https://www.facebook.com/208961135962088/

Social Environmental Education and Development - SEED, Ban Dongdok, Ban Dôngdôk (2026)

22/03/2026

World Water Day💧
ນໍ້າຄືສາຍໃຍແຫ່ງຊີວິດ: ຈາກແມ່ນໍ້າທົ່ວໂລກ ສູ່ຄວາມສຳຄັນຂອງແມ່ນໍ້າຂອງ
ວັນນໍ້າໂລກ (World Water Day) ເຊິ່ງກົງກັບວັນທີ 22 ມີນາ ຂອງທຸກໆປີ ແມ່ນມື້ທີ່ເຕືອນໃຫ້ພວກເຮົາເຫັນເຖິງຄຸນຄ່າອັນສໍາຄັນຂອງຊັບພະຍາກອນນໍ້າ. ນໍ້າບໍ່ພຽງແຕ່ເປັນປັດໄຈພື້ນຖານໃນການດຳລົງຊີວິດຂອງມະນຸດ ແລະ ສິ່ງທີ່ມີຊີວິດເທົ່ານັ້ນ, ແຕ່ຍັງເປັນກົນໄກຫຼັກໃນການຂັບເຄື່ອນເສດຖະກິດ, ການຜະລິດສະບຽງອາຫານ ແລະ ການຮັກສາລະບົບນິເວດໃຫ້ມີຄວາມສົມດຸນ.
ສຳລັບ ສປປ ລາວ, ພວກເຮົາມີຄວາມຜູກພັນຢ່າງເລິກເຊິ່ງກັບ ແມ່ນໍ້າຂອງ, ເຊິ່ງປຽບເໝືອນ "ເສັ້ນເລືອດໃຫຍ່" ທີ່ລໍ່ລ້ຽງຊີວິດຄົນລາວມາຫຼາຍເຊັ່ນຄົນ. ແມ່ນໍ້າຂອງເປັນແຫຼ່ງທີ່ສຳຄັນໃນການໃຊ້ຊີວິດຂອງສັດນໍ້າ, ເປັນພື້ນຖານໃຫ້ແກ່ການເຮັດກະສິກຳ, ການຜະລິດພະລັງງານໄຟຟ້ານໍ້າຕົກ ແລະ ການຄົມມະນາຄົມ. ນອກຈາກນັ້ນ, ວັດທະນະທຳ ແລະ ຮີດຄອງປະເພນີຂອງລາວຫຼາຍຢ່າງ ກໍມີຮາກເຫງົ້າມາຈາກສາຍນໍ້າແຫ່ງນີ້.
ເຖິງຢ່າງໃດກໍຕາມ, ໃນປັດຈຸບັນ ແມ່ນໍ້າຂອງ ແລະ ແຫຼ່ງນໍ້າທົ່ວໂລກກຳລັງຜະເຊີນກັບສິ່ງທ້າທາຍຈາກການປ່ຽນແປງສະພາບພູມອາກາດ ແລະ ການນຳໃຊ້ທີ່ບໍ່ຍືນຍົງ. ການປົກປັກຮັກສາແຫຼ່ງນໍ້າໃຫ້ສະອາດ ແລະ ມີຄວາມອຸດົມສົມບູນ ຈຶ່ງບໍ່ແມ່ນໜ້າທີ່ຂອງໃຜຜູ້ໜຶ່ງ, ແຕ່ແມ່ນຄວາມຮັບຜິດຊອບຂອງພວກເຮົາທຸກຄົນ. ມາຮ່ວມກັນປະຢັດນໍ້າ ແລະ ປົກປັກຮັກສາສາຍນໍ້າ ເພື່ອອະນາຄົດທີ່ຍືນຍົງຂອງຄົນຮຸ່ນຫຼັງ.

ແຫຼ່ງຂໍ້ມູນອ້າງອີງ:
1. United Nations: World Water Day official website (unwater.org).
2. Mekong River Commission (MRC): ບົດລາຍງານກ່ຽວກັບສະພາບ ແລະ ຄວາມສຳຄັນຂອງແມ່ນໍ້າຂອງ.
3. ກົມຊັບພະຍາກອນນໍ້າ, ກະຊວງກະສິກໍາ ແລະ ສິ່ງແວດລ້ອມ: ຂໍ້ມູນກ່ຽວກັບການຄຸ້ມຄອງຊັບພະຍາກອນນໍ້າໃນ ສປປ ລາວ.

21/03/2026

🌳 ປ່າໄມ້ ແລະ ນະວັດຕະກໍາ: ຫົວໃຈຫຼັກຂອງການພັດທະນາທີ່ຍືນຍົງ
ວັນປ່າໄມ້ສາກົາ ຖືກກໍານົດເອົາວັນທີ 21 ມີນາ ຂອງທຸກໆປີ ເພື່ອສ້າງຄວາມຕື່ນຕົວໃຫ້ທົ່ວໂລກເຫັນໄດ້ເຖິງຄຸນປະໂຫຍດຂອງຊັບພະຍາກອນປ່າໄມ້. ສໍາລັບປີ 2024-2026, ອົງການສະຫະປະຊາຊາດໄດ້ເນັ້ນໃສ່ຫົວຂໍ້ກ່ຽວກັບ "ປ່າໄມ້ ແລະ ນະວັດຕະກໍາ" ເພື່ອຊີ້ໃຫ້ເຫັນວ່າ ເຕັກໂນໂລຊີໃໝ່ໆ ສາມາດຊ່ວຍໃນການຕິດຕາມ ແລະ ປົກປັກຮັກສາປ່າໄມ້ໃຫ້ມີປະສິດທິພາບຫຼາຍກວ່າເກົ່າ.

ສຳລັບ ສປປ ລາວ, ປ່າໄມ້ປຽບເຫມືອດັ່ງ "ມໍລະດົກ" ແຫ່ງຊີວິດ ແລະ ເປັນພື້ນຖານຂອງຄວາມໝັ້ນຄົງທາງດ້ານສະບຽງອາຫານ. ລັດຖະບານລາວໄດ້ວາງເປົ້າໝາຍເພີ່ມເນື້ອທີ່ການປົກຫຸ້ມຂອງປ່າໄມ້ໃຫ້ໄດ້ 70% ຂອງເນື້ອທີ່ທົ່ວປະເທດ. ວັນປ່າໄມ້ສາກົນໃນລາວ ບໍ່ພຽງແຕ່ແມ່ນການສະເຫຼີມສະຫຼອງ, ແຕ່ແມ່ນການລະດົມກຳລັງແຮງຂອງທົ່ວສັງຄົມ, ໂດຍສະເພາະແມ່ນຊາວໜຸ່ມ ແລະ ອາສາສະໝັກ ໃຫ້ເຂົ້າມາມີສ່ວນຮ່ວມໃນການປູກຕົ້ນໄມ້, ຟື້ນຟູປ່າຊຸດໂຊມ ແລະ ຕ້ານການປ່ຽນແປງຂອງສະພາບພູມອາກາດ.

ການປົກປັກຮັກສາປ່າໄມ້ໃນລາວ ຍັງໄດ້ເຊື່ອມໂຍງກັບການນໍາໃຊ້ຄວາມຮູ້ທ້ອງຖິ່ນ ຮ່ວມກັບເຕັກນິກການຄຸ້ມຄອງແບບທັນສະໄໝ ເພື່ອຮັບປະກັນວ່າລະບົບນິເວດຈະຍັງຄົງຄວາມສົມບູນ ໃຫ້ແກ່ຄົນຮຸ່ນຫຼັງ. ການຮັກສາປ່າ ຈຶ່ງບໍ່ແມ່ນໜ້າທີ່ຂອງໃຜຜູ້ໜຶ່ງ, ແຕ່ແມ່ນພັນທະຂອງພວກເຮົາທຸກຄົນເພື່ອໂລກທີ່ຂຽວງາມ ແລະ ຍືນຍົງ.

ແຫຼ່ງຂໍ້ມູນອ້າງອີງ:
1.⁠ ⁠United Nations (UN): International Day of Forests Official Page.
2.⁠ ⁠Food and Agriculture Organization (FAO): ບົດລາຍງານກ່ຽວກັບສະພາບປ່າໄມ້ໂລກ.
3.⁠ ⁠ກົມປ່າໄມ້, ກະຊວງກະສິກຳ ແລະ ປ່າໄມ້ (ສປປ ລາວ): ແຜນຍຸດທະສາດປ່າໄມ້ ປີ 2030 ແລະ ເປົ້າໝາຍການປົກຫຸ້ມປ່າໄມ້ 70%.

10/03/2026

🌱 SEED Volunteer Orientation 2026
ໃນວັນທີ 21 ກຸມພາ 2026 ໜ່ວຍປະຕິບັດການ ການສຶກສາ ພັດທະນາສັງຄົມ ແລະ ສິ່ງແວດລ້ອມ (SEED) ໄດ້ຈັດກິດຈະກໍາ ປະຖົມນິເທດສໍາລັບອາສາສະໝັກລຸ້ນໃໝ່.

ເພື່ອແນະນໍາບົດບາດ ແລະ ແນວທາງການດໍາເນີນງານ, ພ້ອມສ້າງຄວາມເຂົ້າໃຈກ່ຽວກັບບົດບາດຂອງອາສາສະໝັກໃນການຂັບເຄື່ອນກິດຈະກໍາດ້ານສັງຄົມ ແລະ ສິ່ງແວດລ້ອມ.

ກິດຈະກໍານີ້ເປັນຈຸດເລີ່ມຕົ້ນສໍາຄັນໃນການກຽມຄວາມພ້ອມໃຫ້ແກ່ອາສາສະໝັກໃໝ່ໄດ້ຮຽນຮູ້, ແລກປ່ຽນປະສົບການ ແລະ ຮ່ວມມືກັນຂັບເຄື່ອນກິດຈະກໍາເພື່ອສັງຄົມ ແລະ ສິ່ງແວດລ້ອມຢ່າງຍືນຍົງ🌿

ສຸດທ້າຍນີ້, ຂໍຕ້ອນຮັບອາສາສະໝັກໃໝ່ທຸກຄົນສູ່ການເປັນສ່ວນໜຶ່ງຂອງຄອບຄົວອາສາສະໝັກ SEED 🌱✨

07/03/2026

Social Environmental Education and Development
📢 ຂໍປະກາດຢ່າງເປັນທາງການ

ຄະນະບໍລິຫານງານ ໜ່ວຍປະຕິບັດການ ການສຶກສາ ພັດທະນາສັງຄົມ ແລະ ສິ່ງແວດລ້ອມ (SEED) ປະຈຳສົກປີ 2025-2026 ຮຸ່ນທີ XIV ທັງໝົດ 05 ຄົນ.

ທ. ສີສະຫວັນ ແສນບຸນຊູ - ປະທານ ຊີ້ນໍາລວມ
ນ. ສະໃບແກ້ວ ແກ້ວດາລາ - ຮອງປະທານ ຊີ້ນໍາໜ່ວຍງານ ກິດຈະກໍາ
ນ. ສຸດທິດາ ແກ້ວມະນີວົງ - ຄະນະປະທານ ຊີ້ນໍາໜ່ວຍງານ ແຜນການ ແລະ ປະສານງານ
ນ. ພອນທິດາ ເຊັງວົງ - ຄະນະປະທານ ຊີ້ນໍາໜ່ວຍງານ ໂຄສະນາ ແລະ ຂໍ້ມູນຂ່າວສານ
ທ. ທະນູພົນ ລື້ວັນໄຊ - ຄະນະປະທານ ຊີ້ນໍາໜ່ວຍງານ ບໍລິຫານ ແລະ ປະເມີນຜົນ

ຂໍຂອບໃຈສຳລັບທຸກຄະແນນສຽງໂຫວດ ແລະ ຄວາມໄວ້ວາງໃຈຕໍ່ພວກເຮົາ.

🌱 ໃນຖານະຄະນະບໍລິຫານງານ SEED XIV ພວກເຮົາຈະຂໍສືບສານ-ສານຕໍ່ດຳເນີນ ກິດຈະກຳຢ່າງສ້າງສັນ ແລະ ຈັດຕັ້ງປະຕິບັດວຽກງານ ດ້ານການພັດທະນາສັງຄົມ ແລະ ສິ່ງແວດລ້ອມ ເພື່ອບັນລຸຕາມຈຸດປະສົງ ແລະ ເປົ້າໝາຍຢ່າງເຕັມທີ່ຕະຫຼອດໄລຍະເວລາຂອງການດໍາລົງຕໍາແໜ່ງ.
_____________________--_______________________
Social Environmental Education and Development (SEED)
📢 Official Announcement

The Executive Board of the Social Environmental Education and Development (SEED) Volunteer Unit for the academic year 2025–2026 (Generation XIV) consists of 5 members as follows:

Mr. Sisavanh SENBOUNXOU – President, Leader
Ms. Sabaikeo KEODALA – Vice President, Head of Activity Unit
Ms. Soutthida KEOMANYVONG – Executive Board, Head Planning and Coordination Unit
Ms. Phonethida XENGVONG – Executive Board, Head of Information and Advertising Unit
Mr. Thanouphon LUEVUNXAI – Executive Board, Head of Administration and Evaluation Unit

We would like to express our sincere gratitude for all the votes and the trust placed in us.

🌱 As the SEED Executive Board, Generation XIV, we are committed to continuing and strengthening our activities with creativity and dedication. We will work together to implement initiatives that promote social and environmental development, striving to achieve our goals and objectives throughout our term of service.

28/02/2026

📢 ຂໍເຊີນຊວນຮ່ວມແບ່ງປັນນໍ້າໃຈ 💚
ໜ່ວຍປະຕິບັດການ ການສຶກສາ ພັດທະນາສັງຄົມ ແລະ ສິ່ງແວດລ້ອມ (SEED) ຂໍເປີດຮັບບໍລິຈາກ ອຸປະກອນການຮຽນ ແລະ ເສື້ອຜ້າມືສອງສະພາບດີ ເພື່ອສົ່ງຕໍ່ໂອກາດ ແລະ ຮອຍຍິ້ມໃຫ້ກັບຜູ້ທີ່ຕ້ອງການຄວາມຊ່ວຍເຫຼືອ 🤝✨

📅 ເລີ່ມແຕ່ວັນທີ 28 ກຸມພາ – 15 ມີນາ 2026
⏰ເວລາ 07:00 – 16:00 (ຕາມໂມງລັດຖະການ)

📍ສະຖານທີ່ຮັບບໍລິຈາກ:
ຄະນະວິທະຍາສາດສິ່ງແວດລ້ອມ, ພະແນກຄຸ້ມຄອງນັກສຶກສາ
🚚 ຫຼື ສາມາດບໍລິຈາກຜ່ານຊ່ອງທາງອອນໄລນ໌ໄດ້ທີ່:
ຂົນສົ່ງ ອານຸສິດ, ສາຂາ ຕະຫຼາດເຂດ (ມຊ)

📦 ສິ່ງຂອງທີ່ໄດ້ຮັບບໍລິຈາກທັງໝົດ ຈະຖືກນໍາໄປມອບໃຫ້ແກ່ໂຮງຮຽນ ປະຖົມສົມບູນ ພູເກົ້ານາງ ແລະ ຄອບຄົວໃນພື້ນທີ່ບ້ານພູເກົ້ານາງ, ເມືອງທຸລະຄົມ, ແຂວງວຽງຈັນ ເຊິ່ງເປັນພື້ນທີ່ເປົ້າໝາຍທີ່ຍັງຂາດແຄນ ເພື່ອສະໜັບສະໜຸນການສຶກສາ ແລະ ເສີມສ້າງຄວາມເປັນຢູ່ ຄຸນນະພາບຊີວິດທີ່ດີຂອງເດັກນ້ອຍ ແລະ ຊຸມຊົນໃຫ້ດີຍິ່ງຂຶ້ນ.

ທຸກການໃຫ້ຂອງທ່ານ ຄືການສ້າງໂອກາດ ແລະ ພະລັງໃຈໃຫ້ແກ່ສັງຄົມ, ມາຮ່ວມເປັນສ່ວນໜຶ່ງຂອງການແບ່ງປັນໃນຄັ້ງນີ້ໄປນໍາກັນ.

23/02/2026

Congratulations 🎊 to our official new member!
ຂໍສະແດງຄວາມຍິນດີນຳທຸກຄົນທີ່ໄດ້ເຂົ້າມາເປັນສະມາຊິກຢ່າງເປັນທາງການຂອງ ໜ່ວຍປະຕິບັດການ ການສຶກສາ ພັດທະນາສັງຄົມ ແລະ ສິ່ງແວດລ້ອມ (SEED) ປະຈຳສົກປີ 2025-2026 ລຸ້ນທີ XV💚.

ຜ່ານມາພວກເຮົາໄດ້ເຫັນເຖິງຄວາມຕັ້ງໃຈ ແລະ ຄວາມຫ້າວຫັນຂອງທຸກຄົນບໍ່ວ່າຈະເປັນໃນເຂົ້າຮ່ວມກິດຈະກໍາທີ່ຜ່ານມາ ຫຼື ທັງໃນຮອບສໍາພາດ, ເຊິ່ງທຸກຄົນໃນຕອນນີ້ກໍໄດ້ກາຍມາເປັນສ່ວນຫນຶ່ງຂອງຄອບຄົວ SEED ແລ້ວ.

ສຳລັບຜູ້ໃດທີ່ພາດໂອກາດໃນຄັ້ງນີ້ແມ່ນບໍ່ຕ້ອງເສຍໃຈໄປ, ເພາະໜ່ວຍງານຂອງພວກເຮົາມີການເປີດຮັບສະໝັກອາສາສະໝັກໃໝ່ໃນທຸກໆປີ.
ສຸດທ້າຍນີ້, ຂໍຍິນດີຕ້ອນຮັບສະມາຊິກໃໝ່ ລຸ້ນທີ XV ທຸກຄົນທີ່ໄດ້ເຂົ້າມາເປັນສ່ວນໜຶ່ງຂອງ SEED ຢ່າງເປັນທາງການ.

13/02/2026

📢 AEYN is opening applications for our mentorship
program! This spring, join our eighth cohort as a mentee or mentor to meet other talented youth and professionals working on climate in Asia. Our two-month program, running from March 1 to May 3, pairs students and recent graduates with Asian sustainability professionals for 1:1 coaching. We also provide job application bootcamps, upskilling sessions, and other fun workshops to hone your skills!
Apply with the links in bio by February 14!
https://www.instagram.com/p/DTqLsoXEcTz/

11/02/2026

📹 ບັນຍາກາດການເດີນທາງ ແລະ ມື້ທໍາອິດຂອງການລົງຈັດຕັ້ງປະຕິບັດກິດຈະກໍາເຜີຍແຜ່ ແລະ ປູກຈິດສໍານຶກດ້ານສິ່ງແວດລ້ອມ ການອະນຸຮັກປ່າໄມ້, ສັດນ້ຳ ແລະ ສັດປ່າ.

🌱 ໜ່ວຍປະຕິບັດການ ການສຶກສາພັດທະນາສັງຄົມ ແລະ ສິ່ງແວດລ້ອມ ຈະມີການຈັດກິດຈະກຳປູກຈິດສຳນຶກ ດ້ານສິ່ງແວດລ້ອມ ການອະນຸຮັກປ່າໄມ້, ສັດນ້ຳ ແລະ ສັດປ່າໃນເຂດອ່າງຮັບນ້ຳ ເຊປຽນ-ເຊນ້ຳນ້ອຍ 🦍 ເຊິ່ງຈັດຂຶ້ນລະຫວ່າງວັນທີ 25-31 ມັງກອນ 2026 ທີ່ ເມືອງປາກຊ່ອງ ແຂວງຈຳປາສັກ ແລະ ເມືອງສາມັກຄີໄຊ ແຂວງອັດຕະປື ໂດຍກິດຈະກຳດັ່ງກ່າວແມ່ນໄດ້ຮັບການສະໜັບສະໜູນຈາກ “ບໍລິສັດໄຟຟ້າ ເຊປຽນ-ເຊນ້ຳນ້ອຍ ຈຳກັດ”.
ດັ່ງນັ້ນ, ພວກເຮົາຈຶ່ງຂໍສະແດງຄວາມຂອບໃຈ 🙏🏻 ຢ່າງສູງມາຍັງຜູ້ສະຫນັບສະໜູນຂອງພວກເຮົາ ທີ່ໄດ້ໃຫ້ການສະຫນັບສະຫນູນກິດຈະກໍາປູກຈິດສໍານຶກດ້ານສິ່ງແວດລ້ອມ, ການອະນຸຮັກສາປ່າໄມ້, ສັດນໍ້າ ແລະ ສັດປ່າ ໃຫ້ກັບຊຸມຊົນໃນເຂດອ່າງນ້ຳ ເຊປຽນ-ເຊນ້ຳນ້ອຍ.

09/02/2026

ລວມຍອດຮ່ວມກິນທານນໍາ ທ. ພຸດທະສອນ ແພງມະນີ (ຈີໂອ) ເປັນຈໍານວນທັງໝົດ 2,500,000 ກີບ
ອຈ. ສຸລິຈັນ ລໍາໄຊ (SEED I) 200,000
ອຈ. ແສງວິໄລວັນ ສິງທະວີຄູນ (SEED I) 200,000
ນ. ພອນທິດາ ເຊັງວົງ (SEED XIV) 50.000
ໂອນຜ່ານບັນຊີຊີດ 18 ຄົນ

09/02/2026

ມື້ທີ 5 ໃນວັນທີ 30 ມັງກອນ 2026 ຖືເປັນການສິ້ນສຸດ ກັບການລົງຈັດຕັ້ງປະຕິບັດກິດຈະກໍາເຜີຍແຜ່ ແລະ ປູກຈິດສໍານຶກດ້ານສິ່ງແວດລ້ອມ ການອະນຸຮັກປ່າໄມ້, ສັດນ້ຳ ແລະ ສັດປ່າ ຮ່ວມກັບພໍ່ແມ່ປະຊາຊົນຢູ່ບ້ານ ລະຍາວໃຕ້ ແລະ ນ້ອງໆທີ່ ໂຮງຮຽນ ມສ ໜອງລົມ.
🌱 ໜ່ວຍປະຕິບັດການ ການສຶກສາພັດທະນາສັງຄົມ ແລະ ສິ່ງແວດລ້ອມ ຈະມີການຈັດກິດຈະກຳປູກຈິດສຳນຶກ ດ້ານສິ່ງແວດລ້ອມ ການອະນຸຮັກປ່າໄມ້, ສັດນ້ຳ ແລະ ສັດປ່າໃນເຂດອ່າງຮັບນ້ຳ ເຊປຽນ-ເຊນ້ຳນ້ອຍ 🦍 ເຊິ່ງຈັດຂຶ້ນລະຫວ່າງວັນທີ 25-31 ມັງກອນ 2026 ທີ່ ເມືອງປາກຊ່ອງ ແຂວງຈຳປາສັກ ແລະ ເມືອງສາມັກຄີໄຊ ແຂວງອັດຕະປື ໂດຍກິດຈະກຳດັ່ງກ່າວແມ່ນໄດ້ຮັບການສະໜັບສະໜູນຈາກ “ບໍລິສັດໄຟຟ້າ ເຊປຽນ-ເຊນ້ຳນ້ອຍ ຈຳກັດ”.
ດັ່ງນັ້ນ, ພວກເຮົາຈຶ່ງຂໍສະແດງຄວາມຂອບໃຈ 🙏🏻 ຢ່າງສູງມາຍັງຜູ້ສະຫນັບສະໜູນຂອງພວກເຮົາ ທີ່ໄດ້ໃຫ້ການສະຫນັບສະຫນູນກິດຈະກໍາປູກຈິດສໍານຶກດ້ານສິ່ງແວດລ້ອມ, ການອະນຸຮັກສາປ່າໄມ້, ສັດນໍ້າ ແລະ ສັດປ່າ ໃຫ້ກັບຊຸມຊົນໃນເຂດອ່າງນ້ຳ ເຊປຽນ-ເຊນ້ຳນ້ອຍ.
🌱 ຈຸດປະສົງ:
1.⁠ ⁠ເພື່ອເຜີຍແຜ່ຄວາມຮູ້ກ່ຽວກັບ ບັນຊີສັດປ່າ, ກົດໝາຍ ແລະ ມາດຕະການຕໍ່ຜູ້ລະເມີດທີ່ກ່ຽວຂ້ອງກັບສັດປ່າ
2.⁠ ⁠⁠ເພື່ອໃຫ້ຜູ້ເຂົ້າຮ່ວມຮູ້ຈັກແລະເຂົ້າໃຈກ່ຽວກັບບັນດາພະຍາດຕ່າງໆທີ່ສາມາດແຜ່ລະບາດຈາກສັດສູ່ຄົນ
3.⁠ ⁠⁠ເພື່ອເຜີຍແຜ່ການອະນຸຮັກປ່າໄມ້-ປູກຈິດສຳນຶກກ່ຽວກັບການປົກປັກຮັກສາສິ່ງແວດລ້ອມ
4.⁠ ⁠⁠ເພື່ອເຜີຍແຜ່ການອະນຸຮັກສັດນ້ຳແລະສັດປ່າໃນເຂດອ່າງນ້ຳ ເຊປຽນ-ເຊນ້ຳນ້ອຍ

03/02/2026

ໃນວັນທີ 29/01/2026 ເຊິ່ງເປັນມື້ທີ 4 ຂອງນັກສຶກສາອາສາສະໝັກຂອງພວກເຮົາທີ່ໄດ້ມີໂອກາດເຂົ້າໄປຢ້ຽມຊົມ ເຮືອນຈັກໄຟຟ້າພະລັງງານນໍ້າ ເຊປຽນ-ເຊນໍ້າ ໃນລະຫວ່າງການລົງຈັດຕັ້ງປະຕິບັດກິດຈະກໍາເຜີຍແຜ່ປູກຈິດສໍານຶກ.
🌿ໜ່ວຍປະຕິບັດການ ການສຶກສາພັດທະນາສັງຄົມ ແລະ ສິ່ງແວດລ້ອມ ຈະມີການຈັດກິດຈະກຳປູກຈິດສຳນຶກ ດ້ານສິ່ງແວດລ້ອມ ການອະນຸຮັກປ່າໄມ້, ສັດນ້ຳ ແລະ ສັດປ່າໃນເຂດອ່າງຮັບນ້ຳ ເຊປຽນ-ເຊນ້ຳນ້ອຍ 🦍 ເຊິ່ງຈັດຂຶ້ນລະຫວ່າງວັນທີ 25-31 ມັງກອນ 2026 ທີ່ ເມືອງປາກຊ່ອງ ແຂວງຈຳປາສັກ ແລະ ເມືອງສາມັກຄີໄຊ ແຂວງອັດຕະປື ໂດຍກິດຈະກຳດັ່ງກ່າວແມ່ນໄດ້ຮັບການສະໜັບສະໜູນຈາກ “ບໍລິສັດໄຟຟ້າ ເຊປຽນ-ເຊນ້ຳນ້ອຍ ຈຳກັດ”.
ດັ່ງນັ້ນ, ພວກເຮົາຈຶ່ງຂໍສະແດງຄວາມຂອບໃຈ 🙏🏻 ຢ່າງສູງມາຍັງຜູ້ສະຫນັບສະໜູນຂອງພວກເຮົາ ທີ່ໄດ້ໃຫ້ການສະຫນັບສະຫນູນກິດຈະກໍາປູກຈິດສໍານຶກດ້ານສິ່ງແວດລ້ອມ, ການອະນຸຮັກສາປ່າໄມ້, ສັດນໍ້າ ແລະ ສັດປ່າ ໃຫ້ກັບຊຸມຊົນໃນເຂດອ່າງນ້ຳ ເຊປຽນ-ເຊນ້ຳນ້ອຍ.
🌱 ຈຸດປະສົງ:
1.⁠ ⁠ເພື່ອເຜີຍແຜ່ຄວາມຮູ້ກ່ຽວກັບ ບັນຊີສັດປ່າ, ກົດໝາຍ ແລະ ມາດຕະການຕໍ່ຜູ້ລະເມີດທີ່ກ່ຽວຂ້ອງກັບສັດປ່າ
2.⁠ ⁠⁠ເພື່ອໃຫ້ຜູ້ເຂົ້າຮ່ວມຮູ້ຈັກແລະເຂົ້າໃຈກ່ຽວກັບບັນດາພະຍາດຕ່າງໆທີ່ສາມາດແຜ່ລະບາດຈາກສັດສູ່ຄົນ
3.⁠ ⁠⁠ເພື່ອເຜີຍແຜ່ການອະນຸຮັກປ່າໄມ້-ປູກຈິດສຳນຶກກ່ຽວກັບການປົກປັກຮັກສາສິ່ງແວດລ້ອມ
4.⁠ ⁠⁠ເພື່ອເຜີຍແຜ່ການອະນຸຮັກສັດນ້ຳແລະສັດປ່າໃນເຂດອ່າງນ້ຳ ເຊປຽນ-ເຊນ້ຳນ້ອຍ

Social Environmental Education and Development - SEED

22/03/2026

21/03/2026

10/03/2026

07/03/2026

28/02/2026

23/02/2026

13/02/2026

11/02/2026

09/02/2026

09/02/2026

03/02/2026

Address

Telephone

Website

Alerts

Contact The Organization

Shortcuts

Share