https://www.facebook.com/1619701274992465/

WIN News, Phnom Penh (2026)

07/08/2026

BREAKING ៖ លទ្ធផលតេស្ត លោក សក្កដា គីមានសារធាតុគ្រឿងញៀន !

ប្រភព៖ News4Khmer

07/08/2026

DAP News៖ លោក សក្កដា បើកឡានថយក្រោយ បុកឡាន២គ្រឿង និង កិនម៉ូតូថែមទៀត បណ្តាលអោយក្មេងម្នាក់ស្លាប់ និងម្តាយរបួសកំពុងសង្គ្រោះនៅពេទ្យលោកសង្ឃ កើតហេតុនៅផ្លូវ598 ក្នុងសង្កាត់ ភ្នំពេញថ្មី ខណ្ឌសែនសុខ

Link live:
https://www.facebook.com/share/v/1HLMmQzYnc/?mibextid=wwXIfr

សារព័ត៌មាន ដើមអម្ពិល - ព័ត៌មានទាន់ហេតុការណ៍ដោយ សយ សុភាព 👉 https://t.me/daphotnews

07/08/2026

តាមរយៈរូបភាព៖ អាជ្ញាធរថៃកំពុងស៊ើបអង្កេតដើម្បីស្វែងយល់ពីមូលហេតុនៃហេតុការណ៍បាញ់ប្រហារនៅសាលារៀនមួយកន្លែងនៅជាយក្រុងបាងកក បន្ទាប់ពីក្មេងប្រុសអាយុ ១៤ ឆ្នាំម្នាក់បានបើកការបាញ់ប្រហារមកលើសិស្ស និងគ្រូបង្រៀន មុនពេលធ្វើអត្តឃាត។

ប្រភព៖ CNA ចុះនៅថ្ងៃទី០៧ ខែសីហា ឆ្នាំ២០២៦

07/08/2026

ខ្មាន់កាំភ្លើងអាយុ១៤ឆ្នាំនៅថៃ បាញ់សម្លាប់យាយតាខ្លួនឯងនៅផ្ទះ មុនបើកការបាញ់ប្រហារនៅសាលារៀន សម្លាប់មនុស្ស៦នាក់ទៀត ហើយធ្វើអត្តឃាត!

លោក ស៊ន សុភក្ត្រ-Sorn Sopheak

07/08/2026

UPDATE: ខ្មាន់កាំភ្លើងអាយុ១៤ឆ្នាំនៅថៃ បាញ់សម្លាប់យាយតាខ្លួនឯងនៅផ្ទះ មុនបើកការបាញ់ប្រហារនៅសាលារៀន សម្លាប់មនុស្ស៦នាក់ទៀត ហើយធ្វើអត្តឃាត

(បាងកក)៖ ប៉ូលិសនៃប្រទេសថៃ បានឱ្យដឹងថា នាថ្ងៃសុក្រនេះ ខ្មាន់កាំភ្លើងក្នុងករណីបាញ់ប្រហារនៅសាលារៀនមួយ ក្បែរទីក្រុងបាងកក គឺមុនពេលនោះ ថែមទាំងបានបាញ់សម្លាប់ជីដូននិងជីតារបស់ខ្លួនផងដែរ នាំឱ្យចំនួនជនរងគ្រោះសរុប ដែលត្រូវបានរូបគេបាញ់សម្លាប់ កើនដល់៨នាក់។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នាថ្ងៃសុក្រ ទី៧ ខែសីហា ឆ្នាំ២០២៦។

ប៉ូលិសថៃបាននិយាយថា ខ្មាន់កាំភ្លើងដែលជាសិស្សមានអាយុ១៤ឆ្នាំ បានបាញ់សម្លាប់តានិងយាយរបស់ខ្លួននៅផ្ទះ ដោយប្រើកាំភ្លើងរបស់តា។ បន្ទាប់មក ជននោះបានធ្វើសកម្មភាពបាញ់ប្រហារ នៅសាលារៀនស្ថិតក្នុងខេត្ត Nonthaburi ជាប់ភាគខាងជើងទីក្រុងបាងងកក បណ្តាលឱ្យគ្រូបង្រៀន៣នាក់ និងសិស្ស៣នាក់បាត់បង់ជីវិត។ រួចហើយ ខ្មាន់កាំភ្លើង ក៏បានបាញ់សម្លាប់ខ្លួនឯង។ ប៉ូលិសបានឱ្យដឹងថា ជននោះបានបាញ់សរុប២៦គ្រាប់ ហើយគ្រាប់កាំភ្លើង៣៤គ្រាប់ទៀត ត្រូវបានរកឃើញនៅកន្លែងកើតហេតុ។ មានមនុស្ស១៥នាក់ផ្សេងទៀត បានរងរបួស។

គួរបញ្ជាក់ថា កាលពីខែកុម្ភៈ ប៉ូលិសថៃ បានបាញ់ហើយឃាត់ខ្លួនក្មេងជំទង់ម្នាក់ បន្ទាប់ពីរូបគេបានធ្វើសកម្មភាពបាញ់ប្រហារ នៅឯសាលារៀន ក្នុងភាគខាងត្បូងប្រទេស បណ្តាលឱ្យនាយិកាសាលានោះ បាត់បង់ជីវិត និងរងរបួសសិស្ស២នាក់៕

ប្រភព៖ Fresh News ចុះនៅថ្ងៃទី០៧ ខែសីហា ឆ្នាំ២០២៦

07/08/2026

ការឆ្លងរាលដាលជំងឺអេបូឡានៅប្រទេសកុងហ្គោ បន្តកើនឡើងលើស៤០០០ករណី ក្នុងនោះស្លាប់១៨៥០នាក់

(គីនស្ហាសា)៖ ទិន្នន័យរដ្ឋាភិបាលនៃសាធារណរដ្ឋប្រជាធិបតេយ្យកុងហ្គោ បានបង្ហាញថា ករណីឆ្លងជំងឺអេបូឡា នៅក្នុងប្រទេសអាហ្រ្វិកមួយនេះ បានបន្តកើនឡើងលើស ៤០០០ករណីជាលើកដំបូង អំឡុងការផ្ទុះរីករាលដាលនាពេលបច្ចុប្បន្ន។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters នាថ្ងៃសុក្រ ទី៧ ខែសីហា ឆ្នាំ២០២៦។

ការរាតត្បាតអេបូឡាលើកនេះ ដែលធំបំផុតលំដាប់ទីពីររបស់ពិភពលោក ត្រូវបានចាត់ទុកជា ការរាលដាលយ៉ាងលឿនបំផុត មិនធ្លាប់មាន។ ក្រុមអ្នកជំនាញជឿថា ការឆ្លងបានចាប់ផ្តើមរីករាលដាលជាច្រើនខែ មុនពេលការផ្ទុះរាតត្បាត ត្រូវបានប្រកាសកាលពីថ្ងៃទី១៥ ខែឧសភា ហើយចំនួនករណីពិតជាក់ស្តែង អាចខ្ពស់ជាងតួលេខផ្លូវការទៅទៀត។

វិទ្យាស្ថានសុខភាពសាធារណៈនៃប្រទេសអាហ្វ្រិកកណ្តាលមួយនេះ បានឱ្យដឹងនៅក្នុងរបាយការណ៍ចុងក្រោយបង្អស់របស់ខ្លួនថា ចំនួនសរុបនៃការឆ្លង បានកើនដល់ ៤០៥៣ករណី រួមទាំងអ្នកស្លាប់១៨៥០នាក់។ ករណីនានា ត្រូវបានកត់ត្រានៅខេត្តចំនួន៥ ក្នុងប្រទេស រួមមាន Ituri, North Kivu, South Kivu, Haut-Uele និង Tshopo។

របាយការណ៍មួយ ដែលបានចេញផ្សាយនៅក្នុងទស្សនាវដ្តីវិទ្យាសាស្រ្ត Science កាលពីខែកក្កដា បានសន្និដ្ឋានថា ការផ្ទុះឡើងការឆ្លងជំងឺអេបូឡានៅកុងហ្គោ ទំនងជាបានចាប់ផ្តើម កាលពីក្នុងខែមករា ឬអាចមុននេះទៅទៀត នៅខេត្ត Ituri។ អ្នកស្រាវជ្រាវ បានកំណត់ឃើញករណីសង្ស័យជាង ៥០០ករណី រវាងពាក់កណ្តាលខែមករា និងថ្ងៃទី១៥ ខែឧសភា។

គួរបញ្ជាក់ថា ការរកឃើញយឺតយ៉ាវ កិច្ចប្រឹងប្រែងឃ្លាំមើលនិងរាយការណ៍ស្ថិតក្រោមសម្ពាធខ្លាំង បូករួមជាមួយជម្លោះយោធា កង្វះខាតវ៉ាក់សាំង និងវិធីព្យាបាល សម្រាប់អម្បូរវីរុសអេបូឡាដែលពាក់ព័ន្ធ បានអនុញ្ញាតឱ្យជំងឺនេះរីករាលដាល លឿនជាងកិច្ចខិតខំប្រឹងប្រែងទប់ស្កាត់ នៅលើកនេះ។

យ៉ាងណាមិញ រហូតមកដល់ឥឡូវ មានតែការរាតត្បាតនៅតំបន់អាហ្វ្រិកខាងលិច កាលពីឆ្នាំ២០១៤-២០១៦ ប៉ុណ្ណោះ ដែលធំជាងនេះ ជាមួយតួលេខឆ្លងសរុបជាង ២៨០០០ករណី ត្រូវបានកត់ត្រានៅទូទាំងប្រទេសហ្គីណេ លីបេរីយ៉ា និងសៀរ៉ាឡេអូន៕

ប្រភព៖ Fresh News ចុះនៅថ្ងៃទី០៧ ខែសីហា ឆ្នាំ២០២៦

07/08/2026

សម្តេចតេជោ ហ៊ុន សែន បង្ហាត់ចៅៗវាយកូនគោល

(ភ្នំពេញ)៖ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បង្ហោះរូបភាពច្រើនសន្លឹកជាមួយចៅៗលើទីលានវាលស្មៅដ៏ខៀវស្រងាត់។

សម្តេចតេជោ បានរំលេចសារថា សប្តាហ៍នៃថ្ងៃខួបកំណើតសម្តេចឆ្លៀតហាត់ប្រាណផង បង្ហាត់ចៅវាយកូនគោលផង។

សម្តេចតេជោ បន្ថែមថា ក្រៅពីបង្រៀនចៅពីការងារគ្រប់វិស័យដែលជាបទពិសោធន៍ជាង៥០ឆ្នាំ សម្តេចក៏អាចបង្រៀនចៅវាយកូនគោលបានដែរ។

សម្តេចតេជោ បានលើកឡើងទៀតថា បង្រៀនលើការងារប្រៀបដូចជាគ្រូក្រោយឧត្តមសិក្សា តែបើបង្រៀនវាយកូនគោលប្រៀបដូចគ្រូបឋមសិក្សា ព្រោះសម្តេចក៏វាយមិនបានល្អដែរ៕

ប្រភព៖ Fresh News ចុះនៅថ្ងៃទី០៧ ខែសីហា ឆ្នាំ២០២៦

07/08/2026

រដ្ឋមន្ត្រីការពារជាតិម៉ាឡេស៊ីប្ដេជ្ញាបន្តពង្រឹង និងពង្រីកកិច្ចសហប្រតិបត្តិការលើវិស័យការពារជាតិជាមួយកម្ពុជាឱ្យកាន់តែស៊ីជម្រៅថែមទៀត

នាព្រឹកថ្ងៃទី៧ ខែសីហា ឆ្នាំ២០២៦, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្ដម Dato’ Seri Mohamed Khaled bin Nordin រដ្ឋមន្ត្រីការពារជាតិម៉ាឡេស៊ី ជួបសម្តែងការគួរសម និងពិភាក្សាការងារ នៅវិមានសន្តិភាព។

ក្នុងឱកាសនៃជំនួបនេះ ឯកឧត្ដមរដ្ឋមន្ត្រីការពារជាតិម៉ាឡេស៊ី បានសម្ដែងនូវការវាយតម្លៃខ្ពស់ចំពោះទំនាក់ទំនង និងកិច្ចសហប្រតិបត្តិការដ៏ល្អប្រសើររវាងប្រទេសទាំងពីរ ដោយបានគូសបញ្ជាក់ថា កម្ពុជាគឺជាមិត្តដ៏ជិតស្និទ និងគួរឱ្យទុកចិត្ត។ ឯកឧត្ដមបានបន្តថា ដំណើរទស្សនកិច្ចរបស់ឯកឧត្តមនាពេលនេះ នឹងចូលរួមចំណែកកាន់តែសំខាន់ដល់ការពង្រឹងទំនាក់ទំនងទ្វេភាគី និងប្រែក្លាយការប្ដេជ្ញាចិត្តឱ្យទៅជាសកម្មភាពជាក់ស្ដែង សំដៅបន្តពូនជ្រំកិច្ចសហប្រតិបត្តិការម៉ាឡេស៊ី-កម្ពុជាឱ្យកាន់តែស៊ីជម្រៅ ជាពិសេសលើវិស័យការពារជាតិ។ បន្ថែមលើនេះ ឯកឧត្តមរដ្ឋមន្ត្រី បានជម្រាបជូនសម្ដេចធិបតីអំពីលទ្ធផលប្រកបដោយផ្លែផ្កា នៃកិច្ចប្រជុំទ្វេភាគីរវាងរដ្ឋមន្ត្រីក្រសួងការពារជាតិទាំងពីរ។ ទន្ទឹមគ្នានេះ ឯកឧត្ដមរដ្ឋមន្ត្រី ក៏បានបញ្ជាក់អំពីការប្តេជ្ញាចិត្តរបស់ម៉ាឡេស៊ី ក្នុងការបន្តផ្តល់វគ្គបណ្តុះបណ្តាលដល់កម្ពុជា និងពិនិត្យលទ្ធភាពស្វែងរកកិច្ចសហប្រតិបត្តិការ ដែលពាក់ព័ន្ធនឹងប្រតិបត្តិការរក្សាសន្តិភាព, ការឆ្លើយតបនឹងបញ្ហាសន្តិសុខមិនមែនប្រពៃណី, សន្តិសុខលំហសមុទ្រ និងការអភិវឌ្ឍសមត្ថភាពលើបច្ចេកវិទ្យាបញ្ញាសិប្បនិម្មិត (AI) ក្នុងវិស័យការពារជាតិ ជាដេីម។

ជាការឆ្លើយតប សម្ដេចធិបតី បានសម្ដែងនូវការស្វាគមន៍ និងការពេញចិត្តចំពោះវឌ្ឍនភាពនៃទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ ព្រមទាំងបានវាយតម្លៃខ្ពស់ចំពោះសមិទ្ធផលជាច្រើន នៃកិច្ចសហប្រតិបត្តិការ រវាងប្រទេសទាំងពីរ ដែលសម្រេចបានកន្លងមក ជាពិសេសក្នុងវិស័យការពារជាតិ។ សម្ដេចធិបតី បានគូសបញ្ជាក់ថា រាជរដ្ឋាភិបាលកម្ពុជានឹងបន្តគាំទ្រចំពោះការពង្រឹង និងពង្រីកកិច្ចសហប្រតិបត្តិការរវាងក្រសួងការពារជាតិនៃប្រទេសទាំងពីរ។ ឆ្លៀតក្នុងឱកាសនោះដែរសម្ដេចធិបតី ក៏បានថ្លែងអំណរគុណយ៉ាងជ្រាលជ្រៅចំពោះរដ្ឋាភិបាលម៉ាឡេស៊ី ដែលបានចូលរួមយ៉ាងសកម្មក្នុងការសម្របសម្រួលបទឈប់បាញ់រវាងកម្ពុជា និងថៃ នាពេលកន្លងមក ព្រមទាំងការដឹកនាំ និងបន្តចូលរួមយ៉ាងសំខាន់ក្នុងយន្តការក្រុមអ្នកសង្កេតការណ៍អាស៊ាន (AOT) នៅកម្ពុជា។ សម្តេចធិបតី ក៏បានលើកទឹកចិត្តឱ្យក្រសួងការពារជាតិនៃប្រទេសទាំងពីរ បន្តជំរុញកិច្ចសហប្រតិបត្តិការនេះឱ្យកាន់តែស៊ីជម្រៅ និងស្អិតរមួតបន្ថែមទៀត។ បន្ថែមពីនេះសម្តេចធិបតី និងឯកឧត្ដមរដ្ឋមន្ត្រីការពារជាតិម៉ាឡេស៊ី ក៏បានពិភាក្សា និងផ្លាស់ប្ដូរយោបល់គ្នាអំពីបញ្ហាតំបន់ និងអន្តរជាតិមួយចំនួនផងដែរ។

មុននឹងបញ្ចប់ សម្តេចធិបតី បានជម្រាបជូនឯកឧត្ដមរដ្ឋមន្ត្រីការពារជាតិម៉ាឡេស៊ី អំពីការវិវត្តថ្មីៗនៃស្ថានការណ៍ព្រំដែនកម្ពុជា-ថៃ ដោយបានសង្កត់ធ្ងន់អំពីការប្ដេជ្ញាចិត្ត និងជំហររបស់កម្ពុជា ក្នុងការបន្តប្រកាន់យកយន្តការដោះស្រាយបញ្ហាព្រំដែនដោយសន្តិវិធី ដោយផ្អែកលើច្បាប់អន្តរជាតិ និងអនុលោមតាមអនុសញ្ញា សន្ធិសញ្ញា និងកិច្ចព្រមព្រៀងនានាដែលមានស្រាប់រវាងប្រទេសទាំងពីរ៕

#ហ៊ុនម៉ាណែត #កម្ពុជា #សន្តិភាពនៅកម្ពុជា

07/08/2026

ឪពុកម្តាយរបស់កុមារដែលបានស្លាប់ត្រូវបានលួងលោមដោយអ្នកជួយសង្គ្រោះជនជាតិថៃ ខណៈដែលការស៊ើបអង្កេតកំពុងដំណើរការ ក្រោយហេតុការណ៍បាញ់ប្រហារដ៏សាហាវនៅសាលារៀន Thepsirin ក្នុងខេត្ត Nonthaburi។

07/08/2026

គ្រាប់កាំភ្លើងជាច្រើនគ្រាប់ត្រូវបានរកឃើញនៅក្នុងកាបូបស្ពាយរបស់ឃាតករ!

WIN News

07/08/2026

07/08/2026

07/08/2026

07/08/2026

07/08/2026

07/08/2026

07/08/2026

07/08/2026

07/08/2026

07/08/2026

Address

Telephone

Website

Alerts

Contact The Organization

Shortcuts

Share

Listing takedown request