04/05/2026
“လူထုခေါင်းဆောင် ဒေါ်အောင်ဆန်းစုကြည် သက်ရှိထင်ရှားရှိကြောင်း သက်သေပြရန် တောင်းဆိုချက်”
ရက်စွဲ။ ။၂၀၂၆ ခုနှစ်၊ မေလ (၃)ရက်
၁။ လက်ရှိမြန်မာနိုင်ငံ၏ နိုင်ငံရေး၊ စီးပွားရေး၊ လူမှုရေး အကျပ်အတည်းများသည် နေ့စဉ်နှင့်အမျှ ပိုမိုဆိုးရွားလာနေပြီး၊ နိုင်ငံတစ်ဝန်း လူထုအများအပြား သေဆုံး၊ နေရပ်စွန့်ခွာ၊ လူ့အခွင့်အရေး ချိုးဖောက်ခံနေရသည့် အခြေအနေသို့ ရောက်ရှိနေပါသည်။ ဤအကျပ်အတည်းကြီးကို ရေရှည်တည်တံ့စွာ ဖြေရှင်းနိုင်ရန်အတွက် ပြည်တွင်းငြိမ်းချင်းရေးနှင့် ဖက်ဒရယ်ဒီမိုကရေစီ တည်ဆောက်ရေးတို့တွင် လူထုခေါင်းဆောင် ဒေါ်အောင်ဆန်းစုကြည်၏ အခန်းကဏ္ဍသည် မဖြစ်မနေ လိုအပ်ပါသည်။
၂။ သို့ဖြစ်ရာ၊ အရှို(ချင်း)အမျိုးသားဖက်ဒရယ်ကောင်စီ အနေဖြင့် စစ်ကောင်စီအား အောက်ပါအတိုင်း လေးနက်စွာ တောင်းဆိုအပ်ပါသည်။
(က) လူထုခေါင်းဆောင် ဒေါ်အောင်ဆန်းစုကြည် သက်ရှိထင်ရှားရှိကြောင်း သက်သေပြရန် နောက်ဆုံးရက်စွဲဖြင့် အမေစု၏လှုပ်ရှားမှု စကားပြော ဗီဒီယို အထောက်အထားကို လူထုရှေ့တွင် ထုတ်ပြန်ပြသရန်
(ခ) အမေစု၏ကျန်းမာရေးအခြေအနေ၊ တရားရုံးတက်ရောက်မှုအခြေအနေနှင့် လွတ်လပ်စွာ ဆက်သွယ်ခွင့် ရှိမရှိကို ပွင့်လင်းမြင်သာစွာ ထုတ်ဖော်ပြသရန်။
(ဂ) လူထုခေါင်းဆောင် ဒေါ်အောင်ဆန်းစုကြည်နှင့်တကွ နိုင်ငံရေးအကျဉ်းသားများအားလုံး ချက်ချင်း လွှတ်ပေးရန်။
၃။ နိုင်ငံ၏ အကျပ်အတည်းကို ဖြေရှင်းရေးတွင် လူထုခေါင်းဆောင် ဒေါ်အောင်ဆန်းစုကြည်၏ အရေးပါသော အခန်းကဏ္ဍကို လုံးဝ ချန်ထားခဲ့၍ မရကြောင်း အလေးအနက်ထားသတိပေးအပ်ပါသည်။ အမေစု၏ နိုင်ငံရေး အတွေ့အကြုံ၊ လူထုထောက်ခံမှု၊ ဖက်ဒရယ်ပြည်ထောင်စု တည်ဆောက်ရေးနှင့် ရေရှည်ငြိမ်းချမ်းရေးအတွက် အဓိကကျပါသည်။ လူထုခေါင်းဆောင် ဒေါ်အောင်ဆန်းစုကြည်ကို ဖယ်ထုတ်ထားခြင်းသည် နိုင်ငံ၏ ပြန်လည်သင့်မြတ်ရေး လုပ်ငန်းစဉ်ကို နောက်ပြန်ဆုတ်စေမည်ဖြစ်ပါသည်။
၄။ အရှို(ချင်း)အမျိုးသားဖက်ဒရယ်ကောင်စီ အနေဖြင့် လူထုခေါင်းဆောင် ဒေါ်အောင်ဆန်းစုကြည် ဘေးကင်းလုံခြုံရေးနှင့် သက်ရှိထင်ရှားရှိကြောင်းကို အတည်ပြုရန် အလေးအနက်ထား တောင်းဆိုအပ်ပါသည်။
ဗဟိုအလုပ်အမှုဆောင်အဖွဲ့
အရှို(ချင်း)အမျိုးသားဖက်ဒရယ်ကောင်စီ
