Бөкей ордасы ауданының білім беру бөлімі

  • Home
  • Kazakhstan
  • Oral
  • Бөкей ордасы ауданының білім беру бөлімі

Бөкей ордасы ауданының білім беру бөлімі Бөкей ордасы ауданының білім беру бөлімі

БІЛІМ КҮНІ ҚҰТТЫ БОЛСЫН!Құрметті ұстаздар, білім беру саласының қызметкерлері, оқушылар және ата-аналар!Сіздерді 1 қыркү...
01/09/2026

БІЛІМ КҮНІ ҚҰТТЫ БОЛСЫН!

Құрметті ұстаздар, білім беру саласының қызметкерлері, оқушылар және ата-аналар!

Сіздерді 1 қыркүйек – Білім күнімен шын жүректен құттықтаймыз!
Бұл күн – білімге бастар алғашқы қадамның, жаңа үміт пен жаңа мүмкіндіктердің бастауы. Әсіресе, мектеп табалдырығын алғаш аттаған бүлдіршіндерге сәттілік тілейміз! Алғашқы қоңырау жүректеріңізде жарқын естелік болып қалсын!
Ұстаздарға – шығармашылық ізденіс пен кәсіби биіктер, оқушыларға – талмас талап пен толағай жетістіктер, ата-аналарға – балаларының әр жеңісіне қуаныш тілейміз.
Жаңа оқу жылы сапалы білім, берік тәрбие, жарқын жетістіктер мен жаңа мүмкіндіктер жылы болсын!
Баршаңызға зор денсаулық, отбасыларыңызға амандық, еңбектеріңізге береке тілейміз!
Жаңа оқу жылы құтты болсын!
Білім күні берекелі болсын!

Ізгі ниетпен,
Бөкей ордасы ауданының білім беру бөлімі@Нургуль Умарова

31/08/2026

📚 ЖАҢА ОҚУ ЖЫЛЫНА ДАЙЫНДЫҚ: ОҚУЛЫҚТАР ЖЕТКІЗІЛУДЕ
Бөкей ордасы ауданының білім беру ұйымдарында 2026–2027 жаңа оқу жылына дайындық жұмыстары жоспарға сәйкес жүргізілуде. Соның ішінде оқушыларды қажетті оқу-әдістемелік кешендермен қамтамасыз ету жұмыстарына ерекше назар аударылуда.
Жаңа оқу жылына жаңадан басылып шыққан 3-сыныптың «Қазақ тілі», «Әдебиеттік оқу» («Атамұра» баспасы), «Математика», «Дүниетану», «Музыка» («Алматыкітап» баспасы) және 7-сыныптың «Дүние жүзі тарихы» («Мектеп» баспасы) оқулықтары жеткізілді.
Сонымен қатар мектепалды даярлық тобы мен 1-сыныпқа арналған жұмыс дәптерлері, мектепке дейінгі ұйымдарға қажетті дәптерлер де білім беру ұйымдарына таратылуда.

Жеткізілген оқулықтар белгіленген тәртіппен мектептерге таратылып, жаңа оқу жылы басталғанға дейін оқушыларды толық қамтамасыз ету жоспарлануда.@Республикалық ғылыми-практикалық білім мазмұнын сараптау орталығы

ҚҰРМЕТТІ ПЕДАГОГТЕР!2026 жылғы 27 тамыз -4 қыркүйек аралығында республикалық «Үздік педагог-2026» байқауының аудандық ке...
29/08/2026

ҚҰРМЕТТІ ПЕДАГОГТЕР!

2026 жылғы 27 тамыз -4 қыркүйек аралығында республикалық «Үздік педагог-2026» байқауының аудандық кезеңіне құжаттар қабылдау жүргізіледі.

Байқаудың мақсаты – білім беру ұйымдарындағы кәсіби білікті, шығармашыл және жаңашыл педагогтерді анықтау, олардың озық тәжірибесін тарату және кәсіби дамуына қолдау көрсету.

Байқау барысында педагогтердің:

* кәсіби жетістіктері;
* педагогикалық тәжірибесі;
* білім алушылардың білім сапасын арттыруға қосқан үлесі;
* заманауи білім беру технологияларын қолдануы;
* инновациялық идеялары мен авторлық тәжірибелері бағаланады.

Байқауға білім беру ұйымдарының педагогтері қатыса алады. Қатысушылардың кәсіби шеберлігі мен үздік тәжірибесі белгіленген талаптарға сәйкес сараланады.

Педагогтерді аудандық кезеңге қатысуға шақырамыз.

♟️ ЖӘҢГІР ХАН МЕКТЕБІ – ӘЛЕМ НАЗАРЫНДА! 🌍🏆Қуанышты жаңалық! 🎉Батыс Қазақстан облысы, Бөкей ордасы ауданы, Хан Ордасы ауы...
27/08/2026

♟️ ЖӘҢГІР ХАН МЕКТЕБІ – ӘЛЕМ НАЗАРЫНДА! 🌍🏆

Қуанышты жаңалық! 🎉
Батыс Қазақстан облысы, Бөкей ордасы ауданы, Хан Ордасы ауылында орналасқан Жәңгір хан атындағы жалпы орта білім беретін мектеп әлемдік деңгейдегі үздік 20 шахмат мектебінің қатарына енді! 👏♟️
Бұл – мектеп ұжымы, оқушылар мен ұстаздардың еңбегіне берілген жоғары баға, ауданымыздың білім саласы үшін үлкен жетістік!
Әсіресе жас ұрпақты шахмат әлеміне қызықтырып, ерекше әдіс-тәсілдерімен оқытып жүрген Альфия Ринатовнаға айрықша алғысымызды білдіреміз! 🌟
Жәңгір хан мектебінің 1Б сыныбының шәкірттері бұған дейін FIDE EDU Classroom Contest 2026 байқауында бас жүлдені иеленіп, халықаралық деңгейде өздерінің ерекше қабілетін танытқан болатын. (Kursiv Media Казахстан⁠)

📍 Хан Ордасы ауылы
🏫 Жәңгір хан атындағы ЖОББМ
♟️ Шахмат – ойлау мәдениеті мен зияткерлік дамудың мектебі!
Жәңгір хан мектебін, ұстаздарын және жас шахматшыларды шын жүректен құттықтаймыз!
Әлемдік үздік мектептер қатарынан көріну – үлкен мәртебе! 🇰🇿👏

Алда бұдан да биік белестер мен жаңа жеңістер көп болсын! 🏆♟️✨@Нургуль Умарова@Білім Басқармасы

21/08/2026

📚 ЖАҢА ОҚУ ЖЫЛЫНА – ЖАҢА МАҚСАТ, ЖАҢА МҮМКІНДІК!

Бүгін, М-С. Бабажанов мектебінің базасында білім беру саласының жаңа оқу жылындағы негізгі басымдықтары мен алдағы міндеттерін айқындаған тамыз кеңесі өтті.

«Сапалы білім, берік құндылық, табысты тұлға: жаңа оқу жылындағы міндеттер мен мүмкіндіктер» тақырыбындағы кеңес білім беру жүйесіндегі өзекті мәселелерді талқылап, педагогикалық қауымдастықтың алдына нақты міндеттер қоюға бағытталды.
Кеңес барысында білім сапасын арттыру, оқушылардың білім алуға деген қызығушылығын қалыптастыру, олардың шығармашылық және зияткерлік әлеуетін дамыту, ұлттық құндылықтарды оқу-тәрбие үдерісіне тиімді кіріктіру мәселелеріне басымдық берілді.
Сонымен қатар педагогтердің кәсіби құзыреттілігін арттыру, үздік педагогикалық тәжірибені тарату, цифрлық технологиялар мен жасанды интеллект мүмкіндіктерін білім беру үдерісінде тиімді пайдалану бағыттары да назардан тыс қалмады.
Тамыз кеңесі – өткенді саралап, бүгінді бағамдап, болашаққа бағдар белгілейтін маңызды кәсіби алаң. Жаңа оқу жылының міндеттері айқындалып, сапалы білім мен нәтижелі тәрбиеге бағытталған жұмыстардың жаңа кезеңі басталды.
Барша ұстаздарға жаңа оқу жылында ізденіс пен шабыт, кәсіби биіктер, шәкірттерінің жетістігі мен еңбектерінің жемісін көруге тілектеспіз!
Сапалы білім – жарқын болашақтың бастауы!
Берік құндылық – ел болашағының тұғыры! 🇰🇿✨

#ТамызКеңесі2026 #СапалыБілім #ЖарқынБолашақ #Бөкейордасы #БілімБеру #ҰстазЕңбегі #ЖаңаОқуЖылы

15/08/2026

🌟 ТАМЫЗ КЕҢЕСІНДЕГІ АЙШЫҚТЫ ЖЕТІСТІК

Кеше Орал қаласында «Сапалы білім, берік құндылық, табысты тұлға: жаңа оқу жылындағы міндеттер» тақырыбында облыстық педагогтердің тамыз конференциясы өз жұмысын қорытындылады.
Педагогтер бас қосқан маңызды жиында өткен оқу жылының нәтижелері сараланып, жаңа оқу жылындағы басым бағыттар мен білім беру саласының өзекті міндеттері талқыланды.
Конференцияның мәні мен мазмұнын айшықтаған маңызды сәттердің бірі білім беру бөлімінің басшысы Нұргүл Жігерқызының Батыс Қазақстан облысы әкімінің Алғыс хатымен марапатталуы.
Бұл – аудан білім саласының дамуына бағытталған жүйелі жұмыстың, ұжымдық еңбектің және жауапты басшылық қызметтің нәтижесін көрсететін мәртебелі марапат.
Нұргүл Жігерқызын облыс әкімінің Алғыс хатымен марапатталуымен шын жүректен құттықтаймыз!
Еңбегіңіз жемісті, бастамаларыңыз нәтижелі, білім саласындағы әрбір қадамыңыз табысты болсын! 🌷

15/08/2026

ҰСТАЗ ЕҢБЕГІ — ЕЛЕУЛІ ҚҰРМЕТ

Кеше Орал қаласында «Сапалы білім, берік құндылық, табысты тұлға: жаңа оқу жылындағы міндеттер» тақырыбында облыстық педагогтердің тамыз конференциясы өтті.

Маңызды басқосу барысында білім беру саласында нәтижелі еңбек етіп, жас ұрпақтың сапалы білім алуына үлес қосып жүрген бірқатар педагогтер марапатталды.

Солардың қатарында Б. Жаникешев атындағы жалпы орта білім беретін мектебінің тарих пәнінің мұғалімі Ашенов Бекзат Қанатқалиұлы да марапат төрінен көрінді.

Бекзат Қанатқалиұлын лайықты марапатымен құттықтаймыз! Ұстаздық еңбегіңіз жемісті болып, шәкірттеріңіздің жетістігі еселене берсін! 🌷

15/08/2026

ҰСТАЗҒА КӨРСЕТІЛГЕН ҚҰРМЕТ — ЕҢБЕККЕ БЕРІЛГЕН БАҒА

Орал қаласында «Сапалы білім, берік құндылық, табысты тұлға: жаңа оқу жылындағы міндеттер» тақырыбында облыстық педагогтердің тамыз конференциясы жоғары деңгейде өтті.
Маңызды басқосу барысында білім беру саласының дамуына үлес қосып, жас ұрпаққа сапалы білім мен тағылымды тәрбие беруде нәтижелі еңбек етіп жүрген бірқатар ұстаздарға құрмет көрсетілді.
Марапат иелерінің қатарында Т. Масин атындағы жалпы орта білім беретін мектебінің тарих пәнінің мұғалімі Байболова Сағадат Саржановна да бар.
Сағадат Саржановна кәсіби қызметіндегі жоғары жетістіктері мен ұстаздық еңбегі үшін Батыс Қазақстан облысы әкімінің Алғыс хатымен марапатталды.
Әріптесімізді марапатымен құттықтай отырып, шығармашылық ізденіс, кәсіби биіктер және шәкірттерінің толағай жетістіктерін тілейміз!

Ұстаз еңбегі — ұрпақ болашағына салынған жарқын жол. 🌷

Address

Т. Жароков 27
Oral
090200

Telephone

+77713065753

Website

Alerts

Be the first to know and let us send you an email when Бөкей ордасы ауданының білім беру бөлімі posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Бөкей ордасы ауданының білім беру бөлімі:

Shortcuts

Share

Category