ស្នងការដ្ឋាននគរបាលខេត្តកែប - Police Commissariat of Kep Province

07/08/2026

លោកឧត្តមសេនីយ៍ទោ សម្បត្តិ សុធារដ្ឋ បន្តចាត់តាំងដឹកនាំចុះរៀបចំសណ្តាប់ធ្នាប់ និងណែនាំអាជីវករឱ្យបង្កើនការគិតគូររៀបចំដាក់លក់ទំនិញឱ្យមានសណ្តាប់ធ្នាប់

ខេត្តកែប៖ ដោយអនុវត្តតាមបញ្ជាខ្ពង់ខ្ពស់របស់ ឯកឧត្តម នាយឧត្តមសេនីយ៍ អគ្គស្នងការនគរបាលជាតិ និងឯកឧត្តមបណ្ឌិត អភិបាល នៃគណៈអភិបាលខេត្តកែប និងប្រសាសន៍ណែនាំផ្ទាល់ពីលោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែប នៅថ្ងៃទី៧ ខែសីហា ឆ្នាំ២០២៦ លោកវរសេនីយ៍ឯក ងិន ចិន្តា ស្នងការរង ទទួលការរងារសណ្តាប់ធ្នាប់ បន្តដឹកនាំកម្លាំងការិយាល័យ សហការជាមួយអាជ្ញាធរ និងសមត្ថកិច្ចពាក់ព័ន្ធ ចុះត្រួតពិនិត្យ រៀបចំសណ្តាប់ធ្នាប់តាមចិញ្ចើមផ្លូវសាធារណៈ និងណែនាំដល់អាជីវករនៅរមណីយដ្ឋានទេសចរណ៍ឆ្នេរកែប ក្រុងកែប ខេត្តកែប ឱ្យបង្កើនការគិតគូរ ការរៀបចំដាក់លក់ទំនិញឲ្យមានសណ្តាប់ធ្នាប់ របៀបរៀបរយ បញ្ចៀសការកកស្ទះចរាចរណ៍ និងទាក់ទាញចំណាប់អារម្មណ៍ភ្ញៀវទេសចរជាតិ អន្តរជាតិ៕

07/08/2026

07/08/2026

នគរបាលខេត្តកែប បន្តដឹកនាំចុះផ្សព្វផ្សាយគោលនយោបាយភូមិ ឃុំ សង្កាត់មានសុវត្ថិភាព

ខេត្តកែប៖ ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការណែនាំជាប្រចាំពី លោកឧត្តមសេនីយ៍ទោ សម្បត្តិ សុធារដ្ឋ ស្នងការ នៃស្នងការដ្ឋាននគរបាលខេត្តកែប នៅព្រឹកថ្ងៃទី៧ ខែសីហា ឆ្នាំ២០២៦ មន្ត្រីប៉ុស្តិ៍នគរបាលរដ្ឋបាលពងទឹក នៃអធិការដ្ឋាននគរបាលស្រុកដំណាក់ចង្អើរ បន្តសហការជាមួយអាជ្ញាធរឃុំ និងលោកនាយកសាលា ចុះជួបប្រជុំផ្សព្វផ្សាយគោលនយោបាយ«ភូមិ ឃុំ សង្កាត់ មានសុវត្ថិភាព» ១លើក ជាមួយលោកគ្រូ អ្នកគ្រូ និងសិស្សានុសិស្ស ចំនួន ៥៩៩នាក់ នៅសាលាបឋមសិក្សាពងទឹក ស្ថិតក្នុងភូមិរនេស ឃុំពងទឹក ស្រុកដំណាក់ចង្អើរ ខេត្តកែប ដើម្បីផ្សព្វផ្សាយបញ្ជ្រាបការយល់ដឹងច្បាប់ស្តីពីចរាចរណ៍ផ្លូវគោក ផលប៉ះពាល់គ្រឿងញៀន គ្រាប់យុទ្ធភណ្ឌមិនទាន់ផ្ទុះបន្សល់ពីសម័យសង្គ្រាម ក្មេងទំនើង ល្បែងស៊ីសងខុសច្បាប់ បទល្មើសឆបោកតាមប្រព័ន្ធបច្ចេកវិទ្យា(Online Scams) អំពើលួច ឆក់ ប្លន់ និងអំពើរល្មើសច្បាប់ផ្សេងៗ ។

ចំពោះមុខលោក ស្នងការ ជម្រុញលើកទឹកចិត្តបន្តចុះផ្សព្វផ្សាយគោលនយោបាយនេះតាមគ្រប់រូបភាពដែលអាចធ្វើទៅបាន ដើម្បីបញ្ជ្រាបការយល់ដឹងឱ្យបានទូលំទូលាយ និងអូសទាញការគាំទ្រកាន់តែច្រើនឡើងគ្រប់ៗមូលដ្ឋានក្នុងខេត្ត៕

07/08/2026

លោកឧត្តមសេនីយ៍ទោ សម្បត្តិ សុធារដ្ឋ អញ្ជើញអមដំណើរ ឯកឧត្តមបណ្ឌិត សោម ពិសិដ្ឋ អភិបាលខេត្ត ចុះត្រួតពិនិត្យវឌ្ឍនភាពការសាងសង់ពន្ធនាគារខេត្ត និងពិនិត្យទីតាំងត្រៀមសម្ពោធដាក់ឲ្យប្រើប្រាស់ជាផ្លូវការ

ខេត្តកែប៖ នៅព្រឹកថ្ងៃទី៧ ខែសីហា ឆ្នាំ២០២៦ លោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែប អញ្ជើញអមដំណើរ ឯកឧត្តមបណ្ឌិត សោម ពិសិដ្ឋ អភិបាល នៃគណៈអភិបាលខេត្តកែប ចុះត្រួតពិនិត្យវឌ្ឍនភាពការសាងសង់ពន្ធនាគារខេត្ត និងពិនិត្យទីតាំងត្រៀមរៀបចំសម្ពោធដាក់ឱ្យប្រើប្រាស់ជាផ្លូវការនាពេលឆាប់ៗខាងមុខនេះ ស្ថិតនៅភូមិអន្ទង់ស ឃុំពងទឹក ស្រុកដំណាក់ចង្អើរ ខេត្តកែប។

07/08/2026

កិច្ចប្រជុំបូកសរុបលទ្ធផលការងារបញ្ចូលទិន្នន័យក្នុងប្រព័ន្ធ (ADP DATABASE SYSTEM) ការងារគ្រប់គ្រងអនុវត្តដីកា និងការងារប្រឆាំងការសម្អាតប្រាក់ប្រចាំឆមាសទី១ និងលើកទិសដៅឆមាសទី២ ឆ្នាំ២០២៦

ខេត្តកែប៖ ដោយអនុវត្តតាមប្រសាសន៍ណែនាំពីលោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែប នៅព្រឹកថ្ងៃទី៧ ខែសីហា ឆ្នាំ២០២៦ លោកវរសេនីយ៍ឯក សូ បញ្ញា ស្នងការរង ទទួលផែនការងារប្រឆាំងគ្រឿងញៀន បានអញ្ជើញចូលរួមកិច្ចប្រជុំបូកសរុបលទ្ធផលការងារបញ្ចូលទិន្នន័យក្នុងប្រព័ន្ធ (ADP DATABASE SYSTEM) ការងារគ្រប់គ្រងអនុវត្តដីកា និងការងារប្រឆាំងការសម្អាតប្រាក់ប្រចាំឆមាសទី១ និងលើកទិសដៅឆមាសទី២ ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់ ឯកឧត្តម ឧត្តមសេនីយ៍ឯក ព្រុំ សន្ធរ អគ្គស្នងការរងនគរបាលជាតិ តាមប្រព័ន្ធ zoom នៅសាលប្រជុំ នៃស្នងការដ្ឋាននគរបាលខេត្តកែប។

07/08/2026

លោកឧត្តមសេនីយ៍ទោ សម្បត្តិ សុធារដ្ឋ អញ្ជើញដឹកនាំកងកម្លាំងនគរបាល គោរពទង់ជាតិ នៃព្រះរាជាណាចក្រកម្ពុជា

ខេត្តកែប ៖ នាព្រឹកថ្ងៃសុក្រ ៩រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៧ ខែសីហា ឆ្នាំ២០២៦ លោកឧត្តមសេនីយ៍ទោ សម្បត្តិ សុធារដ្ឋ ស្នងការ នៃស្នងការដ្ឋាននគរបាលខេត្តកែប អញ្ជើញដឹកនាំកងកម្លាំងនគរបាល គោរពទង់ជាតិ នៃព្រះរាជាណាចក្រកម្ពុជា នៅស្នងការដ្ឋាននគរបាលខេត្តកែប។

អញ្ជើញចូលរួមក្នុងពិធីគោរពទង់ជាតិ រួមមាន លោក លោកស្រី ស្នងការរង ទទួលផែនការងារជំនាញ លោក លោកស្រីស្នងការរង ទទួលជំនួយដឹកនាំការិយាល័យ លោក លោកស្រី នាយ នាយរងការិយាល័យ ព្រមទាំងមន្ត្រីកងកម្លាំងចំណុះស្នងការដ្ឋាននគរបាលខេត្ត។

ពិធីក៏មានការអានពីបទវិន័យរបស់កងកម្លាំងនគរបាលជាតិកម្ពុជា ជូនថ្នាក់ដឹកនាំ និងមន្ត្រីកងកម្លាំងនគរបាលខេត្ត ក្នុងពិធីស្តាប់ជាការក្រើនរំលឹកដើម្បីអនុវត្តឱ្យបានខ្ជាប់ខ្ជួន ផងដែរ៕

06/08/2026

កម្លាំងការិយាល័យនគរបាលចរាចរណ៍ផ្លូវគោក និងកម្លាំងពាក់ព័ន្ធ បន្តដាក់គោលដៅត្រួតពិនិត្យអាវុធគ្រឿងផ្ទុះ គ្រឿងញៀន អន្តោប្រវេសន៍ និងគ្រឿងស្រវឹង និងធ្វើការចល័តល្បាតនៅទូទាំងខេត្ត

ខេត្តកែប ៖ ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការណែនាំផ្ទាល់ពី លោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែប នៅយប់ថ្ងៃទី៦ ខែសីហា ឆ្នាំ២០២៦ កម្លាំងការិយាល័យនគរបាលចរាចរណ៍ផ្លូវគោក កម្លាំងការិយាល័យពាក់ព័ន្ធ និងកម្លាំងនគរបាលមូលដ្ឋាន បានបន្តដាក់គោលដៅត្រួតពិនិត្យជាតិស្រវឹង គ្រឿងញៀន អាវុធគ្រឿងផ្ទុះ អន្តោប្រវេសន៍ និងផ្សព្វផ្សាយច្បាប់ស្ដីពីចរាចរណ៍ផ្លូវគោក លេីផ្លូវជាតិលេខ៣៣ និងធ្វើការចល័តល្បាតនៅទូទាំងខេត្ត ដើម្បីការពារសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម ជូនថ្នាក់ដឹកនាំ បងប្អូនប្រជាពលរដ្ឋ និងភ្ញៀវទេសចរជាតិ អន្តរជាតិ ដែលអញ្ជើញធ្វើដំណើរតាមដងផ្លូវ និងមកសំរាកកម្សាន្តនៅខេត្តកែប។

សូមបងប្អូនប្រជាពលរដ្ឋដែលជាអ្នកប្រើប្រាស់ដងផ្លូវទាំងអស់មេត្តាយកចិត្តទុកដាក់ និងប្រុងប្រយ័ត្នឲ្យបានខ្ពស់គ្រប់ពេលធ្វើដំណើរនៅលើដងផ្លូវ ចូលរួមគោរពច្បាប់ចរាចរណ៍ដោយស្មារតីទទួលខុសត្រូវ ដើម្បីសុវត្ថិភាពផ្ទាល់ខ្លួន និងអ្នកដទៃ៕