The Nepal Post, khanagawa (2026)

14/09/2026

🇳🇵 The Grayzone को दाबी : नेपालबारे ठूलो खुलासा

The Grayzone ले प्रकाशित गरेको रिपोर्टअनुसार, नेपालका नयाँ राजनीतिक नेताहरू बालेन शाह, रवि लामिछाने, सागर ढकाल र सुदन गुरुङलाई अमेरिकी सरकारबाट सहयोग प्राप्त NED/CEPPS जस्ता संस्थाका कार्यक्रममार्फत युवाको राजनीतिक नेतृत्व विकास र प्रशिक्षणमा समेटिएको थियो।

रिपोर्टमा “Niti Sambad” कार्यक्रमका लागि अमेरिकी सरकारबाट करिब $20 million (करिब रु. ३ अर्बभन्दा बढी) बजेट छुट्याइएको उल्लेख छ। उक्त कार्यक्रमले युवा नेता, सांसद तथा राजनीतिक अभियानमा सामाजिक सञ्जाल, नेतृत्व, जनसम्पर्क र राजनीतिक सहभागितासम्बन्धी प्रशिक्षण दिने उद्देश्य राखेको थियो।

The Grayzone ले ती कागजातमा बालेन, रवि, सागर र सुदनलाई “catalytic civic leaders” का रूपमा उल्लेख गरिएको दाबी गरेको छ।

रिपोर्टले यसलाई नेपालमा अमेरिकी प्रभाव र राजनीतिक परिवर्तनसँग जोड्दै Gen Z आन्दोलन र त्यसपछि बनेको नयाँ सरकारमाथि गम्भीर प्रश्न उठाएको छ।

⚠️ तर ध्यान दिनुपर्ने कुरा: रिपोर्टमा उल्लेख भएको $20 million भनेको कार्यक्रमको कुल बजेट हो। त्यो पैसा बालेन शाहलाई व्यक्तिगत रूपमा दिइएको वा उनलाई प्रधानमन्त्री बनाउन ३ अर्ब रुपैयाँ खर्च गरिएको प्रमाण रिपोर्टले दिएको छैन।
Balen

14/09/2026

नारायणी नदी किनारको यो दृश्यले मुटु नै छियाछिया बनायो। किनारमा थुप्रै जुत्ता चप्पलहरू लाइनै जम्मा पारेर राखिएको देखेपछि सास नै रोकिए जस्तो भयो।

केही पुराना र प्रयोगमा नरहेका जस्ता देखिए पनि धेरैजसो जुत्ता चप्पल एकदमै नयाँ र भर्खरै प्रयोग भइरहेका जस्ता स्पष्टै छुटिन्थ्ये। कसैले बाढीले बगाएर ल्याएका यी जुत्ताहरूलाई बटुलेर किनारमा थुपारेको रहेछ। यी सबै ती भयानक रसुवा विपतुकै हुन् वा होइनन्, त्यो त अनुसन्धानको विषय होला, तर यसमा केही हिस्सा पक्कै पनि त्यही दर्दनाक घटनासँग जोडिएका छन्।

तस्बिरले शब्दभन्दा धेरै कुरा बोलेको छ। यसले देखायो कि रसुवाको विपद् कति भयानक, अकल्पनीय र दर्दानक थियो। मान्छेका सपना, रहर र पाइलाहरूलाई क्षणभरमै बगाएर लैजाने प्रकृतिको यो रूप साँच्चै निर्मम र क्रूर लाग्छ। जीवन कति छोटो र पलभरमै बदिन सक्ने रहेछ भन्ने योभन्दा ठूलो पाठ अर्को हुन सक्दैन।

14/09/2026

मृत्यु जितेर आमाको काखमा फर्किए सञ्जय !

जलमग्न सुरुङभित्र घोर अन्धकार, पिउने सफा पानीको अभाव र बाहिरी दुनियाँसँगको पूर्ण विच्छेद। रसुवामा आएको भीषण बाढीपछि सुरुङभित्र थुनिएका ३० वर्षीय सञ्जय साहले त्यही कालकोठरीमा लगातार १० दिन बिताए।

धमिलो लेदो पानी पिएर र मृत्युसँग पलपल लडेर अन्ततः उनी जीवितै बाहिर निस्कन सफल भए।

गत भदौ १९ मा विपद् उद्धार टोलीले सुरुङको भग्नावशेष पन्छाएर बाहिर निकाल्दा सञ्जयले समयको सम्पूर्ण होस गुमाइसकेका थिए। बाहिर निस्कनासाथ उनले उद्धारकर्तालाई सोधेको पहिलो प्रश्न थियो, ‘म थुनिएको कति दिन भयो ?’

‘उद्धारकर्ताले १० दिन भयो भन्दा म छाँगाबाट खसेजस्तै भएँ, मलाई त केही दिन मात्र बितेको जस्तो लागिरहेको थियो,’ आइतबार सप्तरीस्थित आफ्नो घर फर्कने क्रममा सञ्जयले आफ्नो त्रासदीपूर्ण अनुभव सुनाए।

गत भदौ १० मा नेपाल-चीन सीमा क्षेत्रमा हिमपर्वत खसेर आएको विनाशकारी बाढीले जलविद्युत् आयोजनाहरूमा काम गरिरहेका सयौं मजदुरलाई बगाएको थियो। कम्तीमा १ हजार ४२९ जनाको ज्यान लिने र ५ हजार ६४० भन्दा बढी बेपत्ता बनाउने गरी आएको सो प्रलयकारी विपत्तिमा सञ्जयको यो जीवन रक्षा एउटा दुर्लभ र चामत्कारिक किरण बनेको छ।

गृहजिल्ला सप्तरी पुग्दा सञ्जयलाई स्वागत गर्न गाउँ नै ओइरिएको थियो। घरलाई बेलुन र रंगीचंगी ध्वजापताकाले सजाइएको थियो भने आफन्त र छिमेकीहरूले अबिर, माला र केक काटेर उनको पुनर्जन्मको खुसी मनाए।

भावविह्वल बनेकी ६० वर्षीया आमा कपुरदेवी साहले सञ्जयलाई अँगालो हालेर आँसु खसालिन र शुभसाइत भन्दै छोराको गोडा धोइदिइन्। ‘मेरो छोरो कालको मुखबाट फर्कियो, म संसारकै भाग्यमानी आमा भएँ,’ उनले भनिन्।

आँसु रोक्न संघर्ष गर्दै सञ्जयले त्यो कालो दिन सम्झिए, जब उनी नियमित ड्युटीमा थिए। ‘अचानक सुनामीजस्ता अग्ला छालहरूसहित अकल्पनीय बाढी हामीमाथि बज्रियो,’ उनले भने, ‘ठूलो बाढी आउँदैछ, सतर्क रहनू भन्ने सूचना त पाएका थियौं। हामीले प्लान्ट बन्द गरेर साथीहरूलाई बाहिर निकाल्ने प्रयास गर्दागर्दै पानीले कुनै मौका नै दिएन। केही मिनेटमै सुरुङभित्र बाढी पस्यो।’

सुरुङभित्र साथीहरूबाट छुट्टिएपछि सञ्जय पूर्ण रूपमा एक्लिएका थिए। कसैले उद्धार गर्ला भन्ने कुनै निश्चित थिएन। त्यो भयावह अन्धकारमा उनलाई हिन्दु धर्मप्रतिको आस्था र आत्मबलले बचायो।

‘मैले केवल आफ्नै विश्वास र आत्मविश्वासका भरमा सास धानेँ। म सुरुङभित्र लगातार महामन्त्र जपिरहन्थेँ,’ उनले भने, ‘त्यसबाट प्राप्त ईश्वरीय ऊर्जाले मलाई डर र निराशाबाट टाढा राख्यो। त्यहाँ पिउने पानी थिएन, भुइँमा जमेको धमिलो लेदो पानी पिएरै मैले १० दिन कटाएँ।’

त्यो कालकोठरीमा सञ्जय एक्लै भने थिएनन्। केही पर अर्का कामदार ४५ वर्षीय कबीर महर्जन पनि जीवितै अड्किएका थिए। उनीहरूले एक-अर्कालाई देख्न नसके पनि आवाज सुन्न सक्थे।

विपत्तिको त्यो घडीमा अर्को मानिसको आवाज सुन्न पाउनु नै बाँच्ने सबैभन्दा ठूलो संजीवनी बनेको सञ्जय बताउँछन्। धेरै दिनको कठिन उत्खननपछि उद्धार टोलीले ती दुवै जनालाई सकुशल बाहिर निकालेको थियो।

सञ्जयकी पत्नी लक्ष्मीकुमारी साहले आफ्नी सानी छोरीलाई काखमा च्याप्दै भनिन्, ‘मैले आफ्नो सिन्दूर फर्किने आशा कहिल्यै मारिनँ। भगवान्‌ले हाम्रो पुकार सुन्नुभयो।’

काठमाडौंको अस्पतालमा केही दिनको उपचारपछि घर फर्किएका सञ्जयको मनमा भने खुसीसँगै गहिरो पीडा पनि छ। ‘मैले दोस्रो जीवन त पाएँ, तर मसँगै काम गर्ने धेरै साथीहरू त्यहीँ अस्ताए,’ उनले गहभरि आँसु पार्दै भने।

सञ्जयको उद्धार भएको भोलिपल्ट भदौ २० मा एक चिनियाँ कामदारलाई पनि जीवितै निकालिएको थियो, तर त्यसपछि सुरुङबाट कुनै जीवित संकेत फेला परेको छैन।

सञ्जयले सुरुङभित्र उद्धार कार्य नरोक्न सरकारसँग अपिल गरेका छन्। ‘म सरकारलाई खोजी कार्य जारी राख्न आग्रह गर्छु, अझै पनि कोही साथी जीवितै पो अड्किएका छन् कि ? वा ज्यान गुमाएका साथीहरूको शव नै फेला पारेर परिवारलाई बुझाउन सकियोस्,’ उनले भने।

14/09/2026

बाढ़ी पीड़ीतलाई सिरक डसना बितरण गर्दै माननीय harka sangpang

13/09/2026

काठमाडौंको पशुपतिनाथ मन्दिर परिसरनजिकै रहेको ‘विरूपाक्ष’ नेपालका रहस्यमय तथा ऐतिहासिक धार्मिक सम्पदामध्ये एक मानिन्छ। शैव परम्परासँग जोडिएको यस प्राचीन ढुंगाको मूर्तिलाई स्थानीय जनविश्वास, किंवदन्ती र धार्मिक आस्थाले विशेष महत्व दिएको छ।

विरूपाक्ष भनेको के हो?
‘विरूपाक्ष’ शब्दको सामान्य अर्थ असामान्य वा विशेष प्रकारको आँखा भएको भन्ने बुझिन्छ। हिन्दू धार्मिक परम्परामा ‘विरूपाक्ष’ भगवान् शिवका विभिन्न नाम तथा विशेषणमध्ये एकका रूपमा पनि प्रयोग हुन्छ। पशुपति क्षेत्रको विरूपाक्ष मूर्ति भने मानवीय आकृतिमा रहेको ठूलो ढुंगाको मूर्ति हो, जसलाई स्थानीय जनविश्वासले विभिन्न रहस्यमय कथासँग जोड्दै आएको छ।

कलियुगको अन्त्यसँग जोडिएको विश्वास
विरूपाक्षबारे सबैभन्दा चर्चित जनविश्वास यसको मूर्ति बिस्तारै जमिनबाट बाहिर निस्कँदै गएको भन्ने हो। किंवदन्तीअनुसार मूर्ति पूर्ण रूपमा बाहिर निस्किएपछि कलियुगको अन्त्य हुने विश्वास गरिन्छ। यही रहस्यमय मान्यताका कारण विरूपाक्षप्रति सर्वसाधारणको चासो अझ बढेको पाइन्छ। यद्यपि, मूर्ति जमिनबाट बाहिर निस्कँदै गएको वा यसको बाहिर आउने क्रमले कलियुगको अन्त्य हुने भन्ने कुराको वैज्ञानिक प्रमाण छैन। यो मूलतः धार्मिक आस्था, लोकविश्वास र किंवदन्तीमा आधारित मान्यता हो।

धार्मिक तथा सांस्कृतिक महत्त्व
पशुपतिनाथ क्षेत्र शैव धर्मावलम्बीका लागि विश्वकै महत्वपूर्ण तीर्थस्थलमध्ये एक भएकाले यस क्षेत्रसँग सम्बन्धित प्राचीन मूर्ति, मठ, मन्दिर तथा सम्पदाहरूको धार्मिक र सांस्कृतिक महत्व विशेष छ। विरूपाक्षलाई पनि कतिपयले भगवान् शिवको स्वरूप वा शैव परम्परासँग सम्बन्धित प्रतीकका रूपमा हेर्ने गरेका छन्।

मानिसबाट मूर्ति बनेको किंवदन्ती
विरूपाक्षसँग जोडिएको अर्को रोचक जनकथा पनि प्रचलित छ। एक जनविश्वासअनुसार उनी कुनै समय मानिस नै थिए र उनको जीवनमा घटेका घटना तथा कर्मसँग सम्बन्धित कथाका कारण पछि मूर्तिको स्वरूपमा परिणत भएको मानिन्छ। यही किंवदन्तीका कारण मूर्तिको असामान्य अनुहार, आँखा र शरीरको बनावटलाई लिएर विभिन्न रहस्यमय कथाहरू पुस्तौँदेखि सुनिँदै आएका छन्।

यसरी हेर्दा पशुपति क्षेत्रको विरूपाक्ष केवल एउटा प्राचीन ढुंगाको मूर्ति मात्र नभई धार्मिक आस्था, स्थानीय जनविश्वास, किंवदन्ती र नेपालको सांस्कृतिक इतिहाससँग जोडिएको रहस्यमय सम्पदाका रूपमा स्थापित भएको देखिन्छ। यसको वास्तविक इतिहास र निर्माणकालबारे अध्ययन तथा प्रमाणिक अनुसन्धानले अझ स्पष्ट जानकारी दिन सक्ने भए पनि, जनमानसमा रहेको रहस्य र विश्वासले विरूपाक्षलाई आज पनि विशेष आकर्षणको केन्द्र बनाएको छ।

13/09/2026

राजविराजमा पनि शिक्षामन्त्री सस्मित पोखरेल सहभागी कार्यक्रममा केहीबेर तनाव सिर्जना भएको छ।

13/09/2026

के हुन लागेको यो मेरो देशमा😭😭

12/09/2026

Thank You: लोकप्रिय YouTuber Khalid Al Ameri ले heartfelt message share गर्दै सबैलाई “Nepal is Open” भनेर सम्झाउन आग्रह गरेका छन्। उहाँले Nepal का 77 जिल्लामध्ये 3 वटा जिल्लामा मात्र बाढी तथा विपद्को असर परेको उल्लेख गर्दै tourists लाई आफ्नो travel plans cancel नगर्न र Nepal भ्रमण जारी राख्दै देशलाई support गर्न आग्रह गर्नुभएको छ। Tourism लाखौँ नेपालीको आम्दानीको महत्वपूर्ण source भएकाले अहिले पर्यटकहरूको आगमनले प्रभावित समुदायको recovery मा पनि ठूलो सहयोग पुग्ने उहाँको सन्देश छ। 🇳🇵❤️

12/09/2026

यसरी गरियो जापानमा हत्या भएकी लक्ष्मीको अन्त्येष्टि (तस्विरहरु )

झापाको भद्रपुर ७, अन्जनी मोड घर भई जापानमा रहेका बेला हत्या गरिएकी लक्ष्मी राजवंशीको शनिबार स्थानीय घाटमा अन्त्येष्टि गरिएको छ । हत्या आरोपमा जापानी प्रहरीले २८ वर्षीय सञ्जु तामाङ, २५ वर्षीया असुमिता तामाङ र २२ वर्षीय प्रवीण लामालाई पक्राउ गरेको छ।

The Nepal Post

14/09/2026

14/09/2026

14/09/2026

14/09/2026

13/09/2026

13/09/2026

13/09/2026

12/09/2026

12/09/2026

Address

Telephone

Website

Alerts

Contact The Organization

Shortcuts

Share

Listing takedown request