Almannarómur

01/04/2026

Norræn vinnustofa um gervigreindarvistkerfið – vertu með!

Almannarómur í samstarfi við Nordic AI Union og Haaga-Helia University of Applied Sciences býður til norrænar vinnustofunni um gervigreindarvistkerfið í Reykjavík dagana 7. og 8. apríl 2026.

Á þessum tveggja daga viðburði koma saman fulltrúar frá opinberum aðilum, fyrirtækjum, rannsakendum og öðrum lykilaðilum víðs vegar af Norðurlanda- og Eystrasalts­svæðinu til að skoða meðal annars:

- Stuðningskerfi fyrir nýsköpun í gervigreind
- Regluverk, regluvörslu og gervigreindarlöggjöf ESB (AI Act)
- Samstarf innan vistkerfisins, stefnumótun og sameiginlegar áskoranir
- Tengslamyndun með leiðandi hagsmunaaðilum á svæðinu

Staðsetning: Gróska, Vísindagarðar Háskóla Íslands (salur: Fenjamýri)
Dagsetningar: 7. og 8. apríl 2026
Skráning og dagskrá:

This link will take you to a page that’s not on LinkedIn

11/02/2026

Hey Google, talarðu íslensku?

Raddstýring er mikilvægur hluti af íslensku í tækni og þar með áherslum okkar hjá Almannarómi.

Í samstarfi við ÖBÍ bjóðum við til opins fundar um stöðuna á raddstýrðri íslensku í snjalltækni. Þar ætlar m.a. Lilja Dögg Jónsdóttir framkvæmdastjóri Almannaróms ásamt fleirum að ræða um stöðuna, tækifærin og næstu skref í átt að tækni sem skilur og svarar á íslensku.

16. febrúar kl. 15:00 í Sigtúni 42 – öll velkomin!
ÖBÍ réttindasamtök

27/01/2026

Microsoft styrkir íslenskt máltækniverkefni

Íslenskt máltækniverkefni á vegum Háskóla Íslands í samvinnu við Almannaróm er eitt ellefu evrópskra verkefna sem hlutu svokallaðan Microsoft AI for Good LINGUA-styrkinn, sem veittur var þann 20. janúar síðastliðinn.

Verkefnið hlaut um 6 milljón króna styrk og þótti sérstaklega áhugavert samkvæmt dómnefnd, sem tók fram að verkefnið væri ekki bara tæknilega sterkt heldur hefði það mikla burði til að styðja við aukið jafnrétti í máltækni minni tungumála. Fyrir verkefninu fer Hafsteinn Einarsson, dósent í tölvunarfræði við Háskóla Íslands.

Meira um þessa spennandi frétt á heimasíðunni okkar, hlekkur í athugasemd.

Háskóli Íslands Almannarómur Microsoft

26/01/2026

Áhugavert málþing um fyrsta máltölvunarverkefnið verður haldið miðvikudaginn 28. janúar í Eddu frá klukkan 16:00-17:30.
Við hvetjum öll áhugasöm til að mæta.
Sjáumst þar!

19/12/2025

Við tilkynnum með stolti að Katrín Jakobsdóttir fyrrverandi forsætisráðherra Íslands, hefur fyrir hönd Almannaróms tekið við stöðu stjórnarformanns nýrrar gervigreindarmiðstöðvar Norðurlandanna og Eystrasaltsríkjanna, Nordics AI
Við hlökkum til samstarfsins!

02/12/2025

Við minnum á styrkveitingu úr sjóðnum Skerf en lokaumsóknardagur er 8. desember nk. Sjóður þessi styrkir verkefni sem fela í sér innleiðingu og/eða hag­nýtingu á íslenskri máltækni.

Ef þú rekur eða starfar hjá fyrirtæki eða stofnun sem hefur áhuga á að hagnýta eða innleiða íslenska máltækni þá er þessi sjóður fyrir þig.
Við hvetjum áhugasama til að kynna sér málið á meðfylgjandi hlekk. https://almannaromur.is/skerfur
Spurningar eða athugasemdir? Sendu okkur línu á [email protected]

Skerfur er sjóður sem styrkir verkefni sem fela í sér innleiðingu og/eða hag­nýtingu á íslenskri máltækni, í samræmi við áætlun um íslenska máltækni 2.0.

19/11/2025

Heimildasöfnun - leggðu íslenskunni lið

Í dag, 19. nóvember, hefst næsti fasi í átaksverkefni okkar og Árnastofnunar „Þín íslenska er málið“ - sjá nánar á meðfylgjandi hlekk.

Nú leitum við til fyrirtækja og stofnana og óskum eftir að þau deili með okkur heimildum (textagögnum) fyrir Risamálheild Árnastofnunar. Heimildirnar verða bútaðar niður og nýtast til að auka við orðaforða atvinnulífsins í máltæknilausnum. Gögnin skulu ekki teljast viðkvæm og vera á íslensku.

Þegar hafa um 40 fyrirtæki og stofnanir skráð sig í söfnunina og ákveðið að veita Almannarómi og Árnastofnun heimildir sem verða nýttar til þess að byggja upp máltækni fyrir íslensku. Þar má nefna stórfyrirtæki á borð við: Íslandsbanka, Advania, Festi, Heima, Deloitte, Icelandair og Húsasmiðjuna. Merki allra sem þegar hafa skráð sig til leiks má finna á heimasíðu átaksins.

Við hvetjum öll fyrirtæki og stofnanir landsins til að taka þátt og leggja íslenskunni lið.

Þín íslenska er málið!

„Þín íslenska er málið“ er heimildasöfnun um íslenskunotkun fyrirtækja og stofnana landsins. Hér að neðan er heimildagátt þar sem þú getur lagt til textagögn frá þínu fyrirtæki eða stofnun. Athugið að gögnin mega vera af öllum helstu skráargerðum og skulu ekki teljast ...

17/11/2025

Baráttan fyrir íslensku í hinum stafræna heimi
Hér má finna greinargóða yfirferð á bæði starfsemi Almannaróms og þróun máltækni hér á landi undanfarna áratugi. Það er nefnilega ekki sjálfsagt að tækin sem við notum séu aðgengileg á íslensku og verkefnin verða bara fleiri eftir því sem tækninni fleytir fram.
Lilja Dögg Jónsdóttir, framkvæmdastjóri Almannaróms og Halldór Benjamín Þorbergsson stjórnarformaður Almannaróms fóru yfir átaksverkefnið okkar „Þín íslenska er málið“ og margt fleiri í Sprengisandi og í meðfylgjandi grein.

Almannarómur safnar nú gögnum frá fyrirtækjum til að efla tungutak tengt ákveðnum atvinnugreinum. Halldór Benjamín Þorbergsson, stjórnarformaður Almannaróms, og Lilja Dögg Jónsdóttir, framkvæmdastjóri Almannaróms, segja ekki sjálfsagt að þau tól sem við notum og tæknin tal...

16/11/2025

Gleðilegan dag íslenskrar tungu!
Íslenskan og þróun tungumálsins okkar er á allra vörum þessa dagana og við fögnum því. Eins og stjórnarformaður Almannaróms, Halldór Benjamín Þorbergsson, segir í pistli sínum í tilefni dagsins: „Enda á tungumálið að endurspegla þá sem nota það; lifandi samfélag á fleygiferð áfram á tímum mikilla tækni- og samfélagsbreytinga.“

13/11/2025

Við erum afar stolt af átakinu okkar „Þín íslenska er málið“ sem fór af stað í gær en það er heilmargt spennandi á döfinni hjá okkur.

Í tilefni þess skrifaði framkvæmdastjóri Almannaróms, Lilja Dögg Jónsdóttir, nokkur orð um okkar ástkæra ylhýra, risamálheildina og hvernig fjölbreytt orðasöfn eru lykillinn að því að tæknin verði reiprennandi í þinni íslensku.