ក្រង់ ស៉ីថាវី - Krang Sithavy

19/08/2026

រសៀលថ្ងៃពុធ ៦កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៩ ខែសីហា ឆ្នាំ២០២៦

នាងខ្ញុំ បានចូលរួមវេទិកាសាធារណៈ ដើម្បីសិក្សាស្វែងយល់ពីកង្វល់ និងសំណូមពរពីប្រជាពលរដ្ឋ រៀបចំដោយ: ក្រសួងអធិការកិច្ច សហការជាមួយអាជ្ញាធរមូលដ្ឋានស្រុកប្រាសាទបាគង ។

វេទិកានេះបានរៀបចំឡើងនៅសាលាស្រុកប្រាសាទបាគង ខេត្តសៀមរាប។

19/08/2026

នាព្រឹកថ្ងៃពុធ ៦កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៩ ខែសីហា ឆ្នាំ២០២៦

នាងខ្ញុំ បានចូលរួមកិច្ចប្រជុំស្តីពី ការពិនិត្យ ពិភាក្សាអំពីការត្រៀមបម្រុង និងការគ្រប់គ្រងទឹកសម្រាប់ប្រើប្រាស់ប្រចាំថ្ងៃ និងស្រោចស្រពក្នុងវិស័យកសិកម្ម ដែលអាចជួបប្រទះនឹងបញ្ហាគ្រោះរាំងស្ងួត ដោយសារឥទ្ធិពលអែលនីញ៉ូ (El Nino) នៅចុងឆ្នាំ២០២៦ និងដើមឆ្នាំ២០២៧ ខាងមុខ ។
នៅសាលប្រជុំធំ នៃរដ្ឋបាលខេត្តសៀមរាប។

18/08/2026

ថ្ងៃអង្គារ ៥កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៨ ខែសីហា ឆ្នាំ២០២៦

នាងខ្ញុំ បានចូលរួមវេទិកាស្តីពីការអនុវត្តសាកល្បងកិច្ចសន្ទនារវាងក្រុមប្រឹក្សាខេត្ត គណៈអភិបាលខេត្ត ជាមួយតំណាងយុវជនឃុំ សង្កាត់។ លើលទ្ធផលនៃការអនុវត្តសំណើគម្រោង ដើម្បីដោះស្រាយបញ្ហានៅមូលដ្ឋាន ។

វេទិកានេះបានរៀបចំឡើងនៅបន្ទប់ប្រជុំលេខ១ នៃរដ្ឋបាលខេត្តសៀមរាប។

15/08/2026

12/08/2026

ថ្ងៃពុធ ១៤រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១២ ខែសីហា ឆ្នាំ២០២៦

នាងខ្ញុំ បានចូលរួមកិច្ចពិភាក្សាស្តីពីការអនុវត្តមុខងាររបស់រដ្ឋបាលថ្នាក់ក្រោមជាតិ ក្នុងការផ្តល់សេវាគាំពារសង្គមដែលមានភាពធន់នឹងការប្រែប្រួលអាកាសធាតុ និងឆ្លើយតបនឹងយេនឌ័រ។

កិច្ចពិភាក្សានេះបានរៀបចំឡើងនៅបន្ទប់ប្រជុំលេខ២ នៃរដ្ឋបាលខេត្តសៀមរាប។

11/08/2026

ថ្ងៃអង្គារ ១៣រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១២ ខែសីហា ឆ្នាំ២០២៦

លោកស្រី ក្រង់ ស៊ីថាវី ប្រធានទទួលបន្ទុកមណ្ឌលសាលាបឋមសិក្សាខ្នារ ថ្ងៃនេះគឺជាថ្ងៃបញ្ចប់នៃដំណើរការប្រឡងសញ្ញាបត្រមធ្យមសិក្សាទុតិយភូមិ​ ដំណើរការនៃការបំពេញភារកិច្ចរបស់ក្រុមការងារទាំងអស់ គឺធានារក្សាបាននូវសណ្តាប់ធ្នាប់ អនាម័យ បរិស្ថានស្អាត ជាពិសេសការយកចិត្តទុកដាក់លើការសម្របសម្រួលចំណតកង់-ម៉ូតូសម្រាប់បេក្ខជនប្រឡងប្រព្រឹត្តិទៅដោយរលូន ដោយពុំធ្វើឲ្យមានផលប៉ះពាល់ដល់ពេលវេលារបស់បេក្ខជន ឬមានការកកស្ទះចំពោះការរៀបចំយានជំនិះនោះទេ នេះសបញ្ជាក់ឲ្យឃើញពីស្មារតីយកចិត្តទុកដាក់របស់ថ្នាក់ដឹកនាំ ក៏ដូចជាការចូលរួមចំណែករបស់ បងៗ និងប្អូនៗក្រុមការងារស្ម័គ្រចិត្ត ក្នុងការងារសង្គម គ្រប់កាលៈទេសៈ និងគ្រប់ទីកន្លែង។

02/08/2026

សេចក្តីជូនដំណឹង
ស្តីពីការជួយសម្របសម្រួលទីកន្លែងចំណត កង់-ម៉ូតូ ដោយឥតគិតថ្លៃ សម្រាប់ប្អូនៗសិស្សានុសិស្សប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ១០ សីហា ២០២៦

សហភាពសហព័ន្ធយុវជនកម្ពុជា ខេត្តសៀមរាប មានកិត្តិយសសូមជម្រាបជូនដំណឹងដល់ មាតា បិតា អាណាព្យាបាល
និងប្អូនៗសិស្សានុសិស្សដែលត្រូវប្រឡងសញ្ញាបត្រមធ្យមសិក្សាទុតិយភូមិ ចំណេះដឹងទូទៅ និងបំពេញវិជ្ជា ដែលប្រព្រឹត្តទៅរយៈពេល ២ថ្ងៃ ចាប់ពីថ្ងៃទី១០-១១ ខែសីហា ឆ្នាំ២០២៦ ឱ្យបានជ្រាបថា៖ សហភាពសហព័ន្ធយុវជនកម្ពុជាខេត្តសៀមរាប បានសហការជាមួយរដ្ឋបាលខេត្តសៀមរាប មន្ទីរអប់រំ យុវជន និងកីឡា ខេត្តសៀមរាប និងកងកម្លាំងសមត្ថកិច្ច ក្នុងការរៀបចំសណ្តាប់ធ្នាប់យានជំនិះរបស់ បេក្ខជនជុំវិញមណ្ឌលប្រឡងនាពេលខាងមុខ ដោយរៀបចំទីកន្លែងចំណតសម្រាប់ផ្ញើកង់-ម៉ូតូ ដោយឥតគិតថ្លៃ សម្រាប់ជូនប្អូនៗ សិស្សានុសិស្សដែលត្រូវប្រឡង។

គួរបញ្ជាក់ផងដែរថាសម្រាប់ឆ្នាំ២០២៦នេះ ខេត្តសៀមរាបមានមណ្ឌលប្រឡងចំនួន ១៦មណ្ឌល រួមមាននៅក្នុងសេចក្ដីជូនដំណឹង៖

#សហភាពសហព័ន្ធយុវជនកម្ពុជា ខេត្តសៀមរាប
#សៀមរាបផ្ទះខ្ញុំ

29/07/2026

ថ្ងៃពុធ ១៥កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែកក្កដា ឆ្នាំ២០២៦

នាងខ្ញុំ បានចូលរួមកិច្ចប្រជុំស្តីពីការរៀបចំផែនការ ក្នុងការជួយសម្របសម្រួលសណ្តាប់ធ្នាប់យានជំនិះរបស់បេក្ខជនប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៦ និងការបន្តអនុវត្ត «យុទ្ធនាការពលរដ្ឋល្អ ក្នុងដំណើរការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៦» នៅតាមឃុំ សង្កាត់។

កិច្ចប្រជុំនេះបានរៀបចំឡើងនៅទីស្នាក់ការ ស.ស.យ.ក. ខេត្តសៀមរាប។

26/07/2026

ថ្ងៃអាទិត្យ ១២កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៦ ខែកក្កដា ឆ្នាំ២០២៦
លោកស្រី ក្រង់ ស៊ីថាវី ប្រធានមន្ទីរកិច្ចការនារីខេត្តសៀមរាប បានចូលរួម ពិធីបិទការប្រកួតបាល់ទាត់មហាជនខេត្តសៀមរាប ឆ្នាំ២០២៦ ក្រោមប្រធានបទ«ទាំងអស់គ្នាដើម្បីកីឡា កីឡាដើម្បីសុខភាព និងសាមគ្គីភាព» ។ នៅកីឡាដ្ឋានខេត្តសៀមរាប(ស្វាយធំ)។

23/07/2026

ថ្ងៃព្រហស្បតិ៍ ៩កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៣ ខែកក្កដា ឆ្នាំ២០២៦
លោកស្រី ក្រង់ ស៊ីថាវី ប្រធានមន្ទីរកិច្ចការនារីខេត្ត និងជាអនុប្រធានអចិន្រ្តៃយ៍ គ.ក.ស.ក នៃរដ្ឋបាលខេត្តសៀមរាប បានចូលរួមកិច្ចប្រជុំសាមញ្ញលើកទី២៥ របស់គណៈកម្មាធិកាពិគ្រោះយោបល់កិច្ចការស្រ្តី និងកុមារ «គ.ក.ស.ក» នៃរដ្ឋបាលខេត្ត អាណត្តិទី៤ ប្រចាំខែកក្កដា ឆ្នាំ២០២៦ នៅសាលប្រជុំលេខ១ សាលាខេត្តសៀមរាប។