Актюбинская областная детская библиотека им.Н.Байганина

  • Home
  • Kazakhstan
  • Aktobe
  • Актюбинская областная детская библиотека им.Н.Байганина

Актюбинская областная детская библиотека им.Н.Байганина Любимые книжки для самых маленьких и для тех, кто постарше. Литературные произведения, рекомендованные для школы и внеклассного чтения.

любимые книжки для самых маленьких и для тех, кто постарше. Литературные произведения, рекомендованные для школы и внеклассного чтения

Аналар күніне орай және «100 кітап» жалпыұлттық жобасы аясында «Ана бейнесі әдебиетте» тақырыбында әдеби талдау өтті.М.Қ...
12/05/2026

Аналар күніне орай және «100 кітап» жалпыұлттық жобасы аясында «Ана бейнесі әдебиетте» тақырыбында әдеби талдау өтті.
М.Құсайынов атындағы облыстық дарынды балаларға арналған мамандандырылған лицей-интернатының оқушыларымен өткен шарада
«100 кітап» жалпыұлттық жобасына енген ана, әйел тақырыбындағы шығармалар талданып, әсіресе Мұхтар Әуезовтың «Абай жолы» роман-эпопеясы, Бауыржан Момышұлының «Ұшқан ұясы», Ғабит Мүсіреповтың «Ұлпан» шығармасы, Шерхан Мұртазаның «Ай мен Айшасы», Тахауи Ахтановтың «Шырағың сөнбесін» туындыларындағы аналардың жарқын бейнелерін аша білді.
Сондай-ақ «100 кітап» жалпыұлттық жобасына енген, қазақ әдебиетінде өзіндік қолтаңбасы бар қаламгер Рақымжан Отарбаевтың «Біздің ауылдың амазонкалары» шығармасындағы ауыл әйелдерінің қайсарлығы, еңбекқорлығы және отбасы үшін төзім танытатын мықты мінезі сөз етілді.
Оқырмандар Ақұштап Бақтыгерееваның «Ана әлдиі» атты екі томдық шығармасынан ана туралы өлеңдерді жатқа оқып, «Ана бейнесі әдебиетте» атты жұмыс парағындағы сұрақтар мен тапсырмаларға жауап берді.
«Ана — гүл, ана — өмір шуағы» атты кітап көрмесіне библиографиялық шолу жасалды.

Ұлттық кітап және кітапханашылар күні апталығы аясындағы «Кітап – достық амбасадоры» күнінде С.Бәйішев атындағы Ақтөбе о...
22/04/2026

Ұлттық кітап және кітапханашылар күні апталығы аясындағы «Кітап – достық амбасадоры» күнінде С.Бәйішев атындағы Ақтөбе облыстық әмбебап ғылыми кітапханасында композитор Ілия Жақановтың туғанына 90 жыл толуына орай «Дара жол» атты өнер сағаты өтті. Шара барысында Ілия Жақановтың өмірі мен шығармашылығынан сыр шертіліп, зерттеулері мен қазақ музыкасына әдемі үн берген бірнеше туындылары атап көрсетілді.
Шара барысында есімі қазаққа сазды әуенімен танылған дарын иесі Ілия Жақанов пен бірнеше әуендердің шығуына себеп болған жұбайы Тиыш Әлтайқызының сұхбаттарынан бейне үзік көрсетілді.
Өнер сағатына қатысқан М.Құсайынов атындағы облыстық дарынды балаларға арналған лицей интернатының оқушылары мен кітапхана оқырмандары «Таңдаулы 100 кітап» жобасы аясында «тұлғаларды таны» интеллектуалды ойынында белсенділік танытып, шығармашылық тапсырмаларды бірге орындады.
Кеш қонағы Мәдениет саласының үздігі, Облыстық Халық шығармашылығы орталығының жанында құрылған «Әдеп» тобының халықтық әншісі Қуанышгүл Ғалымқызы Серікбаева әннен шашу шашты.
Оқырмандар назарына «Өнер ізгілікке үндейді» атты кітап көрмесі ұсынылып, библиографиялық шолу жасалды.

Ұлттық кітап және кітапханашылар күніне арналған апталық аясындағы «Кітап.Тарих.Шежіре» күнінде жазушы, қазақ әдебиетіні...
21/04/2026

Ұлттық кітап және кітапханашылар күніне арналған апталық аясындағы «Кітап.Тарих.Шежіре» күнінде жазушы, қазақ әдебиетінің көрнекті өкілі Қабдеш Жұмаділовтың туғанына 90 жыл толуына орай «Ар мен рухты ту еткен» әдеби кеші өтті.
Әдеби кешке қатысушы кітапхана оқырмандары Қабдеш Жұмаділовтың шығармаларынан үзінділер оқып, кейіпкерлер әлеміне терең бойлады, әдеби викториналар ұйымдастырылып, қатысушылардың таным көкжиегін кеңейтуге мүмкіндік берілді. «Тағдыр» романымен танысып, романның мәні мен мағынасын терең ұғыну мақсатында «Ұлт тағдыры мен жазушы шындығы» атты тапсырмалар орындалды.
Оқырмандарға «Дәуірден сыр шерткен…» атты кітап көрмесіне библиографиялық шолу жасалып, жазушының «Соңғы көш», «Дарабоз», «Таңғажайып дүние», «Қаздар қайтып барады» сынды шығармаларының қазақ әдебиетіндегі орны ерекше екені атап өтілді. Айта кету керек, Қабдеш Жұмаділовтың шығармалары «Бір ел – бір кітап» республикалық акциясы аясында таңдалып, ұлттық әдебиетті ұлықтаудың жарқын үлгісіне айналып отыр. Бұл бастама қаламгер мұрасын кеңінен танытып, ел руханиятын асқақтата түсуге жол ашуда.

Ұлттық кітап және кітапханашылар күніне арналған апталық аясында 22 сәуір – Халықаралық Жер күніне орай «Ағаштарда ән с...
21/04/2026

Ұлттық кітап және кітапханашылар күніне арналған апталық аясында 22 сәуір – Халықаралық Жер күніне орай «Ағаштарда ән салады» атты танымдық сағат ұйымдастырылды. Аталған шараға №52 негізгі орта мектебінің 3-сынып оқушылары белсене қатысып, табиғаттың тылсым сырларымен танысты.
Ұрпақ санасына Жер-Анаға деген сүйіспеншілікті сіңіру, қоршаған ортаны қорғаудың маңыздылығын ұғындыру және экологиялық мәдениетті қалыптастыру мақсатында өткен танымдық сағатта оқушылар табиғат байлықтарының қадірін түсініп, ағаштар мен өсімдіктердің адам өміріндегі ерекше рөлі туралы қызықты мәліметтер алды.
Шара барысында балаларға табиғатты аялау, ағаш отырғызу, қоршаған ортаны ластамау сияқты қарапайым, бірақ маңызды әрекеттердің мәні кеңінен түсіндірілді. Сонымен қатар, оқушылар табиғатқа байланысты жұмбақтар шешіп, түрлі танымдық ойындарға қатысып, өз білімдері мен тапқырлықтарын көрсетті. Әсіресе «Ағаштарда ән салады» тақырыбы аясында табиғаттың сұлулығы мен тыныс-тіршілігі ерекше әсерлі түрде баяндалды.
Оқырмандар назарына «Жеріңді Аяла, Адамзат»атты кітап көрмесі ұсынылып, библиографиялық шолу жасалды.

Ұлттық кітап және Кітапханашылар күніне арналған апталық аясындағы «Кітапхана түні» акциясында балалар жазушысы әрі ақын...
20/04/2026

Ұлттық кітап және Кітапханашылар күніне арналған апталық аясындағы «Кітапхана түні» акциясында балалар жазушысы әрі ақын Қастек Баянбайдың туғанына 90 жыл толуына орай «Бір үйде төртеу тұрамыз: Өзім, Ар, Шындық, Арман» poetry time өтті.
№37 орта мектеп оқушылары мен Қазанғап атындағы балалар өнер мектебінің шәкірттері және іс-шараға келуші оқырмандар қазақ балалар әдебиетінде өзіндік орны бар жазушының өмір жолы және шығармашылығымен танысты. Ақынның жұмбақтарын шешіп, жаңылтпаштарын жатқа айтып, өзара сайысқа түсті.
Сондай-ақ, қатысушылар төрт топқа бөлініп, ақынның «Бір үйде төртеу тұрамыз: «Өзім, Ар, Шындық және Арман» атты өлеңін талдап, оның мән-мағынасын ашты.
Қазанғап атындағы балалар өнер мектебінің шәкірттері: Серікбаева Зере, Болат Сандуғаш, Сатубалдин Мансұр, Кенжегалиев Саид ақынның өлеңдерін мәнерлеп оқып, көрермендерге поэзиялық көңіл-күй сыйлады.
Оқырмандарға «Балалар әдебиетінің бәйтерегі» атты кітап көрмесі таныстырылып, белсенділік танытқан қатысушылар алғыс хаттармен марапатталды.

Ұлттық кітап және кітапханашылар күніне арналған апталық аясындағы "Weekend.Book. Vibes"күнінде «ОйLab» атты әдеби-та...
18/04/2026

Ұлттық кітап және кітапханашылар күніне арналған апталық аясындағы "Weekend.Book. Vibes"күнінде «ОйLab» атты әдеби-танымдық ойын ұйымдастырылды.
Оқырмандардың демалыс күнін тиімді әрі мазмұнды өткізуіне жағдай жасап, кітапханаға деген қызығушылығын арттыру, кітаппен байланысын нығайту мақсатында өткен шара барысында балалардың жас ерекшеліктеріне сай түрлі зияткерлік және логикалық ойындар өткізілді. Қатысушылар «Сен білесің бе?», «Тұлғаны таны» секілді танымдық сайыстарда білімдерін сынап, жұмбақтар шешіп, мақал-мәтел айтып, өзара бақ сынасты.
Ойын барысында оқырмандар тапқырлықтарын, шапшаңдықтарын, ойлау қабілеттерін көрсетіп қана қоймай, бір-бірімен достық қарым-қатынас орнатты.
«ОйLab» әдеби ойыны балаларға кітапхананың тек кітап оқитын орын ғана емес, сонымен қатар білім мен шығармашылықтың, қызықты демалыстың орталығы екенін тағы бір мәрте дәлелдеді.

Ұлттық кітап және кітапханашылар күніне арналған апталық аясында 17 сәуір «Сөз өнеріндегі өлкетану» күнінде Х.Доспанова ...
17/04/2026

Ұлттық кітап және кітапханашылар күніне арналған апталық аясында 17 сәуір «Сөз өнеріндегі өлкетану» күнінде Х.Доспанова атындағы №14 орта мектептің 4-сынып оқушыларына «Оқитын өлке – 2026» облыстық акциясы шеңберінде көрнекті ақын, журналист Ертай Ашықбаевқа арналған «Балалар әдебиетінің майталманы» тақырыбында танымдық сағаты өтті.
Шара барысында оқушыларға қаламгердің өмір жолы, шығармашылық мұрасы, балалар әдебиетіне қосқан зор үлесі жайында мазмұнды мағлұмат берілді. Ақынның өлеңдері мен жыр жинақтары таныстырылып, туындыларының тәрбиелік мәні кеңінен түсіндірілді.
Шара барысында оқырмандар Ертай Ашықбаевтың өлеңдерін мәнерлеп жатқа оқып, өмірі мен еңбегіне байланысты қойылған сұрақтарға белсене жауап берді. Сонымен қатар, балалар ақынның қызықты да тапқыр жұмбақтарын жарыса шешіп, өз білімдері мен зеректіктерін көрсетті.
Танымдық сағат оқушылардың кітапқа деген қызығушылығын арттырып, туған өлкенің әдебиетін танып-білуге, ақын шығармаларын құрметтеуге тәрбиелеуге бағытталды.

Ұлттық кітап және кітапханашылар күніне арналған апталықтың ашылу салтанатында оқырмандар назарына «Әдеби кемпірқосақ» а...
16/04/2026

Ұлттық кітап және кітапханашылар күніне арналған апталықтың ашылу салтанатында оқырмандар назарына «Әдеби кемпірқосақ» атты мазмұнды кітап көрмесінің таныстырылымы ұсынылды.
Кітап пен оқырман арасындағы рухани байланысты нығайтуға бағытталған, әдебиет пен мәдениетті ұлықтайтын, оқырман қауымды ортақ рухани кеңістікке тоғыстыруды мақсат еткен кітап апталығының ашылуындағы бұл көрме кітапхана қорындағы түрлі жанрдағы әдебиеттерді таныстырумен қатар, келушілерге өз талғамына сай туындыларды таңдауға мүмкіндік берді. Көрмедегі әр кітап сөресі кемпірқосақтың бояуларындай әртүрлі жанр мен мазмұнды біріктіріп, оқырманды рухани әлемнің сан қырлы бояуымен қауыштырды.
Сонымен қатар оқырмандарға әдеби ойындар, викториналық сұрақтар, қызықты квиздер мен кітап кейіпкерлерін тану тапсырмалары ұйымдастырылды. Апталық аясында әр күнге жоспарланған іс-шаралар мазмұны таныстырылып, оқырмандар апталық бағдарламасымен жақынырақ танысуға мүмкіндік алды.

«Позитив» салауатты өмір салтын насихаттайтын клубының отырысы аясында №11 Жалпы білім беретін орта мектеп-гимназиясының...
15/04/2026

«Позитив» салауатты өмір салтын насихаттайтын клубының отырысы аясында №11 Жалпы білім беретін орта мектеп-гимназиясының 7 «д» сынып оқушыларымен «Әрқашан бірге, әрқашан алда!» атты денсаулық эстафетасы өтті.
Оқырмандар арасында салауатты өмір салтын насихаттау және кітап оқуға деген қызығушылықты арттыру мақсатында өткен денсаулық марафонында «Найзағай», «Энергия» және «Чемпиондар» атты үш команданың ойыншылары «Жылдам спортшы», «Денсаулық секірісі», «Мерген ойыншы», «Пайдалы-зиянды», «Командалық жылан», «Әріпті қуу» сияқты спорттық тапсырмаларда сайысып, «Салауатты өмір салты» атты викторинаға қатысты. Денсаулық эстафетасының жеңімпаздары бағалы сыйлықтармен марапатталды, ал «Позитив» клубының ең белсенді мүшелері грамоталармен марапатталды.
Оқырмандар назарына «Денсаулық сырлары» атты кітап көрмесі ұсынылды.

2026 жылдың 10 сәуір күні Н. Байғанин атындағы облыстық балалар кітапханасы №56 жалпы білім беретін орта мектебінде 12 с...
10/04/2026

2026 жылдың 10 сәуір күні Н. Байғанин атындағы облыстық балалар кітапханасы №56 жалпы білім беретін орта мектебінде 12 сәуір – Қазақстандағы ғылым қызметкерлері күніне орай «Әлемдегі терең сыр ғылыммен ғана ашылмақ» атты сұхбат алаңын өткізді.
Шара барысында мектеп жанынан ашылған робототехника үйірмесінің оқушылары өздері жасаған роботтарымен таныстырып, робот құрастыру жұмыстарының үлгілерін көрсетті.
Оқушыларға «Ғылымның ғажайып ғаламы» атты кітапхана қорындағы ғылым мен ғалымдарға қатысты кітап көрмесі таныстырылды. Сонымен қатар, оқушылар қазақ және әлем ғалымдарының өмірі мен еңбек жолы туралы мәлімет алды.
Атап айтқанда, қазақ ғылымын әлемдік деңгейге көтерген ғалым, геолог Қаныш Имантайұлы Сәтпаев және қазақтан шыққан әйгілі дәрігер Халел Досмұхамедұлы, сондай-ақ әлемге танымал ғалымдар Альберт Эйнштейн мен Исаак Ньютон туралы өз білімдерімен бөлісті.
Шара соңында «Ғылым көгінде-даналық сөз» атты мақал-мәтелдердің жалғасын табу ойыны ұйымдастырылды.

Address

Ж. Керева, 7
Aktobe
030006

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00
Saturday 09:00 - 18:00

Website

Alerts

Be the first to know and let us send you an email when Актюбинская областная детская библиотека им.Н.Байганина posts news and promotions. Your email address will not be used for any other purpose, and you can unsubscribe at any time.

Shortcuts

Share

Category