«Әділет» партиясы Теректі аудандық филиалының ресми парақшасы

03/09/2026

*Ұлттық құндылықтарымыз ұлықталған күн*

Құрылтай депутаттары, «Әділет» партиясы фракциясының мүшелері Қазақ тазысы мен төбеті күнімен құттықтады.

Мемлекет басшысы Қасым-Жомарт Тоқаев тазы тұқымын сақтау және көбейту ісіне айрықша мән беріп келеді. Соның жарқын дәлелі ретінде, Президент тапсырмасымен соңғы жылдары бұл бағытта ауқымды жұмыс атқарылды.

Осы орайда, ұзақ жылдан бері ұлттық құндылықтарымызды ұлықтап, халқымыздың рухани және мәдени мұрасын сақтау, дәріптеу, келер ұрпаққа жеткізу ісіне айрықша атсалысып жүрген депутаттар Дихан Қамзабекұлы, Жанарбек Әшімжанов, Нұрлан Дулатбеков және Жарқынбек Амантайұлы орамды ойларын ортаға салды.

Депутаттар бүгінде қазақ тазысы әлемге танылып келе жатқанын атап өтіп, тазы мен төбет ата-бабамыздың тұрмыс-тіршілігі мен дәстүрлі мәдениетінің ажырамас бөлігі екенін мәлімдеді.

03/09/2026

3 қыркүйек – Тазы мен Төбет күні

Қазақы тазыны дәріптеу – оның атауын ғана насихаттау емес. Ең бастысы – тұқымның гендік қорын сақтау, сауатты асылдандыру жұмыстарын жүргізу, денсаулығы мен табиғи қасиеттеріне жауапкершілікпен қарау және оны келер ұрпаққа аман жеткізу.

Ұлттық мұраға құрмет – оған деген жауапкершіліктен басталады. Сол ұлттық құндылықты дәріптеп, 16 жылдан бері тазы асырап келе жатқан Батыс Қазақстан облысы, Шыңғырлау ауданы, Аққұдық ауылының тумасы Ғұмаров Нұржан Нұралыұлы бүгінде тазы баптап, түрлі жарыстарға тұрақты қатысып келеді.

Нұржан Нұралыұлының тазысы «Дала сынағы», «Салбұрын» секілді жарыстарда, сондай-ақ облыстық және қалалық бәсекелерде жүлделі орындардан көрініп жүр.

Тазы – халқымыздың ұлттық мұрасы. Оны сақтау мен дәріптеу – баршамызға ортақ міндет.

03/09/2026

Құмай тазы – ұлттық құндылығымыз

Тазы – қазақ халқының тарихы мен дәстүрінің ажырамас бөлігі. Президент Қасым-Жомарт Тоқаев тазы тұқымын сақтап, көбейту ісіне айрықша мән береді. Мемлекет басшысының тапсырмасы бойынша дәл осы бағытта мазмұнды жұмыс жүргізілді. Қазақы ит тұқымдарын сақтау және өсімін молайту туралы заң қолданысқа енді.

Сондықтан жеті қазынаның бірі саналатын құмай тазы – аңшының сенімді серігі ғана емес, ұлттық құндылығымыз. Оны келер ұрпаққа аманат ету – баршамыздың қастерлі борышымыз!

#қазақстан #әділет #әділетпартиясы #ӘділеттіҚазақстан #партияадилет

03/09/2026

Ардақты ағайын!

Баршаңызды Қазақ тазысы мен төбеті күнімен шын жүректен құттықтаймыз!

Есте жоқ ескі заманнан бері сайын далада саят құрған халқымыз үшін құмай тазы – атадан балаға аманат болып жеткен қастерлі құндылық, ұлттық болмысымыздың ажырамас бөлшегі. Ал ұлттық құндылықтарды ұлықтау – баршамызға ортақ ұлағатты іс.

Осы орайда, елімізде дәстүр сабақтастығы жалғасын тауып, тарих қойнауынан тамыр тартқан салтымыз бен мәдениетіміз жыл өткен сайын жаңғырып келеді. Қазақ тазысы мен төбеті күні – соның жарқын дәлелі.

Еліміздің іргесі берік, аспаны ашық және келешегі кемел болсын!

#қазақстан #әділет #әділетпартиясы #ӘділеттіҚазақстан #партияадилет

01/09/2026

Құрылтай депутаттары оқушылар мен ұстаздарды Білім күнімен құттықтады

«Әділет» партиясынан сайланған Құрылтай депутаттары 2026-2027 оқу
жылының басталуына арналған салтанатты жиындарға қатысты. Елорда мен
Ақмола облысының мектептеріне партияның 50-ге жуық депутаты барды. Олар
оқушылармен, ата-аналармен және ұстаздармен кездесіп, барша қауымды Білім
күнімен құттықтады әрі мектептегі білім беруді дамыту мәселелерін талқылады.

«Әділет» партиясының фракция жетекшісінің орынбасары Лаура Қарабасова
Астананың Алматы ауданында орналасқан Сырбай Мәуленов атындағы №37
мектеп-лицейіне барды. Ол Мемлекет басшысының білім сапасын арттыру мен
оқушыларды қолдауға айрықша көңіл бөліп отырғанын баса айтты. Соңғы бес
жылда елімізде 1 миллионнан астам оқушыға арналған 1200-ден астам заманауи
мектеп салынды. Сондай-ақ халықаралық мектеп олимпиадаларының
жүлдегерлеріне біржолғы ақшалай сыйақы тағайындалды.

Ақмола облысында депутаттар Юлия Кучинская мен Амантай Жарқынбек
Целиноград ауданына қарасты Қаражар ауылындағы мектеп-лицейге барып,
физика, химия, еңбекке баулу, робототехника және жасанды интеллект
кабинеттерінің құрал-жабдықтарын қарап шықты. Ал Ерқанат Мұсылманбек пен
Айнагүл Балташева Қосшы қаласындағы №2 мектеп-гимназияға барды.
Депутаттар білім беру жүйесінің алдында тұрған бүгінгі міндеттерге тоқталды.

Оқыту сапасын арттыру мен мектеп инфрақұрылымын дамыту «Әділет»
партиясының бағдарламасында да маңызды орын алады. 2031 жылға дейін кемінде
300 мың жаңа оқу орны ашылып, 60 бейінді мектеп құру және тірек мектептер
желісін дамыту көзделген. Бұл бастамаларды жүзеге асыру, мектеп
инфрақұрылымын жаңғырту және педагогтерді қолдау шаралары Құрылтайдағы
«Әділет» фракциясы депутаттарының назарында болады.

01/09/2026

БІЛІМ КҮНІ ҚҰТТЫ БОЛСЫН!

Бүгін, 1 қыркүйек – Білім күніне орай, «Әділет» партиясы Теректі аудандық филиалының төрағасы Ақжайық жалпы білім беретін орта мектебінде өткен салтанатты шараға қатысып, ұстаздар мен оқушыларды жаңа оқу жылының басталуымен құттықтады.

Ұстаздарға еңбектеріне толағай табыс, шығармашылық шабыт, ал оқушыларға сапалы білім, биік мақсат және жарқын жетістіктер тіледі.

Жаңа оқу жылы барша ұстаздар мен оқушылар үшін сәттілікке, жаңа мүмкіндіктерге толы болсын! 🌟

Білім күні құтты болсын!

01/09/2026

Құрметті ұстаздар, оқушылар және ата-аналар!

Баршаңызды 1 қыркүйек – Білім күнімен шын жүректен құттықтаймыз!

Бұл – әр адам үшін ерекше күн. Бірінші сынып оқушылары таңғажайып білім әлеміне алғашқы қадамдарын жасайды, жоғары сынып оқушылары өз болашағын таңдайды, ал педагогтер мен ата-аналар күш-жігерін балалардың жетістігі жолында жұмсайды.

Мемлекет басшысы Қасым-Жомарт Тоқаев халықаралық пән олимпиадалары жеңімпаздарымен және жүлдегерлерімен кездесуде білім мен ғылым, инновация мен озық технология – бүгінгі дәуірдің басты қаруы екенін атап өтті. Жаһандық бәсекеде білімді, зияткер елдер ғана алға шығады.

Баршаңызға толайым табыс тілейміз.

Мереке құтты болсын! Білім күні құтты болсын!

•

Дорогие учителя, школьники и родители!

Партия «Әділет» поз…

01/09/2026