អគ្គនាយកដ្ឋានរតនាគារជាតិ - General Department of National Treasury

  • Home
  • Cambodia
  • Phnom Penh
  • អគ្គនាយកដ្ឋានរតនាគារជាតិ - General Department of National Treasury

អគ្គនាយកដ្ឋានរតនាគារជាតិ - General Department of National Treasury អគ្គនាយកដ្ឋានរតនាគារជាតិគឺជាបេឡាករនិងជាគណនេយ្យករសាធារណៈរបស់រាជរដ្ឋាភិបាល

អគ្គនាយកដ្ឋានរតនាគារជាតិគឺជាបេឡាករនិងជាគណនេយ្យករសាធារណៈតែមួយគត់របស់រាជរដ្ឋាភិបាលកម្ពុជា។ រតនាគារជាតិ ត្រូវបានបង្កើតឡើងតាមអនុក្រឹត្យលេខ២៤ អនក្រ ចុះថ្ងៃទី២០ ខែកញ្ញា ឆ្នាំ១៩៩០ ហើយបានចាប់ ដំណើរការកិច្ចប្រតិបត្តិការរបស់ខ្លួន ចាប់ពីថ្ងៃទី០១ ខែមករា ឆ្នាំ១៩៩១។ ក្នុងឆ្នាំ២០០៨ រតនាគារជាតិ ត្រូវបានរាជរដ្ឋាភិបាលតំឡើងទៅជា អគ្គនាយកដ្ឋានរតនាគារជាតិ តាមរយៈអនុក្រឹត្យលេខ ១៣៤ អនក្រ.មក ចុះថ្ងៃទី១៥ ខែកញ្ញា ឆ្នាំ២០០៨។

អគ្គនាយកដ្ឋានរតនាគារជាតិដឹកនាំដោយប្រធានមួយរូបជា អគ្គនាយក និងមានអគ្គនាយករង ចំនួន០៥រូបជាជំនួយការ។ អគ្គនាយកដ្ឋាន រតនាគារជាតិ មានប្រព័ន្ធចាត់តាំងឯកភាពពីថ្នាក់កណ្តាល រហូតដល់ថ្នាក់មូលដ្ឋាន។

នៅថ្នាក់កណ្តាលមាននាយកដ្ឋាន និងអង្គភាពចំណុះសរុបចំនួន០៩ រួមមាន៖
១. នាយកដ្ឋានរដ្ឋបាលនិងបុគ្គលិក
២. នាយកដ្ឋានចំណូលថវិកា
៣. នាយកដ្ឋានចំណាយថវិកា
៤. នាយកដ្ឋានគណនេយ្យ
៥. នាយកដ្ឋានគ្រប់គ្រងរតនាគារថ្នាក់មូលដ្ឋាននិងសរុបស្ថិតិ
៦. នាយកដ្ឋានបច្ចេកវិទ្យាព័ត៌មាន
៧. អធិការកិច្ចរតនាគារ ថ្នាក់ស្មើនាយកដ្ឋាន
៨. នាយដ្ឋានគ្រប់គ្រងសាច់ប្រាក់និងវិភាគការអនុវត្តថវិកា
៩. លេខាធិការដ្ឋាន។

នៅថ្នាក់មូលដ្ឋានមានរតនាគាររាជធានី-ខេត្តចំនួន២៥ ដែលរតនាគាររាជធានី-ខេត្តនីមួយៗមានការិយាល័យចំណុះសរុបចំនួន០៣ រួមមាន៖
១. ការិយាល័យរដ្ឋបាលនិងបុគ្គលិក
២. ការិយាល័យគណនេយ្យថវិកាថ្នាក់ជាតិ និងសរុប
៣. ការិយាល័យគណនេយ្យថវិកាថ្នាក់ក្រោមជាតិ។

មន្ត្រីរាជការរបស់អគ្គនាយកដ្ឋានរតនាគារជាតិ ទូទាំងប្រទេសមានចំនួនសរុបប្រមាណ ៦២៧នាក់។

ព្រឹកថ្ងៃព្រហស្បតិ៍ ៨រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៦ ខែសីហា ឆ្នាំ២០២៦ ឯកឧត្តមបណ្ឌិត វង្...
06/08/2026

ព្រឹកថ្ងៃព្រហស្បតិ៍ ៨រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៦ ខែសីហា ឆ្នាំ២០២៦ ឯកឧត្តមបណ្ឌិត វង្ស ប៊ុនឥន្ទ្រាវុធ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ #អគ្គនាយកដ្ឋានរតនាគារជាតិ អមដោយថ្នាក់ដឹកនាំ និងមន្រ្តីជំនាញ បានចូលរួមកិច្ចប្រជុំគណៈកម្មការកែទម្រង់ការគ្រប់គ្រងហិរញ្ញវត្ថុសាធារណៈដើម្បីពិនិត្យ និង​ពិភាក្សាលើរបាយការណ៍សមិទ្ធកម្មប្រចាំត្រីមាសទី២ ឆ្នាំ២០២៦។ កិច្ចប្រជុំនេះដឹកនាំដោយឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ(តាមប្រព័ន្ធ Zoom Meeting)។

ទទួលបានព័ត៌មានថ្មីៗ អំពី អគ្គនាយកដ្ឋានរតនាគារជាតិ៖
👉 Telegram https://t.me/GDNTREASURY

នាព្រឹកថ្ងៃពុធ ៧រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៥ ខែសីហា ឆ្នាំ២០២៦ ឯកឧត្តម ម៉ិញ បានសុវណ្ណអាទិច្ច...
05/08/2026

នាព្រឹកថ្ងៃពុធ ៧រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៥ ខែសីហា ឆ្នាំ២០២៦ ឯកឧត្តម ម៉ិញ បានសុវណ្ណអាទិច្ចាសីលា អគ្គនាយករង តំណាងដ៏ខ្ពង់ខ្ពស់ឯកឧត្តមបណ្ឌិត វង្ស ប៊ុនឥន្ទ្រាវុធ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានរតនាគារជាតិនិង លោក ខៀវ ស៊ីណា ប្រធាននាយកដ្ឋានគោលការណ៍គណនេយ្យនិងវិភាគការអនុវត្តថវិកា ព្រមទាំងមន្ត្រីជំនាញ បានទទួលជួបប្រជុំជាមួយក្រុមបេសកកម្មរបស់មូលនិធិរូបិយវត្ថុអន្តរជាតិ (IMF) ដឹកនាំដោយលោកស្រី Sha Wen ទីប្រឹក្សារតនាគារប្រចាំតំបន់អាស៊ីអាគ្នេយ៍នៃមូលនិធិរូបិយវត្ថុអន្តរជាតិ និងលោកបណ្ឌិត Frans ជំនាញការIMF ដើម្បីពិភាក្សាអំពីភាពខុសគ្នារវាងគណនេយ្យថវិកានិងគណនេយ្យទូទៅ (IPSAS) តួលេខបំណុល និងការងារផ្សេងៗទៀតពាក់ព័ន្ធគណនីទោលរតនាគារ តាមរយៈប្រព័ន្ធអនឡាញ។
ទទួលបានព័ត៌មានថ្មីៗ អំពី អគ្គនាយកដ្ឋានរតនាគារជាតិ៖
👉 Telegram https://t.me/GDNTREASURY

រសៀលថ្ងៃអង្គារ ៦រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែសីហា ឆ្នាំ២០២៦ ឯកឧត្តមបណ្ឌិត វង្ស ប៊ុ...
04/08/2026

រសៀលថ្ងៃអង្គារ ៦រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែសីហា ឆ្នាំ២០២៦ ឯកឧត្តមបណ្ឌិត វង្ស ប៊ុនឥន្ទ្រាវុធ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ #អគ្គនាយកដ្ឋានរតនាគារជាតិ បានដឹកនាំកិច្ចប្រជុំបូកសរុបការងារកែទម្រង់ការគ្រប់គ្រងហិរញ្ញវត្ថុសាធារណៈ (PFM) របស់អគ្គនាយកដ្ឋានរតនាគារជាតិ ប្រចាំខែកក្កដា ឆ្នាំ២០២៦ ដោយមានការចូលរួមពីឯកឧត្តម លោកជំទាវ លោក លោកស្រី ថ្នាក់ដឹកនាំ មន្ត្រីពាក់ព័ន្ធនៃអគ្គនាយកដ្ឋានរតនាគារជាតិ និងតំណាងអគ្គលេខាធិការដ្ឋាន គណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ នៃក្រសួងសេដ្ឋកិច្ច និងហិរញ្ញវត្ថុ (តាមកម្មវិធី Zoom Meeting)។

ទទួលបានព័ត៌មានថ្មីៗ អំពី អគ្គនាយកដ្ឋានរតនាគារជាតិ៖
👉 Telegram https://t.me/GDNTREASURY

ព្រឹកថ្ងៃអង្គារ ៦រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែសីហា ឆ្នាំ២០២៦ #អគ្គនាយកដ្ឋានរតនាគា...
04/08/2026

ព្រឹកថ្ងៃអង្គារ ៦រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែសីហា ឆ្នាំ២០២៦ #អគ្គនាយកដ្ឋានរតនាគារជាតិ បានរៀបចំកិច្ចប្រជុំបូកសរុបការងាររបស់រតនាគារទូទាំងប្រទេសប្រចាំខែកក្កដា ឆ្នាំ២០២៦ ក្រោមអធិបតីភាពឯកឧត្តមបណ្ឌិត ជូ គឹមឡេង រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ តំណាងដ៏ខ្ពង់ខ្ពស់របស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ ដោយមានការចូលរួមពី ឯកឧត្តម លោកជំទាវ លោក លោកស្រី ថ្នាក់ដឹកនាំ មន្រ្តីពាក់ព័ន្ធនៃអគ្គនាយកដ្ឋានរតនាគារជាតិ អគ្គនាយកដ្ឋានពាក់ព័ន្ធនៃក្រសួងសេដ្ឋកិច្ចនិងហិរញ្ញវត្ថុ (តាមកម្មវិធីMeeting Zoom)៕

ទទួលបានព័ត៌មានថ្មីៗ អំពី អគ្គនាយកដ្ឋានរតនាគារជាតិ៖
👉 Telegram https://t.me/GDNTREASURY

រសៀលថ្ងៃចន្ទ ៥រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែសីហា ឆ្នាំ២០២៦ ឯកឧត្តម មុិញ បានសុវណ្ណអា...
03/08/2026

រសៀលថ្ងៃចន្ទ ៥រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែសីហា ឆ្នាំ២០២៦ ឯកឧត្តម មុិញ បានសុវណ្ណអាទិច្ចាសីលា អគ្គនាយករង តំណាងដ៏ខ្ពង់ខ្ពស់ឯកឧត្តមបណ្ឌិត វង្ស ប៊ុនឥន្ទ្រាវុធ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ #អគ្គនាយកដ្ឋានរតនាគារជាតិ និងមន្រ្តីជំនាញ បានដឹកនាំកិច្ចប្រជុំជាមួយប្រតិភូធនាគារអភិវឌ្ឍន៍អាស៊ី ដែលដឹកនាំដោយលោកស្រី Katrina M. Fano ស្តីពីវឌ្ឍនភាពនិងផែនការធ្វើសមាហរណកម្មទិន្នន័យហិរញ្ញប្បទានទៅក្នុងប្រព័ន្ធ FMIS។ កិច្ចប្រជុំនេះមានតំណាងចូលរួមពីអគ្គនាយកដ្ឋានបច្ចេកវិទ្យាព័ត៌មានគ្រប់គ្រងហិរញ្ញវត្ថុសាធារណៈ ដែលមានអ្នកចូលរួមសរុបប្រមាណ ១០ រូប។

ទទួលបានព័ត៌មានថ្មីៗ អំពី អគ្គនាយកដ្ឋានរតនាគារជាតិ៖
👉 Telegram https://t.me/GDNTREASURY

សេចក្តីជូនដំណឹងស្តីពីការបើកផ្តល់ប្រាក់បៀវត្សមន្រ្តីរាជការ គិតត្រឹមថ្ងៃទី៣០ ខែកក្កដាឆ្នាំ២០២៦៖អគ្គនាយកដ្ឋានរតនាគារជាតិ បា...
30/07/2026

សេចក្តីជូនដំណឹងស្តីពីការបើកផ្តល់ប្រាក់បៀវត្សមន្រ្តីរាជការ គិតត្រឹមថ្ងៃទី៣០ ខែកក្កដាឆ្នាំ២០២៦៖

អគ្គនាយកដ្ឋានរតនាគារជាតិ បានបញ្ចប់ការផ្ទេរបៀវត្សខែកក្កដា ឆ្នាំ២០២៦ ចូលក្នុងគណនីផ្ទាល់របស់មន្រ្តីរាជការម្នាក់ៗ របស់គ្រប់រដ្ឋបាលថ្នាក់ជាតិ និងរដ្ឋបាលថ្នាក់ក្រោមជាតិ រួចរាល់ទាំងស្រុង។

ក្នុងករណី ក្រោយ១ថ្ងៃ ឬយ៉ាងយូរ២ថ្ងៃ នៃថ្ងៃធ្វើការ បន្ទាប់ពីការជូនដំណឹងនេះ ឯកឧត្តម លោកជំទាវ លោក លោកស្រី អ្នកនាងកញ្ញា មន្ត្រីរាជការនៅមិនទាន់ឃើញសាច់ប្រាក់នៅក្នុងគណនីធនាគាររបស់ខ្លួន សូមមេត្តាទំនាក់ទំនងដោយផ្ទាល់ទៅភ្នាក់ងារបើកផ្តល់របស់អង្គភាពសាមី ឬធនាគារពាណិជ្ជដៃគូ។

សូមអរគុណ!

ទទួលបានព័ត៌មានថ្មីៗ អំពី អគ្គនាយកដ្ឋានរតនាគារជាតិ៖
👉 Telegram https://t.me/GDNTREASURY

#រតនាគារខេត្តព្រះសីហនុ​នាព្រឹកថ្ងៃទី២៩​ ខែកក្កដា​ ឆ្នាំ២០២៦​ រតនាគារខេត្តព្រះសីហនុ បានចាត់តំណាងទៅធ្វើជាគ្រូបង្គោល ក្នុង...
29/07/2026

#រតនាគារខេត្តព្រះសីហនុ​
នាព្រឹកថ្ងៃទី២៩​ ខែកក្កដា​ ឆ្នាំ២០២៦​ រតនាគារខេត្តព្រះសីហនុ បានចាត់តំណាងទៅធ្វើជាគ្រូបង្គោល ក្នុងវគ្គបណ្តុះបណ្តាលស្ដីពីការបញ្ចូលទិន្នន័យក្នុងប្រព័ន្ធតាមដានថវិការដ្ឋបាលឃុំសង្កាត់ ក្នុងស្រុកស្ទឹងហាវ និងផ្សព្វផ្សាយសេចក្តីណែនាំលេខ ៧២២១ ស្តីពីការកំណត់មាតិកាថវិកា និងលិខិតយុត្តិការចំណាយសម្រាប់ទូទាត់ថវិកាសេវាសង្គម និងអនាម័យបរិស្ថាន ជូនដល់ចៅសង្កាត់ ស្មៀន និងជំនួយការហិរញ្ញវត្ថុ ដែលប្រព្រឹត្តិទៅនៅទីតាំងសាលប្រជុំសាលាស្រុកស្ទឹងហាវ។
ទទួលបានព័ត៌មានថ្មីៗ អំពី អគ្គនាយកដ្ឋានរតនាគារជាតិ៖
👉 Telegram https://t.me/GDNTREASURY

នារព្រឹកថ្ងៃសុក្រ ១០កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៤ ខែ កក្កដា ឆ្នាំ២០២៦ ក្រុមការងារបច្ចេកទេ...
24/07/2026

នារព្រឹកថ្ងៃសុក្រ ១០កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៤ ខែ កក្កដា ឆ្នាំ២០២៦ ក្រុមការងារបច្ចេកទេសដើម្បីសម្រួលនីតិវិធីកត់ត្រាចំណូលមិនមែនសារពើពន្ធ (ក.ម.ព) បានរៀបចំសិក្ខាសាលាផ្សព្វផ្សាយស្តីពីការដាក់ឱ្យអនុវត្តការបង់ចំណូលមិនមែនសារពើពន្ធ តាមប្រព័ន្ធទូទាត់អេឡិចត្រូនិក (e-Payment) ជំហានទី៦ នៅរដ្ឋបាលក្រុង ស្រុក ខណ្ឌ ក្រោមអធិបតីភាព ឯកឧត្តម នេត មុន្នី រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ តំណាងដ៏ខ្ពង់ខ្ពស់របស់ឯកឧត្តមអគ្គបណ្ឌិតសភាចារ្យឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ដោយមានការចូលរួមដោយផ្ទាល់ពីក្រុមការងារបច្ចេកទេសដើម្បីសម្រួលនីតិវិធីកត់ត្រាចំណូលមិនមែន (ក.ម.ព) និងអនុក្រុមការងារ ក.ម.ព,តំណាងអគ្គនាយកដ្ឋានរដ្ឋបាល និងអគ្គនាយកដ្ឋានភស្តុភារនិងហិរញ្ញវត្ថុនៃក្រសួងមហាផ្ទៃ, តំណាងធនាគារពាណិជ្ជដៃគូ( អេស៊ីដា ភិអ៊ិលស៊ី, ធនាគារ កាណាឌីយ៉ា ក.អ និង ធនាគារ វឌ្ឍៈអាស៊ី ចំកាត់), និងមន្ត្រីជំនាញតំណាងរដ្ឋបាលក្រុង ស្រុក ខណ្ឌ ទូទាំងប្រទេស សរុបចំនួន ប្រមាណ៣០០នាក់ និងអ្នកចូលរួមតាមប្រព័ន្ធអនឡាញ រួមមាន តំណាងថ្នាក់ដឹកនាំ និងមន្រី្តពាក់ព័ន្ធ នៃរដ្ឋបាលក្រុង ស្រុក ខណ្ឌ
តំណាងអគ្គលេខាធិការដ្ឋានគណៈកម្មាធិការដឹកនាំការងារកំណែទម្រង់ការគ្រប់គ្រងហិរញ្ញវត្ថសារធារណៈ, ធនាគារពាណិជ្ជដៃគូ ព្រមទាំងរតនាគាររាជធានី ខេត្ត សរុបចំនួនប្រមាណ ៥០០នាក់។

ទទួលបានព័ត៌មានថ្មីៗ អំពី អគ្គនាយកដ្ឋានរតនាគារជាតិ៖
👉 Telegram https://t.me/GDNTREASURY

នាព្រឹកថ្ងៃសុក្រ ១០កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៤ ខែកក្កដា ឆ្នាំ២០២៦ ឯកឧត្តមបណ្ឌិត វង...
24/07/2026

នាព្រឹកថ្ងៃសុក្រ ១០កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៤ ខែកក្កដា ឆ្នាំ២០២៦ ឯកឧត្តមបណ្ឌិត វង្ស ប៊ុនឥន្ទ្រាវុធ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ #អគ្គនាយកដ្ឋានរតនាគារជាតិ អមដោយថ្នាក់ដឹកនាំ និងមន្ត្រីជំនាញ បានចូលរួមកិច្ចប្រជុំពិភាក្សាលើកទី៤ លើសេចក្ដីព្រាងអត្ថបទកំណត់បង្ហាញ សេចក្ដីថ្លែងហេតុនិងសេចក្ដីព្រាងច្បាប់ស្ដីពីការទូទាត់ថវិកាទូទៅរបស់រដ្ឋសម្រាប់ការគ្រប់គ្រងឆ្នាំ២០២៥។ កិច្ចប្រជុំនេះដឹកនាំដោយឯកឧត្តមបណ្ឌិត ជូ គឹមឡេង រដ្ឋលេខាធិការ និងជាប្រធានក្រុមការងារ ក ច ទ ដោយមានការចូលរួមពីតំណាងមកពីអគ្គនាយកដ្ឋានពាក់ព័ន្ធនៃក្រសួងសេដ្ឋកិច្ចនិងហិរញ្ញវត្ថុ សរុបប្រមាណចំនួន១៣០រូប (តាមរយៈប្រព័ន្ធវីដេអូពីចម្ងាយ Zoom)។

ទទួលបានព័ត៌មានថ្មីៗ អំពី អគ្គនាយកដ្ឋានរតនាគារជាតិ៖
👉 Telegram https://t.me/GDNTREASURY

#រតនាគារខេត្តកំពង់ធំ នៅថ្ងៃទី២៤ ខែកក្កដា ឆ្នាំ២០២៦ បានចាត់តំណាងទៅចូលរួមធ្វើបទបង្ហាញ ក្នុងវគ្គបណ្តុះបណ្តាល ស្តីពី "ការប្...
24/07/2026

#រតនាគារខេត្តកំពង់ធំ នៅថ្ងៃទី២៤ ខែកក្កដា ឆ្នាំ២០២៦ បានចាត់តំណាងទៅចូលរួមធ្វើបទបង្ហាញ ក្នុងវគ្គបណ្តុះបណ្តាល ស្តីពី "ការប្រើប្រាស់ថវិកាសេវាសង្គម និងអនាម័យបរិស្ថាន" ជូនដល់ក្រុមប្រឹក្សាស្រុក ក្រុមប្រឹក្សាឃុំ និងជំនួយការហិរញ្ញវត្ថុឃុំ នៅរដ្ឋបាលស្រុកតាំងគោក ដោយមានអ្នកចូលរួមសរុបចំនួន៩០នាក់។

ទទួលបានព័ត៌មានថ្មីៗ អំពី អគ្គនាយកដ្ឋានរតនាគារជាតិ៖
👉 Telegram https://t.me/GDNTREASURY

Address

19, 106 Preah Mohaksat Treiyani Kossamak
Phnom Penh

Opening Hours

Monday 07:30 - 11:30
14:00 - 17:30
Tuesday 07:30 - 11:30
14:00 - 17:30
Wednesday 07:30 - 11:30
14:00 - 17:30
Thursday 07:30 - 11:30
14:00 - 17:30
Friday 07:30 - 11:30
14:00 - 17:30

Telephone

0973338505

Website

Alerts

Be the first to know and let us send you an email when អគ្គនាយកដ្ឋានរតនាគារជាតិ - General Department of National Treasury posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to អគ្គនាយកដ្ឋានរតនាគារជាតិ - General Department of National Treasury:

Shortcuts

Share

Category