H.E. DY PANHA-Deputy Secretary General, Vimeanrath Chamcar Mon, Preah Norodom Boulevard, Phnom Penh (2026)

07/08/2026

ថ្ងៃសុក្រ ៩រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ថ្ងៃទី៧ ខែសីហា ឆ្នាំ២០២៦
ឯកឧត្តម ឌី បញ្ញា អគ្គលេខាធិការរងព្រឹទ្ធសភា ដឹកនាំក្រុមយុវជន សសយក ព្រឹទ្ធសភា ចូលរួមទស្សនៈកិច្ច សមិទ្ធផល ហេដ្ឋារចនាសម្ព័ន្ធ និងប្រវត្តិ ការកកើត សាងសង ព្រមទាំងស្នាដៃ នៃវិមានឈ្នះឈ្នះ។ ឯកឧត្តម ឌី បញ្ញា បានមានប្រសាសន៏ប្រាប់ក្រុមយុវជន សសយក ព្រឹទ្ធសភា ដោយមានការខិតខំតស៊ូ មិនរារែក របស់សម្តេចអគ្គសេនាបតីតេជោ បង្កើតស្មារតីរំដោះជាតិពីប៉ុល ពត ទើបកម្ពុជាឈានតំណើរ នឹងការអភិវឌ្ឍន៍រីកចម្រើនមកទាល់សព្វថ្ងៃ។

#វិមានឈ្នះឈ្នះ

#នយោបាយឈ្នះឈ្នះ

#សន្តិភាពកម្ពុជា

07/08/2026

ឯកឧត្តមបណ្ឌិត ធន់ វឌ្ឍនា កោតសរសើរ និងលើកទឹកចិត្តអាជ្ញាធរខណ្ឌ៧មករា ក្នុងការរៀបចំសេដ្ឋកិច្ចឌឿងហែម
=======
ក្នុងពិធីសំណេះសំណាលជាមួយក្រុមប្រឹក្សាសង្កាត់នៃខណ្ឌ៧មករា នាថ្ងៃទី៦ ខែសីហា ឆ្នាំ២០២៦ នៅវិមានព្រឹទ្ធសភា ឯកឧត្តមបណ្ឌិត ធន់ វឌ្ឍនា អនុប្រធានទី២ នៃព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី១ (រាជធានីភ្នំពេញ) បានសម្តែងនូវការកោតសរសើរចំពោះអាជ្ញាធរខណ្ឌ៧មករា ដែលមានគំនិតច្នៃប្រឌិតក្នុងការរៀបចំសេដ្ឋកិច្ចឌឿងហែម ដោយរួមមានទាំងការលក់ដូរម្ហូបអាហារមានរសជាតិឆ្ងាញ់ អនាម័យល្អ និងមានតម្លៃសមរម្យ។

ឯកឧត្តមបណ្ឌិត បានជំរុញឱ្យអាជ្ញាធរមូលដ្ឋានបន្តធានាសុវត្ថិភាពនិងភាពសុខសាន្តជូនប្រជាពលរដ្ឋ ព្រមទាំងគ្រប់គ្រងការសាងសង់ និងហេដ្ឋារចនាសម្ព័ន្ធឱ្យមានសណ្តាប់ធ្នាប់ត្រឹមត្រូវ ជាពិសេសរួមគ្នាកម្ចាត់បទល្មើសឆបោកតាមប្រព័ន្ធអនឡាញ (Online Scams) ឱ្យបានជាអតិបរមា។

ជាមួយគ្នានោះ ឯកឧត្តមបណ្ឌិត បានណែនាំដល់អាជ្ញាធរពាក់ព័ន្ធឱ្យបន្តបង្កើនប្រសិទ្ធភាពនៃការផ្តល់សេវាសាធារណៈជូនប្រជាពលរដ្ឋ ព្រមទាំងជំរុញការផ្សព្វផ្សាយ និងសម្រួលដល់ដំណើរការពិនិត្យបញ្ជីឈ្មោះ និងការចុះឈ្មោះបោះឆ្នោត ដើម្បីធានាថាប្រជាពលរដ្ឋគ្រប់រូបបានប្រើប្រាស់សិទ្ធិបោះឆ្នោតយ៉ាងទូលំទូលាយ។

03/08/2026

ឯកឧត្តម ឌី បញ្ញា អគ្គលេខាធិការរង ព្រឹទ្ធសភា ផ្ញេីសារលិខិតជូនពរ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសដ៏មហានក្ខត្តឫក្សឧត្តុង្គឧត្តម ប្រកបដោយសេចក្តីសោមនស្សរីករាយ នៃពិធីចម្រើនជន្មាយុ សម្តេចតេជោ គម្រប់ ៧៤ឆ្នាំ ឈានចូល ៧៥ឆ្នាំ ដែលនឹងប្រព្រឹត្តទៅនៅថ្ងៃពុធ ៧រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៥ ខែសីហា ឆ្នាំ២០២៦ ខាងមុខនេះ។

#អរគុណសន្តិភាព #អរគណសម្ដេចតេជោ #អរគុណបងប្អូនទាំងអស់គ្នា #ហ៊ុនសែន

03/08/2026

ព្រឹកថ្ងៃច័ន្ទ ទី៣ ខែសីហា ឆ្នាំ ២០២៦ ឯកឧត្តម ឌី បញ្ញា អញ្ជើញចូលរួមកម្មវិធីចូលរួមសិក្ខាសាលា ស្តីពី "ស្ថានភាពសេដ្ឋកិច្ចកម្ពុជា និងមាគ៌ាឆ្ពោះទៅឆ្នាំ២០៥០" នៅសាលអាហារភិរម្យ វិមានសាមគ្គីភាព។

#អរគុណបងប្អូនទាំងអស់គ្នា #អរគណសម្ដេចតេជោ

02/08/2026

ឯកឧត្តម អ៊ុច បូររិទ្ធ ដឹកនាំកម្មវិធីប្រគេនទៀនព្រះវស្សាដល់វត្តចំនួន ៥២ និងចុះសួរសុខទុក្ខគ្រួសារយុទ្ធជនពលី និងអតីតសមាជិកក្រុមប្រឹក្សាឃុំ-សង្កាត់ចូលនិវត្តន៍ នៅស្រុកស្ទឹងត្រង់សរុបចំនួន ៤៦គ្រួសារ
==============
កំពង់ចាម៖ នៅព្រឹកថ្ងៃទី២ ខែសីហា ឆ្នាំ២០២៦ ឯកឧត្តម អ៊ុច បូររិទ្ធ អនុប្រធានទី១ព្រឹទ្ធសភា និងជាតំណាងដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា បានដឹកនាំគណៈប្រតិភូដង្ហែ និងប្រគេនទៀនចំណាំព្រះវស្សា ព្រមទាំងទេយ្យទានជូនព្រះសង្ឃនៅវត្តចំនួន ៥២វត្ត ស្ថិតក្នុងស្រុកស្ទឹងត្រង់ ខេត្តកំពង់ចាម។
បន្ទាប់ពីពិធីប្រគេនទៀនព្រះវស្សា ឯកឧត្តម អ៊ុច បូររិទ្ធ បានអញ្ជើញសំណេះសំណាលសាកសួរសុខទុក្ខ និងនាំយកអំណោយជាសម្ភារៈប្រើប្រាស់ ព្រមទាំងថវិកា ប្រគល់ជូនគ្រួសារវីរយុទ្ធជនដែលបានពលី ដើម្បីសម្តែងនូវការដឹងគុណយ៉ាងជ្រាលជ្រៅចំពោះការលះបង់ដ៏ឧត្តុង្គឧត្តម ដើម្បីជាតិមាតុភូមិ ព្រមទាំងជូនដល់អតីតសមាជិកក្រុមប្រឹក្សាឃុំ-សង្កាត់ដែលបានចូលនិវត្តន៍ ដែលជាសាក្ខីភាពបង្ហាញពីការយកចិត្តទុកដាក់ និងការដឹងគុណចំពោះការចូលរួមបម្រើជាតិ និងសង្គមនាពេលកន្លងមក ។
ក្នុងឱកាសនោះ ឯកឧត្តមបានពាំនាំការផ្តាំផ្ញើសួរសុខទុក្ខពី សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ជូនដល់ប្រជាពលរដ្ឋទាំងអស់នៅក្នុងស្រុកស្ទឹងត្រង់ ដែលជាទឹកដីកំណើតរបស់សម្តេចអគ្គមហាសេនាបតីតេជោ ហ៊ុន សែន វីរបុរសជាតិ ដែលបានលះបង់អាយុជីវិត កម្លាំងកាយចិត្ត ដើម្បីរំដោះជាតិ និងកសាងប្រទេសជាតិរីកចម្រើនរហូតមកដល់បច្ចុប្បន្ន។
តាងនាមឱ្យសម្តេចអគ្គមហាសេនាបតីតេជោ ហ៊ុន សែន ឯកឧត្តមបានថ្លែងអំណរគុណយ៉ាងជ្រាលជ្រៅចំពោះបងប្អូនប្រជាពលរដ្ឋទាំងអស់នៅក្នុងស្រុកស្ទឹងត្រង់ ក៏ដូចជាប្រជាពលរដ្ឋទូទាំងខេត្តកំពង់ចាម ដែលបានសម្តែងនូវសាមគ្គីភាព ឯកភាពជាតិយ៉ាងរឹងមាំ រួមគ្នាជាធ្លុងមួយជាមួយប្រជាជនគ្រប់ស្រទាប់វណ្ណៈនៅទូទាំងប្រទេស ជុំវិញរាជរដ្ឋាភិបាល ក្នុងការតស៊ូមុះមុត និងមិនរាថយ ចំពោះសកម្មភាពឈ្លានពានរបស់កងទ័ពសៀមមកលើបូរណភាពទឹកដីនៃព្រះរាជាណាចក្រកម្ពុជា។
ឯកឧត្តម អ៊ុច បូររិទ្ធ បានបញ្ជាក់បន្ថែមថា ទោះស្ថិតក្នុងកាលៈទេសៈណាក៏ដោយ រាជរដ្ឋាភិបាល រដ្ឋសភា និងព្រឹទ្ធសភា តែងតែយកចិត្តទុកដាក់ចំពោះសុខទុក្ខ និងជីវភាពរស់នៅរបស់ប្រជាពលរដ្ឋជានិច្ច។
ឯកឧត្តមបានមានប្រសាសន៍ថា៖ «រាជរដ្ឋាភិបាល និងស្ថាប័ននីតិប្បញ្ញត្តិ ចាត់ទុកការគាំទ្រជីវភាពរស់នៅរបស់គ្រួសារយុទ្ធជនពលី និងអតីតយុទ្ធជន ជាអាទិភាពដ៏សំខាន់ ដើម្បីផ្តល់តម្លៃដ៏សក្តិសមចំពោះការលះបង់សាច់ស្រស់ ឈាមស្រស់ របស់វីរយុទ្ធជនក្នុងការការពារប្រទេសជាតិ»។
ជាមួយគ្នានេះ ឯកឧត្តមក៏បានអំពាវនាវឱ្យប្រជាពលរដ្ឋបន្តជឿជាក់ និងគាំទ្ររាជរដ្ឋាភិបាលក្នុងការការពារ អធិបតេយ្យភាព ឯករាជ្យ និងបូរណភាពទឹកដីនៃព្រះរាជាណាចក្រកម្ពុជា ព្រមទាំងបន្តរួមគ្នាថែរក្សាសន្តិភាព ដែលជាមូលដ្ឋានគ្រឹះសម្រាប់ការអភិវឌ្ឍប្រទេស និងការលើកកម្ពស់សុខុមាលភាពរបស់ប្រជាជន៕

#អរគុណសម្រាប់ការស្រលាញ់ពេញចិត្ត #អរគុណសម្រាប់ការគាំទ្រ #អរគុណសន្តិភាព

29/07/2026

គណៈកម្មាធិការអចិន្ត្រៃយ៍ព្រឹទ្ធសភា ប្រជុំពិនិត្យសម្រេចលើរបៀបវារៈចំនួន៦ ដើម្បីបើកកិច្ចប្រជុំវិសាមញ្ញ
=======
នាព្រឹកថ្ងៃពុធ ១៥កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែកក្កដា ឆ្នាំ២០២៦ ឯកឧត្តម អ៊ុច បូររិទ្ធ អនុប្រធានទី១ព្រឹទ្ធសភា បានអញ្ជើញជាអធិបតីដឹកនាំកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា នីតិកាលទី៥ ដើម្បីពិនិត្យ និងសម្រេចលើរបៀបវារៈសំខាន់ៗចំនួន៦ រួមមាន៖
១. ពិនិត្យ និងសម្រេចលើសំណើរបស់គណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន នៃព្រឹទ្ធសភា សុំដាក់សេចក្តីព្រាងច្បាប់ស្តីពី ការអនុម័តយល់ព្រមឱ្យព្រះរាជាណាចក្រកម្ពុជាចូលជារដ្ឋភាគីនៃអនុសញ្ញាស្តីពីប្រាតិភោគជាអន្តរជាតិចំពោះឧបករណ៍ចល័ត និងពិធីសារនៃអនុសញ្ញាស្តីពីប្រាតិភោគជាអន្តរជាតិចំពោះឧបករណ៍ចល័តពាក់ព័ន្ធនឹងករណីជាក់លាក់នៃឧបករណ៍អាកាសយាន ទៅក្នុងរបៀបវារៈកិច្ចប្រជុំព្រឹទ្ធសភាជាវិសាមញ្ញ នីតិកាលទី៥។
២. ពិនិត្យ និងសម្រេចលើសំណើរបស់គណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន នៃព្រឹទ្ធសភា សុំដាក់សេចក្តីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀងក្របខ័ណ្ឌអាស៊ានស្តីពីកិច្ចសម្រុះសម្រួលទទួលស្គាល់ទៅវិញទៅមក ទៅក្នុងរបៀបវារៈកិច្ចប្រជុំព្រឹទ្ធសភាជាវិសាមញ្ញ នីតិកាលទី៥។
៣. ពិនិត្យ និងសម្រេចលើសំណើរបស់គណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន នៃព្រឹទ្ធសភា សុំដាក់សេចក្តីព្រាងច្បាប់ស្តីពី ការអនុម័តយល់ព្រមលើកិច្ចសម្រុះសម្រួលទទួលស្គាល់ទៅវិញទៅមកតាមផ្នែកអាស៊ានសម្រាប់សម្ភារៈអគារ និងសំណង់ ទៅក្នុងរបៀបវារៈកិច្ចប្រជុំព្រឹទ្ធសភាជាវិសាមញ្ញ នីតិកាលទី៥។
៤. ពិនិត្យ និងសម្រេចលើសំណើរបស់គណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន នៃព្រឹទ្ធសភា សុំដាក់សេចក្តីព្រាងច្បាប់ស្តីពី ការអនុម័តយល់ព្រមលើកិច្ចសម្រុះសម្រួលទទួលស្គាល់ទៅវិញទៅមកអាស៊ានស្តីពី ប្រភេទអនុម័តបញ្ជាក់សម្រាប់ផលិតផលយានយន្ត ទៅក្នុងរបៀបវារៈកិច្ចប្រជុំព្រឹទ្ធសភាជាវិសាមញ្ញ នីតិកាលទី៥។
៥. កំណត់កាលបរិច្ឆេទ របៀបវារៈ និងសមាសភាពលេខាធិការសម្រាប់កិច្ចប្រជុំព្រឹទ្ធសភាជាវិសាមញ្ញ នីតិកាលទី៥។
៦. ផ្សេងៗ។
ជាលទ្ធផល គណៈកម្មាធិការអចិន្ត្រៃយ៍ព្រឹទ្ធសភា បានកំណត់យកព្រឹកថ្ងៃដដែល វេលាម៉ោង ៩:០០ នាទី នៅវិមានព្រឹទ្ធសភា បើកកិច្ចប្រជុំព្រឹទ្ធសភាជាវិសាមញ្ញ នីតិកាលទី៥ ដើម្បីពិនិត្យ និងឱ្យយោបល់លើសេចក្តីព្រាងច្បាប់ទាំង៤ខាងលើនេះ។

28/07/2026

រាជធានីភ្នំពេញ, នាព្រឹកថ្ងៃអង្គារ ១៤កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៨ ខែកក្កដា ឆ្នាំ២០២៦
===============
សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា អនុញ្ញាតឱ្យ លោក យ៉ូស៊ីហ៊ីសា កៃនូម៉ា (Yoshihisa KAINUMA) អគ្គនាយកប្រតិបត្តិនៃក្រុមហ៊ុន មីនេបៀមីត្យូមី Minebea Mitsumi Co., Ltd ចូលជួបសម្ដែងការគួរសម។

ជំនួបខាងលើនេះប្រព្រឹត្តទៅ នៅវិមានសាមគ្គីភាពនៃព្រឹទ្ធសភាជាតិ។

#ហ៊ុនសែន
#កម្ពុជា
#អរគុណសម្រាប់ការគាំទ្រ #អរគុណសន្តិភាព #អរគុណសម្រាប់ការស្រលាញ់ពេញចិត្ត

27/07/2026

នារសៀលថ្ងៃចន្ទ ១៣កើត ខែទុតិយាសាឍ ឆ្នាំមមី អដ្ឋស័ក ពុទ្ធស័ករាជ ២៥៧០ ត្រូវនឹងថ្ងៃទី២៧ ខែកក្កដា ឆ្នាំ២០២៦
============
ឯកឧត្តម ខេង សិទ្ធិគុណ អគ្គលេខាធិការស្តីទីព្រឹទ្ធសភា តំណាងដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា អមដំណើរដោយថ្នាក់ដឹកនាំអគ្គលេខាធិការដ្ឋានព្រឹទ្ធសភា បានអញ្ជើញនាំយកដង្វាយរបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ថ្វាយសម្តេចព្រះមហាក្សត្រី ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត ក្នុងឱកាសចម្រើនព្រះជន្មាយុគម្រប់ ៩០ព្រះវស្សា យាងចូល៩១ ព្រះវស្សា។

#អរគុណសម្រាប់ការគាំទ្រនិងជឿជាក់ #អរគុណសម្រាប់ការស្រលាញ់ពេញចិត្ត #អរគុណសន្តិភាព

24/07/2026

កាលពីរសៀលថ្ងៃព្រហស្បតិ៍ ៩កើត ខែទុតិយាសាឍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី២៣ ខែកក្កដា ឆ្នាំ២០២៦ វេលាម៉ោង ៣:០០នាទីរសៀល។
===========
ឯកឧត្តម ខេង សិទ្ធិគុណ អនុប្រធានគណៈកម្មាធិការគណបក្សអគ្គលេខាធិការដ្ឋានព្រឹទ្ធសភា តំណាងដ៏ខ្ពង់ខ្ពស់ឯកឧត្តម ឡាយ សំកុល បានអញ្ជើញថ្លែងសុន្ទរកថាបើកកម្មវិធីបទបង្ហាញស្តីពី "ការស្វែងយល់អំពីផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧" ជូនសមាជិក សមាជិកា យុវជនគណបក្សអគ្គលេខាធិការដ្ឋានព្រឹទ្ធសភា ក្រោមអធិបតីភាព ឯកឧត្ដម យស ផានីត្តា ប្រធានផ្នែកបណ្តុះបណ្តាល នៃយុវជនគណបក្សថ្នាក់កណ្ដាល នៅវិមាន៧មករា។

ក្នុងកម្មវិធីធ្វើបទបង្ហាញខាងលើ ក៏មានការពិភាក្សា និងចោទសួរនូវសំណួរ ចម្លើយមួយចំនួនរវាងយុវជន និងវាគ្មិនយ៉ាងផុសផុល។ ជាលទ្ធផលនៃបទបង្ហាញនេះ យុវជនបានជ្រួតជ្រាបកាន់តែច្បាស់អំពីផែនការរួមរបស់គណបក្ស ដើម្បីត្រៀមខ្លួនក្នុងការចូលរួមជាមួយថ្នាក់ដឹកនាំគណៈកម្មាធិការគណបក្ស អពស ដើម្បីដណ្តើមភាពឈ្នះក្នុងការបោះឆ្នោតនាឆ្នាំ២០២៧ខាងមុខនេះ។

#អរគុណសន្តិភាព #អរគុុណសម្ដេចតេជោ #អរគុណសម្រាប់ការគាំទ្រ #អរគុណសម្រាប់ការស្រលាញ់ពេញចិត្ត

22/07/2026

រាជធានីភ្នំពេញ, នាព្រឹកថ្ងៃពុធ ៨កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២២ ខែកក្កដា ឆ្នាំ២០២៦

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា អនុញ្ញាតឱ្យ លោក ថូម៉ាស់ អេនឌ្រូ (Thomas Andrews) អ្នករាយការណ៍ពិសេស អ.ស.ប.ទទួលបន្ទុកស្ថានភាពសិទ្ធិមនុស្សនៅកម្ពុជា ចូលជួបសម្ដែងការគួរសម។

ជំនួបខាងលើនេះប្រព្រឹត្តទៅ នៅវិមានសាមគ្គីភាព នៃព្រឹទ្ធសភាជាតិ។

#ហ៊ុនសែន
#កម្ពុជា
#អរគុណសម្រាប់ការស្រលាញ់ពេញចិត្ត #អរគុណសម្រាប់ការគាំទ្រ #អរគុណសន្តិភាព

H.E. DY PANHA-Deputy Secretary General

07/08/2026

07/08/2026

03/08/2026

03/08/2026

02/08/2026

29/07/2026

28/07/2026

27/07/2026

24/07/2026

22/07/2026

Address

Website

Alerts

Shortcuts

Share

Category