، یاڕەبی خودایە ئەم دوو پەپولەیە بوبێتنە پێشباری قیامەت و دەرگای بەهەشت بەڕووی دایک و باک و بنەماڵەکەیان بکەنەوە.

بەیانی ئاشتەواویی:
بنەماڵەی مام خالید حەمەد مەولود و خزمانی ڕەژوکەریان.
١٣ی ١ ی ٢٠٢٦

11/01/2026

بسم اللە الرحمن الرحیم

بەناوی بنەماڵەکەمان و خەڵکی ئاوایی "ڕەژوکەریان" خۆمان بە خاوەنپرسە و جەرگسوتاو دەزانین، بۆ ئەو کارەساتە نەخوازراو و جەرگبڕەی ئەمڕۆ دوانیوەڕۆ لەڕێگای نێوان هەردوو گوندی سەرنەوس و ڕەژوکەریانی دۆڵی خانەقای ناحیەی وەرتێ ڕویدا، تیایدا هەردوو منداڵەکانی کاکە (زریان)ی برامان، نەوەکانی (مام عەبدولرەحمان) سەرنەوسیی، برازاکانی (شەهید حەسەن سەربەرزیی) بەڕوداوی هاتووچۆ بوونە قوربانیی.

لە خودای گەورە دەپاڕێینەوە، سەبر و ئارامیی ببەخشێت بە ئێمە و خزمانی سەرنەوس و بنەماڵە قوربانیدەرەکەی (مام عەبدولرەحمان). ڕوداوەکە تابڵێی قورسە، شۆکهێنە بۆ هەموومان، بەڵام بۆ کاکە (زریان) و خێزانەکەیی و بنەماڵەکەیان یەکجار جەرگبڕ و باسنەکراوە و تاکە چارەش ڕازیبوونە بە قەدەریی خودا و پاشان بەرگرتن لە هۆکارەکانیی، ئەمەش بە گەڕانەوە و پشتبەستن بە خودا، وەکچۆن خودای گەورە لە سوڕەتی (البقرە) دەفەرموێت: «وَبَشِّرِ الصَّابِرِينَ * الَّذِينَ إِذَا أَصَابَتْهُم مُّصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ».. «مژدە بدەن بە ئارامگران، ئەوانەی کاتێک تووشی کارەسات و ناخۆشییەک دەبن، دەڵێن: ئێمە هی خوداین و هەر بۆ لای ئەویش دەگەڕێینەوە.». بێگومان خزمانی سەرنەوس و بنەماڵەی مام عەبدولرەحمان لەو ئارامگر و شوکرانە بژێرانەن و بوونە.

لەخودای گەورە داواکاریین، لەپاڵ هیمەت و ئارامیی، دراوسێیەتیی و ڕەحم و ڕەحمەتیی برایەتیی و تەبایی زیادتر لەناوماندا بڵاوبکاتەوە.

اناللە و انا الیە الراجعون.

Address

Dashti Balak Razhukari
Razhikariyan
رواندزـوەرتێـخانەقاـرژوکەریان

Website

facebook.com

Alerts

Be the first to know and let us send you an email when پەیجی فەرمی شەهید دەشتی posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to پەیجی فەرمی شەهید دەشتی:

پەیجی فەرمی شەهید دەشتی