СҚО Тілдерді оқыту орталығы

05/09/2026

5 қыркүйек – Қазақстан халқы тілдері күні. 🇰🇿

Қазақ тіл білімінің негізін салған, ұлт ұстазы Ахмет Байтұрсынұлының туған күні – тіл мерекесімен астасқан айтулы дата.

Алаш арысы қазақ тілінің табиғатын ғылыми тұрғыдан зерделеп, оның грамматикалық құрылымын жүйеледі. Әліпби мен емле мәселесін реттеп, ана тілінде білім берудің негізін қалады. Оның ғылыми еңбектері қазақ тіл білімінің қалыптасуына берік негіз болды.

«Тілі жоғалған ұлттың өзі де жоғалады» деген ұстаныммен ғұмырын ұлтқа қызмет етуге арнаған Ахмет Байтұрсынұлының мұрасы – қазақ тілі үшін мәңгілік құндылық.

Ұлт ұстазының еңбегін ұлықтау – ана тілімізді құрметтеуден басталады.

#тілдерорталығы #5қыркүйектілдеркүні #ахметбайтұрсынұлы #ұлтұстазыахметбайтұрсынұлы

05/09/2026

🇰🇿 5 қыркүйек – Қазақстан халқы тілдері күні!

Тілдерді оқыту орталығының басшысы Жарқын Жұпарханұлы баршаңызды Қазақстан халқы тілдері күнімен құттықтайды!

Тіліміз тұғырлы, ел бірлігі бекем болсын! 🇰🇿

#5қыркүйектілдеркүні #тілдеркүні

04/09/2026

🇰🇿 Қазақстан халқы тілдері күніне орай тағылымды кездесу өтті

Қазақстан халқы тілдері күніне орай Солтүстік Қазақстан облысы Әділет департаментінде «Тіл – асыл қазына» тақырыбында танымдық дәріс ұйымдастырылды.

Іс-шараны Тілдерді оқыту орталығының оқытушысы Әсел Сатыбекқызы жүргізді.

Дәріс барысында мемлекеттік тілдің қоғамдағы маңызы, қазақ тілінің мәртебесі, тіл мәдениеті мен оны күнделікті өмірде қолданудың өзектілігі кеңінен сөз болды. Сонымен қатар тілге деген құрметті арттыру, мемлекеттік тілдің қолданыс аясын кеңейту және әр азаматтың тіл дамытуға қосар үлесі жөнінде маңызды ойлар айтылды.

Кездесу барысында қатысушылар өз ойларымен бөлісіп, тілге қатысты өзекті мәселелер төңірегінде пікір алмасты.

#тілдерорталығы #тілдеркүні #5қыркүйек

04/09/2026

Сәбит Мұқанов атындағы облыстық әмбебап ғылыми кітапханада қыркүйектің 4-і Қазақстан халқы тілдері күні мерекесіне орай «Ана тілім – ажарым, асыл мұрам» атты әдеби-музыкалық кеш өтті. Шараға облыстық тілдерді оқыту орталығы басшысының орынбасары - Орал Жанатов қатысып, жиналған қауымды Қазақстан халқы тілдері мерекесімен және Ахмет Байтұрсынұлының туған күнімен құттықтады. Өз баяндамасында Ұлт ұстазының жазу реформасы, әліпбиі жайында мағлұмат берді. Сондай-ақ Тілдерді оқыту орталығының қызметімен таныстырып, тілді тиімді оқытудың әдіс-тәсілдерімен бөлісті.

03/09/2026

Бүгін облыстық «Қызылжар» телеарнасы мен Тілдерді оқыту орталығы арасында мемлекеттік тілді насихаттау және дамыту саласындағы ынтымақтастық туралы меморандумға қол қойылды. 🤝

Бұл — жай ғана құжат емес. Бұл — мемлекеттік тілдің қолданыс аясын кеңейтіп, қазақ тілін үйренуге ниетті азаматтарға жаңа мүмкіндік ұсынатын маңызды бастама. 🇰🇿

🤝 Ынтымақтастық аясында бірлескен тіл үйрету жобасын жүзеге асыруды жоспарлап отырмыз. Жаңа жоба қыркүйек айынан бастап жаңа телевизиялық маусымда көрерменге жол тартады.

Телевизияның мүмкіндігі мен тіл үйретудің кәсіби тәжірибесін ұштастыра отырып, қазақ тілін үйренуді қолжетімді, қызықты әрі күнделікті өмірмен байланысты форматта ұсынғымыз келеді.

Өйткені тіл — тек оқу пәні емес.

🗣️ Тіл — қарым-қатынас.
💡 Тіл — мүмкіндік.
🤝 Тіл — ортақ құндылық.
🇰🇿 Тіл — елдің бірлігін бекемдейтін күш.

Біздің мақсатымыз — қазақ тілін үйренуге ниетті әр адамға қолдау көрсету және мемлекеттік тілді қоғамның күнделікті өмірінде кеңінен қолдануға үлес қосу.

#тілдерорталығы #меморандум #қызылжартв

21/08/2026

Тілдерді дамыту орталығының мамандары «Шин Line» шина орталығының қызметкерлеріне тіл үйрету бойынша түсіндірме жұмыстарын жүргізді. Алдағы уақытта орталық мамандарымен бірлесіп жұмыс жүргізетін боламыз.

10/08/2026

05/08/2026

Құрметті қала тұрғындары мен қонақтары!

Сіздерді қазақ халқының ұлы ақыны, ойшылы әрі ағартушысы Абай Құнанбайұлының туған күніне орай ұйымдастырылатын «Абай дана, Абай дара» атты облыстық Абай өлеңдерін жатқа оқу байқауына шақырамыз! 📚✨

Іс-шара барысында өзге ұлт өкілдері Абайдың өлеңдерін әр тілде оқып, ал жергілікті жас ақындар өз шығармаларын ұсынады. Бұл — Абай мұрасын дәріптеп, мемлекеттік тіл мен қазақ әдебиетін кеңінен насихаттауға бағытталған рухани мереке.

📍 Өтетін орны: Петропавл қаласы, Қазақстан Конституциясы көшесіндегі Абай мен Пушкин ескерткіштері алдындағы алаң
Басталуы: 10 тамыз
сағат 11:00

Келіңіздер! Көріңіздер!
Абай әлеміне бірге саяхат жасап, рухани кештің куәсі болыңыздар!

Баршаңызды асыға күтеміз!

20/07/2026

🇰🇿🇬🇧Қазақ тілі – енді Оксфордта!

ҚР Ғылым және жоғары білім министрлігі мен Оксфорд университеті арасындағы ынтымақтастық туралы келісім аясында бүгінде аталған жоғары оқу орнында қазақ тілі оқытылып келеді.

Осы бастамаға арналған «Қазақ тілі Оксфордта» атты деректі фильмді «Хабар» телеарнасы түсірді.

Деректі фильмнің алғашқы бөлімін келесі сілтеме арқылы көре аласыздар: https://youtu.be/lhu40WbbzBk?si=5HUJ8bHs_xmsBFqh

✔️Фильмде Ғылым және жоғары білім министрі Саясат Нұрбек қазақ тілін Оксфорд университетінде оқыту бастамасының жүзеге асу тарихы мен оның маңызы туралы әңгімелейді.

10/07/2026

«Әлеуметтік медициналық сақтандыру қоры» мекемесінің қызметкерлеріне арналған 40 сағаттық қазақ тілі курсы өз мәресіне жетті.

Курс оқытушысы – Айнагүл Қатауқызы.

Курс соңында тыңдаушыларға оқу бағдарламасын сәтті аяқтағаны үшін анықтамалар табысталды.