17/02/2026
“राजा इतिहास भइसक्यो भनेर ढोल पिटियो, तर राजाले बनाएको सिंहदरबारमा बस्ने बित्तिकै सबैलाई आफैँ राजा भएजस्तो रोग लाग्यो। श्रीपेच फालेर के भयो र? दिमागको दरबारियत अझै ज्यूँका त्यूँ। हिजो एउटै राजा थियो, आज हरेक पार्टीको आ–आफ्नो ‘महाराज’ छ।
जनताको नाम जपेर सिंहदरबार छिर्छन्, अनि छिरेपछि जनतालाई नै ढोका बाहिर राख्छन्। लोकतन्त्र रे! तर निर्णय गर्ने शैली उही हुकुमी, जवाफदेहिता शून्य। फरक यत्ति हो—पहिले राजाको नाउँमा लुटिन्थ्यो, अहिले पार्टी र नेताको नाउँमा।
यस्तो लोकतन्त्र भनेको जनतालाई पोस्टरमा सजाउने र कुर्सीमा बसेपछि बिर्सिने कला मात्रै हो। राजा गयो भनिन्छ, तर राजतन्त्रको बानी त झन् मौलायो।”
