Xafiiska Xisbiga Barwaaqo Lanta Gobolka Dawa የብልጽግና ፓርቲ የዳዋ ዞን ቅርንጫፍ

23/06/2026

Waxaa maanta si rasmi ah ku soo gebagaboobay Degmada Qadaduma qiimaynta Warbixinta Waxqabadka Sanadka 2018 taas oo lagu eegayey waxqabadka kala duwan ee degmada hoggaaminta iyo heerka fulinta hawlaha iyo hindisayaasha xisbiga Qiimayntu waxay ku qabsoontay jawi is-xisaabtan ku dhisan iyadoo si hufan loo falanqeeyey guulaha la gaaray iyo meelaha u baahan in la sii xoojiyo
‎
‎Intii ay socotay qiimayntu waxaa la guddoonsiiyey shahaadooyin sharaf hoggaamiyeyaasha iyo mas’uuliyiinta muujiyey dadaal karti iyo hoggaan wanaagsan kuwaas oo door muuqda ka qaatay hirgelinta hindisayaasha xisbiga iyo dardargelinta horumarka sentarada kala duwan ee ay degmadu ka kooban tahay
‎
‎Gabagabadii qiimayntu waxay ku soo dhammaatay guul iyo is-afgarad iyadoo la adkeeyey muhiimadda ay leedahay wadajirku isla xisaabtanku iyo sii ambaqaadidda dadaallada horumarineed ee lagu xaqiijinayo himilooyinka xisbiga iyo horumarka bulshada

Xafiiska Xisbiga Barwaaqo Lanta Gobolka Dawa የብልጽግና ፓርቲ የዳዋ ዞን ቅርንጫፍ

23/06/2026

23/06/2026

22/06/2026

22/06/2026

21/06/2026

Fariinta Mahadnaqa ee Musharaxiinta Xisbiga Barwaaqo ee Gobolka Dawa
‎
‎Mudanayaal iyo Marwooyin shacabka sharafta leh ee Deeganka Soomalida Gaar Ahaan Gobolka Dawa
‎
‎Anagoo ah musharaxiintii Xisbiga Barwaaqo ee kuraasta Gobolka Dawa ku matalayay doorashadii 7-aad waxaan si kal iyo laab ah ugu mahadcelinaynaa dhammaan shacabka codkooda kalsoonidooda iyo taageeradooda nagu garab istaagay
‎
‎Kalsoonida aad na siisaan waa masuuliyad weyn oo nagu waajibinaysa inaan sii labanlaabno dadaalka lagu xaqiijinayo nabadda horumarka iyo barwaaqada loo dhan yahay Guushan waxay ka tarjumaysaa midnimada bisaylka siyaasadeed iyo rabitaanka shacabka ee mustaqbal wanaagsan
‎
‎Waxaan sidoo kale u mahadcelinaynaa dhammaan ka qaybgalayaashii geeddi-socodka doorashada kuwa na taageeray iyo kuwa aragtiyo kale qabayba Guusha ugu weyn waa guusha dimuqraadiyadda wadajirka iyo horumarka shacabka
‎
‎Xisbiga Barwaaqo wuxuu sii wadi doonaa inuu shacabka ugu adeego daacadnimo hufnaan iyo xilkasnimo si loo xaqiijiyo himilada Itoobiya barwaaqo ah oo loo wada siman yahay
‎
‎Mahadsanidiin

Xafiiska Xisbiga Barwaaqo Lanta Gobolka Dawa የብልጽግና ፓርቲ የዳዋ ዞን ቅርንጫፍ

21/06/2026

Xisbiga Barwaaqo oo ku guulaystay kuraasta ugu badan ee golaha wakiillada shacabka ama baarlamaanka dalka.

Guddiga Doorashooyinka Qaranka ee JDFI ayaa shaaciyay natiijada guud ee doorashadii guud ee 7aad ee dalka, taas oo la qabtay 1-da June 2026 (24-kii Ginbot 2018 T.I.).

Guddoomiye kuxigeenka guddiga doorashooyinka qaranka Itoobiya, Tesfaye Neway ayaa munaasabad lagu soo bandhigayay natiijooyinka ka sheegay in guddigu uu ansixiyay islamarkaana meel mariyay natiijooyinka k**a dambaysta ah ee doorashada.

Sida ku xusan natiijada uu soo bandhigay Xisbiga Barwaaqo (Prosperity Party) ayaa ku guulaystay 438 kursi oo ka tirsan golaha wakiillada shacabka Itoobiya.

Sidoo kalena, Xisbiga EZEMA ayaa helay 13 kursi oo baarlamaanka dalka kaddib markii uu musharraxiin ku tartansiiyay deegaanno kala duwan oo dalka ah.

Dhanka kale, xisbiga ABN ayaa ku guuleystay 6 kursi oo barlaamanka dalka, kuwaas oo uu ka helay deegaaanka Amxaarada.

Xisbiga Medrek ayaa isaguna helay 3 kursi baarlamaan oo uu ka kasbaday deegaanka Sidama, halka xisbiyo kale oo kala duwan ay sidoo kale kuraas ka heleen deegaanada ay musharraxiintoodu ku tartameen. Munaasabada lagu shaacinayay

natiijooyinka ayaa sidoo kale lagu sheegay in ay jiraan musharraxiin madaxbannaan oo ku guuleystay kuraas baarlamaan.

Munaasabadda lagu dhawaaqayay natiijooyinka doorashadii guud ee 7aad waxaa ka qaybgalay Madaxweynaha JDFI, Taye Aqske Selasey, wakiillo ka socday xisbiyada siyaasadda, ururrada bulshada rayidka ah, safiirro ka socday dalal kala duwan iyo sidoo kale wakiillo ka socday warbaahinta kala duwan.

Xafiiska Xisbiga Barwaaqo Lanta Gobolka Dawa የብልጽግና ፓርቲ የዳዋ ዞን ቅርንጫፍ