Шымқала Жастары

Шымқала Жастары Шымкент қаласының Жастар ресурстық орталығы. Жастар бағдарламаларын ақпараттандыру

03/09/2026

«КІТАП TIME»: ФАРИЗА ОҢҒАРСЫНОВАНЫҢ ӨЛЕҢДЕРІ ТАЛҚЫЛАНДЫ

Шымкент қаласы әкімдігінің қолдауымен Жастар саясаты басқармасының ұйымдастыруымен «Кітап TIME» әлеуметтік жобасы аясында кезекті әдеби кездесу өтті. А.С. Пушкин атындағы қалалық әмбебап кітапханада Қазақстанның Халық жазушысы, көрнекті ақын Фариза Оңғарсынованың шығармашылығына арналған әдеби талқылау ұйымдастырылды.

«Кітап TIME» жобасының басты мақсаты – жастардың кітап оқуға деген қызығушылығын арттыру, олардың зияткерлік және рухани әлеуетін дамыту, ұлттық әдебиет пен мәдени құндылықтарды кеңінен дәріптеу.

Кездесу барысында қатысушылар Фариза Оңғарсынованың поэзиясына тереңірек үңіліп, ақын өлеңдеріндегі адам тағдыры, махаббат, туған жер, ар-намыс пен рух тақырыптарын талқылады. Сондай-ақ шығармалардың көркемдік ерекшеліктері мен ақынның өзіндік қолтаңбасы жөнінде пікір алмасты.

Әдеби басқосу барысында жастар ақынның өлеңдерін оқып, шығармалардан алған әсерлерімен бөлісті. Фариза поэзиясының бүгінгі жас ұрпақ үшін маңызы мен тәрбиелік мәніне ерекше назар аударылды.

Фариза Оңғарсынованың шығармашылығы – қазақ поэзиясындағы қайсарлық пен сыршылдықты, нәзіктік пен өр рухты қатар тоғыстырған құнды мұра.

«Кіта

ЖӘНІБЕКОВ УНИВЕРСИТЕТІНІҢ 91 СТУДЕНТІ ҚАЛА ӘКІМІНІҢ ГРАНТЫНА ИЕ БОЛДЫШымкентте Білім күніне орай Өзбекәлі Жәнібеков атын...
01/09/2026

ЖӘНІБЕКОВ УНИВЕРСИТЕТІНІҢ 91 СТУДЕНТІ ҚАЛА ӘКІМІНІҢ ГРАНТЫНА ИЕ БОЛДЫ

Шымкентте Білім күніне орай Өзбекәлі Жәнібеков атындағы Оңтүстік Қазақстан педагогикалық университетінің студенттеріне қала әкімінің білім гранттары табысталды.

Биыл университетке білім беру бағдарламаларының барлық деңгейі бойынша 3 020 талапкер қабылданды. Оның ішінде бакалавриатқа түскен 2 439 жастың 529-ы мемлекеттік грантқа, 91-і Шымкент қаласы әкімінің грантына ие болды.

Салтанатты шара барысында қала әкімінің гранттарын Шымкент қаласының жастар саясаты басқармасының басшысы Ә. Әбдәкімов студенттерге табыстады.

Жастарды Білім күнімен құттықтаған басқарма басшысы жаңа оқу жылында білімге басымдық беріп, ғылымға, волонтерлікке, қоғамдық жұмыстарға, спорт пен шығармашылыққа белсенді араласудың маңызды екенін атап өтті.

Қала әкімінің гранты – жастардың жоғары білім алуына мүмкіндік беріп, болашақ мамандарды даярлауға бағытталған қолдаудың бірі. Биыл бұл мүмкіндікке педагогикалық бағытта білім алатын 91 студент ие болып отыр.

Барша студенттерге жаңа оқу жылында сәттілік тілейміз! Білім жолындағы ізденістеріңіз жемісті болып, алған білімдеріңіз бен жинаған тәжірибелеріңіз болашақтағы кәсіби жетістіктеріңізге берік негіз болсын!

27/08/2026

СТУДЕНТТІК ЖАТАҚХАНАЛАРДЫҢ ЖАҢА ОҚУ ЖЫЛЫНА ДАЙЫНДЫҒЫ ТЕКСЕРІЛДІ

Қала әкімінің тапсырмасына сәйкес, Шымкент қаласындағы жоғары және жоғары оқу орнынан кейінгі білім беру ұйымдарының студенттік жатақханаларының жаңа оқу жылына дайындығына мониторинг жүргізілді.

Мониторинг барысында Ж.Тәшенов атындағы университет, Ө.Жәнібеков атындағы Оңтүстік Қазақстан педагогикалық университеті, М.Әуезов атындағы Оңтүстік Қазақстан университеті және Оңтүстік Қазақстан медицина академиясының студенттік жатақханалары қамтылды.

Жұмыс барысында жатақханалардың жаңа оқу жылына дайындығы, студенттерді қабылдау барысы, санитарлық-тазалық жағдайы, тұрмыстық жағдайы және қауіпсіздік талаптарының сақталуы зерделенді.

Жалпы, жатақханалардың басым бөлігі студенттерді қабылдауға дайын. Бірқатар нысандарда студенттерді орналастыру жұмыстары басталған.

Жаңа оқу жылының басталуына санаулы күндер қалуына байланысты студенттерді уақытылы орналастыру, жатақханаларда қауіпсіз әрі қолайлы жағдай қалыптастыру мәселелері тұрақты бақылауда.

Басты мақсат – студенттердің оқу жылын алаңсыз бастап, сапалы білім алуына қажетті жағдай жасау.

🎓 ЖАТАҚХАНА ДАЙЫНДЫҒЫ ТЕКСЕРІЛДІЖаңа оқу жылы қарсаңында Оңтүстік Қазақстан медицина академиясының №1 студенттер жатақха...
27/08/2026

🎓 ЖАТАҚХАНА ДАЙЫНДЫҒЫ ТЕКСЕРІЛДІ

Жаңа оқу жылы қарсаңында Оңтүстік Қазақстан медицина академиясының №1 студенттер жатақханасына тексеру жұмыстары жүргізілді.

Тексеру жұмыстарына Шымкент қаласы жастар саясаты басқармасының басшысы Әкімжан Анарбайұлы Әбдәкімов, «Жастар ресурстық орталығы» КММ-нің басшысы Жансерік Бауыржанұлы Жұман және Шымкент қаласы жастарды қолдау кеңесі төрағасының орынбасары Мерей Еламанқызы Асқар қатысты.

Қонақтарды жатақхананың тыныс-тіршілігімен және студенттерге жасалған жағдайлармен Оңтүстік Қазақстан медицина академиясының проректоры Ербол Қалтұрсынұлы Сәлім таныстырды.

Тексеру барысында жатақхананың санитарлық жағдайы, қауіпсіздік талаптарының сақталуы, бөлмелердің жай-күйі және жаңа оқу жылына дайындығы назарға алынды.

Тексеру нәтижесінде студенттердің жайлы әрі қауіпсіз ортада білім алуына қажетті жағдайларды қамтамасыз ету бойынша тиісті ұсыныстар берілді.

27/08/2026

АЗАМАТТЫ ЖЕКЕ ҚАБЫЛДАУ ӨТТІ

Шымкент қаласы Жастар саясаты басқармасының басшысы Ә. Әбдәкімов азаматты жеке қабылдады.

Қабылдау барысында Ахпамбетова Сандуғаш Нұрлыхановнаның жеке мәселесі тыңдалып, өтініші жан-жақты қаралды. Көтерілген мәселе бойынша тиісті шешім қабылданып, жауапты мамандарға нақты тапсырмалар берілді.

Азаматтың өтінішін қарау және мәселені оң шешу бағытында тиісті жұмыстар жүргізіліп, оның орындалуы бақылауға алынды.

Азаматтардың өтініштері мен ұсыныстарын қарау, мәселелерін шешуге қолдау көрсету бағытындағы жұмыстар тұрақты түрде жалғасады.

Жеке қабылдау әр бейсенбі күні сағат 10:00-ден 11:00-ге дейін өткізіледі.

Жеке қабылдауға тіркелу үшін:
+7 700 657 7232

27/08/2026

ЗАҢ ЖӘНЕ ТӘРТІП: ЖАСТАРДЫҢ ҚҰҚЫҚТЫҚ САУАТЫН АРТТЫРУ

Жастардың құқықтық сауаттылығын арттыру – мемлекет пен қоғам алдындағы маңызды міндеттердің бірі.

Құқықтық білім беру арқылы жас ұрпақ өз құқықтары мен міндеттерін терең түсініп, заң талаптарын сақтауға және қоғамдық тәртіпке жауапкершілікпен қарауға үйренеді.

Осы бағытта мектептерде құқықтық білім беруге ерекше мән беріліп, оқу бағдарламаларына құқық, Конституция және «Заң мен тәртіп» бағытындағы курстарды енгізу қолға алынуда.

Басты мақсат – заңды құрметтейтін, Конституцияны қадірлейтін, өз әрекетіне жауап бере алатын саналы азамат қалыптастыру. Себебі заң талаптарын білу – құқық бұзушылықтың алдын алудың және қауіпсіз қоғам қалыптастырудың маңызды тетігі.

Өкінішке қарай, құқықтық сауаттың жеткіліксіздігі кей жағдайда жастардың өз әрекетінің салдарын толық түсінбеуіне әкелуі мүмкін. Сондықтан жас азаматтарға заң талаптарын қарапайым әрі түсінікті тілде жеткізу, құқықтық мәдениетін қалыптастыру – баршамызға ортақ міндет.

Жастарға берілетін құқықтық білім заман талабына сай, өмірмен байланысты және олардың күнделікті қажеттіліктерін қамтуы қажет.

Заңды білетін, тәртіпті құрметтейтін және жауапкершілікті сез

27/08/2026

ҰРПАҚ ТӘРБИЕСІ – ҰЛТ БОЛАШАҒЫНЫҢ НЕГІЗІ

Бала тәрбиесіне баса мән беру – қоғамның болашағын айқындайтын маңызды міндеттердің бірі. Заң мен тәртіпке, тазалық пен мәдениеттілікке негізделген жаңа қоғамдық этиканы қалыптастыру ең алдымен жас ұрпақтың тәрбиесінен басталады.

Еліміздің болашағы жарқын болсын десек, ең алдымен саналы, білімді, тәрбиелі әрі елжанды ұрпақ қалыптастыруымыз қажет. Жастардың бойына отаншылдық, білімпаздық, еңбекқорлық, жауапкершілік секілді құндылықтарды жастайынан сіңіру – баршамызға ортақ міндет.

Білім беру саласындағы заманауи мектептер мен инновациялық шешімдердің нәтижесі де ең алдымен тәрбиелі әрі білімге ұмтылған ұрпақтың қалыптасуымен өлшенеді.

Бұл ретте отбасы тәрбиесімен қатар, білім беру ұйымдарының, ұстаздардың және тұтас қоғамның жауапкершілігі айрықша.

Бүгінгі бала – ертеңгі азамат. Сондықтан жас ұрпақтың тәрбиесіне салынған әрбір күш пен уақыт – елдің ертеңіне жасалған маңызды инвестиция.

Сапалы білім мен тағылымды тәрбие ұштасқанда ғана ел болашағы берік болады.

27/08/2026

ЖАСТАР – ҮМІТ ПЕН СЕНІМНІҢ БИІГІНДЕ

Жастық шақ – арманға қанат бітіріп, үлкен мақсаттарға ұмтылатын, болашаққа нық қадам жасайтын кезең. Сондықтан мұң мен күйзеліс емес, жігер мен үміт, сенім мен талпыныс жастардың басты серігі болуы тиіс.

Өз халқының тарихын терең түсінетін, өткеннен сабақ алып, болашаққа сеніммен қарайтын ұрпақ – елдің ең үлкен құндылығы.

Бүгінгі жастар қандай қиындық болса да еңсеруге дайын, өз күшіне сенетін, жаңа мүмкіндіктерге ұмтылатын жасампаз буын болуы қажет. Әрбір жастың бойындағы сенім мен жігер – қоғамның дамуына серпін беретін күш.

Біз өз күш-қуатымызға сенетін, білімге ұмтылатын, еңбекпен биікке жетуді көздейтін мықты ұлт қалыптастыруға тиіспіз.

Жастардың бойындағы оптимизм мен өмірге деген құштарлық – ел болашағына деген сенімнің көрінісі.

Жігерлі жас – жарқын болашақтың бастауы.

Address

Туркестанская 1
Shymkent
160000

Website

Alerts

Be the first to know and let us send you an email when Шымқала Жастары posts news and promotions. Your email address will not be used for any other purpose, and you can unsubscribe at any time.

Shortcuts

Share

Category