15 мекеме жанындағы колледж

15 мекеме жанындағы колледж Contact information, map and directions, contact form, opening hours, services, ratings, photos, videos and announcements from 15 мекеме жанындағы колледж, Government Building, Атырау облысы, Атырау қаласы, Кенөзек селолық округі, Тасқала селосы, АНПЗ Өндірістік аймағы 1, Atyrau.

Білім беру басқармасының "№15 мекемесі жанындағы колледж" коммуналдық мемлекеттік мекемесі 1986 жылы ашылып, содан бері бас бостандығынан айырылған студенттерге білім беріп, түзу жолға түсіріп, мамандық иесі атандыруына себепкер болып отыр.

2026 жылғы 30 маусым күні №15 мекеме жанындағы колледжде түлектерге диплом табыстау салтанаты өтті.Салтанатты шара барыс...
01/07/2026

2026 жылғы 30 маусым күні №15 мекеме жанындағы колледжде түлектерге диплом табыстау салтанаты өтті.

Салтанатты шара барысында білім алушылар өздері игерген мамандықтары бойынша диплом алып, кәсіби білім алу жолындағы маңызды белесті бағындырды. Түлектер «Автомобиль жөндеу слесарі», «Тігінші», «Электргазбен дәнекерлеуші», «Ағаш ұстасы және паркет жұмыстарының шебері» біліктіліктері бойынша кәсіптік даярлықтан сәтті өтті.

Оқу барысында олар теориялық біліммен қатар тәжірибелік дағдыларды меңгеріп, болашақ еңбек жолына қажетті кәсіби құзыреттерді игерді. Бұл білім мен дағдылар олардың қоғамға бейімделуіне, еңбек нарығында өз орнын табуына және жаңа өмір бастауына мүмкіндік береді.

Шара барысында түлектерге ізгі тілектер айтылып, олардың алдағы өмір жолында табысқа жетуіне, таңдаған кәсіптерінде биік белестерді бағындыруына тілектестік білдірілді.

Диплом – тек білімнің нәтижесі ғана емес, ол жаңа мүмкіндіктерге бастайтын маңызды қадам. Барша түлектерді шын жүректен құттықтаймыз!

📢 «Колледж педагогтерінің кәсіби құзыреттілігін дамыту: тәжірибе, инновация және сапалы білім беру» атты семинар өтті202...
24/06/2026

📢 «Колледж педагогтерінің кәсіби құзыреттілігін дамыту: тәжірибе, инновация және сапалы білім беру» атты семинар өтті
2026 жылдың маусым айында колледжімізде біліктілікті арттыру курсынан өтіп келген оқытушылардың тәжірибесімен бөлісу, заманауи педагогикалық тәсілдерді таныстыру және білім беру үдерісіне инновациялық бағыттарды енгізу мақсатында «Колледж педагогтерінің кәсіби құзыреттілігін дамыту: тәжірибе, инновация және сапалы білім беру» тақырыбында семинар ұйымдастырылды.
📌 Семинардың ашылуында колледж әдіскері Ж.Ш. Ереманова қатысушыларды семинардың мақсаты мен бағдарламасымен таныстырып, «Білім беру инновациясы жағдайындағы колледж әдіскерлерінің кәсіби құзыреттілігі» тақырыбында баяндама жасады.
Сонымен қатар, колледж директорының оқу-өндірістік жұмысы жөніндегі орынбасары Г.М. Жумабаева «Білім берудегі менеджмент: колледж басшысының орынбасарлары үшін бизнес іс-тәсілдер және процестерді басқару» тақырыбында баяндама оқып, білім беру ұйымдарын басқарудағы заманауи менеджмент қағидалары мен тиімді басқару үдерістеріне тоқталды.
Семинар барысында А.С. Көшек пен Ж.А. Рахметова тігін өндірісі және киімді модельдеу саласы бойынша біліктілікті арттыру курсында алған тәжірибелерімен бөліссе, М.Ж. Маханов құрылыс профилі бағыты бойынша педагогтердің кәсіби құзыреттерін жетілдіру мәселелері бойынша өз тәжірибесін ортаға салды.
💬 Семинар соңында қатысушылар өзара пікір алмасып, сұрақ-жауап алаңында тәжірибе бөлісіп, кері байланыс орнатты.

«Наурыз – жаңару мен үміт мерекесі»Көктемнің шуақты мерекесі – Наурыз мейрамы аясында №15 мекеме жанындағы колледж студе...
31/03/2026

«Наурыз – жаңару мен үміт мерекесі»
Көктемнің шуақты мерекесі – Наурыз мейрамы аясында №15 мекеме жанындағы колледж студенттерінің қатысуымен «Наурыз – жаңару мен үміт мерекесі» тақырыбында мазмұнды әрі тағылымы мол мерекелік іс-шара ұйымдастырылды.
Бұл ерекше кездесу – тек мерекелік бас қосу ғана емес, жүректерге жылу ұялатқан, әр қатысушыға жаңа серпін мен болашаққа деген сенім сыйлаған маңызды сәт болды. Іс-шараның басты мақсаты – ұлттық құндылықтарды дәріптеу, рухани қолдау көрсету, сондай-ақ жастарға дұрыс бағыт-бағдар беріп, олардың қоғамға деген сенімін арттыру болды.
Мерекелік бағдарлама барысында қазақ халқының салт-дәстүрлері кеңінен насихатталып, бірлік, татулық, кешірім мен жаңару идеялары дәріптелді. Қатысушылар ұлттық салт-дәстүрімізге байланысты викториналық сұрақтарға жауап беріп, мақал-мәтел сайысына қатысты және қазақтың ұлттық тағамдары туралы ойларын ортаға салды. Өздерінің жылы лебіздерімен Наурыздың шынайы рухын сезініп, мерекенің мәнін тереңдете түсті.
Осындай игі шаралар – адамдарды жақындастырып, мейірім мен түсіністікті арттыруға ықпал ететіні сөзсіз. Бұл күн әрбір жасқа жаңа үміт, жаңа мүмкіндік, жаңа өмірге қадам жасауға жігер сыйлады.
Наурыз – татулықтың, бірліктің және жаңарудың мерекесі. Осы айтулы күн баршаңызға шаттық, амандық, молшылық пен береке әкелсін! Әрбір жүректе үміт оты сөнбесін, алдағы күндер тек жақсылыққа толы болсын!

📚Жасанды интеллект – бүгінгі білімнің ажырамас бөлігі2026 жылғы 28 қаңтарда №15 мекеме жанындағы колледжде«Қазіргі білім...
10/02/2026

📚Жасанды интеллект – бүгінгі білімнің ажырамас бөлігі
2026 жылғы 28 қаңтарда №15 мекеме жанындағы колледжде
«Қазіргі білім берудегі жасанды интеллекттің рөлі: мүмкіндіктері, бүгіні мен болашағы» тақырыбында колледжішілік педагогикалық оқулар өткізілді.
Іс-шараға 6 педагог қатысып, білім берудегі цифрлық мүмкіндіктер, жасанды интеллекттің бүгіні мен ертеңі жайлы мазмұнды ойларымен бөлісті.
Ұстаздар үшін бұл кездесу – тек ақпарат алмасу емес, болашаққа бағытталған кәсіби серпіліс болды.

16/12/2025

16 желтоқсан-Қазақстан Республикасының Тәуелсіздігі күніне орай №15 мекеме жанындағы колледжде “Тәуелсіздік рухы: Өткеннен-бүгінге, бүгіннен-болашаққа” тақырыбында мерекелік іс-шара ұйымдастырылды. Шараның басты мақсаты-тәуелсіздік тарихы мен құндылығын ұғындыру, еркіндік, бірлік, жауапкершілік сезімін ояту, патриоттық рухты нығайту және Отанға деген сүйіспеншілікті арттыру.
Іс-шара барысында тәуелсіздікке арналған тағылымды сөздер айтылып, студенттер патриоттық әндер орындап, көркем шығармалар оқыды. Мерекелік бағдарлама жастардың ел тарихына деген қызығушылығын арттырып, ұлттық құндылықтарды дәріптеуге ықпал етті.
Шараға мекеме қызметкерлері қонақ ретінде шақырылып, жазасын өтеуші студенттерге жақсы тілектерін айтты.
Тәуелсіз еліміздің тұғыры биік, болашағы жарқын болсын!
Егемен Қазақстанымыз жасай берсін!

03/12/2025

№15 мекеме жанындағы колледжде экономика пәні оқытушысы Сәлім Назгүл Артурқызы және арнайы пән оқытушысы Көшек Асылхан Серікұлының ұйымдастыруымен «Жеке қаржыны басқару: қаржылық тәуелсіздікке апарар жол» атты семинар өткізілді. Негізгі мақсат-ұстаздардың жеке қаржысын тиімді басқару дағдыларын нығайтып, қаржылық тәуелсіздікке қарай нақты қадамдар жасауына қолдау көрсету. Семинар барысында жеке қаржыны дұрыс басқарудың тиімді тәсілдері, табысты жоспарлау, шығындарды бақылау, жинақ пен инвестиция құру жолдары, қаржылық әдеттер қалыптастыру тақырыптары қозғалды.
Қаржылық тәуелсіздік – бұл адамның күнделікті табысқа тәуелді болмай, өз қаражатын дұрыс басқарып, жинақталған капитал есебінен еркін өмір сүре алуы.
Ұстаздар өз тәжірибелерімен бөлісіп, қаржылық сауаттылықты өмірде қолданудың нақты құралдарын меңгерді. Мұндай кездесулер мұғалімдердің жеке дамуымен қатар, жалпы білім беру сапасына да оң ықпал етеді.
Қаржылық сауаттылық – бұл бір реттік емес, тұрақты түрде дамытылатын өмірлік дағды. Бүгінгі семинарда талқыланған қағидаларды жүйелі қолдана алсақ, қаржылық тәуелсіздікке қарай нақты қадам жасай аламыз.

28.11.2025ж. № 15 мекеме жанындағы колледж педагогтері үшін ұйымдастырылған “Топтық жұмыстың тиімділігі” атты тренинг жо...
30/11/2025

28.11.2025ж. № 15 мекеме жанындағы колледж педагогтері үшін ұйымдастырылған “Топтық жұмыстың тиімділігі” атты тренинг жоғары деңгейде өтті.
Тренингтің негізгі мақсаты — педагогтердің топтық жұмыс әдістерін терең меңгеруі, оқыту үдерісінде бірлескен әрекетті тиімді ұйымдастыруы және инновациялық әдістерді тәжірибеде қолдану мүмкіндігін арттыру болды.
Тренинг мазмұны:
-Топтық жұмыстың артықшылықтары мен тиімді тұстары
-Коммуникацияны жақсартуға арналған интерактивті жаттығулар
-Оқытушылар арасындағы серіктестікті арттыруға бағытталған ойын элементтері
-Сабақ барысында қолдануға болатын әдіс-тәсілдер
-Қиындықтарды шешуге бағытталған ситуациялық тапсырмалар
-Топ ішінде рөлдерді бөлу және нәтижеге бірге жету стратегиялары
Тренинг нәтижесі:
– Педагогтердің кәсіби ынтымақтастығы күшейді
– Топтық жұмысқа арналған жаңа идеялар пайда болды
– Инновациялық әдістермен жұмыс істеу дағдылары артты
-Сабақ берудің тиімді әдіс-тәсілдері кеңейіп, инновациялық көзқарас қалыптасты
Бұл тренинг педагогтердің шығармашылық әлеуетін дамытып, оқу үдерісіне жаңа серпін берді.

№15 мекеме жанындағы колледжде 18.11.25-28.11.25 аралығында өткізілген мамандықтар онкүндігі өз мәресіне жетті. Мекеме...
30/11/2025

№15 мекеме жанындағы колледжде 18.11.25-28.11.25 аралығында өткізілген мамандықтар онкүндігі өз мәресіне жетті.
Мекеме жанындағы колледжде жыл сайын дәстүрлі түрде ұйымдастырылатын мамандықтар арасындағы онкүндік биыл ерекше форматта өтті. Ерекшелігі – жасанды интеллект технологияларын оқу үдерісіне енгізу болды.Ұйымдастырылған онкүндік кәсіби құзыреттерді дамытуға, студенттердің шығармашылық потенциалын ашуға және заманауи технологияларды меңгеруге бағытталды. Онкүндіктің басты мақсаты– студенттердің кәсіби білігін арттыру, мамандықтар арасындағы ынтымақтастықты күшейту және заманауи технологияларды қолдануға мүмкіндік жасау болды.Бұл жаңашылдықтар студенттердің мотивациясын арттырып, теориялық білімді практикада қолдануға мүмкіндік берді. Білім алушылардың болашаққа деген сенімділігін өсірді. Кәсіби ойлау дағдысы дамыды, цифрлық сауаттылық артты, командалық жұмыс күшейді.Әр мамандық өз бағытында ашық сабақтар, шеберлік сағаттары, тренингтер өткізіп, жар газеттерін ұсынды.Осындай мазмұнды онкүндік студенттердің кәсіби бағыттылығын арттырып қана қоймай, заманауи технологияларға бейімделуіне үлкен серпін берді.Бұл онкүндік әр мамандықтың маңыздылығын айқындап, колледж ұжымының бірлескен жұмысына жаңа тыныс берді.
Барша қатысушыларға, педагогтарға, ұйымдастырушыларға және белсенді студенттерге онкүндік жоғары деңгейде өтуіне қосқан үлесі үшін алғыс білдіреміз.

19 қараша күні колледжімізде «Жаңашылдыққа жол – біліктілікті арттыру курстарынан алған тәжірибе» атты семинар өтті.Іс-ш...
23/11/2025

19 қараша күні колледжімізде «Жаңашылдыққа жол – біліктілікті арттыру курстарынан алған тәжірибе» атты семинар өтті.
Іс-шара барысында оқытушылар жаңартылған білім беру мазмұны бойынша алған тәжірибелерімен бөлісіп, заманауи әдіс-тәсілдердің тиімділігін талқылады.Семинарда практикалық жаттығулар, топтық талқылаулар ұйымдастырылып, жаңа педагогикалық технологияларды кәсіби қызметке енгізу жолдары қарастырылды.
Мұндай басқосулар педагогтердің шығармашылық әлеуетін дамытып, кәсіби біліктілігін арттыруға бағытталған маңызды алаң болып табылады. Семинарға қатысушылар өзара тәжірибе алмасып, алдағы жұмысқа жаңа серпін алды.
Барлық қатысушыларға белсенділік танытқандары үшін алғыс білдіреміз!

"Кәсіптік білім күні – ізгі дәстүр жалғасы!"«2-қазан Қазақстан Республикасының техникалық және кәсіптік, орта білімнен к...
06/10/2025

"Кәсіптік білім күні – ізгі дәстүр жалғасы!"
«2-қазан Қазақстан Республикасының техникалық және кәсіптік, орта білімнен кейінгі білім беру қызметкерлері күні» кәсіби мерекесіне орай №15 мекеме жанындағы колледжде тағылымы мол шара өтті. Ардагер ұстаздар мен колледж қызметкерлері бірліктің, болашаққа деген қамқорлықтың белгісі ретінде аулаға тал екті.
Бұл бастама жастарға еңбекқорлықты, табиғатты аялауды үйретумен қатар, аға буын мен жас ұрпақтың арасындағы рухани сабақтастықты нығайтты. Ардагерлер: «Бүгін еккен талымыз – ертеңгі көлеңкесі мол саябақ, болашаққа қалдырған аманатымыз» деп игі тілектерін білдірді.
Шараға қатысқан студенттер де ардагерлермен бірге ағаш отырғызып, өз үлестерін қосты. Колледж ауласы жасыл желекке оранып, білім ордасының рухани бейнесін байыта түсті. Бұл – табиғатқа деген қамқорлық қана емес, аға буыннан жастарға аманат болған тағылымды іс.

Address

Атырау облысы, Атырау қаласы, Кенөзек селолық округі, Тасқала селосы, АНПЗ Өндірістік аймағы 1
Atyrau
060023

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Website

Alerts

Be the first to know and let us send you an email when 15 мекеме жанындағы колледж posts news and promotions. Your email address will not be used for any other purpose, and you can unsubscribe at any time.

Shortcuts

Share

Category