Nrna Sendai

28/08/2026

बाढी–पहिरो प्रभावितहरूका लागि सहयोगको लागि हार्दिक अपिल

नेपालका विभिन्न जिल्लाहरूमा (विशेष गरी रसुवा, नुवाकोट, धादिङ लगायतका क्षेत्रमा) आएको भीषण बाढी तथा पहिरोका कारण ठूलो जनधनको क्षति भएको छ। यस दुःखद घडीमा विपत्तिमा पर्नुभएका नेपाली दाजुभाइ तथा दिदीबहिनीहरूलाई सहयोग गर्न हामी सबै एकजुट हुनुपर्ने बेला आएको छ।
बाढी–पहिरोका कारण धेरै परिवार घरबारविहीन भएका छन् भने उनीहरूलाई खाद्यान्न, लत्ताकपडा, औषधि, स्वच्छ खानेपानी तथा सुरक्षित आश्रयको तीव्र आवश्यकता रहेको छ।

सहयोगसम्बन्धी मुख्य बुँदाहरू:
तोहोकु,सेन्दाइमा रहनुभएको सम्पूर्ण नेपाली दाजुभाइ तथा दिदीबहिनीहरूलाई आफ्नो क्षमता र इच्छाअनुसार स्वेच्छिक आर्थिक सहयोग गर्न हार्दिक अनुरोध गर्दछौँ।

नेपाल सरकारद्वारा जारी गरिएको आधिकारिक QR Code मार्फत सिधै सहयोग गर्न चाहनुहुने महानुभावहरूले प्रत्यक्ष रूपमा पनि सहयोग पुर्‍याउन सक्नुहुनेछ।

क्रेडिट कार्डबाटपनि सजिलोसंग यो लिङ्क ओपन गरि प्रधानमन्त्रि दैवी प्रकोप ऊद्धार कोषमा सहयोगगर्न सक्नुहुन्छ !
https://pmdrf.nchl.com.np/

आर्थिक सङ्कलन सम्बन्धी कुनै पनि अप्ठ्यारो परेको खण्डमा गैर आवासीय नेपाली संघ, राष्ट्रिय समन्वय परिषद्, जापान ,क्षेत्रीय समन्वय परिषद्, सेन्दाईका समिति सदस्य तथा सल्लाहकार ज्यूहरूसँग समन्वय गर्न सक्नुहुनेछ।

तपाईंको परिवार, आफन्त वा चिनजानका व्यक्ति बाढी–पहिरोबाट प्रभावित हुनुभएको छ भने गैर आवासीय नेपाली संघ, राष्ट्रिय समन्वय परिषद्, जापान ,क्षेत्रीय समन्वय परिषद्, सेन्दाईलाई जानकारी गराउनुहोला। सम्भव भएसम्म आवश्यक सहयोग तथा समन्वय गर्ने प्रयास गरिनेछ।

तपाईंको सानो सहयोग पनि पीडित परिवारका लागि ठूलो राहत र आशा बन्न सक्छ। यो दुःखको घडीमा हामी सबै नेपालीले हातेमालो गरौं, मानवीयता निभाऔं र पीडित नेपाली दाजुभाइ तथा दिदीबहिनीहरूको साथमा उभिन सहयोगको हात अगाडि बढाइऔँ।

मानवीय सहयोगका लागि एकजुट बनौं!

“पीडितको आँसु पुछौँ, मानवीयताको हात बढाऔँ!”
“तोहोकु–सेन्दाइबाट भौगोलिक दूरी टाढा भए पनि, नेपाली मन सधैँ नजिक!”
“पीडामा मल्हम बनौँ, विपत्तिमा सहारा बनौँ!”

28/08/2026

駐日ネパール大使館より謹んでご挨拶申し上げます
ネパールでは2026年8月26日に深刻な鉄砲水が発生し、多くの人命が失われたほか、広範囲にわたる避難者が出ました。また、住宅、道路、橋、水力発電施設、その他の主要インフラにも甚大な被害が生じています。
日本国民の皆様、各種機関の皆様、在日外国人の個人・法人の皆様、ならびに海外在住・非居住ネパール人の皆様へ
指定の首相救援基金口座へ寄付金および支援金の送金を希望される場合は、誠に恐れ入りますが、以下の送金手段をご利用くださいますようお願い申し上げます。
皆様のご温かいご支援とご協力に、心より感謝申し上げます。
https://pmdrf.nchl.com.np/
決済ゲートウェイが利用可能になりました。クレジットカード決済にも対応しています。

26/08/2026

दुःखद् अपील!!!

चीनको तिब्बत क्षेत्रबाट भोटेकोशी नदीमा आएको भीषण बाढीका कारण रसुवा, नुवाकोट, धादिङ, गोर्खा, चितवन लगायतका नदी तटीय क्षेत्रमा उत्पन्न उच्च जोखिम, भौतिक क्षति तथा मानवीय क्षतिप्रति एनआरएनए सेन्दाई गहिरो दुःख व्यक्त गर्दछ।

यस अकल्पनीय एवं अत्यन्तै संवेदनशील घडीमा बाढीका कारण ज्यान गुमाउनुहुने सम्पूर्ण मृतकहरूप्रति भावपूर्ण श्रद्धाञ्जली अर्पण गर्दै शोकसन्तप्त परिवारजनमा गहिरो समवेदना प्रकट गर्दछौँ। साथै, घटनामा परी घाइते हुनुभएका सम्पूर्ण नागरिकहरूको शीघ्र स्वास्थ्यलाभको कामना गर्दै विपद् बाट प्रभावित परिवारहरूप्रति एनआरएनए सेन्दाई पूर्ण सहानुभूति एवं ऐक्यबद्धता व्यक्त गर्दछ।

बाढीको जोखिम अझै पूर्ण रूपमा नटरेकाले नदी तटीय क्षेत्रमा बसोबास गर्नुहुने सम्पूर्ण आदरणीय नागरिकहरूलाई उच्च सतर्कता अपनाउन र सुरक्षित स्थानमा रहन एनआरएनए सेन्दाई हार्दिक अनुरोध गर्दछ।

यस प्राकृतिक विपत्तिको सामना सबै मिलेर गर्नुपर्ने भएकाले प्रभावितहरूको तत्काल उद्धार, राहत वितरण र घाइतेहरूको प्रभावकारी उपचारका लागि सम्पूर्ण सामाजिक सङ्घ–संस्था, स्वयंसेवक तथा स्थानीयवासीहरूलाई एक ढिक्का भएर जुट्न आह्वान गर्दछौँ।

साथै, बाढीका कारण बेपत्ता भएकाहरूको खोजी कार्यलाई तीव्रता दिन, विस्थापित परिवारहरूलाई उचित राहत तथा सुरक्षित पुनर्स्थापनाको व्यवस्था मिलाउन र घाइतेहरूको निःशुल्क उपचारको प्रबन्ध गर्न नेपाल सरकारसँग जोडदार माग गर्दछौँ।

10/08/2026

२औँ नेपाल फेस्टिभल सेन्दाई २०२६

सबै मिलौँ, सबै जुटौँ—नेपाली कला, संस्कृति र एकताको उत्सव मनाऔँ!

अक्टोबर ३१–नोभेम्बर १, २०२६
榴岡公園 (Tsutsujigaoka Park), Sendai

हाम्रो एकता, हाम्रो संस्कृति—हाम्रो पहिचान!

सम्पूर्ण नेपाली दाजुभाइ तथा दिदीबहिनीहरूमा हार्दिक निमन्त्रणा!

10/08/2026

दोस्रो ऐतिहासिक नेपाल फेस्टिभल सेन्दाई २०२६ को घोषणा कार्यक्रम भव्य रूपमा सम्पन्न

गैर आवासीय नेपाली संघ राष्ट्रिय समन्वय परिषद जापान क्षेत्रीय समन्वय परिषद सेन्दाई द्वारा आयोजना हुन लागेको दोस्रो ऐतिहासिक नेपाल फेस्टिभल सेन्दाई २०२६ को औपचारिक घोषणा कार्यक्रम हिजो भव्य रूपमा सम्पन्न भएको छ।

कार्यक्रम एनआरएनए जापानका क्षेत्रीय सह–कोषाध्यक्ष सन्दिप जिसी ज्यूको प्रमुख आतिथ्यता तथा एनआरएनए जापान क्षेत्रीय समिति सेन्दाईका संयोजक आशिष गुरुङ ज्यूको अध्यक्षतामा सम्पन्न भएको हो।

कार्यक्रममा विशेष अतिथिका रूपमा एनआरएनए जापानका केन्द्रीय सल्लाहकार साबित्रा लामा ज्यू, सदस्य प्रकाश विश्वकर्मा ज्यू, मानार्थ सदस्य हरि पाण्डे ज्यू तथा क्षेत्रीय समिति सेन्दाईका संरक्षक हरिगोपाल श्रेष्ठ ज्यू लगायत विभिन्न संघसंस्था तथा संगठनका प्रतिनिधिज्यूहरू, सेन्दाई क्षेत्रका बुद्धिजीवी, समाजसेवी तथा व्यवसायी महानुभावहरूको उल्लेखनीय उपस्थिति रहेको थियो।

आफ्नो व्यस्त समयका बाबजुद कार्यक्रममा उपस्थित भई कार्यक्रमको गरिमा बढाइदिनुहुने सम्पूर्ण अतिथि, प्रतिनिधि, समाजसेवी, व्यवसायी तथा शुभेच्छुक महानुभावहरूमा हार्दिक धन्यवाद तथा आभार व्यक्त गर्दछौँ। यहाँहरूबाट प्राप्त अमूल्य सल्लाह, सुझाव तथा मार्गदर्शनलाई आत्मसात् गर्दै फेस्टिभललाई थप व्यवस्थित, सफल र ऐतिहासिक बनाउने दिशामा अगाडि बढ्ने प्रतिबद्धता व्यक्त गर्दछौँ।

कार्यक्रममा गैर आवासीय नेपाली संघ राष्ट्रिय समन्वय परिषद जापान क्षेत्रीय समन्वय परिषद सेन्दाईका उप–संयोजक तथा नेपाल फेस्टिभलका कार्यक्रम संयोजक निम तामाङ ज्यूले फेस्टिभलको उद्देश्य, कार्यक्रमको अवधारणा तथा प्रस्तावना प्रस्तुत गर्नुभएको थियो।

यसै अवसरमा दोस्रो ऐतिहासिक नेपाल फेस्टिभल सेन्दाई २०२६ आगामी अक्टोबर ३१ शनिबार र नोभेम्बर १ आइतबार, सेन्दाईस्थित चुचीगाओका पार्कमा आयोजना हुने जानकारी पुनः गराउन चाहन्छौँ।

नेपालको मौलिक कला, संस्कृति, भाषा, भेषभूषा तथा नेपाली खानालाई जापानमा प्रवर्द्धन तथा परिचित गराउने उद्देश्यले आयोजना हुन लागेको यस ऐतिहासिक महोत्सवलाई सफल बनाउन सम्पूर्ण नेपाली समुदाय, जापानी मित्रहरू, संघसंस्था, व्यवसायी, प्रायोजक तथा शुभेच्छुक महानुभावहरूमा हार्दिक सहभागिता, सहयोग तथा सहकार्यका लागि अनुरोध गर्दछौँ।

आउनुहोस्, हामी सबै मिलेर दोस्रो नेपाल फेस्टिभल सेन्दाई २०२६ लाई भव्य, सफल र ऐतिहासिक बनाऔँ।

09/08/2026

09/08/2026

द्रोस्रो नेपाल फेश्टिबल घोषणा कार्यक्रम २०२६